བྷི་བྷི་སི་གསར་ཁང་གིས་གནས་ཚུལ་སྤེལ་བ་ལྟར་ན། ཁ་སང་ཕྱི་ཚེས་ ༢༤ ཉིན་ཨུ་རུ་སུའི་རྒྱལ་ས་མོ་སི་ཁོའི་ཌོ་མོ་ཌེ་ཌོ་ཝེ་ Domodedove རྒྱལ་སྤྱིའི་གནམ་ཐང་དུ། དྲག་སྤྱོད་པ་ཞིག་གིས་གློ་བུར་དུ་རང་སྲོག་བློས་གཏོང་གིས་འགད་རྫས་གཡུགས་ཏེ་དབྱིན་ཇི་མི་སེར་གཉིས་ཚུད་པའི་མི་ ༣༥ བསད་པ་དང་། མི་ ༡༣༠ ཙམ་ལ་རྨས་སྐྱོན་ཚབས་ཆེན་ཕོག་ཡོད་འདུག་ལ། དོན་རྐྱེན་དེའི་ཐད་ཡུལ་དེའི་ས་གནས་དཔོན་རིགས་ཤིག་གིས་གསར་འགོད་པར་ད་ལྟ་ཉེན་རྟོག་པས་དོགས་གཞི་ཡོད་པའི་མི་ ༣ ལ་འདྲི་རྩད་བྱེད་ཀྱིན་ཡོད་ཅེས་བརྗོད་ཡོད་འདུག ཨུ་རུ་སུའི་སྲིད་འཛིན་མེ་ཊི་ཝེ་ཊི་ཝེ་ Medvedev མཆོག་གིས་ཐེངས་འདིའི་དོན་རྐྱེན་དེ་ནི་འཇིགས་སྐུལ་རིང་ལུགས་པའི་དོན་རྐྱེན་ཞིག་ཆགས་ཡོད་སྟབས། ང་ཚོས་གང་མགྱོགས་གནམ་ཐང་གི་བདེ་འཇགས་དང་མང་ཚོགས་ཀྱི་འགྲུལ་བཞུད་ཐད་མུ་མཐུད་ཤུགས་སྣོན་རྒྱག་རྒྱུ་ཡིན་ཞེས་བརྗོད་འདུག
དོན་རྐྱེན་དེར་ཨ་རིས་གཙོས་པའི་འཛམ་གླིང་རྒྱལ་ཁབ་ཁག་གི་དབུ་ཁྲིད་ཚོས་ཁ་རྡུང་དྲག་པོ་གཏོང་བཞིན་ཡོད་པར་མ་ཟད། ལྷག་པར་དུ་ཨ་རིའི་སྲིད་འཛིན་ཨོ་བྷ་མས་དོན་རྐྱེན་དེ་ནི་ཧ་ཅང་གདུག་རྩུབ་ཅན་ཞིག་རེད་ཅེས་བརྗོད་འདུག་ལ། མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷན་ཀེ་མོན་གྱིས་ཀྱང་དོན་རྐྱེན་དེ་ཧང་སང་དགོས་པ་ཞིག་རེད་ཅེས་ཁ་རྡུང་བཏང་འདུག ན་ནིང་ཕྱི་ཟླ་གསུམ་པར་ཡང་ཨུ་རུ་སུའི་རྒྱལ་སའི་ས་འོག་ལྕགས་ལམ་སྟེང་བུད་མེད་གཉིས་ཀྱིས་རང་སྲོག་བློས་གཏོང་གིས་འགད་རྫས་བཞག་ཏེ། མི་ ༤༠ ལ་སྲོག་སྐྱོན་དང་མི་ ༨༠ རྨས་སྐྱོན་ཚབས་ཆེན་ཕོག་ཡོད་པ་རེད།
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རྒྱལ་སྤྱིའི་གསར་འགྱུར་ཚ་བོ་ཚ་བོ་དེ་རིགས་གསར་དུ་འདོན་རོགས་ཞུ་བཞིན་ཡོད།
གསར་འགྱུར་འདི་ངས་བྷི་བྷི་སིའི་རྒྱུད་ལམ་ནས་ཀློག་ཙམ་བྱས་ཡིན།
དེ་མིན་བོད་དུ་ཡོད་པའི་བོད་སྐད་རླུང་འཕྲིན་ཁང་ནས་རྟག་ཏུ་གྲྭ་རྒན་གྱི་ཁ་འདོན་ཀློག་པ་ནང་བཞིན་བརྗོད་བྱ་གཅིག་ལས་མེད་དེ་ནི་ང་ཚོས་ཤེས་གསལ་རེད།
ཨ་རི་ལས་སོགས་ཕྱི་ཕྱོགས་སུ་ཡོད་པའི་བོད་སྐད་རླུང་འཕྲིན་ཁང་གི་ཡིག་ཐོག་གསར་འགྱུར་དེ་ཚོའང་ཤེས་བྱའི་གསར་ཤོག་ཀློག་པ་དང་ཁྱད་མེད།
དེས་ན་དུས་བབས་ཁྱེད་ཀྱིས་དུས་ནས་དུས་སུ་གསར་འགྱུར་དང་ཡ་མཚན་་དངོས་བྱུང་གི་རིགས་བཀོད་ཐུབ་ན་བོད་སྐད་བོད་ཡིག་ལ་ཕན་ཐོགས་ཤིན་ཏུ་ནས་ཆེ།
དེ་དོན་ཏུགས་འཇགས་བཅས་ཞུ།
ཡིག་ནོར་ཅུང་ཙམ་ཡོད་པ་དེ་ཚོར་ཞེ་སྣང་མི་དགོས།
གང་ཡང་བྱེད་ཀྱི་མ་རེད།
འགའ་ཞིག་གིས་སྐྱོན་འདོན་བྱེད་མདོག་ཁ་བོ་རེད།
དེ་ཚོར་རྣ་རྒྱབ་དྲི་བཞོན་་་་་་་་
གསར་འགྱུར་གི་རིགས་གང་འགྱོགས་འགྱོགས་དང་རྣམ་གྲངས་གང་མང་མང་བཏང་ཐུབ་ན་དགེ་མཚན་ཆེན་པོ་འདུག་རྗེས་སུ་གང་མང་མང་གཏང་གནང་ཡོང་བའི་འབོད་བསྐུལ་ཞུ་གི་ཡོད། འདི་འདྲའི་སྙིང་སྟོབས་ཆེན་པོ་མི་ཕུང་རང་བརླག་ངེས་པར་དུ་འདི་འདྲའི་རིགས་ལ་རྒྱལ་ཁབ་ཐམས་ཅད་ཀྱིས་མཉམ་རུབ་བྱེད་ནས་གོ་ལ་འདི་ཞི་བདེ་སྐྲུན་པ་ལ་ཐབས་བརྒྱ་ཇུས་སྟོང་གི་འབད་པ་དེ་ནི་ཐམས་ཅད་ཀྱི་ལས་འགན་ཆེས་སྒྲུབ་འོས་པ་ཞིག་ཏུ་སེམས་གལ་སྲིད་ཉེས་པ་མི་ཐེག་པའི་རིགས་མང་པོ་ཡོད་ན་གཞུང་གི་སྤྱི་སྡེ་ཚན་པ། དྲག་ཆས་ཚན་པ་ལྟ་བུའི་སྒོ་ཁར་འདི་འདྲ་བྱེད་ཐུབ་ན་དཔའ་བོ་ཡིན་གྱི། མི་སེར་ཉམས་ཆུང་རྣམས་འགྲོ་འོང་བྱེད་སར་འདི་ལྟ་བུའི་བྱ་སྤྱོད་སྤེལ་བ་དེ་ནི་སྙིང་རྗེ་དང་ཡ་ང་སྤུ་ཙམ་མེད་པའི་གདུག་སེམས་ཤིན་ཏུ་གནག་པོ་འདི་འདྲའི་མི་ངན་རྣམས་ཀྱིས་ད་དུང་ཇི་ལྟར་བྱེད་པར་འགྱུར་གི་རེད་ངེད་ཚོ་བཙན་བྱོལ་བ་ཐམས་ཅད་ཀྱི་བློ་རྩེ་གཅིག་ཏུ་བསྒྲིལ་ནས་ནན་བལྟ་དང་ཞིབ་གཤེར་ཚན་པས་གོང་ས་མཆོག་དང་རྒྱལ་དབང་ཀརྨ་པ་སོགས་ཀྱི་སྐུ་མདུན་དུ་ངེས་པར་དུ་མེལ་རྩེ་ནམ་ཡང་མི་ཀློད་པ་བྱེད་རྒྱུ་དེ་ནི་ཆེས་ཤིན་ཏུ་གལ་ཆེན་ཞིག་གི་བྱ་བ་ཡིན་པས་བདེ་སྲུངས་ཚན་པར་འདི་རྒྱུད་ནས་ཡང་བསྐྱར་གཟབ་ནན་གནང་རོག་ཞེས་ཞུ་གི་ཡོད། ཚེ་འདས་དེ་ཚོས་གཙོས་པའི་བར་དོའི་ཡིན་ཅན་ཚེ་ལས་འདས་ཚད་ཐམས་ཅད་རྣམ་གྲོལ་ཐར་པ་ཆེན་པོའི་གོ་འཕང་རིན་པོ་ཆེ་མྱུར་དུ་ཐོབ་པའི་སྐྱ་སེར་ཡོད་དོ་ཅོག་གི་བསྔོ་སྨོན་རེ་གསུང་གྲུབ་གནང་ཞེས་གསོལ་བ་འདེབས་ཀྱིན་ཡོད།།
ཁྱོད་ཚོས་གསར་འགྱུར་གྱི་དུས་ཚོད་མགྱོགས་དགོས་ལ། དོན་དངོས་དང་ཁ་ཐག་ཉེ་དགོས། དེ་ལྟར་གྱུར་ན། ཡིག་ནོར་ཁ་ཤས་ཙམ་གྱིས་དུས་བབ་གཏན་དུ་འཇིག་མི་སྲིད་པ་ཡིན། དེ་ཡང་ཁྱོད་ཚོས་མཉམ་འཇོག་བྱ་དགོས་པ་ཞིག་ཡིན་པ་ཞར་དུ་ཤེས་པར་གྱིས།