རྒྱ་ཡིག་གི་དྲ་ལམ་ཁག་ཅིག་ཏུ་གནས་ཚུལ་ཐོན་པ་ལྟར་ན། དེ་རིང་ཕྱི་དྲོར་ད་ལྟའི་བོད་རང་སྐྱོང་ལྗོངས་ཀྱི་ཁོངས་གཏོགས་འདམ་གཞུང་རྫོང་དུ་ཚད་རིམ་ལྔ་ཚེག་གཉིས་ ༥ , ༢ ཅན་གྱི་ས་འགུལ་ཆེན་པོ་ཞིག་བྱུང་ཡོད་འདུག འདི་ནི་ཕྱི་ལོ་ ༢༠༠༨ ཟླ་ ༡༠ ཚེས་ ༦ ཉིན་འདམ་གཞུང་ལ་ས་འགུལ་བྱུང་བའི་རྗེས་ཀྱི་འགུལ་ཤུགས་ཆེ་ཤོས་དེ་ཆགས་ཡོད་འདུག ཐེངས་འདིའི་ས་འགུལ་གྱི་ལྟེ་བ་དེ་འདམ་གཞུང་རྫོང་གི་རྒྱས་དར་གྲོང་རྡལ་ས་ཆར་འཁེལ་ཡོད་པ་དང་། གྲོང་རྡལ་དེར་ཁྱོན་མི་གྲངས་ ༤༡༦༧ ཙམ་ཡོད་འདུག་ལ། ས་འགུལ་འདིའི་ཐད་འདམ་གཞུང་རྫོང་གི་དྲུང་ཆེ་ཡཱའུ་པའོ་ཡིས་བརྗོད་པ་ལྟར་ན། མི་ལ་ཤི་རྨས་དང་ཕྱུགས་རིགས་ལ་གོད་ཆག་ཐེབས་མེད་མོད། ཁང་པ་དང་ལམ་ཁ་འགའ་རེར་གཏོར་སྐྱོན་ཐེབས་ཡོད་སྐོར་བཤད་འདུག གཞན་ད་སྔ་ཞིབ་ཕྲའི་གནས་ཚུལ་གང་ཡང་ཐོན་མི་འདུག འདམ་གཞུང་རྫོང་ནི་བོད་རང་སྐྱོང་ལྗོངས་ཟེར་བའི་བྱང་ངོས་སུ་ཡོད་པའི་བོད་རིགས་འབྲོག་པ་རྐྱང་རྐྱང་གི་རྫོང་ཞིག་ཡིན་ཞིང་། ད་ལྟའི་ཆར་གནམ་གཤིས་ཧ་ཅང་གྲང་བའི་སྐབས་ཡིན།
སྙིང་རྗེ།།། རང་བྱུང་གི་གནོད་འཚེ་ལ་ལྡོག་ཏུ་མེད་ཀྱང་གྲང་ངར་གྱི་གནམ་གཤིས་ནང་དུ་མྱང་བཞིན་པའི་ཡུལ་མི་ཚོ་ལ་མལ་ཆས་དང་སྡོད་ཁང་སོགས་རོགས་སྐྱོར་མྱུར་དུ་ཡོང་བར་གཟིགས།།།
འདམ་གཞུང་ས་ཁུལ་ཏུ་ས་འགུལ་བྱུང་བ་བློ་ཕམ་གྱི་རང་བཞིན་ལས་མ་འདས།
འདམ་གཞུང་ས་ཁུལ་ཏུ་ས་འགུལ་བྱུང་བ་བློ་ཕམ་གྱི་རང་བཞིན་ལས་མ་འདས། ཡིན་ཡང་ཞིབ་ཕྲའི་གནས་ཚུལ་གང་ཡིན་མུ་མཐུད་དུ་ཡོད་པར་ཞུ། གསར་འགྱུར་འདི་རིགས་དུས་ཐོག་སྤེལ་དགོས་པ་ནི་ཤིན་ཏུ་ནས་གལ་ཆེ་ལ་སོང་གནས་ཚུལ་འཕྲལ་ཏུ་སྤེལ་བར་ཐུགས་རྗེ་ཆེ།
༄༅། །ས་འགུལ་བྱུང་བའི་གནས་ཚུལ་གོ་བ་སེམས་ཕམ་བྱུང་ཡང་སྤུན་ཟླའི་ཚེ་སྲོག་ལ་སྐྱོན་བྱུང་མེད་པར་དགའ་འོས་པའི་གནད་དོན་ཞིག་ཡིན།
འོན་ཀྱང་འདི་དག་ནི་སུས་ལྔོག་ཏུ་མེད་པའི་སྔོན་ངེད་བོད་པ་ཚང་གིས་བསགས་པའི་ལས་ཀྱི་རྣམ་སྨིན་ཡིན་པ་ལས་ཆེད་དུ་གཉེར་ནས་བྱེད་་པ་ཞིག་མིན་པས་སུ་ལའང་ཉེས་འཛུག་ས་མེད། འོད་ཀྱང་བློ་མི་ཕམ་པར་་སྡད་ས་མི་འདུག་ཀྱང་བྱ་ཐབས་གང་ཡང་མི་འདུག སྤུན་ཟླ་ལགས་ཁྱོད་ཀྱི་ཐུགས་བསམ་རྣོ་པོ་ཞིག་ཐོང་དང་ད་ངེད་བོད་པ་ཚང་གི་ཅི་བྱ་ན་བཟང་ངམ།
གནམ་ལྕགས་ཐོག་དང་གཅིག ཆར་རླུང་དྲགས་པོ་དང་གཉིས། ས་རིམ་པ་དགུ་གཡོ་བ་དང་གསུམ། ཆུ་ཆེན་པོ་མྱོ་བ་དང་བཞི། མེའི་འབྱུང་བའི་གནོད་པ་དང་ལྔ། གངས་ཆེན་པོའི་གནོན་པ་དང་དྲུག སེར་ཆེན་གྱི་ལོ་ཏོག་བཅོམ་པ་དང་བདུན རྒྱ་ཁྲིམས་དམར་པོས་བཙིར་བ་དང་བརྒྱད ཆོལ་ཁ་ཆོས་ལུགས་བརྩོད་པ་དང་དགུའོ།
བཟང་པོ་བཅུ་མཛོམ་ངའི་མི་ཤེས། ངན་པ་དགུ་མཛོམ་འདི་དག་ཡིན་པ་འདྲ།
ངོ་མ་ཡིན་་་་་་་་་་་་ང་ཚོ་བོད་ཚང་ལ་ག་དུས་ཡིན་ནའང་བཀྲ་མི་ཤིས་པའི་གནས་ཚུལ་ནི་བསྟུད་མར་ཡོང་བ་དེ་ངོ་མ་ཁྱད་མཚར་རེད་་་་་་་་་་་་་་དཀོན་མཆོག་གིས་མཁྱེན་་་་་་་་་་་རྒྱ་དམར་པོ་ཚང་གི་མགོ་དཔོན་ལྟ་མཁྲེགས་ཅན་རྣམས་ལ་ནི་ས་ཡོམ་ལ་སོགས་པའི་ཁྲོད་དུ་ཤི་སྨས་ཀྱི་དཀའ་ངལ་ཅི་ཡང་མི་འཕྲད་པར་བཀྲིས་ལོ་ལེགས་ཁོ་ན་ཡོང་གིན་འདུག
ས་འགུལ་གྱི་སྐོར་དུས་ཐོག་སྤེལ་བ་ཡག་པོ་བྱུང་འདུག ས་གནས་ས་ཐོག་ལ་འབྲེལ་བ་རེ་གནང་ཐུབ་མཁན་ཡོད་ན། དེ་གལ་ཆེ།
མིི་དང་ཕྱུག་ཟོག་ཤི་རྨས་གང་བྱུང་བ་ཞིབ་ཕྲ་ཤེས་ཁག་པོ་རེད། རྒྱ་གཞུང་གིས་ག་དུས་ཡིན་ནའི་སྟངས་སྟངས་བྱུག་བྱུག་བཤད་པ་མ་གཏོགས་གོད་ཆགས་གང་བྱུང་ཡང་གསང་བ་བྱེད་ཀྱི་རེད།
ས་འདིལ། ས་འགུལ།
བོད་རིང་སྐྱོང་ལྗོངས། བོད་རང་སྐྱོང་ལྗོངས།
འདམ་གཞུང་གི་ས་ཁུལ་དེ་ནི་བོད་རང་སྐྱོངས་ལྗོངས་དང་མཚོ་སྔོན་གྱི་ས་ཁུལ་གཉིས་ཀྱི་ས་འབྲེལ་ལ་འཁེལ་བ་ལ་བརྟེན་ནས་ས་འགུལ་ཐེངས་མ་མང་པོ་བྱུང་ས་ཞིག་རེད་འདུག་ ཕལ་ཆེར་ས་ཆ་ཆགས་སྟངས་ཀྱི་ཁྱད་པར་ལས་ཡིན་ཤས་ཆེ་ ངའི་རེ་བ་ལ་ས་འགུལ་འདིའི་འོག་ལ་བོད་རིགས་ལ་རྨས་རྐྱོན་རྩ་ནས་ཕོག་མེད་པའི་ཡིད་ཆེས་ཡོད་
༸སྤྱན་རས་གཟིགས་ཕྱག་སྟོང་སྤྱན་སྟོང་གིས་མགོན་སྐྱབས་གནང་བར་སྨོན་སྨོན་སྨོན། བོད་པ་ཚང་རྒྱ་ནག་གི་མེ་མདའི་འོག་ཏུ་མི་ཤི་ན་ས་འགུལ་གྱི་གནོན་འཚེ་ཁྲོད་ཤི་དགོ་ནོ་འདི་ཅི་ཡིན་ནམ།