འདི་ལོའི་དུས་དབང་ཐེངས་སོ་གཉིས་པར་ཤེས་རབ་དགའ་ཚལ་སློབ་གླིང་གི་སློབ་མ་གཅིག་ཀྱང་མ་ལུས་པར་འགྲོ་རྒྱུ་ཡིན་ཞིང་། སློབ་གྲྭའི་ངོས་ནས་དུས་དབང་སྐབས་བོད་ནང་རང་ལུས་མེར་བསྲེག་བཏང་བའི་རྒྱལ་གཅེས་པ་རྣམས་ཀྱི་སྐུ་པར་དང་ཐ་སྙད་གསར་བ་འགྲེམས་སྤེལ། ཁོར་ཡུག་གཙང་སྤྲ་སོགས་ཀྱི་ཞབས་ཞུ་བསྒྲུབ་འཆར་ཡོད་ཟེར།
འདས་པའི་ལོ་དུ་མའི་རིང་བཞུགས་སྒར་ཉེ་འཁྲིས་ཤེས་རབ་དགའ་ཚལ་སློབ་གླིང་དུ་བོད་ནས་སློབ་མ་སྟོང་ཕྲག་མང་པོས་༸གོང་ས་མཆོག་ལ་མཇལ་ཁ་དང་ཁོང་གི་གསུང་ཆོས་ཞུ་རྒྱུ་དམིགས་ཡུལ་དུ་བཟུང་སྟེ། ཉེན་ཁའི་འགག་འཕྲང་དུ་མ་བརྒྱུད་དེ་འབྱོར་ཡོད་ཀྱང་། གཉེན་ཉེ་ཡོད་མེད་དང་དཔལ་འབྱོར་ཡོད་མེད་ཀྱི་དབང་གིས་སློབ་མ་མང་པོ་ཞིག་༸གོང་ས་མཆོག་གི་བཞུགས་སྒར་གྱི་གསུང་ཆོས་སོགས་ལའང་འགྲོ་ཐུབ་ཀྱི་མེད་པ་དང་། ཁག་ཅིག་ལོ་ལྔའི་རིང་གུང་གསེང་ཐེངས་གཅིག་ཀྱང་འགྲོ་མྱོང་མེད་པར་སློབ་གྲྭ་རང་དུ་བསྡད་པའི་གནས་ཚུལ་མང་པོ་གོ་རྒྱུ་ཡོད་སྟབས། ཕྱི་ཚེས་༡༦ ཉིན་གསར་འགོད་པ་ཆེད་དུ་ཤེས་རབ་དགའ་ཚལ་སློབ་གླིང་དུ་ཕྱིན་སྟེ་བསླེབ་ལ་ཉེ་བའི་དུས་དབང་ཐེངས་ ༣༢ པར་སློབ་གྲྭའི་ངོས་འཆར་གཞི་གང་འདྲ་ཞིག་ཡོད་མེད་ཀྱི་ཐད་ནས་རྒྱུས་ལོན་བྱས་པ་ཡིན།
འདིའི་ཐད་སློབ་གྲྭའི་འགན་འཛིན་བུ་དྲུག་ཤཱསྟི་ལགས་ཀྱིས་བརྗོད་པ་ལྟར་ན། སམ་བྷོ་ཊའི་སྤྱི་ཁྱབ་ཡིག་ཚང་དང་སློབ་གྲྭའི་ངོས་ནས། སློབ་མ་ཚོར་དུས་དབང་སྐབས་ཀྱི་འགྲོ་སོང་ཆ་ཚང་གཏོང་བའི་མཐུན་རྐྱེན་བསྐྲུན་ཐབས་མ་བྱུང་ཡང་། སློབ་མ་ཚོའི་རེ་བ་ལྟར་ལོ་རེའི་ཕྱི་ཟླ་ ༡༢ པའི་ཚེས་ ༡༨ ནས་ཕྱི་ཟླ་ ༡ ཚེས་ ༡༧ པར་གྱི་ཟླ་གཅིག་གི་དགུན་ཁའི་གུང་གསེང་། དུས་དབང་ཐེངས་ ༣༢ པ་དང་འཁེལ་བར་བྱས་ཏེ་སྔ་བསྣུར་བྱས་ཡོད་པ་དང་། ཉེ་ཆར་སློབ་མ་ཚོས་ཐེངས་མང་རེ་སྐུལ་ཞུས་པ་ལྟར་སྤྱི་ཁྱབ་རྒན་བདག་གཉིས་དང་ཉལ་ཁང་རྒན་བདག་བཅས་མི་ ༦ ལ་དགོངས་ཤོག་སྤྲད་དེ། སློབ་མ་ཚོས་བཞུགས་སྒར་དང་ལྷོ་ཕྱོགས་ཀྱི་དགོན་སྡེ་ཁག་ཏུ་ཞལ་འདེབས་སློང་རྗེས། སློབ་མ་སྐྱོ་བོ་ཁོ་ན་མིན་པར་སློབ་མ་ཡོངས་རྫོགས་རྡོ་གདན་དུ་དུས་དབང་ཞུ་རུ་འགྲོ་ཐུབ་པ་བྱུང་ཡོད་འདུག་ལ། ཐེངས་འདིར་བསྡོམས་འབུམ་ ༡༤ ལྷག་གི་འགྲོ་སོང་ཡོད་འདུག གལ་སྲིད་སློབ་མ་ཚོའི་ཞལ་འདེབས་སློང་བའི་དངུལ་གྱིས་མ་འདང་བ་ཡིན་ན། སམ་བྷོ་ཊའི་སྤྱི་ཁྱབ་ཡིག་ཚང་གིས་སྒོར་མོ་ཁ་སྣོན་རྒྱག་རྒྱུའི་ཁས་ལེན་བྱས་ཡོད་པ་མ་ཟད། དུས་དབང་སྐབས་སློབ་མ་ཚོར་སློབ་གྲྭ་རང་དུ་ཡོད་པའི་སྒྲིག་གཞི་གཅིག་མཚུངས་ཐོག་ནམ་རྒྱུན་སྒྲིག་ཆས་གྱོན་དུ་འཇུག་རྒྱུ་དང་། ཁ་རས་དང་རྩམ་པ། སྨན། རླངས་འཁོར་བཅས་གྲ་སྒྲིག་དང་། རྡོར་གདན་ཉེ་འཁོར་གྱི་གནས་ཆེན་ཁག་ལ་མཆོད་མཇལ་བཅས་འཁྲིད་པའི་འཆར་གཞི་ཡོད་པ་དང་། འདི་ལོ་བོད་ནང་རང་ལུས་མེར་བསྲེགས་ཀྱིས་ངོ་རྒོལ་བྱས་པའི་རྒྱལ་གཅེས་དཔའ་བོ་དཔའ་མོ་རྣམས་ཀྱི་སྐུ་པར་དང་ལོ་རྒྱུས། བོད་ནང་གསར་དུ་བསྡུ་བསྒྲིགས་བྱས་པའི་ཐ་སྙད་གསར་བ་པར་བསྐྲུན་འགྲེམས་སྤེལ། གསུང་ཆོས་ར་བ་གཙོས་ཉེ་འཁོར་གྱི་ཁོར་ཡུག་གཙང་སྤྲ་བཅས་ཀྱི་ལས་འགུལ་ཡང་སྤེལ་འཆར་ཡོད་འདུག
ཡང་གསར་འགོད་པས་སློབ་མའི་སྤྱི་ཁྱབ་རྒན་བདག་ཕུར་བུ་ཉི་མ་ལགས་སུ། ཐེངས་འདིའི་དུས་དབང་ཐོག་སློབ་མ་ཚོ་འགྲོ་ཐུབ་མིན་གྱི་གནས་སྟངས་གང་འདྲ་བྱུང་ཡོད་མེད་དྲིས་པ་ཡིན་ལ། ཁོང་གིས་བརྗོད་དོན་ལྟར་ན། འདི་ལོའི་དུས་དབང་ཐེངས་ ༣༢ པའི་ཐོག་བོད་ནང་གི་བོད་མི་ཚོས་བོད་ནང་དམ་དྲག་ཆེ་མིན་ལ་མ་ལྟོས་པར། བོད་ནང་གི་བོད་མི་མང་པོ་ཞིག་གིས་རང་སྲོག་བློས་གཏོང་གིས་རྒྱ་གར་ནང་དུས་དབང་འཁོར་ཆེན་ཞུ་རུ་ཡོང་གི་ཡོད་པ་ལྟར། ང་ཚོ་རྒྱ་གར་རང་དུ་འདུག་མཁན་ཚོ་དུས་འཁོར་དབང་ཆེན་ལ་འགྲོ་མ་ཐུབ་ཚེ་ཧ་ཅང་ཐབས་སྐྱོ་བོའི་གནས་སྟངས་ཤིག་ཆགས་ཀྱི་ཡོད་པ་དང་། ལྷག་པར་དུ་ཤེས་རབ་དགའ་ཚལ་སློབ་གླིང་ལ་མཚོན་ན་སློབ་མ་མང་ཆེ་བའི་དམིགས་ཡུལ་གཙོ་བོ་༸གོང་ས་མཆོག་ལ་མཇལ་རྒྱུ་དང་ཁོང་གི་གསུང་ཆོས་ཞུ་རྒྱུ་གཙོ་བོར་བཟུང་སྟེ་ཡོང་མཁན་ཤ་སྟག་ཡིན་སྟབས། ཁོང་གིས་སྔ་ཕྱི་སློབ་མ་ཚོར་བསམ་ཚུལ་བསྡུ་རུབ་བྱས་ཏེ་གུང་གསེང་སྔ་བསྣུར་བྱས་ཐུབ་ཡོད་མོད། སློབ་མ་ཚོར་དུས་དབང་ལ་འགྲོ་ཐུབ་མིན་གྱི་གནས་སྟངས་བརྩད་གཅོད་བྱས་སྐབས། དངོས་ནས་དཔལ་འབྱོར་ཡོད་མཁན་ཁག་ཅིག་ལས། ཕྱི་རྒྱལ་ཁག་དང་རྒྱ་གར་སྤུན་མཆེད་བཅས་ཀྱི་རོགས་རམ་གཅིག་ཀྱང་མེད་མཁན་ ༡༡༣ དང་། གཞན་ཕར་འགྲོ་ཐུབ་ཀྱང་ཚུར་ཡོང་མི་ཐུབ་པའི་རིགས་བཅས་ཧ་ཅང་དཀའ་ཁག་གི་གནས་སུ་གྱར་ཏེ། སློབ་གྲྭར་ཟློས་གར་ཚོགས་པའི་ནང་གཞས་སྣ་འཁྲབ་སྟོན་གྱི་ལམ་ནས་ཞལ་འདེབས་བསྡུ་རུབ་བྱ་རྒྱུའི་རེ་སྐུལ་བྱས་ཀྱང་། འདི་ལོ་བོད་ཕྱི་ནང་གཉིས་སུ་རང་ལུས་མེར་བསྲེགས་ཀྱིས་ལས་འགུལ་བསྟུད་མར་བྱུང་སྟབས། འཁྲབ་སྟོན་བྱས་མ་ཐུབ་པར་ལྷག་ཡོད་འདུག
མཐའ་མར་ཁོང་ལ་དཔལ་འབྱོར་འཚོལ་སྒྲུབ་ཀྱི་ཐད་ནས་ཇི་ལྟར་མགོ་འཛུགས་བྱས་མིན་དང་ད་ལྟའི་ཆར་དཔལ་འབྱོར་གྱི་གནས་སྟངས་གང་འདྲ་ཆགས་མིན་དྲིས་པར་ཁོང་གིས། “ ཉེ་ཆར་སློབ་གྲྭའི་ངོས་ནས་སྔར་ལོའི་མེ་ལཱ་འཚོགས་སྐབས་ཀྱི་ཧིན་སྒོར་ཁྲི་ ༨ དང་ང་ཚོ་སློབ་མ་ཚོས་ནམ་རྒྱུན་ཞལ་འདོན་ཆེད་ཞལ་འདེབས་བྱས་པའི་ཧིན་སྒོར་ཁྲི་ ༤ ། སློབ་མ་ཚོ་ནང་ཁུལ་ནས་དཔལ་འབྱོར་ཡོད་མཁན་ཚོས་ཧིན་སྒོར་ ༤ ཁྲི་ལྷག་གི་ཞལ་འདེབས་སྤྲད་སོང་མོད། སློབ་མ་སྐྱོ་བོའི་རིགས་ལ་འདང་ཙམ་ལས་སློབ་གྲྭ་ཡོངས་འགྲོ་རྒྱུར་འདང་གི་མེད་སྟབས། ང་ཚོས་སྤྱི་ཁྱབ་ཡིག་ཚང་ལ་ཡར་ཞུ་ཞུས་རྗེས། ཕྱི་ཟླ་ ༦ པ་ནས་བཞུགས་སྒར་ཉེ་འཁྲིས་ཀྱི་ཀིརྟི་གྲྭ་ཚང་དང་རྣམ་རྒྱལ་གྲྭ་ཚང་། རྒྱུད་སྟོད་གྲྭ་ཚང་། སྤི་རི་ཉེ་ཁུལ་གྱི་རྫོང་སར་བཤད་གྲྭ ཤེས་རབ་གླིང་བཅས་དགོན་སྡེ་ཆ་ཚང་ནང་ཕྱིན་སྟེ་བསྡོམས་ཧིན་སྒོར་འབུམ་ ༨ ལྷག་རག་བྱུང་། སྐབས་དེར་འགྲོ་སོང་རྩིས་རྒྱག་སྐབས་སྐྱོ་བོའི་རིགས་ལ་རོགས་སྐྱོར་བྱེད་ཐུབ་ཀྱང་། སློབ་མ་གསར་བ་ཡོང་བཞིན་པའི་རིགས་དང་སློབ་མ་ཆ་ཚང་འགྲོ་ཐུབ་པ་ཡིན་ན་མེ་འཁོར་གླ་ཆ་གཅིག་པུར་ཧིན་སྒོར་འབུམ་ ༤ ལྷག་འགྲོ་གྱིན་ཡོད་པ་དང་། གུར་ ༣༠ གྲ་སྒྲིག་བྱས་པར་བསྡོམས་ཧིན་སྒོར་འབུམ་ ༡ དང་སྟོང་ ༥ ལྷག་ཕྱིན་སྟབས། དངུལ་གྱི་འདང་མིན་གྱི་དཀའ་ངལ་ཞིག་ལྷག་ཡོང་གི་འདུག རྗེས་སུ་ཡང་བསྐྱར་ལྷོ་ཕྱོགས་ཀྱི་སེ་འབྲས་དགེ་གསུམ། རྣམ་གྲོལ་གླིང་། རྒྱུད་སྨད། དེ་བཞིན་ས་སྐྱ་དང་རྙིང་མ་བཅས་ཀྱི་གྲྭ་ཚང་ཁག་ཡོངས་སུ་ཞལ་འདེབས་སློང་སྟེ་འབུམ་ ༣ དང་ཁྲི་ ༤ བཅས་ཁྱོན་བསྡོམས་ཐེངས་འདིར་འབུམ་ ༡༣ དང་ཁྲི་ཁ་ཤས་རག་སོང་། དགོན་སྡེ་ཁག་ཡོངས་ཀྱིས་ཐེངས་འདིའི་ཞལ་འདེབས་ཀྱི་སྒོར་མོ་དེ་གཙོ་བོ་སློབ་མ་སྐྱོ་བོའི་རིགས་ལ་དམིགས་ཏེ་སློང་བ་ཞིག་ཡིན་སྟབས། ང་ཚོ་ཉལ་ཁང་རྒན་བདག་ ༢༤ དང་དང་བླངས་སློབ་མ་ ༤ ། སྤྱི་བའི་རྒན་བདག་གཉིས་བཅས་བསྡོམས་མི་ ༣༠ ཡིས་གང་ཐུབ་ཀྱིས་ཞབས་ཞུ་བསྒྲུབ་འཆར་ཡོད་ལ། རྡོར་གདན་དུ་དམིགས་བསལ་སློབ་མ་སྐྱོ་བོའི་རིགས་ལ་ཧིན་སྒོར་ ༡༠༠༠ ལྷག་སྤྲོད་རྒྱུ་ཡིན། དེ་མིན་རྡོ་རྗེ་གདན་ཉེ་འཁྲིས་ཀྱི་གནས་ཆེན་ཁག་དང་ཝ་ར་ཎ་སི་བཅས་ལ་མཆོད་མཇལ་ཏུ་འཁྲིད་རྒྱུ་དང་། སློབ་མ་ཚོར་དུས་དབང་སྐབས་ཉིན་རེར་ཟ་མ་ཐེངས་གཉིས་བཅས་ཀྱི་གོ་སྒྲིག་ཡོད།”ཅེས་བརྗོད་བྱུང་བར་མ་ཟད། ཁོང་གིས་ཤེས་རབ་དགའ་ཚལ་སློབ་གླིང་གི་སློབ་མ་ཡོངས་ཀྱི་ཚབ་བྱས་ཏེ། ཐེངས་འདིའི་ཞལ་འདེབས་ཕུལ་མཁན་ཡོངས་ལ་སྙིང་ཐག་པ་ནས་ཐུགས་རྗེ་ཆེ་ཞུས་པ་ཡིན། ཞེས་བརྗོད་བྱུང་།
ཤེས་རབ་དགའ་ཚལ་སློབ་གླིང་ནི། ༡༩༩༣ ལོར་༸གོང་ས་མཆོག་གི་དགོངས་གཞིའི་འོག བོད་ནས་གསར་དུ་འབྱོར་བའི་རང་ལོ་ ༡༨ ནས་ ༣༠ བར་གྱི་གཞོན་སྐྱེས་ཚོར་དམིགས་ཏེ་ཐོག་མར་བཙུགས་པ་ཞིག་ཡིན་ཞིང་། ཕྱིས་སུ་དབུས་སྣེ་ལེན་ཁང་དང་བོད་གཞུང་ཤེས་རིག་ལས་ཁུངས་བཅས་ཀྱིས་འཛིན་སྐྱོང་གི་འགན་འཁུར་ཡོད་པ་དང་། འདི་ལོ་ཕྱི་ཟླ་ ༡ ཚེས་ ༣ ཉིན་བོད་གཞུང་ཤེས་རིག་ལས་ཁུངས་ཀྱིས་སམ་བྷོ་ཊའི་ཁོངས་སུ་རྩིས་སྤྲོད་བྱས་ཡོད། ༡༩༩༣ ལོ་ནས་ ༢༠༡༡ ལོའི་ལོ་མཇུག་བར་ཁྱོན་བསྡོམས་བོད་ནས་སློབ་མ་ ༧༠༠༠ མ་ཟིན་ཙམ་ཞིག་འབྱོར་ཡོད་པ་དང་། ད་ལྟའི་ཆར་སློབ་མ་ ༣༦༠ ལྷག་ཡོད་འདུག
ང་ངོ་མ་ངོ་མཚར་སོང་། སུ་ཇ་དང་བསྟན་འཛིན་སྒང་གི་དོན་རྐྱེན་དེ་གོང་ས་མཆོག་གི་གསན་གྱི་མ་རེད་བསམ་གྱིས་འདུག་པས། ཨ་ཁ་ཁ་དེ་ནི་ཚག་ཤོག་དང་དྲྭ་རྒྱ་ཡོད་ཚད་ནང་དུ་ག་ཚོད་ག་ཚོད་བཏང་བ་ཁྱོད་ཀྱིས་གདུག་མིག་ཁྲག་གིས་བཀབ་མ་སོང་ན་ལྟོས་ཤིག མ་གཞི་བོད་ལ་ནང་བསད་མང་པོ་བྱུང་ན་ཁྱོད་ལ་ཕན་ཐོག་ག་རེ་ཡོད་རེད། ཁྱོད་ག་རེ་ཤོད་ན་ཤོད་ངས་ལོ་རྒྱུས་བགྲང་ཚོད་མེད།
སྨར་ཀླུང་དཔའ་ལ་ལགས་ཀྱིས་༼༼ཁམས་ཨ་མདོ་གཉིས་ཀྱི་ནང་དུ་ལོ་འདི་གཅིག་པུ་ལ་མི་བརྒྱ་ལྷག་ལྷག་ཙམ་བསད་རེས་གཏུགས།༽༽ ཟེར་བ་རྫུན་པ་མིན་ན། ས་ཁུལ་འདིར་གསད་རེས་འདི་ཙམ་བྱས་པ་རེད། ཅེས་མི་བརྒྱ་ཕྲག་ལྷག་དེ་གསལ་བཤད་ཀྱིས། དེ་བྱེད་མི་ཐུབ་པ་དེས་རྫུན་མ་ཆགས་པ་རེད།
༧གོང་ས་མཆོག་དབུ་སྐོར་བཏང་ན་འགྲིག་གམ།
གཞན་ས་ཁུལ་རེ་ཟུང་ལ་གནས་ཚུལ་རེ་བྱུང་ཡོད་སྲིད། དེ་ནི་དེ་ཙམ་ཧང་སང་དགོས་པར་མེད། དེའི་རིགས་ཡོངས་རྫོགས་༧གོང་ས་མཆོག་ལ་ཞུས་བསྡད་ན། ག་འདྲ་འདུག་གམ།
དེ་ལྟར་ཞུ་དགོས་ན། བཙན་བྱོལ་གྱི་སུ་ཇ་སློབ་གྲྭའི་ནང་རྒན་བདག་གིས་སློབ་ཕྲུག་དམར་གསོད་བཏང་སྐོར་དང་། བསྟན་འཛིན་སྒང་གཞིས་ཆགས་སུ་བུད་མེད་དམར་ཧྲིང་དུ་ཁྲོམས་སྐོར་ལ་བཙན་ཁྲིད་བྱུང་སྐོར་བཅས་༧གོང་ས་མཆོག་ལ་སྙན་སྒྲོན་ཞུས་ཤིག དཔའ་ལ་ལགས་༧གོང་ས་མཆོག་དབུ་སྐོར་མ་གཏང་རོགས།
དུས་བབས་ཀྱི་དྲ་ཐོག་འདིར་ཡོང་བ་ཐེངས་དང་པོ་ཡིན་པས་དྲ་གྲོགས་རྣམས་པར་འཚམས་འདྲི་ཞུ་བ་དང་འབྲེལ་ཉམ་ཐག་གི་སློབ་མ་དང་བཅས་པ་དུས་དབང་ཞུ་བར་བསྐྱོད་ཐུབ་རྒྱུ་མ་ཟད་སྤྱི་ཚོགས་ཞབས་ཞུ་ཡང་གནང་འདུན་མཆིས་པར་སེམས་གཏིང་ནས་དགའ་པོ་བྱུང་བས། ཐུགས་རྗེ་ཆེ། སློབ་མའི་འགྲོ་གྲོན་ཚང་མ་སློབ་མ་རང་ཉིད་ཀྱིས་སློང་མོ་བྱས་པ་ཞིག་ཡིན་པ་རེད། སྙིང་རྗེ་སྦྱིན་བདག་སེམས་བཟང་ཅན་ཡར་ཕུད། དེ་མིན་གཞན་གྱི་ཁ་ངན་ག་ཚོད་ཟེད་དགོས་བྱུང་ཡོད་དྲོ།
གཞན་ཕན་ཆུ་ཐིག་ཙམ་གྱིས་ཁུར་བླང་ནས། །ཕན་ཚུན་ནང་མཐུན་དགོས་པ་ཆེར་མཐོང་ལས། །ནད་བསད་ནང་རྐུན་བྱས་ཚད་ཤོད་དགོས་ན། །དུས་ཚོད་རིན་ཆེན་བརླག་ལས་གཞན་མ་མཐོང་། ཡིན་ཡང་ཐུབ་བསྟན་ལགས་ཀྱིས་གསུང་པ་བཞིན་ངས་གནས་ཚུལ་གཏོན་པ་འདི་རྫུན་མ་ཡིན་ན་གུས་པ་དེ་ལས་དགའ་བ་དང་། དེ་དོན་འགྲུབ་པ་ཡིན་ཡང་འདིའི་དོན་རྐྱེན་འདི་གླེང་སློང་བ་ད་ལྟ་གཅིག་པུ་མིན་པ། ཁར་སྔོན་ནས་གྲོགས་པོ་ལྷག་བསམ་ཅན་མང་པོ་ཞིག་གི་རེ་བསྐུལ་ཡང་ནས་ཡང་དུ་ཞུས་འདུག་པ་དེ་དག་ངོས་རང་གི་ཕ་ཡུལ་དུ་དོན་རྐྱེན་ཡ་ང་བ་དེ་དག་མངོན་སུམ་དུ་བྱུང་ནས། བོད་གང་ཅན་པའི་སྐྱབས་དང་རེ་ས། ༧གོང་ས་མཆོག་ལས་གཞན་མེད་པའི་རྒྱུ་མཚན་ཆེན་པོ་དང་ལྡན་ཡོད་པའི་སྒོ་ནས་ཞུས་པ་ཞིག་ལས།
དེང་གི་དྲྭ་རྒྱའི་ནང་གི་ཟིན་བྲིས་ལྟ་བུ་ཆོ་མེད་ལུང་མེད་རྩེད་མོ་ཁ་མཚར་རྩེ་ནས་འབོད་བསྐུལ་ཞུས་པ་ཞིག་གཏན་ནས་མིན། ཐུབ་བསྟན་ལགས་ཁྱོད་རང་གི་ཕལ་ཆེར་གོ་ཡོད་རྒྱུ་རེད། ཁམས་གོ་འཇོ་འགྲོ་འདྲེན་ནོར་མ་དང་། མགར་སྟོང་གྲོང་སྡེ་གཉིས་རྩ་ས་དང་གཡར་འབུ་གི་དོན་དུ་འཁྲུག་པ་ག་རེ་ཤོར་བ་ཁྱོད་ཀྱིས་ཨེ་ཤེས་ཨེ་གོ། རྩི་རོང་དང་བེ་རི་གཉིས་གཞི་བདག་གི་དོན་དུ་ནང་བསད་ག་ཚོད་བྱས་པ་ཁྱོད་ཀྱིས་ཨེ་གོ། རྒྱ་མིའི་དེ་དག་དོན་རྐྱེན་ལ་མི་རྩི་བར་མི་སེར་ནང་འགལ་ཞེས་པའི་མིང་བཏགས་ནས་ཁྲེལ་དགོད་དང་ལྟད་མོ་ག་འདྲ་ལྟས་པ་ཨེ་ཤེས། སྨད་ཨ་མདོ་མཚོ་སྔོན་པོའི་གཡས་གཡོན་དུ་རྩ་འབུ་གི་དོན་དུ་དོན་རྐྱེན་ག་འདྲ་བྱུང་བ་དེ་ཚོ་ཨེ་ཤེས་ཨེ་གོ ལྷ་སའི་ནང་དུ་ས་ངན་དང་། དཀར་མཛེས་ཀྱི་ཇག་པ་དེ་ཚོས་མཚན་མོ་རྒྱ་བོད་ཀྱི་མི་སུ་ཡང་འགྲོ་འོང་མི་ཕོད་པ་འཕྲོག་བཅོམ་ཁོ་ནས་འགྲོ་ལམ་བཀག་འདུག་པ་ཨེ་གོ། དེ་མ་ཚད་དཔལ་འབྱོར་ཡོད་པའི་མི་ཚོས་གསེར་ཐག་དང་གཟི་རྐེ་རྐེ་ལ་བཏག་མི་ཕོད་པར་འཕྲོག་བཅོམ་ག་ཚོད་བྱེད་ཀྱི་ཡོད་པ་དང་། མི་ག་ཚོད་བསད་རེས་གཏུག་པ་དེ་ཚོ་མི་ཤེས་བཞིན་དུ། ཀྱེད་ཀྱིས་ངའི་རེ་བསྐུལ་འདི་དང་པོ་རྫུན་མ་ཞེས་པའི་གཏམ་བཤད་སྦོམ་པོ་དེ་གཡུག་ནས་གུས་པའི་རེ་བསྐུལ་ལ་རྒྱབ་སྐྱོར་གནང་རོག སྙིང་ནས་ཐལ་མོ་སྦྱར་ནས་ཡང་ནས་ཡང་དུ་ཞུ་གི་ཡོད། གུས་པས་རྫུན་མ་ཤོད་ན་སྐར་མ་ལི་གཅིག་གི་ཡོང་འབབས་མེད་པ་ཁྱེད་ཀྱིས་གསལ་པོ་ངེས་པ་བྱེད་རོག དེ་མ་ཚད་གུས་པས་ལྷག་བསམ་རྣམ་དག་གི་༧རྒྱལ་བ་དོན་གྱི་བདག་པོ་ལ་ལག་གཉིས་ཐལ་མོ་སྦྱར། མིག་ནས་མཆི་མ་འདོན་བཞིན་ཞུ་བ་ཞིག་ལས་དུས་ཚོད་མ་ཆོད་ནས་མཚར་གཏམ་བྱེད་བཞག་པ་ཞིག་གཏན་ནས་མིན། ང་ཚོ་མི་རིགས་འདི་རྨོང་གཉིད་ཡ་ང་བ་འདི་ལས་སྐྱབས་པར་བྱེད་པ་དང་། དེ་ཚོ་ལས་ལྡོག་པའི་ལམ་སྟོན་རེ་བའི་མིག་ཟུང་ནང་མཐུན་དང་ཞི་བདེ་ལ་འདྲེན་ཐུབ་པ་འཛམ་གླིང་འདི་གི་སྒང་ལ་༧གོང་ས་ཡིན་བཞིན་ནོར་བུ་ལས་གཞན་པ་སུ་གཅིག་ཀྱང་མེད་པས་ཁྱེད་ཀྱི་ཐུགས་ལ་གཏན་གཏན་ཏིག་ཏིག་ངེས་པ་བྱེད་རོག་ཞུ་ཞེས་བའོད་བསྐུལ་ཞུ་གི་ཡོད།
ལྷག་བསམ་དང་གཞན་ཕན་ནི་འགྲོ་བ་མིའི་རྩ་ཆེན་རིན་ཐང་ཆེ་ཤོས་ཡིན་པས་ཡི་རངས་ཞུ།
དུས་བབ་ཀྱིས་དགའ་ལྡན་སྔ་མཆོད་སྐོར་གསར་འགྱུར་མ་སྟོན་པར་བློ་ཕམ་བྱུང་།
དམིགས་མེད་བརྩེ་བའི་གཏེར་ཆེན་སྤྱན་རས་གཟིགས། །
དྲི་མེད་མཁྱེན་པའི་དབང་པོ་འཇམ་དཔལ་དབྱངས། །
གངས་ཅན་མཁས་པའི་གཙུག་རྒྱན་ཅོང་ཁ་པ། །
བློ་བཟང་གྲགས་པའི་༸ཞབས་ལ་གསོལ་བ་འདེབས། །
སྨར་ཀླུང་དཔའ་ལ་ཟེར་བ་དེས་ཁམས་ཨ་མདོ་གཉིས་ཀྱི་ནང་དུ་ལོ་འདི་གཅིག་པུ་ལ་མི་བརྒྱ་ལྷག་ལྷག་ཙམ་བསད་རེས་གཏུགས། ཟེར་བ་རྫུན་པ་རེད།
ནམ་མཁའ་བསྟན་འཛིན་གྱིས་((དེང་སང་ཕྱིའི་རྒྱལ་ཁབ་ཁག་ན་ཡོད་པའི་བོད་པ་ལོ་བཅོ་བརྒྱད་ཡན་ལ་སླེབས་རྗེས་རྒྱ་གར་དུ་འབྱོར་བའི་ནང་སློབ་གྲྭར་འདི་བརྒྱུད་མ་མྱོང་མཁན་ཉུང་ཉུང་ཡིན་རྒྱུ་རེད། དེར་བརྟེན་རྗེས་ཕྱོགས་འདི་འདྲའི་རིགས་དུས་ཐོག་ལྟར་དྲ་རྒྱ་བརྒྱུད་ནས་སློངས་མོ་བྱས་ན། སློབ་གྲྭ་འདིར་ཞུགས་མྱོང་མཁན་ནང་ཞལ་འདེབས་ཕུལ་མཁན་གང་མང་ཡོང་ས་རེད))ཅེས་གསུངས་པ་དེ་བདེན་པ་རེད། རྒྱབ་སྐྱོར་ཡོད།
སློབ་སྤྱི་དང་སློབ་གྲྭའི་འགན་བདག་གཙོས་བའི་འགན་དང་ལེན་བྱེད་མཁན་རྣམས་ལ་ཐུགས་རྗེ་ཆེ་ཞུ། དེང་སང་ཕྱིའི་རྒྱལ་ཁབ་ཁག་ན་ཡོད་པའི་བོད་པ་ལོ་བཅོ་བརྒྱད་ཡན་ལ་སླེབས་རྗེས་རྒྱ་གར་དུ་འབྱོར་བའི་ནང་སློབ་གྲྭར་འདི་བརྒྱུད་མ་མྱོང་མཁན་ཉུང་ཉུང་ཡིན་རྒྱུ་རེད། དེར་བརྟེན་རྗེས་ཕྱོགས་འདི་འདྲའི་རིགས་དུས་ཐོག་ལྟར་དྲ་རྒྱ་བརྒྱུད་ནས་སློངས་མོ་བྱས་ན། སློབ་གྲྭ་འདིར་ཞུགས་མྱོང་མཁན་ནང་ཞལ་འདེབས་ཕུལ་མཁན་གང་མང་ཡོང་ས་རེད།
ཤེས་རབ་དགའ་ཚལ་གླིང་གཙོས་པའི་སློབ་མ་བོད་ནས་གསར་དུ་འབྱོར་བ་ཡོད་ཚད་དཔལ་དུས་ཀྱི་འཁོར་ལོའི་དབང་ཆེན་ཞུ་ཐུབ་པའི་སྐལ་བཟང་རྨད་དུ་བྱུང་བ་འདི་ལ་རྗེས་སུ་ཡི་རང་དང་འབྲེལ། བོད་དོན་ཆབ་བསྒྲག་དང་འཁོར་ཡུག་གཙང་བསྐྲུན་སོགས་ཀྱང་དགེ་མཚན་མང་པོ་དང་ལྡན་པའི་ལས་འགུལ་དེ་ལ་ཡང་ཐུགས་རྗེ་ཆེ་ཞུ་བ་ཡིན། དེ་ལས་དགེ་མཚན་ཆེ་བ་དང་ངེས་པར་དུ་དགོས་ངེས་ཀྱི་ཕ་ཡུལ་དུ་གྲི་མཚོན་གྱི་རྣོ་སོ་ལ་སྤུན་ཟླ་ཤ་རྒྱས་ཁྲག་རྒྱས་དེ་ཚོ་དོན་ཕྲན་ཚེག་དང་། ས་ཆུ་འབུ་གསུམ་གྱི་དོན་དུ་ཁམས་དང་ཨ་མདོ་གཉིས་ཀྱི་ནང་དུ་རབ་རྩིས་བྱས་ན། ལོ་འདི་གཅིག་པུ་ལ་མི་བརྒྱ་ལྷག་ལྷག་ཙམ་བསད་རེས་གཏུག་པའི་གོ་ཐོས་དང་། ལྷ་ས་སོགས་པའི་གྲོང་ཁྱེར་ཆེ་ཁག་གི་ནང་དུ་རྒྱ་མི་ཁྱོ་བང་དང་མཉམ་དུ་བསྡོང་ནས་དང་། ཕོ་རྒོད་ཞན། མདའ་བསྐྱེན་ཞེན། ཧབ་རྒྱག་དང་སྡིག་ར་བསྐུལ་རེས་བྱས་ནས་རྐུ་ཇག་འཕྲོག་རྩོད་ས་སྟེང་ལ་མ་དར་བ་ལྟ་བུ་བྱེད་དང་བྱེད་བཞིན་པ་སོགས་ཀྱི་ནང་འཁོན་གསོབ་ཏུ་མེད་པ་མང་པོ་ཞིག་འབྱུང་དང་། བྱུང་བཞིན་པ་འདི་ཚོ་ལ། དམིགས་སུ་བཀར་ནས་༧ གོང་ས་ཡིད་བཞིན་ནོར་བུ་ལ་བཀའ་སློབ་དང་། བཀའ་ཡིག་དམིགས་སུ་འབིག་པའི་ནུས་པ་ཐོན་ཤག་ཤག་གི་ལམ་སྟོན་བཀའ་སྩལ་བ་ནམ་ཡང་མ་འཆུག་རོག་ཞེས། བོད་གཞིས་བྱེས་ཡོངས་ཀྱིས་དྲྭ་གྲོགས་རྣམས་ཀྱིས་འབོད་བསྐུལ་སྙན་ཞུ་རབ་དང་རིམ་པ་བྲི་གནང་རོག་ཡོང་བའི་གསལ་བརྡ་དང་འབོད་བསྐུལ་ནན་མོ་ཞུ་གི་ཡོད།།།།།
ལམ་གླ་གཅིག་པོ་ཧིན་སྒོར་ཁྲི་འབུམ་༤ཟེར་བ་འདི་ཕལ་ཕྱིར་ནོར་བ་མིན་འགྲོ་ བོད་པ་ཆོས་ལ་དགའ་ཞིང་སྒོར་གཅིག་ལས་མེད་ནའང་དགོན་པ་ལ་འབུལ་མཁན་མི་རིགས་དེ་ད་ལྟ་ཡོད་ཚད་དགོན་པ་ནས་བློང་མཁན་ཞིག་ལ་གྱུར་འདུག །
དགོན་སྡེ་ཚོ་ཐུགས་རྗེ་ཆེ་ད་དུང་ཡིན་ན་དགོན་སྡེ་ཚོའི་སྦྱིན་པའི་བརྩོན་འགྲུས་བརྩོན་རོགས་ཟེར་བ་དེ་ཡིན།
འདི་ཡག་པོ་ཞིག་རྩ་བ་ནས་མ་རེད། བལ་ཡུལ་ནས་མཉམ་འབྲེལ་རྒྱལ་ཚོགས་ཀྱི་སྐྱབས་བཅོལ་ལས་ཁུངས་ལ་ཐོ་བརྒྱབ་རྗེས། སློབ་མའམ་སྐྱབས་བཅོལ་བ་རེར་ལོ་གསུམ་གྱི་འགྲོ་སོང་ཆ་ཚང་སྤྲད་ཀྱི་ཡོད་པ་རེད་ལ། འགྲོ་སོང་དེའི་ནང་དུ་འགྲོ་བསྐྱོད་འདུ་གི་ཡོད་པ་རེད། དེ་གཅིག་ཡིན།
གཉིས་ནས་འཆར་གཞི་མེད་པའི་ལས་ཀ་ལྷག་མ་ཞིག་རེད། འབུམ་བཅུ་གསུམ་རེག་རྗེས། སློབ་མའི་མིང་ཐོག་ནས་དུས་དབང་གནང་ཡུལ་དུ་ཟ་ཁང་ཆེན་པོ་ཞིག་འཛིན་དགོས་ཀྱི་ཡོད་པ་རེད་ལ། དེ་ལྟར་ཟ་མཁན་ལས་མཁན་གཅིག་ལྕོགས་ཤིག་ཆགས་ཀྱི་ཡོད་པར་མ་ཟད། ཁྱབ་བསྒྲགས་ཤུགས་ཆེན་དང་ཟ་མ་ཡག་པོ་བཟོས་ན་ཟ་མཁན་ཡོང་ཡོང་བ་དང་སྒོར་མོའང་ཡོང་ཡོང་བ་རེད། ཡིན་ནའང་། དེང་སྐབས་མི་ཆ་ཚང་ཟ་ཤེས་མཁན་ལས་འགུལ་ཤེས་མཁན་མེད་པ་འདིའང་བོད་འདི་ཕོངས་བཞིན་པའི་རྒྱུ་གཙོ་བོ་གཅིག་རེད།
བསམ་ཚུལ་ཙམ་ཡིན། ཤེས་ཡོན་པ་ཚོས་ལམ་སྟོན་གནང་རོགས།
བཟང་ངོ། ཧ་ཅང་བཟང་ངོ། འབྲེལ་ཡོད་རྣམ་པ་ཚང་མར་བཀའ་དྲིན་ཆེ་ཞུ།