མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཁ་ཐུར་འཁོར་གྱི་མིག་དཔེ།

བོད་ཀྱི་དུས་བབ།
༢༠༡༡/༡༠/༡༣
Share on FacebookShare on TwitterShare on EmailShare on Whatsapp

བོད་ཀྱི་དུས་བབ་སྤྱིའི་འདོན་ཐེངས་ ༥༣༠ པའི་སྟེང་གི་རྩོམ་སྒྲིག་པའི་གཏམ།

བཙན་བྱོལ་བོད་མིའི་གཞིས་ཆགས་དང་སློབ་གྲྭ དགོན་སྡེ། ཚོགས་པ་སྐྱིད་སྡུག་གང་འདྲ་ཞིག་གིས་མཛད་སྒོ་ཆེ་ཆུང་ཅི་འདྲ་ཞིག་ཚོགས་ཀྱང་། ཐོག་མའི་དབུ་འཛུགས་ཀྱི་གཏམ་བཤད་དང་། བར་གྱི་ལས་བསྡོམས་སྙན་སྒྲོན། མཐའ་མའི་མཇུག་བསྡོམས་གསུང་བཤད་ཚང་མར་ཡག་རབ་དང་རྒྱན་རབ། རྒྱལ་ཁ་བླངས་རབ་དང་གཟི་བརྗིད་ཆེ་རབ། ལས་ཀ་བྱས་རབ་དང་གྲུབ་འབྲས་འཐོན་རབ་རྐྱང་རྐྱང་ལས། དོན་དག་ངོ་མའི་ཐོག་ནས་དཀའ་ངལ་གང་དུ་འཕྲད་པ་དང་འཐུས་ཤོར་གང་དུ་ཕྱིན་པ། ནོར་འཁྲུལ་གང་ནས་བཟོས་པ་དང་ལྷག་འཕྲོ་གང་དུ་ལྷག་པའི་སྐོར་བཤད་པའི་ལམ་སྲོལ་རྩ་ནས་མེད། འདི་གཅིག་བྱས་ན་མགོ་༧གོང་ས་མཆོག་ནས་ཞོལ་མི་མང་བྱིངས་བར་ཁ་ནས་མ་ཎྀ་ལྟར་བགྲང་བཞིན་པའི་ “ ང་ཚོ་ཕྱི་གསལ་ནང་གསལ་ཡིན ”  ཞེས་བའི་ལྟ་གྲུབ་འདི་དང་རྒྱབ་འགལ་ཆགས་ཀྱི་ཡོད་སྲིད་ལ། དོན་དག་དངོས་ཀྱི་ཐོག་ནས་ཀྱང་རང་མགོ་རང་གིས་གཡོགས་ཏེ་རང་ཤ་མི་ལ་ཆད་པའི་དཔེ་ཟླ་ཡིན།  

    ཡང་ཕྱོགས་གཞན་ཞིག་ནས་བཤད་ན་ང་ཚོ་བཙན་བྱོལ་པ་ཡིན་ལུགས་དང་། མིའི་ལུང་པར་བསྡད་སྐོར་སོགས་ཀྱི་གནས་ལུགས་མང་པོ་བགྲངས་ཏེ། ལས་ཡུན་རྫོགས་ཐབས་དང་མི་ཁར་གཡོལ་ཐབས་བྱས་ཀྱང་ཆོག་མོད། བོད་སྤྱི་བར་བསམ་བློ་གཏོང་མཁན་ཞིག་དང་སྤྱི་དོན་ལ་འགན་འཁུར་མཁན་ཞིག་ཡིན་ན། མིའི་ལུང་པ་ནས་ཀྱང་ཉི་མ་འཕུད་ཐབས་དང་མི་ཚེ་སྐྱེལ་ཐབས་བྱས་ཏེ་བསྡད་ན། ནམ་ཞིག་མིའི་ལུང་པའི་གནས་ཚང་ཆུང་ཆུང་འདི་ཡང་བཙན་གྱིས་འཕྲོག་མཁན་མེད་ཀྱང་རང་བཞིན་གྱིས་འཆོར་ཉེན་ཡོད། དེང་སྐབས། ཐ་ན་བོད་མི་མང་ཚོགས་དཀྱུས་མ་ཚོས་ཇ་ཁ་ཆང་ཁ་ནས་གླེང་བཞིན་པ་དེའང་།  རང་སེམས་གསོ་བྱེད་ཀྱི་རང་བསྟོད་གླུ་གཞས་ཤ་སྟག་ཆགས་ཡོད། སྟོབས་འབྱོར་མངའ་ཐང་ལྡན་ལ་མི་ཤུགས་དབང་སྡུད་ཆེ་བའི་རྒྱ་ནག་རྒྱལ་ཁབ་ཆེན་པོའི་ཁ་གཏད་དུ་ལངས་ཏེ། ད་ལྟའི་བར་བདེན་དོན་འཐབ་རྩོད་གནང་ཐུབ་པ་བྱུང་བ་དེ་ནི་ས་སྒང་འདིར་བྲང་ཁ་ལྡིར་ཏེ་སྤོབས་པས་གླེང་འོས་པའི་མི་རིགས་ཀྱི་གཟི་བརྗིད་ཅིག་ཡིན་སྐོར་བརྗོད། 

    ཟུར་གཅིག་ནས་གླེང་ན་རང་གི་འབད་འབུངས་ལ་རང་བསྟོད་ཀྱིས་ལན་རེར་རང་སེམས་གསོ་ཆོག་པ་དེ་ནི། འགྲོ་བ་མིའི་རྒྱུན་ལྡན་གྱི་གཤིས་ལུགས་ཤིག་ཏུ་བརྗོད་ཆོག་མོད།  ཡིན་ནའང་། གནའ་བོའི་བོད་པ་ཚོས་རྟ་དམག་གི་རྨིག་སྒྲས་ས་ཆེན་གྱི་བྲང་ཁ་གཤེགས་ཏེ། རྒྱའི་རྒྱལ་བོ་ཁྲི་ལས་ཕབ་པའི་དཔའ་སྙིང་གི་འཕར་ལྡིང་དེ་སྔར་ནས་འཇགས་ཟིན་པ་ད་དུང་ཡང་ཚོར་ཐུབ་ཀྱི་མེད་ལ། གདོང་དམར་བོད་པ་ཚང་གི་དཔའ་བོའི་མི་རབས་སྔར་ནས་ཤི་ཟིན་པ་འདི་ཙམ་ལས་ཀྱང་ང་ཚོས་ད་ལྟའི་བར་རང་གིས་རང་ལ་ཁ་དོག་སྣ་ཚོགས་སྤྲས་ཏེ་རང་བསྟོད་ཀྱི་ལམ་ནས་འགྱེད་ཟིན་པའི་དོན་དངོས་ཀྱི་ཟུར་ཅིག་བསྟན་ཡོད།   

    གནའ་མིའི་གཏམ་དཔེ་ལ་ཁ་མིག་ཡར་ལྟ་བྱས་ཏེ་མི་ལ་སྐུལ་ལྕགས་གནང་དགོས་པར་གདམས་ཡོད་མོད། ཡིན་ནའང་། དུས་རྒྱུན་མཛད་སྒོ་ཚོགས་ས་དང་མི་མང་འཛོམས་ས་དག་ན་ལས་ཀྱི་སྣེ་མོ་བ་ཚོས་ཡང་དང་བསྐྱར་དུ་སྒྲོག་བཞིན་པ་དེ་ནི། འཛམ་གླིང་རིལ་མོ་འདིའི་སྒང་ནས་རྒུད་པ་ནས་རྒུད་པའི་ཕྱོགས་སུ་སྐྱོད་བཞིན་པའི་ཉམ་ཐག་ཚོ་དཔེ་རུ་དྲངས་ཏེ། རང་ཉིད་ནི་འདྲ་འདྲའི་ནང་ནས་མ་འདྲ་བ་ཞིག་ཆགས་སྐོར་གྱི་རང་བསྟོད་འུད་ཀྱིས་བརྗོད་པ་ལས། གནའ་བོའི་ཨེ་ཤ་ཡའི་སྟོབས་ཆེན་རྒྱལ་ཁབ་ཅིག་གི་རང་ཚིགས་རྨང་ནས་ཤོར་ཏེ་ས་སྒང་རིལ་མོ་འདི་ན་མིང་གི་ལྷག་མར་འགྱུར་བཞིན་པའི་ན་ཟུག་གླེང་མཁན་ཤིན་ཏུ་ནས་ཀྱང་དཀོན།

    རང་སེམས་གསོ་བྱེད་ཀྱི་སྐྱིད་གླུ་སྙན་མོ་དེ་དག་གིས་གནས་སྐབས་རིང་མགོ་བོ་འཐོམ་སྟེ་བདེ་སྣང་ཐན་ཐུན་རེ་སྟེར་སྲིད་མོད།  ད་ལྟའི་ང་ཚོ་ནི་རི་ཁ་བ་ཅན་གྱི་གནའ་བོའི་བཙན་པོའི་རུས་རྐང་ལ་སེར་ཁ་བཏོད་མཁན་ཀྱི་མི་རབས་ཤིག་ཆགས་ཀྱི་ཡོད་པའི་ལོ་རྒྱུས་ཀྱི་ངོ་ཚ་དེ་འདག་ཐབས་ཡེ་ནས་མེད། དེར་བརྟེན། མིག་དཔེ་ཐུར་བལྟས་བྱེད་མཁན་གྱི་མི་རབས་འདིར་མཁོ་བ་ནི་སྣང་བ་སྐྱིད་པོ་དང་། དུས་བདེ་ལྷོད་འཇགས་ངང་མི་ཚེ་ཕུད་རྒྱག་གི་འཚོ་བ་སྐྱེལ་སྟངས་དེ་མ་ཡིན་པར། ན་ཟུག་དང་དཀའ་སྡུག་ཕྲག་ལེན་གྱི་སྙིང་སྟོབས་བསྐྱེད་དེ་ཉི་མཚན་དུས་དྲུག་ལ་སེམས་འཚབ་དང་ངལ་དུབ་ཀྱིས་འཚོ་དགོས་པའི་གཟབ་ནན་གྱི་འཚོ་སྟངས་ཤིག་འཚོལ་དགོས་ལ། མདོར་བསྡུས་ཏེ་བཤད་ན། ཕྱི་གསལ་ནང་གསལ་གྱིས་རང་ངོ་རང་གིས་ཤེས་དགོས་པ་དང་། རང་ཚང་རང་གིས་བསྔོགས་ཏེ་རང་ཉིད་ཀྱི་བླ་སྲོག་ངོ་མ་དེ་བསྐྱར་བཞེངས་བྱ་དགོས་པ་དེའོ།།

འབྲེལ་ཡོད་གསར་འགྱུར།

Front Slider

༧རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཐུགས་དགོངས་དང་དེའི་གལ་གནད་སྐོར་ལ་གླེང་མོལ།

༢༠༢༥/༠༧/༢༦
Mobile App

དྷ་ས་ཁུལ་གྱི་ཁང་རྙིང་དག་ལ་ཀ་བ་ཡོད་མེད་སོགས་ཞིབ་འཇུག་གནང་གལ་ཆེ་སྐོར་བརྗོད་སོང་།

༢༠༢༥/༠༧/༢༥
༧གོང་ས་མཆོག་ནས་ཟངས་དཀར་དུ་ལམ་གཙོ་རྣམ་གསུམ་གྱི་བཀའ་ཆོས་སྩལ།༢༠༢༥།༠༧།༢༥ དུས་བབ་ཀྱི་པར།
༸གོང་ས་མཆོག གསར་འགྱུར།

བོད་ནང་དུས་ལོག་བྱུང་སྐབས་ཐོས་བསམ་སྒོམ་གསུམ་ཡ་མ་བྲལ་བ་བྱས་པར་ཧ་ཅང་ཕན་ཐོགས་བྱུང་ཞེས་གསུངས།

༢༠༢༥/༠༧/༢༥
དྲ་འབུས་སིམ་འཛུལ་བྱས་པའི་བོད་ཀྱི་ཐེབས་རྩའི་དྲ་རྒྱ།
Mobile App

གོ་སྟོན་སྐབས་མཉེན་ཆས་རྫུན་མ་བཟོས་ཏེ་བཙན་བྱོལ་བོད་མིར་འཇབ་རྒོལ་བྱས་ཡོད།

༢༠༢༥/༠༧/༢༥
Newcastle Lord Mayor Ross Kerridge and Chinese Consul General Wang Yu.
Mobile App

རྒྱ་ནག་གཞུང་ཚབ་པས་གནས་མཁར་གསར་གྱི་བོད་མི་དང་ཐའེ་ཝན་གྱི་མི་མང་ལ་རོགས་རམ་གནང་རྒྱུ་མེད་པའི་ངན་སྐུལ་བྱས།

༢༠༢༥/༠༧/༢༥
Mobile App

བོད་མི་མང་སྤྱི་འཐུས་ཁག་ཅིག་ཞུ་གཏུག་བྱས་པའི་གནད་དོན་ཐོག་གསར་འགོད་གསལ་བསྒྲགས་བྱས་སོང་།

༢༠༢༥/༠༧/༢༥

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese