ཅེག་སྤྱི་མཐུན་རྒྱལ་ཁབ་དུ་ཆིབས་སྒྱུར།

དུས་གསུམ་རྒྱལ་བ་ཀུན་གྱི་སྐུ་གསུང་ཐུགས། །
རིགས་གསུམ་མགོན་པོའི་རྣམ་པའི་གཟུགས་སུ་བྱོན། །
མགོན་པོ་རྣམ་གསུམ་སྤྱི་གཟུགས་གཅིག་བསྡུས་པ། །
༸རྒྱལ་མཆོག་བསྟན་འཛིན་རྒྱ་མཚོར་གསོལ་བ་འདེབས། །

གངས་ཅན་ལྷ་གཅིག་འདྲེན་པའི་བདག་པོ་མཆོག །
མི་འབྲལ་སྤྱི་གཙུག་རྒྱན་གྱི་འཁོར་ལོར་བྱོན། །
བོད་འབངས་བྱམས་གྱིས་སྐྱོང་བའི་ཐུགས་བཞེད་ཉིད། །
ཇི་སྲིད་སྐལ་བའི་བར་དུ་རྒྱུན་གྱིས་སྐྱོངས། །

གངས་རིའི་ར་བས་བསྐོར་པའི་ཞིང་ཁམས་སུ།  ཕན་དང་བདེ་བ་མ་ལུས་འབྱུང་བའི་གནས།   སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི།  ཞབས་པད་སྲིད་མཐའི་བར་དུ་བརྟན་གྱུར་ཅིག