སྡེར་ནང་ས་བྲིས།

ཉེ་ལམ་མགོ་ལོག་ཁུལ་གྱི་༼ སྡེར་ནང་ས་བྲིས ༽ཞེས་པ་དེ་རྒྱ་ནག་གི་གཟུགས་འདས་ཤུལ་བཞག་རིག་གནས་ཀྱི་མཚན་གཞུང་ནང་བདམས་ཡོད་འདུག  

སྡེར་ནང་ས་བྲིས་ནི་བོད་ཀྱི་ཡིག་གཟུགས་རིགས་ཤིག་ཡིན་འདུག་ལ། དུས་རབས་ ༨ ནང་བཙན་པོ་ཁྲི་སྲོང་ལྡེ་བཙན་གྱི་སྐབས་སུ། ལོ་ཙཱ་བ་དང་ཡིག་གཟུགས་མཁས་ཆེན་བེེ་རོ་ཙ་ན་དབུས་ནས་ཁམས་ཕྱོགས་སུ་ཕེབས་ཡོད་པ་དང་། སྐབས་དེར་མགོ་ལོག་སྡེར་ནང་ས་ཆ་བརྒྱུད་ཕེབས་སྐབས་སློབ་བུ་བསྡུས་ཏེ་ཡིག་གཟུགས་འབྲི་སྦྱང་བསླབ་ཡོད་འདུག ཕྱིས་ཀྱི་དུས་རབས་ ༡༨ པ་ནས་དུས་རབས་ ༡༩ པའི་དུས་མགོར། སྡེར་ནང་ས་ཆའི་གྲྭ་བ་ས་གནམ་བསྟན་འཛིན་ཞེས་པས་སྔར་ཡོད་བེེ་རོའི་ཡིག་གཟུགས་ཀྱི་རྨང་གཞིའི་ཐོག་སྡེ་དགེའི་ཡིག་གཟུགས་ལ་ཁུངས་གཏུགས་ཏེ། ཁོང་ཉིད་ཀྱི་ཁྱད་ཆོས་ལྡན་པའི་ཡིག་གཟུགས་ཤིག་གསར་གཏོད་མཛད་ཡོད་ཅིང་། ཡིག་གཟུགས་མགོ་ལོག་དར་ལག་སྡེར་ནང་ས་ཆར་དར་ཁྱབ་ཆེན་པོ་ཕྱིན་ཡོད་སྟབས། ད་ཆར་༼ སྡེར་ནང་ས་བྲིས ༽ ཞེས་འབོད་བཞིན་ཡོད་འདུག