མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བདུན་ཕྲག་འདིའི་ངའི་འཕྲིན། བསྟན་འཛིན་བརྩོན་འགྲུས།

བོད་ཀྱི་དུས་བབ།
༢༠༡༠/༡༢/༡༨
Share on FacebookShare on TwitterShare on EmailShare on Whatsapp

 

བསྟན་འཛིན་བརྩོན་འགྲུས། ལུང་རིགས་རྒྱལ་གྱིས་བསྒྱུར།

བརྩེ་བའི་ཝན་ཅ་པོའོ་ལགས། ཁྱེད་རྒྱ་གར་དུ་ཕེབས་པར་ངས་དགའ་བསུ་ཞུ། ང་རྒྱལ་ཁབ་འདིའི་མི་སེར་ཞིག་མིན་ནའང་། ང་བཙན་བྱོལ་འདིར་སྐྱེས་ཤིང་འཚར་ལོངས་བྱུང་བ་ཞིག་ཡིན། རྒྱ་གར་ནི་ངས་ཤེས་པའི་ཁྱིམ་གཞིས་དེ་གཅིག་པུ་ཡིན། ང་ནི་བཙན་བྱོལ་གྱི་མི་རབས་གཉིས་པ་སྟེ། ༡༩༥༩ ལོར་༧གོང་ས་ཏཱ་ལའི་བླ་མ་མཆོག་གི་སྐུ་རྗེས་སུ་འབྲངས་ཏེ་རྒྱ་ནག་གི་དྲག་པོའི་བཙན་འཛུལ་འོག་ནས་བྲོས་བྱོལ་དུ་ཡོང་མཁན་བོད་པ་བཙན་བྱོལ་བ་དེ་དག་གི་བུ་ཕྲུག་གི་གྲས་ཡིན།

སྐུ་ཉིད་ཐེངས་སྔོན་མ་སྟེ། ༢༠༠༥ ལོའི་ཕྱི་ཟླ་ ༤ པའི་ཚེས་ ༡༠ ཉིན་རྒྱ་གར་དུ་ཕེབས་ཤིང་། ཉིད་ཀྱིས་བྷང་གྷ་ལོར་ཡོད་པའི་རྒྱ་གར་ཚན་རིག་བསྟི་གནས་ཁང་གི་ཐོག་བརྩེགས་འོག་མའི་ནང་དུ་རྒྱ་གར་གྱི་ཚན་རིག་པ་སྐོར་ཞིག་ལ་གཏམ་བཤད་གནང་ནས་མ་ཁོམ་པར་ཡོད་དུས་དེར། གློ་བུར་དུ་གསར་འགོད་པ་དག་སྒོའི་ཕྱི་ལོག་ལ་རྒྱུག་ཕྱིན་ཏེ་ཁྱེད་རང་ཚོགས་ཁང་ནང་ནས་གཡུག་བཞག་པ་རེད། སྐབས་དེར་མི་ཞིག་ཁང་བརྩེགས་དེའི་སྟེང་དུ་འཛེགས་ཏེ་བོད་རང་བཙན་གྱི་འཕྲེད་དར་ཅིག་ཕྱར་ཞིང་སྐད་འབོད་བྱེད་ཀྱིན་ཡོད། དེ་ནི་ང་ཡིན།

དེ་རིང་ངས་ཡོངས་ཁྱབ་ཀྱི་ཡི་གེ་འདི་ཁྱེད་ལ་འབྲི་གིན་ཡོད།

ལོ་ངོ་བཅུ་ཕྲག་ཕྱེད་ཀ་ཞིག་གི་སྔོན་ནས་བཟུང་ངས་རྒྱ་ནག་ཏུ་རང་དབང་ལ་དགའ་བའི་དབུ་ཁྲིད་སྐོར་ཞིག་ཡོད་པའི་གྲས་ཀྱི་གཅིག་ནི་ཁྱེད་རང་ཡིན་པ་ཤེས་ཡོད། ཉེ་ལམ་ཁྱེད་ཀྱིས་རང་དབང་དང་དམངས་གཙོའི་ཆེད་དུ་བཅོས་སྒྱུར་བྱེད་དགོས་པའི་འབོད་སྐུལ་ཞུས་པའི་བྲག་ཆ་དེ་རྒྱལ་སྤྱིའི་སྤྱི་ཚོགས་ནང་དུ་ཁྱབ་འདུག ཁྱེད་ལ་ད་སྔ་ནས་རང་གི་རྒྱལ་ཁབ་ནང་དུ་ཁྱེད་ཀྱི་རྗེས་སུ་སྙེག་མཁན་ཕུགས་བསམ་དང་ཤེས་ཡོན་ལྡན་པའི་རྗེས་འཇུག་པ་ཡང་འདུག

ངས་རྒྱ་ནག་ནང་གི་འགྲོ་བ་མིའི་ཐོབ་ཐང་དང་དམངས་གཙོའི་དོན་དུ་ཞུམ་པ་མེད་པ་དང་སྙིང་སྟོབས་ཆེན་པོའི་སྒོ་ནས་ཕྱག་ལས་གནང་མཁན་རྩོམ་པ་པོ་དང་སྙན་ངག་པ། གློག་བརྙན་བཟོ་མཁན། ལས་འགུལ་བ་བཅས་ཀྱི་དཔའ་མཛངས་ཀྱི་འཐབ་རྩོད་ལ་ཡི་རངས་བྱེད་བཞིན་ཡོད། ཁོང་ཚོའི་མང་པོ་ཞིག་ནི་༼ངོ་ལོག་པ་༽དང་༼རྒྱལ་ཁབ་ཀྱི་གསང་བ་བཙོང་མཁན་༽ཡིན་པའི་ཉེས་མིང་འོག་ནས་འཛིན་བཟུང་བྱས་པ་དང་ཡང་ནས་ཡང་དུ་སྡིག་ར་སྐུལ་གྱིན་ཡོད། རྒྱ་ནག་གི་ཐོག་དང་པོར་ནོ་སྦེལ་ཞི་བདེའི་གཟེངས་རྟགས་ཐོབ་མཁན་སྐུ་ཞབས་ལོའུ་ཞོ་པོ་ནི་འདིའི་ཐད་ནས་རྒྱུ་སྐར་ལྟ་བུའི་དཔེ་མཚོན་ཡག་ཤོས་དེ་རེད། ཁོང་ནི་ཞི་བདེའི་དཔའ་བོ་ཞིག་རེད། ཁོང་ནི་འཛམ་གླིང་གསར་པའི་ཕོ་རྒོད་ཅིག་རེད།

སྐུ་ཞབས་ལོའུ་ཡིས་ ༡༩༨༩ ལོར་ཐོག་དང་པོར་གནམ་བདེ་སྒོ་མོ་ཆེའི་ཐང་ཆེན་ནས་ངོ་རྒོལ་སྐད་འབོད་བྱེད་སྐབས། ང་ནི་སློབ་ཕྲུག་ཆུང་ཆུང་ཞིག་ཡིན། ང་རང་ནི་རྒྱ་ནག་གི་སློབ་ཕྲུག་དང་དགེ་རྒན། ཤེས་ཡོན་པ། ངལ་རྩོལ་བ་བཅས་སོ་སོའི་མི་ཚེ་བློས་བཏང་སྟེ་རང་དབང་གི་འཇིག་རྟེན་ན་ཁག་ཐེག་ཏུ་ཡོད་པའི་སྨྲ་བརྗོད་རང་དབང་གི་ཆེད་དུ་འཇིག་རྟེན་ཀུན་ཁྱབ་ཀྱི་ཐོབ་ཐང་འཐོབ་པར་བཅོས་སྒྱུར་བྱ་དགོས་པའི་སྐད་འབོད་བྱེད་མཁན་དེ་དག་ལ་ཡིད་སེམས་ཤོར་ནས་འཚར་ལོངས་བྱུང་། ཁོང་ཚོས་རང་རང་གི་ཚེ་སྲོག་འབུལ་རྒྱུ་བདམས་པ་རེད། ཡིན་ཡང་ཁོང་ཚོ་ནི་སྤྱི་ཚོགས་ཀྱི་བབ་བསྟུན་དང་ཡ་མེད་ལས་འབྱུང་བའི་སྡུག་བསྔལ་དེ་ལ་ནམ་ཡང་ཞེད་མྱོང་མེད་པ་རེད།

དེང་དུས་ཀྱི་རྒྱ་ནག་གི་བྱིས་པ་འདི་དག་ནི་མ་འོངས་པའི་༼མི་དམངས་སྤྱི་མཐུན་༽དེ་ཡི་སྲུང་སྐྱོབ་པ་ངོ་མ་དག་རེད། ཁྱེད་ཚོའི་རྒྱལ་ཁབ་ཀྱི་དཔལ་འབྱོར་ཡར་རྒྱས་ལ་མོས་བཞིན་སྤྱོད་བཞིན་དུ། ཁོང་ཚོས་ཞི་བའི་སྤྱི་ཚོགས་ཀྱི་ཀུན་ཁྱབ་རིང་བཞིན་གྱི་ཚད་གཞི་ཞིག་ལ་བསླེབས་རྒྱུའི་ལས་ཀ་མཚམས་འཇོག་བྱེད་མྱོང་མེད། སེམས་ཤུགས་ཆེ་བའི་གཞོན་སྐྱེས་འདི་དག་གིས་འཛམ་གླིང་གི་གཞོན་སྐྱེས་མི་རབས་གསར་པ་སྐོར་ཞིག་ལ་ཡང་གོ་རྟོགས་དང་སྐུལ་མ་ཆེན་པོ་བྱས་ཡོད། དེ་མ་གཏོགས་འདི་དག་གིས་རང་དབང་དང་དམངས་གཙོ་ནི་ཡོད་ཤག་དང་ཡིན་ཤག་ཅིག་ལ་མཐོང་གི་ཡོད།

འཛམ་གླིང་གིས་ཀྱང་པེ་ཅིན་གྱི་ཁྲིམས་ལུགས་སྒྲོམ་གཞི་དང་རྩ་ཁྲིམས་ཀྱི་འབྲུ་དོན་ལ་མི་འགལ་བའི་འབྱོར་ཕྱུག་ལྡན་པའི་རྒྱ་ནག་གསར་པ་ཞིག་དང་མཉམ་དུ་ཚོང་ལས་ལྷོད་པོ་ཞིག་གཉེར་ཐུབ་གི་རེད། ད་ལྟའི་ཆར། རང་དབང་གི་འཛམ་གླིང་འདི་ཡང་མིན་ན་ཁྱེད་ཚོའི་དམག་ཤུགས་ཀྱི་སྡིགས་སྐུལ་འོག་ཏུ་ཞེད་ནས་འདུག་དགོས་པ་རེད། དེ་མིན་ན་ནུབ་ཕྱོགས་ཀྱི་ཁེ་ལས་བཟོ་གྲྭ་དག་ལ་གཡོག་ལས་ཁེ་བོ་བྱས་ནས་བཙོང་སྟེ་ཐོབ་པའི་ཁྱེད་ཚོའི་དཔལ་འབྱོར་གྱི་ཁེ་ཕན་ལ་བསྟུན་དགོས་པ་རེད། ད་དུང་ལྷོ་ཕྱོགས་ཀྱི་སོག་པོ་དང་ཤར་ཏུར་ཀི་སི་ཐན། བོད་བཅས་བཙན་འཛུལ་བྱས་པའི་རྒྱལ་ཁབ་དག་གི་རང་བྱུང་ཐོན་ཁུངས་བཤུ་བཞོག་བྱས་པ་ལས་བྱུང་བའི་སྟོབས་འབྱོར་དེ་ཚོ་མ་གླེང་། བོད་ནི་རྒྱ་ནག་གི་དཀའ་རྙོག་གི་གྲུབ་ཆ་ཆེ་ཤོས་ཤིག་ཡིན།

ཁྱེད་ཀྱི་༼འབྲོག་པ་གཞིས་སྤོར་གྱིི་ལས་གཞི་༽དེའི་ནང་དུ། བོད་རིགས་འབྲོག་པ་སྟོང་ཕྲག་མང་པོས་སོ་སོའི་སྒོ་ཕྱུགས་རྟ་ནོར་ལུག་གསུམ་ཕལ་ཆེ་བ་བཙན་དབང་གི་འོག་ནས་བཙོང་དགོས་འཁེལ་ཡོད་ལ། ཁོང་ཚོ་ནི་ཙག་སྒྲའི་སྒམ་ཆུང་བསྟར་ལ་སྒྲིག་པ་ལྟ་བུའི་ཁང་ཤར་དག་གི་ནང་དུ་སྤོར་བཅུག་ཡོད་ཅིང་། དེ་ནི་དུས་རབས་གཅིག་གམ་དེའི་གོང་དུ་ཨ་རིའི་གདོད་མའི་མི་རིགས་རྣམས་དམིགས་བསལ་ས་ཁུལ་དག་ལ་སྤོར་བཅུག་པ་དང་གཅིག་མཚུངས་རེད། ལོ་རྒྱུས་ཐོག་རང་དབང་གིས་འཚོ་ཞིང་། རིག་གཞུང་ཕྱུག་པོ་དང་རྒྱུན་གནས་ཐུབ་པའི་འཚོ་བའི་ལམ་ལུགས་ཤིག་སྤོབས་པ་དང་བཅས་བརྒྱུད་དེ་ཡོང་བའི་བོད་རིགས་འབྲོག་པ་རྣམས་ཀྱིས་དེ་རིང་ཉམ་ཆུང་ངང་རང་གི་སྲོལ་རྒྱུན་གྱི་རྩྭ་ཐང་ཡངས་པོ་དེ་རུ་གཏེར་ཁ་སྔོག་པ་དང་། གནམ་གྲུ་ཐང་དང་། གཞུང་ལམ། ལྕགས་ལམ་སོགས་བཟོ་སྐྲུན་བྱེད་བཞིན་པར་ལྟ་བཞིན་དུ་བསྡད་ཡོད། འབྲོག་པའི་ཕོ་རྒོད་ཚོས་ལམ་འགྲམ་གྱི་རྒྱ་མིའི་ཟ་ཁང་ནང་དུ་སྡེར་མ་བཀྲུས་ཏེ་ཁ་གསོ་ཐབས་བྱེད་ཀྱིན་ཡོད་ལ། འབྲོག་པའི་སྨན་ཤར་བུ་མོ་ཚོ་ན་ཚོད་མ་སྨིན་ཙམ་ནས་སྨད་འཚོང་ཁང་དག་ཏུ་འགྲོ་གིན་ཡོད།

ད་ལོར་ཡུལ་ཤུལ་གྱི་སྐྱེ་དགུ་མདོར་ས་ཡོམ་བརྒྱབ་དུས། ཁྱེད་ནི་རྒྱ་ནག་གི་མགོ་ཁྲིད་དག་གི་ཁྲོད་ནས་བོད་རིགས་མང་ཚོགས་ཀྱི་དཀྱིལ་དུ་ཐོན་མཁན་ཐོག་མ་དེ་རེད། ཁྱེད་རང་གིས་དངོས་སུ་མཐོང་བ་ལྟར། ཡུལ་ཤུལ་ནི་ཨེ་ཤ་ཡའི་གཙང་བོ་གལ་ཆེན་སྐོར་ཞིག་གི་འབབ་ཡུལ་རེད། བོད་ནང་གི་གཙང་བོ་དག་རྒྱས་ཏེ་སེང་གེ་ཁ་འབབ་དང་། གླང་ཆེན་ཁ་འབབ། རྨ་བྱ་ཁ་འབབ། ཡར་ཀླུང་གཙང་བོ། འབྲི་ཆུ། རྨ་ཆུ་བཅས་ལ་འདྲེས་ཏེ། རྒྱ་ནག་དང་ལྷོ་ཨེ་ཤ་ཡའི་ནང་གི་མི་འབོར་དུང་ཕྱུར་གཅིག་དང་ཕྱེད་ཀ་ལྷག་གི་འཚོ་བར་འབྲེལ་ཡོད། ཡིན་ཡང་། གཙང་བ་དེ་དག་ནི་སོ་སོའི་འབབ་ཡུལ་གྱི་ས་ཚིགས་མང་པོ་ནས་ཆུ་མཛོད་སྐྱིལ་ཡོད་ལ། ལྷག་པར་དུ་བོད་ས་ཁུལ་བརྒྱུད་དེ་རྒྱ་གར་དུ་འབབ་ཀྱིན་པའི་ཡར་ཀླུང་གཙང་བོ་ཡང་བཀག་སྐྱིལ་གྱིས་ཆུ་མཛོད་བཟོས་ཡོད། གཙང་བོ་འདི་དག་གི་བརྒྱུད་དུ་བྱེ་ཕུང་སྤུངས་པ་དེས་ཁོ་ཚོའི་འབབ་ཕྱོགས་ལ་འགྱུར་བ་ཐེབས་ཀྱིན་ཡོད། བོད་ཀྱི་གཙང་བོ་འདི་དག་གིས་སྔར་ནས་སྡུག་བསྔལ་ཚད་མེད་སྤྲད་མྱོང་བ་ལྟར། ཆུ་ལོག་གི་གོད་ཆག་གིས་ལྷོ་ཨེ་ཤ་ཡ་དང་དེའི་མི་སེར་རྣམས་ལ་ཚད་མེད་པའི་ཤུགས་རྐྱེན་སྤྲོད་བཞིན་པ་དེ་པེ་ཅིན་གྱིས་དྲན་གི་མེད་པ་ཡིན་ནམ།

༢༠༠༨ ལོའི་བོད་ནང་གི་ཞི་བའི་གྱེན་ལངས་དེ་ནི་མི་དམངས་བཅིངས་འགྲོལ་དམག་གིས་ཡ་ང་མེད་པའི་སྒོ་ནས་དྲག་གནོན་བྱས་པ་རེད། དེང་སྐབས་བོད་ནི་རྟག་པར་འཇིགས་སྣང་དང་དོགས་ཟོན་གྱི་འོག་ཏུ་འཚོ་དགོས་པའི་དམག་སྒར་གྱིས་བཟུང་བའི་ས་ཁུལ་ཞིག་ཏུ་གྱུར་ཡོད། བོད་མི་དང་ཡུ་གུར་བ་ཚོར་སྲོག་ཆད་ག་ཚོད་བཏང་བར་མ་ལྟོས་པར། རྒྱ་ནག་ནི་དེང་སྐབས་འཇིགས་སྐུལ་རིང་ལུགས་པ་མེད་སའི་རྒྱལ་ཁབ་ཅིག་ཡིན།

ཁྱེད་དང་ཁྱེད་ཀྱི་ཚོང་དོན་སྐུ་ཚབ་རྣམས་རྒྱ་གར་ལ་གཞུང་འབྲེལ་གཟིགས་སྐོར་ལ་ཕེབས་པ་ཡིན་ནའང་། ང་ཚོ་ཕྱི་ལོག་གི་ལམ་འགྲམ་དུ་ཐོན་ཏེ་ཞི་བ་དང་དྲང་བདེན་གྱི་སྐད་འབོད་རྔམ་སྟོན་བྱེད་ཀྱི་ཡོད། ཡིན་ཡང་། སུ་ཞིག་གིས་གནམ་གྲུ་བཙན་འཁྲིད་འདྲ་བྱས་སོང་ངམ། སུ་ཞིག་གིས་འཛམ་གླིང་གི་དབུ་ཁྲིད་ཅིག་དམར་གསོད་བྱེད་པའི་ཆེད་དུ་རང་སྲོག་བློས་བཏང་གིས་འགད་རྫས་གཏོར་སོང་ངམ། ཡོད་མ་རེད།

ང་ཚོའི་ལས་འགུལ་དག་ནི་ཀུན་སྤྱོད་དང་མཐུན་ཞིང་དྲག་པོའི་ངོ་བོར་འགྲོ་གི་མེད། དེའི་རྒྱུ་མཚན་ནི་ང་ཚོས་མུ་མཐུད་ནས་འཚེ་མེད་ཞི་བ་དང་དེ་རྗེས་འཛིན་གནང་མཁན་ང་ཚོའི་དབུ་ཁྲིད་༧གོང་ས་མཆོག་ལ་ཡིད་ཆེས་བརླག་མེད་པའི་དབང་གིས་ཡིན། ཡིན་ཡང་། ཁོང་གིས་༼ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འོག་ནས་ཚད་མཐོའི་རང་སྐྱོང་༽གི་དགོས་འདུན་བཏོན་པ་དེ་པེ་ཅིན་གྱིས་རྦད་དེ་ངོས་ལེན་བྱེད་ཀྱི་མེད། ད་ལྟ་ཁྱེད་རང་རྒྱ་གར་དུ་ཉིན་གསུམ་རིང་གི་གཟིགས་སྐོར་ལ་ཕེབས་པའི་སྐབས་དང་བསྟུན་ཏེ། ཅིའི་ཕྱིར་ཁྱེད་རང་ཁོང་དང་མཉམ་དུ་མཇལ་འཛོམས་ཀྱིས་བཀའ་མོལ་མི་གནང་བ་ཡིན་ནམ།

༡༩༦༠ རེ་གྲངས་ཀྱི་ནང་དུ་བོད་པའི་མི་རབས་རྒན་པ་དག་གིས་བོད་ཀྱི་མ་འོངས་པའི་ཐད་ལ་སེམས་ཁྲལ་གནང་བའི་དུས་སྐབས་ཤིག་བྱུང་བ་རེད། དེ་རིང་བོད་པའི་འཐབ་རྩོད་དེ་བོད་ཕྱི་ནང་གི་གཞོན་སྐྱེས་དག་གིས་སྣེ་འཁྲིད་ཀྱིན་ཡོད། ང་ཚོས་བཙན་བྱོལ་དུ་རང་གི་སྲིད་བློན་དང་གྲོས་ཚོགས་འཐུས་མི་ ༤༤ ལོ་རྗེས་མར་འོས་འདེམ་བྱེད་ཀྱིན་ཡོད། རྒྱལ་སྤྱིའི་འབྲེལ་གཏུགས་བརྒྱུད་དེ་ཤེས་ཡོན་དང་ལག་རྩལ། དཔལ་འབྱོར་བཅས་ཚད་མཐོན་པོར་སླེབ་མཁན་བོད་རིགས་གཞོན་སྐྱེས་རྣམས་ནི་སོ་སོའི་མི་རིགས་ཀྱི་འདུ་ཤེས་སྔར་ལས་ཀྱང་བརྟན་པོའི་སྒོ་ནས་འཚར་བཞིན་ཡོད། དོན་དངོས་ཐོག་བཤད་ན་ཡང་། ང་ཚོ་ནི་རྒྱལ་ཁབ་གང་གི་མི་སེར་ཡང་མིན་ལ། ངེས་གཏན་མེད་པར་འཚོ་བཞིན་ཡོད། ང་ཚོར་མཚོན་ན་འཐབ་རྩོད་ནི་ང་ཚོའི་ཕ་མ་དང་སྤོ་སྨོ་དག་གི་རིང་ལས་ཀྱང་གལ་ཆེན་ཆགས་བསྡད་ཡོད། དེར་བརྟེན། གཞོན་སྐྱེས་དག་གི་ཁྲོད་དུ་རང་བཙན་གྱི་དགོས་འདུན་ནི་ཇེ་ཆེར་འགྲོ་གིན་ཡོད། ཉེ་ཆར་བོད་ནང་གི་ཤེས་ཡོན་སྲིད་བྱུས་བརྗེ་བོ་བརྒྱབ་དུས་བོད་ཡིག་གི་སློབ་དེབ་ཀྱི་ཚབ་ཏུ་རྒྱ་ཡིག་བཞག་སོང་། འདིས་ང་ཚོར་སྔར་ལས་ཀྱང་ལྷག་པར། རང་བཙན་ཁོ་ནས་ད་གཟོད་ང་ཚོའི་མི་རིགས་དང་རྒྱལ་ཁབ་སྲུང་སྐྱོབ་བྱེད་ཐུབ་པའི་བསམ་བློ་གཅིག་གྱུར་བཟོས། མི་ལོ་ ༦༠ རིང་གི་རྒྱ་དཀར་ནག་གི་འབྲེལ་བ་ནི་རྒྱ་ནག་གིས་བོད་བཙན་བཟུང་བྱས་ཏེ་མི་ལོ་ ༦༠ ཕྱིན་པའི་གནས་བབ་དེ་རེད།

སྐུ་ཞབས་སྲིད་བློན་མཆོག སྐུ་ཉིད་ནི་ ༢༠༡༢ ལོར་བགྲེས་ཡོལ་ལ་ཕེབས་གིན་ཡོད་པ་རེད། ཁྱེད་ཚོ་རྒྱ་མི་ལ་བཤད་རྒྱུན་ཞིག་ཡོད་པ་སྟེ། “ren zhi jian si qi yan ye shan ” ༼འཆི་ཁའི་མི་ཡིས་སྐད་ཆ་དྲང་མོར་བཤད་གི་རེད།༽ ཟེར་སྲོལ་ཡོད་པ་རེད། ད་ནི་རྒྱ་ནག་མི་དམངས་ཀྱི་མངོན་འདོད་ངོ་མ་དེ་བཤད་པའི་དུས་རེད། ད་ལྟའི་ཆར་ཁྱེད་ལས་ལྷག་ཅིག་སུ་གཅིག་གིས་དེ་ལྟར་སྒྲུབ་ཐུབ་གི་མ་རེད། སྐུ་ཞབས་སྲིད་བློན་ལགས།

བསྟན་འཛིན་བརྩོན་འགྲུས་ཀྱིས། ༢༠༡༠ ལོའི་ཕྱི་ཟླ་ ༡༢ ཚེས་ ༡༤ ཉིན། ངྷ་རམ་ས་ལ་ནས།

བསྒྱུར་མཁན་གྱི་མཆན། འདིའི་ནང་དུ་འགྱུར་མི་དག་པ་དང་དོགས་པ་ཡོད་ཚེ། ཁོང་གི་མ་རྩོམ་ལ་གཟིགས་རོགས། མ་རྩོམ་ནི་  ཧིན་ཌུ་སི་ཐན་དུས་བབ་ ནང་བཀོད་འདུག

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

ཆུ་ཚོད་ ༡༩ སྔོན་ལ།
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

ཆུ་ཚོད་ ༢༠ སྔོན་ལ།
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

ཆུ་ཚོད་ ༢༤ སྔོན་ལ།
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 18

  1. ཏྲེ་ཧོར་ཚང་། says:
    ལོ་ 14 སྔོན།

    རང་གི་ནོར་བཞིན་གཞན་ལ་མཆའ་སྨོད་བྱེད་མཁན་མང་བ་ལ།

    Reply
  2. འདྲེ་རིག་ལྡན། says:
    ལོ་ 14 སྔོན།

    སྲིད་བློན་ཝིན་ཅ་པའོ་ལགས། བསྟན་འཛིན་བརྩོན་འགྲུས་ཁྱོད་ཚོ་དམར་པོ་གཞུང་གི་འོག་ནས་འཚར་ལོངས་བྱུང་བ་མིན་ཡང་། ཁོས་བོད་ཡིག་གཏན་ནས་མི་ཤེས། འདི་ཡང་ཁྱོད་ཚོའི་ནོར་འཁྲུལ་རེད།

    གོར་མོ་ནས་ལྷ་སའི་བར་གྱི་མེ་འཁོར་ལྕགས་ལམ་བཟོ་དུས། བཙན་བྱོལ་བོད་གཞུང་གིས་”བོད་ནང་གི་ལྕགས་ལམ་དང་པོ་”ཞེས་འཛམ་གླིང་ཡོངས་སུ་ངོ་རྒོལ་སྐད་འབོད་བྱས་ནས། ད་ལྟའི་བོད་རང་སྐྱོང་ལྗོངས་མ་ཡིན་པའི་བོད་ཀྱི་ས་ཁུལ་ཚང་མ་རྒྱ་ནག་ལ་ཕུལ་སོང་། འདི་ཡང་ཁྱོད་ཚོའི་ནོར་འཁྲུལ་ཡིན།

    དེང་སང་༡༩༦༠ ནང་ནས་བཟུང་མེ་འཁོར་ལྕགས་ལམ་ཡོད་པའི་མཚོ་སྔོན་ཞིང་ཆེན་ནང་དུ། ཤེས་ཡོན་སྲིད་ཇུས་གསར་པ་ངོ་སྤྲོད་བྱེད་རྒྱུ་བསྒྲགས་པ་ན། བཙན་བྱོལ་ནང་ནས་”མཚོ་སྔོན་ཞིང་ཆེན་”སླར་ཡང་བོད་དུ་གྱུར་སོང་། འདི་ཡང་ཁྱོད་ཚོའི་ནོར་འཁྲུལ་རེད།

    མཚོ་སྔོན་ཞིང་ཆེན་ཕུད་པའི་བོད་ཀྱི་ས་ཁུལ་(བོད་རང་སྐྱོང་ལྗོངས་ཚུད་པའི་བོད་ཀྱི་ས་གནས་ཁག་) གཞན་དག་ཏུ་བོད་ཀྱི་སྐད་ཡིག་མ་གཏོགས་སློབ་ཚན་གཞན་དག་ཡོད་ཚད་རྒྱ་ཡིག་ཐོག་ཁྲིད་ནས་ད་ལྟའི་བར་དུ་མི་ལོ ༢༠ (པན་ཆེན་སྐུ་ཕྲེང་བཅུ་པ་དགོངས་པ་རྫོགས་པ་ནས་)ཙམ་འགོར་བཞིན་ཡོད། ས་ཁུལ་ཁག་ཅིག་ཏུ་བོད་ཡིག་གཏན་ནས་ཁྲིད་མྱོང་མེད། བཙན་བྱོལ་བོད་གཞུང་གིས་ཀྱང་མི་ལོ་༥༠ རིང་ལ་སྲིད་ཇུས་འདི་ལག་བསྟར་བྱས་དང་བྱེད་བཞིན་ཡོད། འདི་ཡང་ཁྱོད་ཚོའི་ནོར་འཁྲུལ་རེད།

    ང་ཚོའི་ནོར་འཁྲུལ་ཚང་མ་ཁྱོད་ཚོའི་ནོར་འཁྲུལ་ཡིན།

    Reply
  3. བྱམས་རྒྱལ། says:
    ལོ་ 14 སྔོན།

    སྒྱུར་བ་པོ་ལགས་བཀའ་དྲིན་ཆེ་

    Reply
  4. བྱམས་རྒྱལ། says:
    ལོ་ 14 སྔོན།

    ཀློག་བཞིན་སེམས་སྐྱོ་ཡ་ཞིག་འདུག་།

    Reply
  5. རི་བོང། says:
    ལོ་ 14 སྔོན།

    (གློ་བུར་དུ་གསར་འགོད་པ་དག་སྒོའི་ཕྱི་ལོག་ལ་རྒྱུག་ཕྱིན་ཏེ་ཁྱེད་རང་ཚོགས་ཁང་ནང་ནས་གཡུག་བཞག་པ་རེད) ཚིག་གྲུབ་འདི་མཐོང་དུས་ང་ལ་ཞེད་སྣང་དང་དགའ་སྣང་ཟུང་འབྲེལ་ཅིག་སྐྱེས་སོང་། ཝན་ཅ་པོའོ་ཁང་པའི་སྒོ་དང་སྒེའུ་ཁུང་གང་རུང་ཞིག་ནས་གད་སྙིགས་གཡུག་པ་ནང་བཞིན་གཡུགས་པ་མིན་ནམ་སྙམ་པ་བྱུང་། དོན་ལ་དེ་ལྟར་ཡིན་རྒྱུ་མ་རེད།

    Reply
  6. ངས་པོའི་ལྷ་སྲས། says:
    ལོ་ 14 སྔོན།

    དུས་བབས་ཀྱི་གསར་འགོད་པ་ཚོ་ཐུགས་རྗེ་ཆེ།
    ཁྱེད་ཚོས་དཀའ་ལས་རྒྱབ་ནས་གསར་འགྱུར་སྣེ་མང་ཞིག་བདག་ཚོའི་འདྲེན་བྱེད་དབང་པོར་དགའ་སྟོན་དུ་བཤམས་པར་སྙིང་དབུས་ནས་ཐུགས་རྗེ་ཆེ་ཞུ།

    Reply
  7. བོད། ཤ་ཁྲག་རུས་གསུམ། says:
    ལོ་ 14 སྔོན།

    རང་རྒྱུས་རང་ལ་ཡོད་པའི་དོ་སྣང་མེད།།
    གཞན་རྒྱུས་རང་ལ་མེད་པའི་དོ་སྣང་བྱུང་།།
    འདི་གཉིས་ས་མཚམས་ཤིག་དུ་ལུས་པ་ཡི།།
    རང་རིགས་སྐྱེ་བོ་རྣམས་ལ་སེམས་རེ་སྡུག།

    Reply
  8. མི་ནག་ཚང་ལུང་རིགས་རྒྱལ། says:
    ལོ་ 14 སྔོན།

    ནོར་བ་དག་བཅོས་དང་བཅོ་བཞིན་པ་ཡིན།

    Reply
  9. མི་ནག་ཚང་ལུང་རིགས་རྒྱལ། says:
    ལོ་ 14 སྔོན།

    སྨྟུག་རྒོད་ཀྱི་སྐད་ཆ་དེ་ལ་རྒྱུ་མཚན་འདུག ཡིན་ཡང་། ཁོས་སྐད་ཆ་དྲང་པོར་བཤད་མི་འདུག

    ཁོས་བཤད་འདོད་པ་དེ། དེང་སྐབས་བོད་ཡིག་གི་རྩོམ་ཡིག་ནང་ནས་བསམ་བློ་གསར་པ་ཅི་ཡང་རག་གི་མི་འདུག བོད་ཡིག་གི་རྩོམ་ཡིག་དེ་ཚོས་བློ་སྐྱེད་ཀྱང་སྟེར་ཐུབ་གི་མི་འདུག དེ་ལས་དབྱིན་ཡིག་གི་ཚིག་རྐང་ཁ་ཤས་བཀླགས་ཀྱང་དེ་ཕན་ཐོགས་འདུག དབྱིན་ཡིག་གི་ནང་དུ་བྲིས་པ་ཙམ་གྱིས་བསམ་ཚུལ་ཀྱང་ལོགས་ཀ་རེད་ཅེས་བཤད་པ་རེད།

    བདེན་པའི་ཆ་མང་པོ་འདུག

    Reply
  10. ཟླ་བ་གཞོན་ནུ། says:
    ལོ་ 14 སྔོན།

    དོགས་སོན། དོགས་གཟོན

    Reply
  11. རྒྱ་རྙི། says:
    ལོ་ 14 སྔོན།

    བསྟན་འཛིན་བརྩོན་འགྲུས་ནི་བོད་དོན་འཐབ་རྩོད་པ་ཞིག་རེད།སྔོན་མ་ནས་ང་ཁོང་ལ་རྗེས་སུ་ཡི་རང་བྱེད་མཁན་ཞིག་ཡིན།
    ཡིན་ནའང་།
    ལོ་ཤས་སྔོན་གྱི་བསྟན་འཛིན་བསྟན་འགྲུས་ལས་དེ་རིང་ཁ་སང་གི་བསྟན་འཛིན་བརྩོན་འགྲུས་ཀྱི་སྤུས་ཀ་སྡུག་ཏུ་ཕྱིན་ཡོད་པ་རེད།
    ཁོང་ཡང་རྡ་སའི་རི་གསེང་གི་སྟག་གཟིག་ཚོའི་གྲས་སུ་ཚུད་གྲབས་ཡོད་པ་རེད།སྐབས་རེར་སྡེར་མོ་ནང་དུ་བསྐུམས་ནས།པགས་པ་ཕྱི་ལ་མངོན་གྱིན་ཡོད་པ་རེད།
    ཡིན་ནའང་།ཁོང་འདས་པའི་བསྟན་འཛིན་གྱི་ངོ་བོར་བསྐྱར་ཏུ་འགྱུར་རྒྱུར་ང་ཚོས་རེ་སྒུག་བྱས་ཆོག

    Reply
  12. ཁ་བ་ནག་པོ། says:
    ལོ་ 14 སྔོན།

    “ཁ་སང་དེ་རིང་རང་ཉིད་ལ་ཅིག་བྱུང་མེད་པ་ཡིན་ན་བོད་ཡིག་ཐོག་བྲིས་པའི་རྕོམ་ཡིག་ཅི་ཅ༹མ་ཀློག་རུང་སེམས་འགུལ་དང་ཡིད་སྨོན་གང་ཡང་ཤོར་ཐུབ་ཀྱིན་མི་འདུག དེ་ལས་སྐད་ཡིག་གཞན་ཞིག་དང་ཡང་ན་རྕོ༹མ་པ་པོ་བོད་པ་ཡིན་རུང་རྕོམ་ཡིག་སྐད་ཡིག་གཞན་ཞིག་ཐོག་བྲིས་རྗེས་ཆུ༹ར་བོད་ཡིག་ཏུབསྒྱུར་ན་ད་བཟོད་བྲོ་བ་འདྲ་ཞིག་ཡོང་གི་འདུག གོང་གི་རྕོ༹མ་ཡིག་འདི་ཡང་རྕོ༹མ་མཁན་བོད་པ་ཡིན་རུང་རྕོ༹མ་ཡིག་དབྱིན་ཡིག་ཐོག་བྲིས་འདུག”

    Reply
  13. མི་ནག་ཚང་ལུང་རིགས་རྒྱལ། says:
    ལོ་ 14 སྔོན།

    མཚམས་རེར་ལངས་ཤོར་ལ་སོང་བའི་དབང་གིས་སོ་སོའི་ནོར་འཁྲུལ་ཟིན་གི་མི་འདུག དེ་མ་གཏོགས། བྱ་ཚིག་གི་ཚིག་གྲོགས་འདི་ཚོ་དངོས་གནས་བྱས་ན་ད་ལྟ་བ་ཡིན་དགོས་པ་རེད། ཐུགས་རྗེ་ཆེ།

    Reply
  14. ལུང་རྟོགས། says:
    ལོ་ 14 སྔོན།

    བསྟན་འཛིན་བརྩོན་འགྲུས་ལགས་ནི་མིང་དོན་མཚུང་པའི་བོད་དོན་འཐབ་བརྩོད་པ་ཞིག་ཡིན། དགའ་བསྲུ་ཡོད། ཕྲག་དོག་དང་། ཕྱོགས་ཞེན་སོགས་ཀྱིས་མ་སྒྲིབ་པར་མི་བྱེད་པ་ཅན་གྱི་བྱེད་རྗེས་ལ་རྒྱབ་བསྐྱོར་དང་ངོས་འཛིན་བྱེད་རྒྱུ་གལ་ཆེ།

    Reply
  15. བསེ་རུ། says:
    ལོ་ 14 སྔོན།

    མཆན་བུ་འདི་མ་འགོག་རོགས།

    ཐ་སྙད་འདི་རྣམས་ཀྱི་རིགས་གཏན་འཇགས་ཀྱི་རྣམ་པ་ཞིག་བྱུང་ན་ཅི་མ་རུང་།
    ཁོ་བོ་ནི་སྔ་མ་རྣམས་དག་པར་བརྩི་གིན་ཡོད་ལ། ཕྱི་མ་རྣམས་མ་དག་པར་བརྩི་གིན་ཡོད།
    རྒྱུ་མཚན་ནི། སྔར་ནས་ད་བར་གྱི་སྔར་གྱི་མཁས་པས་བརྩམས་པའི་རྩོམ་རིགས་ཀྱི་ཁྲོད་འཁྲུལ་གཞི་ཡོད་པའི་དག་སྡེབ་འདི་རིགས་བྱ་ཚིག་གི་དབང་དུ་བྱས་ན། དུས་ད་ལྟ་བ་ནས་མིང་དུ་གྲུབ་པ་ཤུགས་ཆེར་བེད་སྤྱོད་གནང་ཡོད་ལ། དེ་ཡང་མཐར་གཏུགས་ན། རྟགས་འཇུག་གི་ཅིའི་ཕྱིར་འཇུག་གི་སྐབས་ཀྱི་གཞཱུང་དོན་དང་ཡང་འབྲེལ་བ་ཆེ་སྙམ། བྱེད་པ་གསལ་བྱེད་ཀྱི་སྒྲ། བྱེད་པ་པོ་གསལ་བྱེད་ཀྱི་སྒྲ། བྱེད་ལས་གསལ་བྱེད་སྒྲ། བྱ་ཡུལ་གསལ་བྱེད་ཀྱི་སྒྲ་སོགས་ལའང་དགོངས་པ་བཞེས་ཏེ། ཐ་སྙད་འདི་རིགས་ལ་དགོངས་པ་བཞེས་དགོས་པར་མཐོང་ང་ོ། །

    དག་པ། མ་དག་པ།

    སྐད་སྒྱུར། སྐུད་བསྒྱུར།
    ཐད་སྒྱུར། ཐད་བསྒྱུར།
    དོན་སྒྱུར། དོན་བསྒྱུར།
    སྒྲ་སྒྱུར། སྒྲ་བསྒྱུར།
    ཡིག་སྒྱུར། ཡིག་བསྒྱུར།
    ཡིག་སྒྱུར་བ། ཡིག་བསྒྱུར་བ།
    རྩོམ་སྒྱུར། རྩོམ་བསྒྱུར།
    རྩོམ་སྒྱུར་བ། རྩོམ་བསྒྱུར་བ།
    དབང་སྒྱུར། དབང་བསྒྱུར།
    སྒྱུར་རྩོམ། བསྒྱུར་རྩོམ།
    སྒྱུར་གཞི། བསྒྱུར་གཞི།
    སྒྱུར་བཅོས། བསྒྱུར་བཅོས།
    སྒྱུར་མཁན། བསྒྱུར་མཁན།
    སྒྱུར་བ་པོ། བསྒྱུར་བ་པོ།

    འདི་ལྟ་བུའི་རིགས་ཚིག་མཛོད་ཅིག་བཟོས་ཀྱང་བཟོ་རིན་ཆོག་པ་འདུག་གོ།

    Reply
  16. མི་ནག་ཚང་ལུང་རིགས་རྒྱལ། says:
    ལོ་ 14 སྔོན།

    བསེ་རུས་བཤད་པ་བདེན། ངའི་མཛུབ་མོ་དང་སེམས་གཉིས་ཀ་འཚབ་བེ་འཚུབ་བེ་ཞིག་ཆགས་འདུག ད་ནི་བཅོས་ཟིན། ངའི་འགྱུར་འདིའི་ནང་དུ་མ་དག་པ་དང་གཏག་ནོར་ཤོར་བ་མང་པོ་ཡོད་སྲིད་པས་རྣམ་པ་ཚོས་ཁོང་གི་མ་རྩོམ་ལ་ལྟ་གིན་སྡོད། ད་སྐབས་བསྒྱུར་པ་པོས་རྩོམ་པ་པོ་ནག་པོ་བཟོ་རྒྱུའི་ཉེན་ཁ་ཡང་ཧ་ཅང་ཆེ་གི།

    Reply
  17. བསེ་རུ། says:
    ལོ་ 14 སྔོན།

    ཆེས་ཐོག་མའི་ཀློག་པ་པོ་མིན་ནའང་། ཀློག་པ་པོ་ཞིག་ཡིན་སྟབས། འདིའི་གཤམ་གྱི་ལོ་ཚིགས་འདིར་ལྟ་སྐབས། འདི་ནི་མ་འོངས་ལུང་བསྟན་མིན་ནམ་སྙམ་བྱུང་། འོན་ཀྱང་། གོང་གི་ནང་དོན་ལ་ལྟ་སྐབས། འདས་དོན་ལ་ཕྱིར་དྲན་གྱི་ཐོག་ནས་སྡོམ་ཚིག་འགོད་ཀྱིན་འདུག འོ་ན། ལོ་ཚིགས་འདི་དོན་དམ་དུ་ནོར་བ་མ་རེད་དམ།

    བསྟན་འཛིན་བརྩོན་འགྲུས་ཀྱིས།
    ༢༠༡༡ ལོའི་ཕྱི་ཟླ་ ༡༢ ཚེས་ ༡༤ ཉིན། ངྷ་རམ་ས་ལ་ནས།

    Reply
  18. སྨྱུག་རྒོད། says:
    ལོ་ 14 སྔོན།

    ཁ་སང་དེ་རིང་རང་ཉིད་ལ་ཅིག་བྱུང་མེད་པ་ཡིན་ན་བོད་ཡིག་ཐོག་བྲིས་པའི་རྕོམ་ཡིག་ཅི་ཅ༹མ་ཀློག་རུང་སེམས་འགུལ་དང་ཡིད་སྨོན་གང་ཡང་ཤོར་ཐུབ་ཀྱིན་མི་འདུག དེ་ལས་སྐད་ཡིག་གཞན་ཞིག་དང་ཡང་ན་རྕོ༹མ་པ་པོ་བོད་པ་ཡིན་རུང་རྕོམ་ཡིག་སྐད་ཡིག་གཞན་ཞིག་ཐོག་བྲིས་རྗེས་ཆུ༹ར་བོད་ཡིག་ཏུབསྒྱུར་ན་ད་བཟོད་བྲོ་བ་འདྲ་ཞིག་ཡོང་གི་འདུག གོང་གི་རྕོ༹མ་ཡིག་འདི་ཡང་རྕོ༹མ་མཁན་བོད་པ་ཡིན་རུང་རྕོ༹མ་ཡིག་དབྱིན་ཡིག་ཐོག་བྲིས་འདུག ལུང་རིགས་ཀྱིས་བཀའ་དྲིན་ལ་བརྟེན་ནས་རྕོ༹མ་ཡིག་འདི་ཀློག་རྒྱུ་བྱུང་བའི་ཧ་ཅང་དགའ་ཡོད། ཁྱེད་ལ་ཐུགས་རྗེ་ཆུ་ཞུ།
    ཡིག་བསྒྱུར་བ་ཆུང་ཆེ༹་རིང་དང་ལུང་རིགས་ད་དུང་དགེ་འདུན་རབ་གསལ་དང་ཆེ༹་རིང་རྒྱལ་སོགས་ཁྱེད་ཆོ༹་ཆ༹ང་མས་བདག་ལྟ་བུ་དག་ལ་དགའ་སྡུག་གི་ཆོ༹ར་བ་གྲང་མེད་སྦྱིན་པ་དངོས་ནས་བརྗེད་ཐུབ་མེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese