རྒྱ་ནག་གི་དྲ་དམངས་ཚོས་རེས་གཟའ་ཉི་མ་ནམ་ཡིན་གྱི་ཉིན་གུང་ཆུ་ཚོད་ ༢ པའི་ཐོག་༼ མེ་ཏོག་བ་སྤྲུའི་གསར་བརྗེ ༽ (Jasmine Revolution ) ལས་འགུལ་སྤེལ་རྒྱུའི་བསྒྲགས་གཏམ་སྤེལ་ཡོད་པ་ལྟར། དེ་རིང་ཉིན་གུང་རྒྱ་ནག་པེ་ཅིན་དང་ཧྲང་ཧེ་སོགས་གྲོང་ཁྱེར་ཆེ་ཁག་འགའི་ནང་ཟང་ཆ་མི་ཆུང་བ་ཞིག་བྱུང་ཡོད་འདུག་ཅིང་། དེ་ནི་མང་ཚོགས་ཀྱིས་ཟང་ཆ་བཟོས་པ་ཞིག་མིན་པར་མི་མང་འདུ་འཛོམས་བྱེད་ཡུལ་ཁག་ཏུ་ཉེན་རྟོག་པ་ཚོས་གང་བྱུང་དུ་མི་མང་འཛིན་བཟུང་བྱེད་པ་དང་། ལག་ཏུ་ཁ་པར་དང་དཔར་ཆས་ཐོགས་མཁན་རིགས་ལ་འདྲི་རྩད་དང་ཉེས་རྡུང་བཏང་བ་སོགས་བྱས་ཡོད་འདུག དེ་བཞིན། གྲོང་ཁྱེར་ཆེ་ཁག་གི་མི་མང་འདུ་འཛོམ་བྱེད་ཡུལ་ཁག་ཏུ་ཉེན་རྟོག་པ་ཧ་ཅང་མང་པོ་འགྲེམས་འཇོག་བྱས་ཏེ་མི་མང་གི་འགྲོ་འདུག་ལ་དམ་དྲག་ཤུགས་ཆེན་བྱས་ཡོད་འདུག
ཉེ་ལམ་བྱང་ཨ་ཧྥི་རི་ཀ་གླིང་གི་ཊོའུ་ནེ་ཤི་ཡ་དང་། དཀྱིལ་ཤར་ཡུལ་གྲུའི་ཨི་ཇིབ་སོགས་ཀྱི་མི་མང་ཚོས་མེ་ཏོག་བ་སྤྲུའི་གསར་བརྗེ་བྱས་ཏེ། སྲིད་དབང་སྒེར་གཅོད་སྲིད་གཞུང་མགོ་རྟིང་བསླགས་ཡོད་སྟབས། ཕྱི་ཚེས་ ༡༧ ཉིན་རྒྱ་ནག་གི་དྲ་དམངས་ཚོས་ཀྱང་རེས་གཟའ་ཉི་མ་ནམ་ཡིན་གྱི་ཉིན་གུང་ཆུ་ཚོད་ ༢ སྟེང་གྲོང་ཁྱེར་ཆེ་ཁག་ནང་མེ་ཏོག་བ་སྤྲུའི་གསར་བརྗེ་ལས་འགུལ་སྤེལ་རྒྱུའི་བསྒྲགས་གཏམ་སྤེལ་ཏེ། ཕྱི་ཚེས་ ༢༠ ཉིན་རྒྱ་ནག་གི་གྲོང་ཁྱེར་ཆེ་ཁག་ ༡༣ ནང་མེ་ཏོག་བ་སྤྲུའི་གསར་བརྗེ་ལས་འགུལ་དང་པོ་སྤེལ་རྒྱུ་དང་། དེ་རིང་ཕྱི་ཚེས་ ༢༧ ཉིན་བོད་ཀྱི་རྒྱལ་ས་ལྷ་ས་དང་ཡུ་གུར་གྱི་རྒྱལ་ས་ཝོ་རོ་མུའུ་ཆི་གཙོས་པའི་གྲོང་ཁྱེར་ཆེ་ཁག་ ༢༣ ནང་མེ་ཏོག་བ་སྤྲུའི་གསར་བརྗེ་ལས་འགུལ་གཉིས་པ་སྤེལ་རྒྱུ་ཁྱབ་བསྒྲགས་བྱས་ཡོད།
རྒྱ་ནག་གི་གྲོང་ཁྱེར་ཆེ་ཁག་ཏུ་མེ་ཏོག་བ་སྤྲུའི་གསར་བརྗེ་ལས་འགུལ་སྤེལ།
རྒྱ་ནག་གི་གྲོང་ཁྱེར་ཆེ་ཁག་ཏུ་མེ་ཏོག་བ་སྤྲུའི་གསར་བརྗེ་ལས་འགུལ་སྤེལ།
རྒྱ་ནག་གི་གྲོང་ཁྱེར་ཆེ་ཁག་ཏུ་མེ་ཏོག་བ་སྤྲུའི་གསར་བརྗེ་ལས་འགུལ་སྤེལ།
རྒྱ་ནག་གི་གྲོང་ཁྱེར་ཆེ་ཁག་ཏུ་མེ་ཏོག་བ་སྤྲུའི་གསར་བརྗེ་ལས་འགུལ་སྤེལ།
རྒྱ་ནག་གི་གྲོང་ཁྱེར་ཆེ་ཁག་ཏུ་མེ་ཏོག་བ་སྤྲུའི་གསར་བརྗེ་ལས་འགུལ་སྤེལ།
རྒྱ་ནག་གི་གྲོང་ཁྱེར་ཆེ་ཁག་ཏུ་མེ་ཏོག་བ་སྤྲུའི་གསར་བརྗེ་ལས་འགུལ་སྤེལ།
ངས་བསམ་ཚུལ་ལྟར་བྱས་ན། བོད་རིགས་ཡོད་སའི་ས་ཁུལ་ཁག་གི་ནང་ནས་ངེས་པ་ཅན་དུ། མེ་ཏོག་དཀར་པོའི་འདྲ་པར་ལག་ཏུ་བཟུང་པ་དང་། ཁ་ནས་བྱང་ཆུབ་སེམས་མཆོག་རིན་པོ་ཆེ་བཅས་བརྗོད་བཞིན་ཐོག འདུ་མཛོམས་ཞིག་བྱས་ན་ངོ་མ་དོན་སྙིང་ལྡན་པ་ཞིག་རེད་ལ། ང་ཚོའི་ཡུན་རིང་རེ་སྒུག་བྱས་པའི་འབྲས་བུ་ཡང་འབྱུང་ལ་ཉེ་བའི་རྟགས་མཚན་ཀྱང་ཡིན་སྲིད།
མ་ཚད་གཞུང་འབྲེལ་དང་། གཞུང་འབྲེལ་མ་ཡིན་པའི་ཚོགས་པ་ཁག་གི་ལས་འགུལ་དེ་ངེས་པ་ཅན་དུ་སྤེལ་དགོས་པ་རེད་སྙམ། རྒྱ་ནག་མི་དམངས་མེ་ཏོག་བ་སྤུའི་གསར་བརྗེ་ལས་འགུལ་བ་དག་ལ་རྒྱབ་སྐྱོར་མཚོན་བྱེད་དང་། ང་ཚོའི་ཡང་བསྐྱར་རྒྱ་ནག་ལ་གོ་བརྡ་ཞིག་སྤྲད་པ་དང་དུས་མཚུངས། ལས་འགུལ་ཞིག་སྤེལ་བའི་དུས་ཚོད་མ་རེད་དམ།
མེ་ཏོག་འདི་ཡི་མིང་ལ་བོད་སྐད་དུ་མཚན་མོའི་རྒྱལ་མོ་ཟེར།
རྒྱ་གར་བས་རཌ་ཀ་རཌ་ཎི་ཞེས་ཟེར།
ཟླ་བ་ཤར་བའི་ཚེ་ཤིན་ཏུ་དྲི་མ་ཞིམ་པོ་བྲོ་བ་ཞིག་ཡོད།
འདི་ནི་རྒྱ་གྱི་ས་ཆ་ག་ས་ག་ལ་སྐྱེས་སྲོལ་ཡོད་འདུག
ངོས་ཀྱི་བསམ་ཚུལ་ལ་དྲག་པོའི་རྣམ་པ་མེད་ཅིང་ནམ་རྒྱུན་གྱི་སྤྱོད་ལམ་བཞིན་བོད་རིགས་ཐམས་ཅད་འདུ་ས་གཅིག་ན་མེ་ཏོག་དཀར་པོའི་པར་རིས་ལག་ཏུ་ཐོག་ནས་ལྷ་སར་གཙོས་པའི་ས་མདོ་རྣམས་སུ་དུས་གཅིག་ཏུ་འཛོམ་ན་དེས་འགྲིག་གི་འདུག་བསམ
ཉན་རྟོག་པ་རྣམས་ཀྱི་སྐད་ཆར་མི་ཉན་ནས་སྐད་འབོད་རིགས་གང་བྱུང་ཞིག་སྒྲོག་མི་དགོས་པར་སེམས། འདི་གཙོ་བོ་དྲྭ་བའི་རྒོལ་བ་ཡིན་ཙང་གཞོན་སྐྱེས་ཀུན་གྱི་མེ་ཏོག་དཀར་པོའི་གསར་རྗེ་ལ་ཡི་རང་ཡོད་ཞེས་དྲྭ་བར་གང་མང་མང་འདྲི་དགོས་པར་སེམས། གུས་པའི་བསམ་ཚུལ་ཡིན།
མེ་ཏོག་བ་སྤུའི་ལས་གཞི་འདི་ནི་མ་འོངས་པའི་རྒྱ་ནག་མི་དམངས་ཀྱི་བདེ་སྐྱིད་ཀྱི་ལམ་ཆེན་ཞིག་དང་། བོད་མི་རིགས་འདིས་ཡུན་རིང་སྙིང་ལ་གཉར་བའི་རེ་སྒུག་ཅིག་ད་དུང་དམར་བའི་རང་ལུགས་མཇུག་སྒྲིལ་བའི་མཚོན་རྟགས་གསོན་པོ་བཅས་ཡིན་པར་འདོད།
བོད་རིགས་ཅིག་མེ་ཏོག་བ་སྤུའི་གསར་བརྗེ་ལ་བཞུགས་འདོད་ཡོད་ན། ག་འདྲ་ཟེ་བཞུགས་དགོས་སམ།
སྤྱིར་ད་རེས་གྱེན་ལང་འདིའི་མིང་ལ་(མེ་ཏོག་བ་སྤུའི་གསར་བརྗེ་)ཞེས་པ་འདི་ལ་ཡང་མཚན་མཚོན་གཉིས་ཅུང་མ་སྙོམ་པ་ལྟ་བུ་ཞིག་མཐོང་གི་འདུག་སྒྲ་བསྒྱུར་ལ་ནོར་འཁྲུལ་ནི་མི་སྲིད་པས་གོ་བ་ལེན་ཁག་པོ་ཞིག་འདུག གོང་གི་གསར་འགྱུར་ནང་དུ་ཡང་(མེ་ཏོག་བ་སྤྲུའི་གསར་རྗེ་)ཞེས་བརྗོད་འདུག་པས་དེ་ལས་ཀྱང་ཁག་རུ་འགྲོ་གི་འདུག་དོན་ངོ་མའི་མིང་གི་མཚོན་བྱའི་འབྲེལ་གང་ཡིན་ནམ་???
ཡིན་རྒྱུ་ཞི་བའི་ཐོག་ནས་དམར་པོ་མགོ་སྟིང་སློག་པའི་ཐབས་ཇུས་རྒྱ་ཆེན་པོ་ཞིག་ཡིན་འདུག་པས།
དམར་པོ་དོར་ནས་(མེ་ཏོག་དཀར་པོའི་གསར་བརྗེ་)ཞེས་པ་ནི་ཡིན་རྒྱུ་མ་རེད། འདི་ཐད་ལ་དོག་གཅོད་དང་གསལ་བཤད་ཞིག་བྱེད་རོག
གནས་ཚུལ་འདི་ནི་ད་ལྟའི་ཆབ་སྲིད་ཀྱི་ཡོ་འཁྱོམ་ཆེ་བའི་སྐབས་ལ་མཚོན་ན་ཁ་ཚ་དགོས་གཏུགས་ཀྱིས་ང་ཚོས་བསམ་གཞིགས་བྱ་རྒྱུ་ཡོད་པས་ཤིན་ཏུ་ལེགས་ལ། སྐབས་འདིར་ཝང་ལེ་ཞོན་དང་འོད་ཟེར་གཉིས་ཀྱི་སྡོད་གནས་སུ་དམག་གིས་བསྲུངས་འདུག་པར་བཤད་པ་དང་། དེ་མིན་རྒྱ་ནག་གི་མཁས་པ་རྒན་པ་མང་པོ་ཞིག་གིས་འདི་ལ་གདེང་འཇོག་དང་རེ་བ་ཆེན་པོ་ཞིག་བྱེད་བཞིན་པར་མ་ཟད། ཁོང་ཚོས་རྒྱ་མི་ན་གཞོན་གྱི་སེམས་ཁམས་ན་འདི་ལྟ་བུའི་དམངས་གཙོ་ལ་དགའ་ཕྱོགས་ཤིག་ཡོད་པ་དེ་རིང་བར་དུ་ཧ་གོ་མ་སོང་ཞེས་ཆེས་དམངས་གཙོའི་ཡིད་ཆེས་ཀྱི་འགོ་འབུས་པ་ལྟ་བུ་ཞིག་ཏུ་གྱུར་ཡོད་པ་དང་། སྐབས་འདིར་ཁྲིམས་རྩོད་པ་མང་པོ་ཞིག་གིས་ཀྱང་མི་མང་ངེས་པར་དུ་རང་ཁྱིམ་ནས་མི་སྡོད་པར་སྲང་དུ་ལོག་རོགས་ཞུ། ཁྱོད་ཚོས་སྐད་འབོད་བྱ་མི་དགོས། ཁྱོད་ཚོས་སྲིད་གཞུང་ལ་ངོ་ལོག་བྱ་མི་དགོས། ཁྱོད་ཚོས་ཕྱི་རོལ་ན་གནས་ཚུལ་ཅི་ཞིག་འབྱུང་བཞིན་པ་གསལ་པོ་མཐོང་དགོས་པ་ཡིན་ཞེས་སྐུལ་མ་བྱས་ཡོད་ལ། འདི་ལྟར་སྐུལ་མཁན་གྱི་ཁྲོད་དུ་ཆེས་མཐོའི་ཁྲིམས་རྩོད་པ་སོགས་ཀྱང་ཐེ་བ་ཡིན། གང་ལྟར་མི་མང་སྲང་དུ་འདུ་འཛོམས་ཀྱི་འཁྲིགས་ཆ་དོད་པའི་ལས་འགུལ་དམིགས་བསལ་བ་ཞིག་ཏུ་གྱུར་བ་ཤིན་ཏུ་མངོན་གསལ་དོད་པོར་གྱུར་ཡོད།
ཐེངས་འདིའི་གསར་བརྗེ་ལ་དབྱིན་ཡིག་ནང་ (Jasmine Revolution) ཞེས་བཀོད་འདུག་ཅིང་། ( Jasmine ) ཞེས་པ་ནི་མེ་ཏོག་ཅིག་གི་མིང་ཡིན་ཚོད་འདུག་ལ། དེར་ཚིག་མཛོད་དག་ཏུ་བསྒྱུར་སྟངས་མི་འདྲ་ཁ་ཤས་འདུག ༼ དབྱིན་བོད་ཚིགས་མཛོད་གསར་མ ༽རུ་”མེ་ཏོག་ཀུནྔ་” ཞེས་བསྒྱུར་འདུག་ཅིང་། ༼རྒྱ་བོད་ཚིག་མཛོད ༽ ནང་ ” མེ་ཏོག་སྤུ ” ཞེས་བསྒྱུར་འདུག དེ་བཞིན་༼ བོད་རྒྱ་དབྱིན་གསུམ་ཚིག་མཛོད་༽ ནང་ “མེ་ཏོག་བ་སྤྲུ” དང་ ” མེ་ཏོག་ཀུནྡ་” བཅས་སུ་བསྒྱུར་འདུག
མཐར་གཏུག་ན་ཐ་སྙད་མི་འདྲ་བ་གསུམ་འདུག
མེ་ཏོག་བ་སྤུ།
མེ་ཏོག་བ་སྤྲུ།
མེ་ཏོག་ཀུནྡ།