དེ་རིང་གཞུང་འབྲེལ་གདུང་སེམས་མཉམ་སྐྱེད་ལས་འགུལ་གྱི་ཉིན་གཉིས་པ་དེ་བོད་ཀྱི་བུད་མེད་ཀྱི་སྣེ་འཁྲིད་འོག་ལྡི་ལི་རཱམ་ལེ་ལཱ་མེལ་ཏཱན་ཐང་ཆེན་ནས་ཇཱན་ཏར་མན་ཏར་བར་ཞི་བའི་གོམ་བགྲོད་དང་མར་མེ་ཁྲོམ་སྐོར་གནང་ཡོད།
དེ་རིང་ཕྱི་ཚེས་ ༢༠ ཉིན་ཞོགས་པའི་ཆུ་ཚོད་ ༩ ། ༣༠ སྟེང་འཛིན་སྐྱོང་བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་ཐུན་མོང་ཐོག་རྒྱལ་ས་ལྡི་ལིར་གོ་སྒྲིག་གནང་བཞིན་པའི་གཞུང་འབྲེལ་གདུང་སེམས་མཉམ་སྐྱེད་ལས་འགུལ་དེ་རྒྱ་བལ་འབྲུག་གསུམ་ནས་ཆེད་དུ་ཕེབས་པའི་བུད་མེད་ཀྱི་སྣེ་འཁྲིད་འོག སྤྱི་འཐུས་རྣམ་པ་དང་ས་གནས་འབྲེལ་ཡོད་ལས་བྱེད། སེར་སྐྱ་མི་མང་ ༣༠༠༠ ལྷག་འདུ་འཛོམས་ཀྱིས་ལྡི་ལི་རཱམ་ལེ་ལཱ་མེལ་ཏཱན་ཐང་ཆེན་ནས་ཇཱན་ཏར་མན་ཏར་བར་གོམ་བགྲོད་དང་སྐད་འབོད་ཁྲོམ་སྐོར་གནང་སོང་བར་མ་ཟད། ལས་འགུལ་ཐོག་ལྡི་ལི་ཧིན་བོད་མཛའ་འབྲེལ་ཚོགས་པའི་ཚོགས་མི་དང་བྷེ་རྗི་པེ་མངའ་སྡེའི་ཚོགས་གཙོ་སྐུ་ཞབས་མཱ་ཧེ་ཤི་ཅེ་ཌལ་མཆོག རྒྱ་གར་རྒྱལ་ཡོངས་ཆེས་མཐོའི་ཁྲིམས་ཞིབ་ཁང་གི་ཁྲིམས་རྩོད་པ་སྐུ་ཞབས་རྗེ་བྷེ་ཤཱ་མཱ་མཆོག་བཅས་གཙོས། རྒྱ་གར་གྱི་གྲོས་ཚོགས་འཐུས་མི་དང་ཁྲིམས་རྩོད་པ། མཁས་དབང་། སྤྱི་ཚོགས་ཞབས་ཞུ་བ། ཆོས་ལུགས་ཀྱི་དབུ་ཁྲིད་བཅས་བོད་དོན་རྒྱབ་སྐྱོར་གནང་མཁན་གྱི་གནད་ཡོད་མི་སྣ་ ༡༧ ལྷག་མཉམ་ཞུགས་ཀྱིས་གཏམ་བཤད་གནང་སོང་ལ། དེར་ཡོད་མི་མང་གིས་བོད་ནང་རང་ལུས་མེར་བསྲེགས་བཏང་བའི་རྒྱལ་གཅེས་དཔའ་བོད་རྣམས་དང་ས་གནས་མི་མང་ལ་གདུང་སེམས་མཉམ་སྐྱེད་ཆེད་མཆོད་འབུལ་སྨོན་ལམ་དང་མར་མེ་ཁྲོམ་སྐོར་བཅས་གནང་སོང་།
དེ་རིང་གི་ལས་འགུལ་དེ་བོད་ཀྱི་བུད་མེད་ཀྱི་སྣེ་འཁྲིད་པའི་ལས་འགུལ་ཞིག་ཆགས་ཡོད་སྟབས། གསར་འགོད་པས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཀིརྟི་སྒྲོལ་དཀར་ལྷ་མོ་ལགས་སུ་དེ་རིང་གི་ལས་འགུལ་ཏེ་བུད་མེད་ཀྱིས་སྣེ་འཁྲིད་དགོས་དོན་དང་། ལས་འགུལ་ནང་བུད་མེད་ལྷན་ཚོགས་ཀྱི་ས་གནས་ཁག་ག་ཚོད་ཀྱི་ཚོགས་མི་ཞུགས་ཡོད་མེད་དྲིས་པར་ཁོང་གིས། “ ད་རེས་ཀྱི་ལས་འགུལ་དེ་བོད་ནང་གི་ཛ་དྲག་གི་གནས་སྟངས་ལ་གཞིགས་ཏེ་འཛིན་སྐྱོང་བཀའ་ཤག་དང་སྤྱི་འཐུས་ལྷན་ཚོགས་མཉམ་རུབ་ཐོག་ལས་འགུལ་སྤེལ་གྱིན་ཡོད་པ་ལྟར། དེ་རིང་བུད་མེད་ཀྱི་སྣེ་འཁྲིད་དེ་ལས་འགུལ་སྤེལ་གྱི་ཡོད། ང་ཚོའི་དམིགས་ཡུལ་གཙོ་བོ། ད་ལྟའི་བར་རྒྱ་ནག་གཞུང་གིས་དྲག་གནོན་འོག་བོད་ནང་བོད་མི་དགུ་ཡིས་རང་ལུས་མེར་བསྲེགས་བཏང་ཡོད་པའི་གནས་སྟངས་དེ་རྒྱལ་སྤྱིའི་སྤྱི་ཚོགས་ཀྱི་མཁྱེན་རྟོགས་ཡོང་ཆེད་དང་། རྒྱ་ནག་གཞུང་ངོས་ནས་བོད་ནང་གི་དངོས་ཡོད་སྟངས་ལ་ཉམས་ཞིབ་ཀྱིས་མགྱོགས་མྱུར་དྲག་གནོན་མཚམས་འཇོག་བྱ་རྒྱུ་དང་འབྲེལ་མོལ་གྱི་ལམ་ནས་བོད་དོན་ཐག་གཅོད་ཡོང་བའི་རེ་སྐུལ་བྱ་ཆེད་ཡིན། ང་ཚོ་བུད་མེད་ཚོ་ཡང་བོད་མི་རིགས་དང་བོད་རྒྱལ་ཁབ་ཀྱི་ཁོངས་སུ་གཏོགས་པའི་འབངས་མི་ཞིག་ཆགས་ཡོད་སྟབས། སྲིད་བྱུས་གང་འདྲ་བཟུང་མིན་ལ་མ་ལྟོས་པར་ད་ལྟའི་བོད་ནང་གི་ཛ་དྲག་གི་གནས་སྟངས་འདིར་གཟིགས་ཏེ། བུད་མེད་ལྷན་ཚོགས་ཀྱིས་ས་གནས་ ༣༡ ལྷག་གི་མི་སྣ་མཉམ་ཞུགས་གནང་ཡོད། དེ་ཡང་གཙོ་བོ་
བོད་ཀྱི་འཐབ་རྩོད་དེ་སེར་མོ་བ་དང་སྐྱེས་པ་ཚོ་ཁོ་ནའི་ལས་འགུལ་ཞིག་མ་ཡིན་པར། ང་ཚོའི་འཐབ་རྩོད་དེ་སེར་སྐྱ་དབྱེར་མེད་དང་ཕོ་མོ་དབྱེར་མེད་ཀྱི་འཐབ་རྩོད་ཅིག་ཡིན་པའི་རྣམ་པ་སྟོན་ཆེད་བུད་མེད་ཀྱི་སྣེ་ཁྲིད་དེ་ལས་འགུལ་སྤེལ་བ་རེད། “ ཅེས་བརྗོད་བྱུང་།
ཡང་ཁོང་གིས། “ང་ཚོའི་བུད་མེད་ཚོའི་ངོས་ནས་ཀྱང་རེ་བ་གཙོ་བོ། ང་ཚོའི་ངོས་ནས་དེ་རིང་གི་ལས་འགུལ་སྣེ་འཁྲིད་དེ་རྒྱལ་སྤྱིའི་སྤྱི་ཚོགས་ལ་བོད་ནང་གི་གནས་སྟངས་ལ་བཟང་ཕྱོགས་ཀྱི་འགྱུར་བ་ཡོང་རྒྱུའི་འབོད་སྐུལ་ཞུ་བཞིན་ཡོད། ༸གོང་ས་མཆོག་གིས་ད་ལྟའི་བར་འཛམ་གླིང་ཞི་བདེ་དང་བོད་དོན་བདེན་མཐའ་སེལ་བའི་བཀའ་སློབ་རིམ་པ་བསྩལ་ཡོད་པ་ལྟར། འཛམ་གླིང་གི་དབུ་ཁྲིད་དང་མི་མང་གི་ངོས་ནས་ཀྱང་མ་འོངས་པར་འཛམ་གླིང་ནང་ཞི་བདེ་ཡོང་ཆེད། རྒྱ་ནག་གཞུང་གིས་བོད་ནང་གི་ཆོས་དང་རིག་གཞུང་། ཁོར་ཡུག་བཅས་གཏོར་བཅོམ་གཏོང་བཞིན་པའི་ཐད་ལ་འབོད་སྐུལ་དང་གནོན་ཤུགས་སྤྲོད་དགོས་པ་རེད་ལ། རང་ལུས་མེར་བསྲེགས་བཏང་བའི་བོད་མི་ཚོས་རེ་འདོད་ལྟར་༸གོང་ས་མཆོག་བོད་ནང་ཕེབས་ཐབས་སུ་རྒྱབ་སྐྱོར་དང་འབོད་སྐུལ་དགོས་པ་རེད། “ ཅེས་བརྗོད་བྱུང་།
ལྡི་ལི་ནས་གསར་འགོད་པ་དོན་གོ
བུ་མེད་ཚོ་ངོ་མ་རྟོག་སད་ཀྱི་ངོ་བོར་འགྱུར་བའི་རེ་བ་འདུག
ངས་ནམ་ཡིན་རུང་བོད་མེད་ཚོར་ཡར་ལངས་དགོར་པའི་རེ་འདུན་ཞུ་ཡི་ཡོད་པ་མ་ཟད་དཀོོག་ལ་ཡང་སྨོན་ལམ་འདེབས་ཀྱི་ཡོད་།
འཚེ་མེད་ཞི་བའི་ལས་འགུལ་སྤེལ་སྐབས་སྐྱེས་པ་ཕོ་ལས་བུད་མེད་མོ་རྣམས་ནུས་པ་ཆེ་བ་ཡོད།
བོད་མི་རིགས་ཟེར་པ་འདི་འདྲ་ལེ་ཡིན་ངོ་མ་དགའ་འོས་པ་ཞིག་འདི་འདྲའི་གནས་སྟངས་ཐད་གདུང་སེམས་མཉམ་བསྐྱེད་བྱས་པ་ནི་རང་ཐང་གཞན་ན་མེད་ཞིག་རེད། གང་ལྟར་འདི་ལྟར་ལས་འགུལ་རིན་ཐང་ཆེ་ཤོས་སུ་བརྩི་ཆོག་བོད་མིའི་དཀའ་སྡུག་སེལ་མ་ཐུབས་ན་ཡང་རང་སེམས་ལ་དགའ་སྣང་ཞིག་སྐྱེ་ངེས་རེད།
ད་ལོའི་བཀའ་ཤག་གསར་པ་དང་། སྤྱི་འཐུས་གསར་པས་རྙིང་པ་ཚོ་དང་མི་འདྲ་བའི་བོད་ཀྱི་གནད་དོན་ལ་གདུང་སེམས་མཉམ་བསྐྱེད་གནང་བ་འདི་ནི་ཆེའི་མཆོག་ཏུ་བཀུར་འོས་པ་དང་ལས་དོན་དེ་དག་ལམ་ལྷོང་ཡོང་བའི་སྨོན་འདུན་ཞུ། བོད་རྒྱལ་ལོ། ཤིན་ཏུ་རྒྱལ་ལོ། རྟག་ཏུ་རྒྱལ་ལོ།
རང་དབང་དང་མང་གཙོའི་སྤྱི་ཚོགས་ནང་དུ་སྡོད་མཁན་བོད་ཀྱི་བུད་མེད་སྤྱི་དང་། ལྷག་པར་དུ། ནུབ་ཕྱོགས་སུ་ཡོད་པའི་བོད་པའི་བུ་མོ་རྣམས་ཀྱིས་ལས་འགན་གཙོ་བོ་ནི། རིགས་རྒྱུད་མང་པོ་ཞིག་སྤེལ་ཐུབ་པ་བྱ་རྒྱུ་དེ། ད་ལྟ་དང་མ་འོངས་པའི་བོད་མི་རིགས་ཀྱི་སྟོབས་ཤུགས་ཤིག་ལ་མངོན་སུམ་གྱིས་ཆགས་འགྲོ་བས་ན། དེ་ལུགས་བཞིན་དགོངས་བཞེས་ཡོང་བར་ཞུ།
དེ་མིན་རིགས་རྒྱུད་གཅིག་ལས་ལྷག་ཅིག་མ་སྤེལ་བར་སྐད་འབོད་ཀྱི་རྣམ་འགྱུར་ལ་དོན་སྙིང་ཆེན་པོ་མི་འདུག་སྙམ། འདིའི་སྐོར་ལ་ཉམས་མྱོང་མེད་པས་ན། གཅིག་བྱས་ན། ང་ནོར་ཡོད་སྲིད་ཀི་རེད།
ཞོར་དུ་དུས་ཐོག་ཏུ་གསར་འགྱུར་གཏོང་མཁན་ལ་ཁ་དྲོ་ཡིན།
ཤ་ཁྲག་གཅིག་པའི་སྤུན་ཟླ་ཚོ་ལ་གདུང་སེམས་མཉམ་སྐྱེད་དང་ལས་འགུལ་འདི་ལྟར་སྤེལ་བ་ལ་སྙིང་ཁོེངས་རུས་པའི་སྟིང་ནས་ཐུགས་རྗེ་ཞུ།
ཐར་གཅིག་ཏུ་རྒྱ་མི་དམར་པོ་གཞུང་ལ་ངོ་རྒོལ་དང་ཤ་ཁྲག་གཅིག་པའི་སྤུན་ཟླ་ཚོ་ལ་གདུང་སེམས་སྐྱེད་ཡོད། ད་དུང་ཡང་མུ་མཐུད་ནས་ལས་འགུལ་འདྲ་མིན་སྤེལ་གྱི་ཡིན་
བོད་རྒྱལ་ལོ། བོད་རྒྱལ་ལོ། བོད་རྒྱལ་ལོ།
ཟླ་འདིའི་ཕྱི་ཚེས་ ༡༥ ཉིན་རྒྱ་གཞུང་གི་ཉེན་རྟོག་པས་རྔ༌པ་ཀིརྟི་དགོན་པའི་གྲྭ་འཇིགས་མེད་ཆོས་འཕེལ་འཛིན་བཟུང་བྱས་ཡོད་པ་དང་། ཕྱི་ཚེས་ ༡༧ ཉིན་ཀིརྟི་དགོན་གྲྭ་ཕུན་ཚོགས་འཛིན་བཟུང་བྱས་ཡོད་འདུག
᪠ᨕ᩶་᪱ᨑ་᫄ᨕ་ᨕᩏ་ᨕᨵ་་་་་་་་་་་་་་་་་་་་་་མགྱོགས་ནས་མྱུར་དུ་ལོང་ཤོག་་་་་་་་་་་་་་་་་་བཀའ་སྤྱི་གཉིས་ནས་སྣེ་འཁྲིད་གནང་བའི་ལས་འགུལ་ནང་མཉམ་ཞུགས་གནང་རོགས། འདས་པའའི་ལོ་རྒྱུས་ནང་བྱུང་མ་མྱོངས་བའི་ད་ལན་གྱིས་ལས་འགུལ་ཆེན་མོ། ཉིན་གཅིག་དུས་གཅིག་ལ་འཛམ་གླིང་རྒྱལ་ཁབ་དྲུག་བཅུའི་ནང་བོད་མི་དང་བོད་དོན་རྒྱབ་བསྐྱོར་པ་མི་འབུམ་གཉིས་ལྷག་གིས་རྒྱ་གཞུང་གི་སྲིད་ཇུས་ལ་ངོ་རྒོལ་གནང་ནས་རྒྱ་ནག་གཞུང་གིས་རང་མཚུང་གཏོལ་ཡོད།