འདི་ལོའི་གསུམ་བཅུའི་དུས་དྲན་ཉིན་ཁམས་འབའ་ཐང་རྫོང་གི་གྲོང་ཁྱེར་ནས་སློབ་ཕྲུག་གཉིས་ཀྱིས་བོད་ལ་རང་དབང་རང་བཙན་དགོས་པ་དང་༧རྒྱལ་བ་རིན་པོ་སྐུ་ཚེ་ཁྲི་ལོར་བརྟན་པར་ཤོག་ཅེས་སྐད་འབོད་བྱས་ཡོད་པ་དང་། དུས་ཡུན་སྐར་མ་བཅུ་ཡས་མས་ཀྱི་མཚམས་སུ་ཉེན་རྟོག་མི་སྣ་བསླེབས་ཏེ་ཁོང་གཉིས་འཇུ་བཟུང་བྱས་ཤིང་། གྲོང་ཁྱེར་གྱི་སུམ་མདོ་ཡོད་ཚད་དྲག་ཆས་དམག་མིས་བཀག་སྡོམ་བྱས་ཡོད་འདུག
བོད་ཟླ་དང་པོའི་ཚེས་བཅུ་བདུན་ཏེ། ཕྱི་ཟླ་ ༣ ཚེས་ ༢༡ ཉིན་འབའ་ཆོས་སྡེ་དགོན་གྱི་བྱམས་པ་གདན་འདྲེན་སྐབས། ༸གོང་ས་མཆོག་གི་སྐུ་པར་ཆེན་པོ་ཞིག་གདུགས་འོག་ནས་དུང་རྒྱ་གླིང་གིས་སྣེ་བསུས་ཏེ། རྫོང་གྲོང་ཁྱེར་ནང་གདན་འདྲེན་ཞུས་ནས་ཕྱིན་སྐབས། ཉེན་རྟོག་པས་བཀག་འགོག་བྱས་པར་བརྟེན་གྲྭ་པ་དང་ཉེན་རྟོག་པའི་བར་འཁྲུག་འཛིང་ཀྱང་ཤོར་ཡོད་འདུག
ད་ལྟའི་ཆར་འབའ་ཐང་རྫོང་གྲོང་ཁྱེར་དང་འབའ་ཆོས་སྡེ་དགོན་པ་གཉིས་ཀ་དྲག་ཆས་དམག་མིས་ལྟ་སྲུང་འོག་གནས་ཡོད་འདུག་པ་མ་ཟད། དུས་དེ་ནས་བཟུང་རྒྱ་གཞུང་གིས་འབའ་ཐང་ས་ཁུལ་དུ་ཕྱི་ཕྱོགས་ཀྱི་ཁ་པར་སོགས་གཏན་འགོག་བྱས་པར་བརྟེན། གོང་གསལ་སྐད་འབོད་བྱེད་མཁན་སུ་ཡིན་མིན་དང་། གྲྭ་པ་དང་ཉེན་རྟོག་པའི་བར་འཁྲུག་འཛིང་སྐོར་གྱི་གནས་ཚུལ། གྲྭ་པ་ག་ཚོད་འཛིན་བཟུང་བྱས་ཡོད་མེད་སོགས་ཀྱི་གནས་ཚུལ་ཞིབ་ཕྲ་ཤེས་རྟོགས་ཐུབ་མེད།
བོད་མི་མང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་གྱིས་བཏང་འབྱོར་བྱུང་།
སློབ་ཕྲུག་སློབ་མའི་སྐུ་ཁམས་བཟང་ཞིང་དགེ་འདུན་པ་རྣམ་པའི་གཞན་དོན་ལྷུན་གྲུབ་ཤོག
དངོས་གནས་རྒྱ་གཅེས་དཔའ་བོ་ཟེར་ན་དེ་འདྲ་དགོས་རེད། རྗེས་སུ་ཡི་རངས་ཡོད།
ཕྱི་ཟླ་ ༣ ཚེས་ ༢༡ ཉིན་འབའ་ཆོས་སྡེ་དགོན་གྱི་བྱམས་པ་གདན་འདྲེན་སྐབས། ༸གོང་ས་མཆོག་གི་སྐུ་པར་ཆེན་པོ་ཞིག་གདུགས་འོག་ནས་དུང་རྒྱ་གླིང་གིས་སྣེ་བསུས་ཏེ། རྫོང་གྲོང་ཁྱེར་ནང་གདན་འདྲེན་ཞུས་ནས་ཕྱིན། པ་ནི། བློས་གཏོང་དང་གཟི་བརྗི་རེད་དོ། ། བོད་རླྱལ་ལོ། །