ཁ་སང་ཕྱི་ཚེས་ ༡ ཉིན་སྔ་དྲོར་ཁམས་ཆབ་མདོ་ཀརྨ་དགོན་པར་གྲྭ་བ་བྱས་མྱོང་མཁན། ད་ཆར་རང་ལོ་ ༤༦ ཡིན་པ་བསྟན་འཛིན་ཕུན་ཚོགས་ཞུ་བ་ཞིག་གིས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་བྱས་འདུག སྐབས་དེར་ཁོང་གིས་ལག་ཏུ་ཡིག་ཆ་འདྲ་མིན་གཏོར་འགྲེམས་བྱེད་བཞིན་སྐད་འབོད་བརྒྱབ་ཡོད་ཀྱང་། ཡིག་ཆ་དེ་དག་གི་ནང་དོན་དང་འབོད་ཚིག་ནང་དོན་སོགས་གསལ་བོ་རྟོགས་ཐུབ་མི་འདུག
ཅུང་ཙམ་རྗེས་རྒྱ་གཞུང་གི་ཉེན་རྟོག་པ་ཡོང་སྟེ་ཁོང་གི་ལུས་ཀྱི་མེ་བསད་དེ་ཆབ་མདོ་རྫོང་སྨན་ཁང་ཞིག་ཏུ་འཁྲིད་ཡོད་འདུག་ཀྱང་། དེ་རྗེས་ཀྱི་གནས་སྟངས་གསལ་བོ་ཤེས་རྟོགས་ཐུབ་ཡོད་མི་འདུག ཁོང་གི་སྐྱེས་དམན་གྱི་མིང་ལ་སྒྲོལ་མ་ཟེར་ཞིང་ད་ཆར་ཁོང་གཉིས་ལ་བུ་མོ་གཅིག་དང་བུ་གཉིས་བཅས་ཡོད་འདུག རྒྱ་གཞུང་གིས་དེང་སྐབས་ཆབ་མདོ་ཀརྨ་དགོན་པར་དམ་དྲག་བྱེད་ཀྱིན་ཡོད་པ་དེར་ཁོང་གིས་མི་འདོད་པའི་རྣམ་འགྱུར་ཤུགས་ཆེན་བསྟན་ཡོད་པ་ཁོང་གི་ངོ་ཤེས་ཚོས་བརྗོད་ཡོད་འདུག
དཔའ་བོའི་མཛད་རྗེས་ལ་ངོ་མ་ཧང་སངས་ཀྱིན་ཡོད། ཁོང་གི་ཚེ་སྲོག་ལ་ཉན་ཁ་མེད་པར་སྨོན།
བསྟན་འཛིན་ཤེས་རབ་ཟེར་བ་འདི་དང་། འགྱུར་མེད་བསྟན་འཛིན་ཟེར་བ་འདི་གཉིས་ཀྱི་ཐོ་འགོད་ཡིག་ཚགས་ལ་རྩོམ་སྒྲིག་པས་དོ་སྣང་བྱ་རན་རེད་ལ། ད་དུང་བདེ་སྲུང་ལས་ཁུངས་ལ་ཁོང་གཉིས་དོ་སྣང་བྱ་དགོས་པའི་སྐུལ་མ་འདེབས་རན་རེད། མིང་རྫུན་ཞིག་གི་འོག་ནས་ཅི་ཞིག་བྲིས་ཀྱང་སུས་ཀྱང་ཤེས་ཀྱི་མ་རེད་སྙམ་པའི་བླུན་རྟགས་ཁོང་ཚོར་ངོ་འཕྲོད་དུ་འཇུག་གལ་ཆེ་སྙམ། དེ་མིན་དུས་བབ་གསར་ཁང་ལ་ཡང་ཉེས་ཅན་སྦས་སྐུང་བྱས་པའི་ནག་ཉེས་ཕོག་སྲིད་པ་ཡིན། མི་འདི་ཚོ་ལྷིང་ལ་བུད་ཚར་བ་རེད། དམིགས་ཡུལ་གསལ་བོ་ཆགས་པ་རེད། ད་ང་ཚོས་ཀྱང་དེ་ལུགས་ཀྱི་བྱ་བ་ཞིག་རྩོམ་རན་རེད་སྙམ།
རང་སྲོག་མེ་ལ་སྦར་རྒྱུ་འདི་མཚམས་བཞག་ན་ཡག་གི་རེད། གཞུང་གིས་དེའི་གོང་ཚད་ཅིག་མ་ཁུགས་དུས་ལོ་མང་པོར་སྒུག་རྒྱུ་རེད། སྒུག་སྒུག་མཐར་ལོ་རྒྱུས་ཤོག་ངོས་ལ་འཁོད་པ་ཙམ་ལས་མ་བྱུང་ན་སེམས་སྐྱོ་བོ་རེད་པཱ། དེ་བས་ཐབས་ལམ་གཞན་གྱིས་འཐབ་རྩོད་བྱ་དགོས།
ངས་ནི་ཐོག་མ་ཉིད་ནས་བཤད་ཡོད། ་་་རྒྱུན་ལྡན་་་་ཞེས་པའི་ཞེད་ས་ཞིག་དང་། ་་་འཚེ་བ་་་་ཞེས་པའི་ཞེད་ས་གཉིས་འདུག དེ་གཉིས་ཀར་རང་གི་ལྟ་ཚུལ་ནི་བཤད་ཡོད། རང་རང་གིས་ད་དུང་འཁྲབ་དགོས་བསམ་ན་འཁྲབ་རོགས། ་་་དྲང་པོ་དྲང་བཞག་་་་དང་་་་བདེན་པ་བདེན་དྲང་་་་ཞེས་པའི་བཤད་སྲོལ་དེ་གཉིས་ལག་ལེན་ལ་འཁེལ་བ་བྱ་འདུན་ཡོད་ན་དེ་ལྟར་གནང་རན་རེད་སྙམ།
སེམས་བསམ་པའི་གཏིང་ནས་གུས་འདུད་ཞུ།
དམར་བོ་མེ་ཡི་ངོགས་སུ།། གཅེས་པའི་ཚེ་སྲོག་འབར་དུས།། རིགས་ཞེན་དཀར་བོའི་མདངས་དེ།། འཛམ་གླིང་ཡོངས་སུ་ཁྱབ་སོང་།།
བོད་མི་རིགས་ཀྱི་ཟུང་ཁྲག་དྭངས་མ་འདི་ལྟར་ཤོར་ནས་ཡོད་པ་རེད་འདི་ནི་དཔའ་བོ་ཞིག་གི་བྱས་རྗེས་ཡིན་ལ་འདི་ནི་བདེན་དོན་བསྒྲགས་པའི་གད་རྒྱང་ཡང་ཡིན་བོད་མི་ཞིག་ཏུ་སྐྱེས་བས་དོན་གོ་ཆོད་འདུག་གུས་འདུད་ཞུ་བ་དང་ཡི་རང་ཡོད།
ཁོང་གིས་གཏོར་བའི་ཡིག་ཆ་དེ་ངེས་པར་རག་ཐབས་བྱེད་དགོས། ཕངས་པའི་གཅེས་སྲོག་མནར་གཅོད་ཀྱིས་འདོར་བའི་དཔའ་རྒོད་གྲངས་མེད་ཡོད་ཐག་ཆོད། ད་ནི་ཞི་རྒོལ་གྱི་རྣམ་པ་གཞན་ཞིག་ལ་སྒྱུར་རོགས།
དྲ་གྲོགས་ཚོ་དོགས་ཟོན་གྱིས་འགྱུར་མེད་བསྟན་འཛིན་ཟེར་མཁན་དང་བསྟན་འཛིན་ཤེས་རབ་ཟེར་མཁན་གཉིས་བཤད་སྟངས་སོགས་ལ་ལྟོས་ན་མི་གཅིག་ཡིན་ས་རེད། བོད་མི་རིགས་ཀྱི་ཆེད་རང་སྲོག་གཏོང་མཁན་དཔའ་བོ་དེ་དག་ལ་དམའ་འབེབས་བྱས་སྟངས་ལ་ལྟོས་དང་། རྒྱ་དམར་གུང་བྲན་གྱིས་མི་ལས་དགུ་ལས་བྱས་ནས་རང་རིགས་རྣམས་ཀྱི་ཚེ་སྲོག་འཕྲོག་བཞིན་པ་མངོན་སུམ་དུ་གྲུབ་མོད་དེ་ལ་དགག་པ་ཙམ་མི་བྱེད་པར་ང་ཚོའི་དཔའ་བོ་ཚོར་མཚན་སྨད་བྱེད་པ་འདི་བློས་མི་བཟོད་པ་ཞིག་རེད། བུ་གླེན་པས་ཕ་ཡི་ཀླད་པ་བཅོམ་ཟེར་བ་འདི་ཚོ་རེད།
འཛམ་གླིང་སྟེང་གི་འཐབ་རྩོད་ཟེར་བ་དེ་དཔའ་བོ་དང་དཔའ་མོ་རྣམས་ཀྱིས་ཚེ་སྲོག་གིས་བརྩོན་ལེན་བྱས་པ་ཞིག་ཡིན།བསྟན་འཛིན་ཤེས་རབ་ལགས་ཁ་གྲག་མི་ཤེས་ན་ཆབ་སྲིད་ཤེས་མདོག་མ་བྱེད།ངས་བལྟས་ན་ཁྱེད་ཀྱི་དགོངས་ཚུལ་དེ་གཞན་གྱི་གཡོ་སྐུལ་དང་སྦལ་བ་ན་སྐུང་གི་གཏམ་དུ་གདའ་འོ།
དཔའ་པོ་བསྟན་འཛིན་ཕུན་ཚོགས་ལགས་ལ་བཟའ་ཟླ་དང་བུ་ཕྲུག་ཡོད་བཞིན་དུ་རང་ལུས་མེ་བསྲེགས་ཀྱིས་རྒྱ་དམར་ལ་ངོ་རྒོལ་བྱས་པ་ནི་རྒྱ་མིས་ཁོ་ཚོ་ལ་མནར་གཅོད་ཚད་བཏང་བ་མ་ཟད་རང་དབང་དང་ཐོབ་ཐང་སོགས་གང་ཡང་མེད་ཐོག་ནས་བོད་ལ་ཡར་རྒྱས་དང་བདེ་འཇགས་བསྐྲུན་ཡོད་ཅེས་རྫུན་གཏམ་ཧམ་བཤད་བྱས་པའི་རྐྱེན་གྱིས་ཡིན་པ་ཐེ་ཚོམ་མེད་པ་ཞིག་རེད།
འགྱུར་མེད་བསྟན་འཛིན་ཟེར་བ་དེར་དེ་སྔོན་ནས་དྲྭ་གྲོགས་མང་པོས་དོགས་ཟོན་དགོས་པའི་འབོད་བསྐུལ་མང་པོ་ཞིག་གནང་སོང་། དེ་རིང་ཡང་དོགས་ཟོན་བྱ་ས་གཞན་ཞིག་ཐོན་ཡོངས་ཀྱི་འདུག་དེ་ནི་གཞན་མ་ཡིན་བསྟན་འཛིན་ཤེས་རབ་མིང་ཅན་ཁོ་ཡིན་པ་མཁྱེན་པར་མཛོད།
རྒྱལ་བཅེས་དཔའ་བོ་བསྟན་འཛིན་ཕུན་ཚོགས་ལགས་ལ་ཁྱེད་ཀྱིས་རེ་བ་མྱུར་དུ་འགྲུབ་པའི་སྨོན་ལམ་ཞུ། དེ་དང་ཆབ་ཅིག་རྒྱ་འདྲེ་དམ་ཉམས་གཉིས་དེའི་ནང་དུ་འཛུལ་འདུག དམ་ཉམས་དེ་གཉིས་ཀྱི་སྤྱི་ཚོགས་ནང་དུ་དཀྲུག་གཞི་གཞག་འདུག དཔའ་བོའི་བྱེད་རྗེས་དེ་ཡང་ཆོས་ལུགས་གྱི་ཁ་ལོ་བསྒྱུར་འདུག རང་ལུས་འཆོད་མེ་འབུལ་བ་དེ་ཚོ་བོད་མི་ས་ཡ་དྲུག་གི་ཆེད་དུ་རེད་མ་ཏོག་དགེ་ལུགས་དང་བཀའ་བརྒྱུད་གྱི་སྐད་ཆ་མ་རེད། རྒྱ་འདྲེ་ཁྱོད་རང་འདྲ་བའི་མི་དེས་སྤྱི་ཚོགས་དཀྲུག་ཐུབ་ཀྱི་མ་རེད། རྒྱ་ཁྱི་བོད་པའི་ཞབས་འདྲེན་པ་ཐུ་ཐུ་ཐུ་་་་་་་་་་་་་་་་་ཧཱུྃ༔་ཁུག
རྒྱལ་བཅེས་དཔའ་བོ་ཁོང་ལ་གུས་མདུད་ཞུ། བསྟན་ཤེར་དང་འགྱུར་བསྟན་ཁྱེད་རང་ཚོ་ནི་རང་ངོ་མི་ཤེས་པའི་མི་ངན་རྐྱང་རེད་འདུག མི་རིགས་འདིའི་བདེ་སྡུག་ཆེད་དུ་རང་སྲོག་བཏངས་བར་གུས་ཞབ་ཙམ་མེད་པར་ཁ་རྡུང་གཏོང་ཁུལ་བྱེད་པ་ནི་ཇི་འདྲའི་ཡིད་མུག་པའི་བྱེད་སྤྱོད་ཅིག་རེད། ཁྱེད་ཚོ་ནི་རྒྱ་ཁྱི་མིན་ན་དོལ་འདྲེ་ཡིན་པ་ཐག་གི་ཆོད།
བསྟན་འཛིན་འགྱུར་མེད་ལགས་།
ཁྱེད་ཀྱིས་་་་མི་འདི་ཚོ་བཤད་མི་ཤེས་པའི་མགོ་སྐོར་འོག་ལ་ཚུད་པ་རེད།ཞེས་གསུངས་འདུག་པས་མགོ་སྐོར་འོག་ཏུ་ཚུད་སྟངས་ཤིག་གསུང་རོགས།
ཐལ་དྲག་པའི་སྐད་ཆ་མང་ཙམ་འདུག་ད།
བསྟན་འཛིན་ཤེས་རབ་ཀྱིས་བརྗོད་དོན། རང་སྲོག་བློས་གཏོང་ན་གཏོང་དགོས་པར་བཤད་མཁན་ཁོང་ཚོ་ཡོད་ཡོད་པ་རེད། ཁོང་ཚོའི་སྐབས་བབ་ཀྱི་འོས་འགན་ཡང་རེད། ཟེར་བ་དེ་སུ་ལ་གོ་དགོས་སམ། རྒྱ་དམར་གྱིས་ཟེར་བ་ལྟར་ཁོང་ཚོར་ངན་ཇུས་བཤམ་མཁན་ཡོད་རེད་བཅས་བརྗོད་ཀྱི་ཡོད་དམ།
ཁྱིམ་པའི་ཚུལ་གཟུང་རྒྱལ་སྲས་དཔའ་བོ་ཡིས།
བུ་དང་བུ་མོ་ཆུང་མ་བློས་བཏང་སྟེ།
བསིལ་ལྡན་ལྗོངས་སུ་བདེན་མཐའ་མྱུར་གསལ་ཕྱིར།
ཚེ་སྲོག་མཆོད་མེ་སྒྲོན་ལ་ཡི་རང་ངོ་།
བསྟན་འཛིན་ཕུན་ཚོགས་ཞེས་བྱ་གངས་ཅན་བུས།
ཁྲག་གིས་བྲིས་པའི་ལོ་རྒྱུས་དམར་པོ་ཞིག།
རང་རེའི་དེབ་ཐེར་ཐོག་ཏུ་བཀོད་པའི་དྲིན།
ནམ་ཡང་གདོང་དམར་བོད་པས་བརྗེད་མི་སྲིད།
བསྟན་འཛིན་ཤེས་རབ་ཟེར་བ་ཁྱོད་གླེན་པ་ཁ་ནག་ལུག་འདྲ་བོ་ཞིག་ཡིན་པ་ཁོ་ཐག་རེད། རང་ལུས་མཆོད་འབུལ་བྱེད་མཁན་གྱི་བོད་འདི་དག་གིས་མི་རིགས་ཞིག་གི་བདེ་སྡུག་གི་ཆེད་དུ་སོ་སོའི་སྲོག་བློས་བཏང་ནས་རྒྱ་ནག་གཞུང་ལ་ངོ་རྒོལ་བྱེད་པ་ལས་གླེན་པ་ཁྱེད་རང་ནང་བཞིན་ཁ་སྟོང་ནང་གི་ཚིག་སྟོང་ཏག་ཏག་མིན་པ་ཤེས་བར་གྱིས།
བསྟན་འཛིན་ཤེར་རབ་ཟེར་བའི་བཀོར་གཟན་འདིས་བཙན་བྱོལ་ནང་གི་བོད་མི་རྒྱལ་གཅེས་པ་ལྷ་བཟང་ཚེ་རིང་མཆོག་ལ་རྒྱ་དམར་གོང་ཁྲན་གྱིས་གསར་བརྗེ་བསྒྲུབས་སྐབས་ཀྱི་དགག་པ་རྒྱག་པ་ལྟར་བརྒྱབས་སོང་།
ད་དུང་བོད་མི་རིགས་ཀྱི་ཆེད་དུ་རང་སྲོག་བཏང་ཕད་མཁན་རྒྱལ་གཅེས་པ་ཚོ་ལ་དམའ་འབེབས་བྱེད་བཞིན་འདུག ངོ་མ་་་བསྟན་ཤེས་ཟེར་བ་འདིར་བཀོར་གྱིས་བཟི་ཟིན་པ་འདྲ།
ངས་ཁྱོད་ལ་གཅིག་དྲི།
༡་་་བོད་མི་རིགས་ཀྱི་ལས་དབང་ཐུར་དུ་སྐོར་ཐུབ་ན་ཁྱོད་ལ་ཁེ་ཕན་ག་རེ་འདུག་གམ།
༢་་་ཁྱོད་ཀྱི་ཕ་མེས་རྣམས་རིག་གནས་གསར་བརྗེ་སྐབས་སུ་རྒྱ་དམར་གྱི་རྒྱུགས་ཁྱི་དེ་འདྲ་རེད་པས།
རྒྱ་གོང་ཁྲན་ཁྱོད་ཀྱི་ཕ་མ་རེད་དམ།
རང་ལུས་མེར་བསྲེགས་པ་འཚེ་མེད་སྨྲ་བ་ནི་ལོག་བཤད་རང་རེད།
དེ་སྔོན་རང་ལུས་མེར་བསྲེགས་མཁན་རྣམས་དགེ་ལུགས་རང་རེད།
དེ་རིང་བཀའ་བརྒྱུད་གཅིག་མེར་བསྲེགས་པ་ཐོག་མ་རེད།
ངས་ངོས་ནས་རང་ལུས་མེར་བསྲེགས་ཀྱི་ལས་འགུལ་འདི་ཀླད་མེད་ལྐུག་པ་རང་ལ་ངོས་འཛིན་གྱི་ཡིད།
མི་འདི་ཚོ་བཤད་མི་ཤེས་པའི་མགོ་སྐོར་འོག་ལ་ཚུད་པ་རེད།
གནས་ཚུལ་གང་ཡིན ཡང་གྲུབ་འབྲས་ལ་ལྟ་དགོས།
ལས་འགུལ་འདིའི་གྲུབ་འབྲས་སྐུ་སྒེར་ཡིག་ཚང་ལ་ཡོད་ན་མ་གཏོགསབོད་མི་རིགས་ལ་གྲུབ་འབྲས་ཤིག་ཡོད་པ་མ་རེད།
སྔར་གྲྭ་པ་བྱས་ཟིན་པ་ད་མིན་པ་ཞིག་ལ་གྲྭ་ལོག་ཞེས་པའི་ཚིག་འདི་ནི་བོད་མི་མ་རབས་ཚོའི་བརྡ་སྐད་ཙམ་ལས་བོད་མི་ཡ་རབས་ཀྱི་ལུགས་སུ་འབོད་པའི་འོས་མེད་ལ། དཔེར་ན་སིང་གྷ་ལིང་ལ་སྔར་གྲྭ་པ་བྱས་ཟིན་པའི་མི་ལ་དམིགས་བསལ་གུས་ཞབས་ཡོད་པ་དགེ་ཆོས་ལགས་ཀྱིས་གསུངས་འདུག་ལ། ཡང་དགེ་ཆོས་ལྟ་བུའི་བཀའ་དྲིན་ཆེ་བའི་གྲྭ་ཟུར་མཁས་དབང་དང་། པཎ་ཆེན་སྐུ་གོང་མ་རྣམས་ལ་གྲྭ་ལོག་རེད་ཅེས་དྲིན་ལན་ངན་འཇལ་བྱ་འདོད་ཡོད་དམ།
ཡང་སྡོམ་པ་ཕུལ་མཁན་གྱིས་རིགས་ཅིག་ཡོད་རེད། ཁོང་ཚོ་ནི། གྲྭ་ལོག་ཅེས་ཚིག་འདུལ་བའི་ལུགས་སུའང་མེད་དེ། བསླབ་ཕུལ་དང་འཆི་འཕོས་གཉིས། ཞེས་སོགས་གསུངས་ཡོད་རེད་གདའ། ཡང་བསྟན་ཤེས་ལགས་ཀྱིས་བསྟན་ཤིག་གི་ཚིག་དོན་ལ་ད་ལྟ་དཔྱད་ཅིང་ཡོད་ལགས།
བསྟན་འཛིན་ཤེས་རབ་ཟེར་མཁན་ཁྱོད་ཀྱིས་བོད་མི་རིགས་དང་བསྟན་སྲིད་ཀྱི་ཆེད་དུ་རང་གི་སྲོག་བློས་གཏོང་གནང་མཁན་ཚོར་ཡི་རང་མེད་པར་རྒྱ་མི་གུང་བྲན་ནང་བཞིན་སྐད་ངན་བརྒྱབ་པ་དེ་ལ་ལྟོས་ན་དོལ་རྒྱལ་རྗེས་འབྲང་བའམ་རང་གི་མི་རིགས་ལ་ལ་རྒྱ་སྤུ་རྩེ་ཙམ་ཡང་མེད་མཁན་རང་དོན་གཅེས་པར་འཛིན་མཁན་གྱི་འདྲེ་འགོང་བོ་ཞིག་ཡིན་པ་གཏན་འཁེལ་ཐུབ་པ་ཞིག་རེད། ཁྱོད་འདྲ་འཚོ་བ་ལས་ཚེ་ཐུང་ན་ཡག་གི་རེད། སྡིག་ཅན་ཚེ་ཐུང་བར་ཤོག་ཟེར་བ་ལྟར་རེད།
བསྟན་རྒྱས་སྨོན་ལམ་ནང་། བརྩེ་བའི་རྒྱུ་ཡིས་ཤ་ཁྲག་དང་།།འཚོ་བ་ཡོངས་སུ་བཏང་གྱུར་ཅིང་།་།ཡན་ལག་ཉིང་ལག་བཏང་བ་ཡིས།།ཆོས་ཚུལ་རྣམ་པར་འཕེལ་གྱུར་ཅིག།་ཞེས་སོགས་དང་། སེམས་ཅན་རེ་རེའི་ཕྱིར་ཡང་མནར་མེད་པའི།།མེ་ནང་བསྐལ་བ་རྒྱ་མཚོར་གནས་དགོས་ཀྱང་།།ཞེས་སོགས་དང་།ལས་དང་སྲོག་ཀྱང་བཏང་ནས་འཛིན་པ་ལ།།སྐད་ཅིག་ཙམ་ཡང་ལྷོད་པར་མ་གྱུར་ཅིག། ཞེས་སོགས་ཀྱི་གསུངས་དེ་ཚོའི་དོན་ལ་ཞིབ་ཏུ་བསམ་ནས་སྐད་ཆ་བཤད་རོགས། ང་ཚོའི་མི་རིགས་དང་བསྟན་སྲིད་ཀྱི་ཆེད་དུ་རང་གི་གཅེས་པའི་ལུས་སྲོག་ཕངས་མེད་དུ་གཏོང་མཁན་བོད་མི་རིགས་ཀྱི་དཔའ་བོ་ཁོང་ཚོར་བོད་མི་ཞིག་གིས་མཚན་སྨད་བྱས་པ་དེར་ངའི་སྙིང་ལ་ན་ཟུག་གཏོང་གི་འདུག། ཁྱོད་སུ་ཡིན་མིན་ཧ་གོ་ན་ངས་ལས་སླ་བོ་བཞག་ས་མ་རེད། ཨ་ཤུ་རེ་ཁོ།
བསྟན་འཛིན་ཤེས་རབ་ཟེར་བ་འདིས་བཤད་སྟངས་ལས། ཁོ་རང་རྒྱལ་ཞེན་རྡུལ་ཙམ་མེད་པའི་རྡར་མ་ཞིག་ཡིན་པར་འཁུམས།
ཕོད་པ་ཆེ་བ་ལ།
གྲྭ་བ་དང་གྲྭ་ལོག་འདི་ཚོར་ཅི་ཞིག་མ་འགྲིག་པ་རེད། རང་ས་ནས་སྡོད་མི་ཚུགས་ཤིང་། རང་འཁྲིའི་འོས་འགན་ལ་མི་གཞོལ་བར་སྲོག་གཅོད་ཀྱི་ལས་འདི་འདྲ་བྱེད་ཀྱི་འདུག གཞན་གྱིས་གླེན་པ་ཁ་ནག་ཏག་ཏག་ལ་ངོས་འཛིན་བཞིན་པར་ཁག་མི་འདུག ཆབ་སྲིད་འཐབ་རྩོད་པ་སོགས་སུ་མིང་ཐོགས་པའི་ཁྲམ་པ་རྣམས་ཀྱིས་ངོ་བསྟོད་འདྲ་བའི་བསླུ་ཚིག་འགའ་སྨྲས་བཞག་ཚེ་ཡོད་ཚད་གཏོང་རྐྱང་བྱེད་ཀྱི་འདུག མགོ་སྐོར་འོག་འགྲོ་ཆོག་ཆོག་འདྲ་བོ་འདི་འདྲ་ག་རེ་ཡིན་ན། རང་སྲོག་བཏང་ན་ཐོབ་བྱ་ཅི་ཡང་མེད་པ་འདི་ཙམ་ཡང་མི་ཤེས་པ་ཅི་འདྲའི་ཐབས་སྐྱོ་བ་ལ། རང་སྲོག་བློས་གཏོང་ན་གཏོང་དགོས་པར་བཤད་མཁན་ཁོང་ཚོ་ཡོད་ཡོད་པ་རེད། ཁོང་ཚོའི་སྐབས་བབ་ཀྱི་འོས་འགན་ཡང་རེད། ཁོང་ཚོས་ཅང་བྱེད་ཀྱི་མེད་ས་ནས་གྲྭ་བ་དང་གྲྭ་ལོག་འདི་ཚོར་ཅི་ཞིག་གིས་མ་འདང་བ་རེད། སྐལ་མེད་སར་སྐེ་སྲིང་མཁན་འདི་ཚོ་ཅི་འདྲའི་བླུན་པ་ལ་ཨང་།
ཀརྨ་དགོན་པ་ནི་ཀརྨ་པ་སྐུ་ཕྲེང་དང་པོས་བཏབ་པའི་དགོན་པ་དང་པོ་དེ་རེད་་་་་་་དགོན་པ་འདི་ནི་བོདབརྒྱུད་ནང་བསྟན་གྱི་དགོན་པ་རྙིང་ཤོས་ཀྱི་གྲལ་རེད།
ཀརྨ་པས་ཉེ་ཆར་རང་རང་ལུས་མེར་བསྲེགས་མཚམས་འཇོགས་དགོས་བའི་འབོད་བསྐུལ་བྱས་སོང་་་་་འབོོད་བསྐུལ་དེས་གྲུབ་འབྲས་གང་ཡང་ཀརྨ་པའི་དགོན་པའི་ནང་ནས་མ་ཐོན་ན་་་་་་ས་གནས་གཞན་ནས་གང་ལ་ཐོན།
ཀརྨ་པས་བཀའ་སློབ་དང་ཕྱག་ལས་གང་གནང་ཡང་གྲ་སྒྲིག་དང་དམིག་ཡུལ་མེད་ན་འདི་འདྲ་ཆགས་ཀྱི་རེད་་་་་་་ཞབས་ཞུ་དབང་ཆེན་དེ་ཀླད་མེད་དེ་ཚོའི་ཁ་ན་ཉན་ཆེ་ན་འདི་འདྲ་ཆགས་ཀྱི་རེད།
འབོད་བསྐུལ་ལ་ནུས་པ་མ་ཐོན་པའི་ཀརྨ་པའི་འབོད་བསྐུལ།
དཔའ་བོ་བསྟན་འཛིན་ཕུན་ཚོགས་མཆོག་གི་བླ་ན་མེད་པའི་སྙིང་སྟོབས་ལ་གུས་འདུད་གྲངས་མེད་ཞུ་བ་དང་། དཔའ་བོ་ཁོང་གི་སྐུ་སྲོག་ཤོར་མི་འགྲོ་བ་དང་། ལྷག་པར་རྒྱ་ནག་གཞུང་གི་ལག་འོག་ནས་སྡུག་སྦྱོང་མནར་གཅོད་མི་མྱོང་བའི་ཆེད་དུ་གཞུང་མང་ཚང་མས་སྐད་འབོད་ཞུ་སྐུལ་བྱེད་དགོས་པ་སྐབས་ཐོག་གི་ལས་འགན་ཡིན་པའི་དྲན་གསོ་ཞུ་གི་ཡོད།
གྲྭ་པ་ཡིན་པའི་སྐབས་ལ་གྲྭ་པ་ཟེར་གྱི་རེད་ལ། གྲྭ་པའི་བསླབ་སྡོམ་བཞག་པའི་རྗེས་ལ་གྲྭ་ལོག་ཟེར་གྱི་རེད། སྤྱི་ཟུར་ཞེས་པ་དེ་ཚོའི་གྲས་དང་རིགས་འགྲེ་བྱེད་ཀྱི་ཡིན་མདོག་བྱས་ནས་བོད་ཀྱི་སྐད་ཡིག་གི་གཏན་འབེབ་སྤྱི་སྐད་སྤྱི་དང་། ལྷག་ཏུ་ནང་བསྟན་གྱི་དགོངས་དོན་དང་རྩ་བ་ནས་མི་མཐུན་པའི་བརྡ་ཆད་འདི་ཚོ་ག་རེ་བྱས་ནས་བཀོལ་སྤྱོད་གཏོང་གི་ཡོད་དམ། གསར་ཁང་གི་སྤྱི་སྐད་དང་ནང་བསྟན་གྱི་འགྲོ་ལུགས་འདི་ཚོ་འགྲིག་མི་འདུག་མདོག་མདོག་མིན་པའི་རེ་བ་ཡོད།
ཁོང་གི་དཔའ་མཛངས་དང་རྟུལ་ཕོད་ལ་མངོན་པར་བསྟོད་དོ།། གུས་པས་འདུད་དོ།། གྲྭ་ཟུར་དང་གྲྭ་པ་གང་ཡིན་ཡང་དེ་ཡིན་པར་བྲིས་པ་ན། གསར་འགྱུར་ཞིག་གསར་འགྱུར་རང་གི་ངོ་ཐོག་ནས་སྤེལ་སྟངས་དེ་ཡིན་པ་རེད་ལ། དེ་ནི་གསར་འགོད་པའི་བདེན་པའི་རང་ཚུགས་སྲུང་གི་ཡོད་པའི་རྟགས་ཀྱང་རེད། མ་གཞི་ནས་བོད་ནང་དུ་རང་ལུས་མེར་བསྲེགས་བཏང་ནས་རྒྱ་གཞུང་ལ་ངོ་རྒོལ་བྱས་ཏེ་བོད་ཀྱི་བདེན་པའི་འཐབ་རྩོད་བྱེད་པའི་དཔའ་མཛངས་ཀྱི་བློ་སྟོབས་འདི་བོད་ཀྱི་རིག་གཞུང་གི་ཉིང་བཅུད་ཐུང་མཁན་གྱི་སྡེ་ཚོགས་འདིར་ཡོད་སོང་བ་དེ་དགའ་འོས་པ་ཞིག་ལས་ངོ་གནོང་བའི་སྒོ་ནས་སྦས་སྐུང་བྱ་དགོས་པ་ཞིག་ཅི་ལ་ཡིན།
བོད་རྒྱལ་ལོ་།
འདི་ཡང་རྒྱ་ནག་གིས་ཀརྨ་དགོན་དུ། ཆེས་གདུག་རྩིབ་ཆེ་ཞིང་དྲན་ན་སེམས་ཀྱིས་མི་བཟོད་པའི་བྱ་ངན་སྟེ། བོད་སྤྱི་ལ་ཧ་ཅང་གནོད་ཚབ་ཆེ་བ་ཞིག་ལག་སྟེར་བྱེད་བཞིན་པའི་དཔང་རྟགས་གསལ་བོར་མངོན་པ་རེད།
དྲ་གྲོགས་མང་དག་ཅིག་གིས་དགོངས་ཚུལ་གསུངས་པ་ལྟར་རེད། གསར་འགོད་པས་ཐ་སྙད་གང་བྱུང་བེད་སྤྱོད་གནང་ན་ཡག་པོ་མི་འདུག སྤྱིར་བཏང་སློབ་ཟུར་དང་། མཁན་ཟུར། དབུ་ཟུར། ཁྲི་ཟུར་སོགས་ཀྱི་ཐ་སྙད་ཡོད་ཀྱང་། དེ་ཡིས་རིགས་འགྲེ་ཐལ་ཆེས་ནས་གྲྭ་ལོག་ལ་གྲྭ་ཟུར་ལྟབུ་བརྗོད་ན་བདེ་པོ་རྩ་བ་ནས་མི་འདུག
དཔེར་ན། མི་ཡི་བཙོག་པ་ལ་སྐྱག་པ་ཞེས་བཀོལ་སྤྱོད་བྱེད་ཀྱང་། བ་ཕྱུགས་ཀྱི་བཙོག་པ་ལ་བ་ཕྱུགས་སྐྱག་པ་ཞེས་བེད་སྤྱོད་མི་བྱེད་པར་བ་ཕྱུགས་ཀྱི་ལྕི་བ་ཞེས་བརྗོད་པ་ལྟབུ་རེད།
རྒྱལ་གཅེས་དཔའ་བོ་ཁོང་ལ་བསྔགས་བརྗོད་དང་། བསམ་དོན་མཐའ་དག་འགྲུབ་པའི་རེ་སྨོན་བྱེད།
མི་སྐྱ་ཚོས་འདི་ལྟར་ལས་འགུལ་མགོ་བརྩམས་ན་ཡག་པོ་རེད།
དཔའ་བོ་བསྟན་འཛིན་ཕུན་ཚོགས་ལགས་ཀྱི་བྱས་རྗེས་ལ་བསྔགས་བརྗོད་ཡོད།
དུས་བབ་ཚང་གིས་གྲ་ཟུར་བ་འདྲ་བོ་དེ་འདྲ་མ་འབྲི་རོགས། ཁོང་མི་སྐྱ་ཞིག་ཙང་མི་སྐྱ་རེད་ཅེས་འབྲི་རོགས། སྦྱིར་དེང་སང་བོད་བརྒྱུད་ནང་བསྟན་འདི་ཉིད་འཛམ་གླིང་སྦྱི་དང་ལྷག་དོན་རྒྱ་ནག་དང་ཐའེ་ཝན་སོགས་ལ་དར་དར་རྒྱས་སུ་འགྲོ་བཞིན་པའི་སྒང་རེད་མོོད་་་ང་ཚོས་གྲ་བཙུན་གྱིས་ཆབ་སྲིད་ལས་འགུལ་སྤེལ་བ་འདི་ལ་བརྟེན་མ་དད་སྐྱེ་བ་དང་ཡིད་ཆེས་བརླགས་བ་ཡོང་གི་འདུག
་༸རྒྱལ་བ་རིན་པོ་ཆེས་དགོངས་གཞི་ངོ་མ་ཡང་རྒྱ་མི་རིགས་དང་ནང་ཆོས་ཀྱི་ཐོག་ནས་མཉམ་འབྲེལ་བྱེད་རྒྱུ་དེ་རེད་མོད། འདི་ལྟར་མི་མཐུད་དེ་བྱས་ནས་བོད་པའི་བླ་གྲ་ཚོ་ཆབ་སྲིད་ཚོགས་པ་འདྲ་ཞིག་རྣམ་པར་འགྱུར་རྒྱུའི་ཉེན་ཁ་ཆེན་པོ་རེད་ལ་ནང་བསྟན་སྤྱི་ལ་གནོད་ཚབ་ཆེན་པོ་རེད།
འདི་དག་ལ་སྙིང་ནས་རྗེས་སུ་ཡི་རང་ཞུ།
དུས་བབ་ཚང་གི་མགོ་བརྗོད་དེ་བརྗེ་པོ་རྒྱག་དགོས་ས་རེད། མགོ་བརྗོད་གྲྭ་པ་ཞིག་གིས་མེར་བསྲེགས་བཏང་སྐོར་བྲིས་པ་དང་འོག་ཏུ་སྐྱེས་དམན་དང་ཕྲུ་གུ་ཡོད་ལུགས་བཤད་འདུག་ཀརྨ་དགོན་ཟེར་བ་དེ་དེ་འདྲ་བྱེད་མཁན་མ་རེད། འདི་བརྗེ་པོ་མ་བརྒྱབ་ན་གོ་ལོག་ཐེབས་སྲིད་ཀྱི་རེད་ད།
ཡང་བསྐྱར་དཔའ་རྒོད་ཞིག་བྱུང་པ་འདི་ངོ་མ་གཟི་བརྗིད་རེད་ཡི་རང་དང་གུས་འདུད་ཡོད། མྱུར་ཏུ་ནད་ལས་ཐར་བར་ཤོག
ཡི་རངས་བསྔགས་བརྗོད་ཁྲི་ཕྲག་གིས་བཀུར་འོས་པ་ཁོང་རྣམ་པ་ནི། རྒྱ་ནག་གི་འོག་ཏུ་འུ་ཐུག་ཐབས་ཟད་ཆགས་ཏེ་རང་ལུས་མེར་བསྲེགས་བཏང་བ་རེད་མ་གསུངས་རོགས། བོད་རྒྱལ་ཁབ་དང་མི་རིགས་ཀྱི་དོན་དུ་སྙིང་སྟོབས་མེ་ལྕེ་བཞིན་འབར་བའི་རྒྱལ་གཅེས་དཔའ་བོ་རེད།
དཔའ་བོའི་བྱས་རྗེས་ལ་ཡིད་རངས་བསྔགས་བརྗོད་དང་། བོད་ནང་གི་དཀའ་སྡུག་མྱུར་དུ་བསལ་བར་ཤོག