དེ་རིང་ཕྱི་དྲོ་གངས་སྐྱིད་ཕྱི་དྲིལ་ལས་ཁུངས་སུ་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས། རྒྱ་ནག་ནང་སློབ་སྦྱོང་བྱེད་བཞིན་པའི་བོད་རིགས་སློབ་མ་ཚོས་འཚེ་བའི་བྱ་སྤྱོད་མ་སྤེལ་བར་ཤེས་ཡོན་ཐོག་འབད་བརྩོན་གནང་དགོས་པའི་འབོད་སྐུལ་ཞུས་སོང་།
དེ་རིང་ཕྱི་ཚེས་ ༢༠ ཉིན་གྱི་ཕྱི་དྲོའི་ཆུ་ཚོད་ ༢ དང་ཕྱེད་ཀའི་སྟེང་གངས་སྐྱིད་ཕྱི་དྲིལ་ལས་ཁུངས་སུ། དབུས་བོད་མིའི་སྒྲིག་འཛུགས་ཀྱི་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས། ཉེ་ལམ་རྒྱ་ནག་ཁྲིན་ཏུའུ་ལྕགས་ལམ་བཟོ་བསྐྲུན་ཆེད་ལས་འབྲིང་རིམ་སློབ་གྲྭ་ཞིག་ཏུ། བོད་རྒྱའི་སློབ་ཕྲུག་བར་འཁྲུག་འཛིང་ཤོར་བའི་གནས་སྟངས་སྐོར་གྱི་གསར་འགོད་གསལ་བསྒྲགས་ཤིག་བསྐྱངས་སོང་།
གསལ་བསྒྲགས་དེའི་ནང་བཀོད་དོན། “ ཟླ་འདིའི་ཚེས་ ༡༤ ཉིན་གྱི་དགོང་མོར་སི་ཁྲོན་ཁྲིན་ཏུའུ་གྲོང་ཁྱེར་ནང་ཡོད་པའི་ལྕགས་ལམ་བཟོ་བསྐྲུན་ཆེད་ལས་འབྲིང་རིམ་སློབ་གྲྭ་ཞིག་གི་ནང་། བོད་རིགས་སློབ་མ་དང་རྒྱ་རིགས་སློབ་མའི་བར་འཁྲུག་འཛིང་ཆེན་པོ་ཤོར་ཡོད་པ་དེར། བཙན་བྱོལ་བོད་མིའི་སྒྲིག་འཛུགས་ཀྱིས་སེམས་འཚབ་དང་བློ་ཕམ་ཆེན་པོ་བྱེད་ཀྱི་ཡོད། མཚན་མོ་དེར་རྒྱ་རིགས་སློབ་མ་ ༣༠༠༠ ཙམ་གྱིས་བོད་རིགས་སློབ་མ་བརྒྱ་ཕྲག་ཁ་ཤས་ལ་རྒོལ་འཛིང་བྱས་ཡོད་སྟབས། བོད་རིགས་སློབ་མ་ཁག་ཅིག་ལ་རྨས་སྐྱོན་ཚབས་ཆེན་ཕོག་སྟེ་སྨན་ཁང་དུ་བསྐྱོད་དགོས་པའི་གནས་ཚུལ་བྱུང་ཡོད། ཁྲིན་ཏུའུ་གྲོང་ཁྱེར་དུ་བྱུང་བའི་བོད་རྒྱ་སློབ་ཕྲུག་གཉིས་ཀྱི་འཁྲུག་འཛིང་དེ་ཐོག་མ་མིན་པར། ༢༠༡༠ ལོར་ཡང་སི་ཁྲོན་ཙི་ཀུང་གྲོང་ཁྱེར་དུ་འཁྲུག་འཛིང་དེ་ལྟ་བུ་ཞིག་བྱུང་ཡོད་པ་མ་ཟད། སྐབས་དེའི་འཁྲུག་འཛིང་ཁྲོད་རྒྱ་རིགས་སློབ་ཕྲུག་ཅིག་གིས་བོད་ཕྲུག་ཞིག་ལ་གྲིས་བཙུགས་ཏེ་རྐྱེན་ལམ་དུ་བཏང་ཡོད་ཀྱང་། ད་བར་ལག་དམར་འཛིན་བཟུང་བྱས་ཏེ་ཁྲིམས་ཐག་བཅད་པའི་གནས་ཚུལ་གང་ཡང་བྱུང་མེད་ཅེས་ ” འཁོད་འདུག
ཡང་གསལ་བསྒྲགས་དེའི་ནང་མུ་མཐུད་དུ་བཀོད་དོན། “ དབུས་བོད་མིིའི་སྒྲིག་འཛུགས་ཀྱིས་རྒྱ་ནག་ཏུ་སློབ་སྦྱོང་བྱེད་བཞིན་བོད་རིགས་སློབ་མ་ཚོར་སྐབས་བབ་ཀྱི་སློབ་སྦྱོང་ལ་ཧུར་བརྩོན་གནང་རྒྱུ་དང་། ཕ་མེས་ཀྱི་ཡ་རབས་བཟང་སྤྱོད་དང་ཡ་མ་བྲལ་བར་རྒྱ་རིགས་སློབ་གྲོགས་ཚོའི་མཐུན་ལམ་ཡར་རྒྱས་གཏོང་རྒྱུ་ལས། རང་ཉིད་བློ་ཁོག་ཆེ་མདོག་གིས་གཞན་ལ་འཁྲུག་པ་མི་རྒྱག་པའི་འབོད་སྐུལ་ཞུ་བཞིན་ཡོད། ང་ཚོས་རྒྱ་ནག་གྲོང་ཁྱེར་ ༡༢ ཙམ་ནང་སློབ་སྦྱོང་བྱེད་བཞིན་པའི་བོད་རིགས་སློབ་མ་ཚོའི་བདེ་འཇགས་ཐོག་རྒྱ་གཞུང་གིས་ངེས་པར་དུ་འགན་ལེན་དགོས་པའི་འབོད་སྐུལ་ཞུ་རྒྱུ་ཡིན་ལ། བཙན་བྱོལ་བོད་མིའི་སྒྲིག་འཛུགས་ཀྱིས་རྒྱ་གཞུང་ལ་བོད་མིའི་འཐབ་རྩོད་དེ་རྒྱ་ནག་དང་རྒྱ་མི་རིགས་ལ་ངོ་རྒོལ་བྱས་པ་ཞིག་མིན་པར། ཞི་བའི་ཐོག་ནས་བོད་དོན་ཐག་གཅོད་ཡོང་བར་ནན་བརྗོད་བྱེད་ཀྱི་ཡོད་ཅེས་ ” འཁོད་འདུག
ཐེངས་འདིའི་བོད་རྒྱ་སློབ་ཕྲུག་གི་རྩོད་གཞི་དེའི་ཐད་ལ་གསར་འགོད་པས་བཀའ་བློན་བདེ་སྐྱིད་ཆོས་དབྱངས་མཆོག་ལ་བཀའ་འདྲི་ཞུས་པར། “ དབུས་བོད་མིའི་སྒྲིག་འཛུགས་ཀྱིས་དོན་རྐྱེན་དེའི་འབྱུང་རྐྱེན་གསལ་པོ་ཞིག་ད་སྔ་ཤེས་རྟོགས་བྱུང་མ་སོང་ཡང་། བོད་རྒྱའི་སློབ་ཕྲུག་གི་རྩོད་རྙོག་དེ་ཐེངས་དང་པོ་ཆགས་ཡོད་པ་མ་རེད། ༢༠༡༠ ལོར་ཡང་སི་ཁྲོན་ཙི་ཀུང་གྲོང་ཁྱེར་དུ་བོད་རྒྱའི་སློབ་ཕྲུག་བར་རྩོད་རྙོག་ཞིག་བྱུང་ཡོད། དེ་ཡིན་དུས། བོད་པའི་སློབ་ཕྲུག་ཚོས་མི་རིགས་ཀྱི་ལ་རྒྱ་ཟེར་བ་དེ་ཤེས་ཡོན་གྱི་ཐོག་ནས་སྟོན་དགོས་པ་ཞིག་ཡིན་སྟབས། རྒྱ་རིགས་སློབ་ཕྲུག་བར་རྩོད་རྙོག་ཡོང་སྐབས་འཚེ་མེད་ཞི་བའི་ཐབས་ལམ་ཐོག་གནད་དོན་ཐག་གཅོད་དགོས་པ་རེད། རྒྱ་གཞུང་གི་ངོས་ནས་ཀྱང་ཕྱོགས་རིས་ཀྱི་དབང་དུ་མ་སོང་བར་གནས་ཚུལ་གང་བྱུང་རྣམས་ཇི་མ་ཇི་བཞིན་དྲིལ་བསྒྲགས་བྱ་རྒྱུ་གལ་ཆེན་རེད་ཅེས་ ” གསུངས་བྱུང་།
ཟི་ཁྲོན་ཁྲིན་ཏུའུ་ལྕགས་ལམ་བཟོ་སྐྲུན་ཆེད་ལས་འབྲིང་རིམ་སློབ་གྲྭའི་ནང་ཁྱོན་བསྡོམས་རྒྱ་རིགས་སློབ་མ་སྟོང་ཕྲག་ ༣༠༠༠ ཙམ་དང་། བོད་རིགས་སློབ་མ་ ༣༠༠ ཙམ་ཡོད་འདུག སློབ་གྲྭ་དེར་ཡོད་པའི་བོད་རིགས་སློབ་མ་རྣམས་ནི། དེང་སྐབས་རྒྱ་གཞུང་གིས་བོད་རིགས་འཛིན་གྲྭ་ཞེས་པའི་མིང་ཐོག་ནས། རྒྱའི་ནང་ལོགས་ས་ཁུལ་ཁག་ཏུ་བོད་རིགས་སློབ་མ་སྡེབ་གཏོང་གི་ལས་གཞི་ལྟར་བྱས་པ་ཞིག་ཡིན་འདུག
ནད་གསུང་སྙིང་འདི་རེད་ཅེས་ཤེས་ཐུབ་མ་སོང. བོད་ཡིག་འདི་ཕུན་སུམ་ཚོགས་པོ་ཞེས་པའི་དོམ་ཅི ཡི་གེ་མགོ་ནག་རྒྱལ་བོ་ཡིན ལྟོ་གོས་སྦྱིན་པའི་ཐ་མ་ཡིན ཞེས་པ་འདི་བོད་ཡིག་གི་གནས་བབ་རེད་བསམ གཏམ་དཔེ་དེ་ལས་ནརྒལ་དགོས་ན་ཅི་ཞིག་ཇི་ལྟར་བྱེད་དགོས་སམ
གཞན་དབུས་བོད་མིའི་གཞུང་གི་སྲིད་སྐྱོང་བ་གཙོས་བཀའ་བློནརྣམ་པར་མཚོན་ན དབྱིན་ཡིག་གིས་དེང་རབས་ཤེས་ཡིན་བརྒྱ་ཆའི་བདུན་ཅུ་ངེས་པར་ཡོད་དགོས་ལ བོད་ཡིག་གི་ཚད་ཅི་ཙམ་མཐོ་ཡང དབྱིན་ཤེས་60%ཙམ་ལ་བབ་ཚེ་དཔེ་ཟག་རེད ངའི་བསམ་པར དབྱིན་ཡིག་གིས་དེང་ཤེས༩༠%ཟིན་ཚེ བོད་ཡིག་གིས་ཤེས་ཚད0%ཡིན་ཀྱང་མི་འགྲིག་པ་ཅི་ཡང་མེད་པར་བསམ་མོ
ད་དུང་་་་ད་རྗེས་སུ་བཤད་ཆོག
ཕྱི་དྲིལ་བཀའ་བློན་མཆོག་གིས་གསུང་པ་ལྟར་ང་ཚོས་ཤེས་ཡོན་ཐོག་ལ་ཤུགས་སྣོན་ལྷག་པར་རྒྱག་དགོས་ཀྱི་འདུག
ཤེས་ཡོན་དེ་ཡང་། ༸གོང་ས་མཆོག་གིས་གསུངས་པ་ལྟར་གནའ་དེང་གི་འདབ་ཤོག་གཉིས་ལྡན་དགོས། བོད་རང་ཉིད་ཀྱི་ཤེས་རིག་ཚད་ལྡན་ཐོག་ལྷག་ཏུ་དེང་རབ་ཚན་རིག་སོགས་ཀྱི་ཁྱབ་ཁོངས་ཆ་ཚང་བྱང་ཆ་ལྡན་པ་ཞིག་དགོས།
ཤེས་ཡོན་དེ་འདྲ་ཞིག་གིས་ཐོག་ནས་བོད་མི་རིགས་ཀྱི་རིག་གཞུང་དང་སྐད་ཡིག་ཕུན་སུམ་ཚོགས་པ་ཞིག་བཟོ་ཐུབ་ན་མ་འོངས་པའི་བོད་དང་། བོད་རིགས་དེ་སླར་ཡང་འཛམ་གླིང་ངོམ་སུ་ཆོག་པ་ཞིག་ཡོང་ངེས་རེད