ཨོ་སི་ཊི་རི་ཡའི་བོད་རིགས་ཚོགས་པའི་གོ་སྒྲིག་འོག ཨོ་སོ་ཏྲི་རི་ཡའི་རྒྱལ་ས་ཝིན་(Wien)ནང་གི་(mideaspace)ཞེས་པའི་ཚོགས་ཁང་དུ། ཟླ་འདིའི་ཕྱི་ཚེས་ ༢ ནས་ ༡༡ ཉིན་བར་༸གོང་ས་མཆོག་གི་སྐུ་པར་བརྒྱ་ཐམ་པ་འགྲེམས་སྟོན་དབུ་འབྱེད་གནང་ཡོད་འདུག
སྐུ་པར་འགྲེམས་སྟོན་མཛད་སྒོ་དབུ་འབྱེད་ཀྱི་སྐུ་མགྲོིན་གཙོ་བོར། ཨོ་སོ་ཏྲི་རི་ཡའི་གྲོས་ཚོགས་ཀྱི་མི་སྣ་(Dr. wolfgang zing)མཆོག་དང་། བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག སུད་སི་སྐུ་ཚབ་དོན་གཅོད་ཚེ་གཏན་ཆོས་སྐྱབས་ལགས། ཡོ་རོབ་སྤྱི་འཐུས་དགེ་བཤེས་ཐུབ་བསྟན་དབང་ཆེན་ལགས་བཅས་ཆེད་ཕེབས་གནང་ཡོད་འདུག
ཐེངས་འདིར་འགྲེམས་སྟོན་གནང་བའི་སྐུ་པར་རྣམས་ནི་༧གོང་ས་མཆོག་སྐུ་ན་ཆུང་དུས་དང་། ཆོས་ཕྱོགས་ཀྱི་མཛད་མཆར། དེ་མིན་རྒྱལ་སྤྱིའི་ནང་མཐོ་རིམ་དཔོན་རིགས་ཁག་ལ་མཇལ་འཕྲད་བཅས་རིམ་པ་གསུམ་དུ་དབྱེ་ཡོད། དམིགས་ཡུལ་ནི་༸གོང་ས་མཆོག་ལ་ནོར་ཝེའི་ཞི་བདེའི་གཟེངས་རྟགས་ཕུལ་ནས་ལོ་ངོ་ ༢༢ འཁོར་བའི་དུས་སྟོན་སྲུང་བརྩི་དང་སྐབས་བསྟུན་ནས། རང་ཅག་རྣམས་ཀྱིས་བཀའ་དྲིན་རྗེས་དྲན་དང་། ཨི་སོ་ཏྲི་ཡ་གཙོ་བོར་གྱུར་པའི་རྒྱལ་སྤྱིའི་མི་དམངས་ཚོར་༸གོང་ས་མཆོག་གི་བླ་ན་མེད་པའི་མཛད་འཕྲིན་ངོ་སྤྲོད། བོད་དོན་དྲིལ་བསྒྲགས་བཅས་ཀྱི་ཆེད་དུ་ཡིན་འདུག
ཚེས་ ༢ ཀྱི་ཞོགས་པའི་ཆུ་ཚོད་ ༡༡ ཐོག་ས་གནས་ཚོགས་ཁང་ནང་གསར་འགོད་གསལ་བསྒྲགས་བསྐྱངས་རྗེས། བོད་རིགས་མཐུན་ཚོགས་ཀྱི་རྒྱུན་ལས་རྣམས་དང་། སྤྱི་འཐུས་ཚོགས་གཙོ་མཆོག་དང་སྐུ་ཚབ་དོན་གཅོད། ཡུ་རོབ་སྤྱི་འཐུས་མཆོག་མཉམ་བཞུགས་གནང་སྟེ། བོད་རིགས་མཐུན་ཚོགས་ཀྱི་ད་ལྟ་དང་འབྱུང་འགྱུར་གྱི་ལས་དོན་སྒྲུབ་ཕྱོགས་དང་། ཚོགས་པའི་ངོ་བོ་སྲ་བརྟན་ཆེད་བཀའ་སློབ་ལམ་སྟོན་དང་གོ་བསྡུར་གནང་ཡོད། ཕྱི་དྲོ་ཆུ་ཚོད་ ༦ པའི་ཐོག་རང་རིགས་དང་ཕྱི་རྒྱལ་གྱི་སྐུ་མགྲོན་རྣམས་ལྷན་འཛོམས་སར། སྣང་གསལ་མར་མེ་ཞལ་འབྱེད་དང་སྦྲགས། སྐུ་པར་འགྲེམས་སྟོན་གྱི་མཛད་སྒོ་དངོས་སུ་དབུ་འབྱེད་གནང་ཡོད་པ་རེད།
ཕྱི་ཚེས་ ༣ གྱི་ཞོགས་པའི་ཆུ་ཚོད་དགུ་དང་ཕྱེད་ཀའི་ཐོག ས་གནས་བོད་རིགས་ཚོར་དམིགས་བསལ་བཀའ་སློབ་ལམ་སྟོན་སྐབས། སྤྱི་འཐུས་ཚོགས་གཙོ་མཆོག་གིས། ཉེ་བའི་ཟླ་ཤས་གོང་བོད་མིའི་སྒྲིག་འཛུགས་ནང་༸གོང་ས་མཆོག་གིས་ལོ་རྒྱུས་རང་བཞིན་གྱིས། དམིགས་བསལ་སྒྱུར་བཅོས་ཇི་ལྟར་གནང་ཡོད་མེད་དང་། རྒྱལ་སྤྱི་དང་ད་ལྟའི་བོད་ནང་གི་གནས་སྟངས་སོགས་བཀའ་སློབ་ཞིབ་རྒྱས་གནང་། ཡོ་རོབ་སྤྱི་འཐུས་མཆོག་གིས་བོད་རིགས་མཐུན་ཚོགས་དང་། དེ་མིན་མི་དམངས་ཀྱི་དཀའ་སྡུག་ཇི་ལྟར་སེལ་དགོས་མིན་སོགས་ལ་བཀའ་སློབ་བསྩལ། སྐུ་ཚབ་དོན་གཅོད་མཆོག་གིས་རྒྱལ་གཅེས་དཔྱ་དངུལ་དང་འབྲེལ་བ་སོགས་ཀྱི་སྐོར་བཀའ་སློབ་ཕེབས། ཐེངས་འདིར་ས་གནས་མི་དམངས་ཚོས་དོ་སྣང་ཤུགས་ཆེན་གནང་མུས་དང་ས་གནས་ཀྱི་གཟུགས་མཐོང་བརྙན་འཕྲིན་ནང་དུ་ཡང་གསལ་སྟོན་གནང་ཡོད་འདུག
ཐུགས་རྗེ་ཆེ། རྗེས་སུ་ཡི་རིང་ཡོད། བྱ་བ་འདིའི་རིག་ནི་ང་ཚོའི་བྱེད་འོས་པ་དང་སྒྲུབ་འོས་པ་ཞིག་རེད། ཐུགས་རྗེ་ཆེ།
སྒེར་བདག་མེད་པའི་བླ་མ་ཡིས། ཅི་གནང་བོད་ཀྱི་ཁེ་ཕན་ཡིན། དེ་བས་ཁྱེད་ལ་གང་ཕན་ཡང། བོད་ཀྱི་ཁེ་ཕན་ཅི་ལ་མིན།
ངན་པ་གཅིག་གིས་མར་འདྲེན་དང། བཟང་བོ་གཅིག་གིས་ཡར་འདྲེན་གྱི། སྤྱི་སྒེར་འབྲེལ་བ་མི་མཐོང་བ། དེ་དག་མིག་ནི་དོན་གྱིས་ལོང།
ཨ་ལ་ལ། ཆུ་མགོ་བསྐམས་ན་ཆུ་གཞུག་ཆད་འགྲོ་བའི་གཏན་ཚིགས་མི་ཤེས་པའི་མི་འདྲ་ད་དུང་ཡང་ཡོད་པ་འདྲ། དེ་ནི་མཆན་འབྲི་བ་འགྱུར་མེད་བསྟན་འཛིན་ལྟ་བུ་རེད།
ལས་དོན་འདི་ཚོ་བོད་མི་རིགས་ལ་ཕན་པའི་ལས་དོན་ཞིག་གང་མ་རེད་་་་་་་འོན་ཀྱང་རྒྱལ་བ་རིན་པོ་ཆེ་སྐུ་སྒེར་ལ་ཏན་ཏན་ཁེ་ཕན་ཡོད་རེད་་་་་གནས་ཚུལ་འདི་འདྲ་མང་པོ་ཡོད།
ཉི་མ་ཐུན་མོང་ཉི་མ་སྟེ། བླ་མ་ཀུན་གྱི་བླ་ཡིན།
ནོར་བུ་ཀུན་གྱི་ནོར་བུ་སྟེ། ནོར་ཉམས་ཆོད་པའི་བཀྲ་ཤིས་ཤོག
ནོར་བུའི་ནོར་ཉམས་ཆོད་ན་འདི་འདྲ་ཡིན་པས། བདག་གཞན་ཀུན་གྱིས་ནོར་བུའི་ནོར་ཉམས་ཆོད་ཅིང་ལོག་རྟོགས་ཀྱི་སྣང་བ་འགག་པའི་སྨོན་ལམ་འདེབས།
ཁྱེད་ཉིད་ཡོད་པས་བོད་པའི་སྣང་བརྙན་ཡོད་ལ། །
ཁྱེད་ཉིད་མེད་ན་བོད་པའི་སྲོག་དབུགས་ཆད་འགྲོ། །
ཁྱེད་ཉིད་ད་བཟོད་བོད་ཀྱི་ཡོད་ཚད་ཡིན་པས། །
ཁྱེད་ཀྱི་མཛད་འཕྲིན་ཉི་ཟླའི་སྣང་བ་སྤྲོ་རོགས། །