གཟའ་ལྷག་པའི་ཉིན་གསེར་རྟ་རྫོང་གེ་འཕེན་སྡེ་བའི་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་ལགས་རྒྱ་གཞུང་གི་ཉེན་རྟོག་པ་དང་གསང་བའི་མི་སྣས་རང་ཁྱིམ་ནས་འཛིན་བཟུང་བཙན་འཁྲིད་བྱས་ཡོད་འདུག
དེ་རིང་ཞོགས་པར་མདོ་སྨད་སྤྱི་ཟུར་གསེར་རྟ་ཚུལ་ཁྲིམས་འོད་ཟེར་ལགས་ཀྱིས་གནང་ཚུལ་བཏང་འབྱོར་བྱུང་བའི་ནང་། ཕ་ཡུལ་དབལ་ཤུལ་གསེར་རྟའི་གེ་འཕེན་སྡེ་བ་ནས་ཡིན་པའི་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་ལགས་ཕྱི་ལོ་ ༢༠༡༢ ལོའི་ཟླ་ ༢ ཚེས་ ༡༥ ཉིན་གྱི་མཚན་མོའི་བོད་ནང་གི་ཆུ་ཚོད་ ༡༡ ཐོག་གསེར་རྟ་རྫོང་གི་རང་ཁྱིམ་ནས་རྒྱ་གཞུང་གི་མི་སྣས་བཙན་ཁྲིད་བྱས་འདུག ཅེས་དང་།
ཡང་ཁོང་འཛིན་བཟུང་བྱས་མཁན་ནི། དཀར་མཛེས་ཁུལ་གྱི་ཉེན་རྟོག་མི་སྣ་དང་གསང་བའི་མི་སྣ། དེ་བཞིན་གསེར་རྟ་རྫོང་གི་ཉེན་རྟོག་མི་སྣ་དང་གསང་བའི་མི་སྣ་སོགས་ཁྱོན་མི་གྲངས་ ༢༠ ཙམ་ཡོད་པ་དང་། དེའི་ཁོངས་སུ་གསེར་རྟ་རྫོང་གི་ཉེན་རྟོག་ལས་ཁུངས་ཀྱི་མགོ་གཙོ་དང་། གསང་བའི་ལས་ཁུངས་ཀྱི་མགོ་གཙོ་བཅས་ཡོད་པར་མ་ཟད། གསེར་རྟ་རྫོང་གྲོང་གི་ཆ་ཚང་སློབ་གྲྭ་ཞེས་པའི་སློབ་ཆུང་ཞིག་ཡོད་པ་དེའི་མགོ་གཙོ་ཆོས་དར་ཟེར་བ་དེ་ཡང་སླེབས་ཡོད་ཚུལ་བསྟན་འདུག
གོང་གསལ་རྒྱ་གཞུང་མི་སྣས་གངས་སྐྱེས་སྒྲུབ་པ་སྐྱབས་འཛིན་བཟུང་བྱེད་ཞོར་དུ་ཁྱིམ་ནང་སྔོག་བཤེར་བྱེད་སྐབས། ཁོང་གི་བཟའ་ཟླས་སྒྲུབ་པ་སྐྱབས་འཛིན་དོན་ཅི་ཡིན། ཞེས་དང་། ཁྱིམ་ནང་སྔོག་བཤེར་ཆོག་པའི་གོང་རིམ་གྱི་ཆོག་མཆན་ཡིག་ཆ་སོགས་ཡོད་དམ། ཡོད་ན་སྟོན་ཞེས་རེ་རེ་བཞིན་དྲིས་པར། ཁོང་ཚོས་སྒྲུབ་པ་སྐྱབས་ལ་སྐད་ཆ་ཞིག་འདྲི་རྒྱུ་ཡོད། དེའི་ཆེད་ཁོང་འཁྲིད་བཞིན་ཡོད། ཅེས་བཤད་ཡོད་པ་ལས་ཁྱིམ་ནང་སྔོག་བཤེར་ཆོག་མཆན་ཡིག་ཆ་འདི་ཡིན་ཟེར་བ་གང་ཡང་བསྟན་མི་འདུག་ལ། ཁོང་གི་ཁྱིམ་ནས་རྒྱ་གཞུང་གི་ཁྲིམས་འགལ་དངོས་རྫས་རིགས་གང་ཡང་འཐོན་མེད་ཚོད་འདུག
དེ་ནས་ཁོང་གི་ནང་མིས་མཐོང་སར་ཁོང་ལ་རྐང་ལྕགས་དང་། ལག་ལྕགས་སོགས་མ་བརྒྱབ་པར། བདེ་འཇགས་མི་སྣ་གཉིས་ཀྱིས་ཁོང་གི་ལག་པ་གཡས་གཡོན་ལ་འཇུས་ཤིང་། རྒྱ་གཞུང་མི་སྣ་གཞན་དག་གིས་མཐའ་ནས་བསྐོར་ཏེ་འཁྲིད་ཡོད་པ་དང་། དེའི་རྗེས་སུ་ཁོང་གང་དུ་འཁྲིད་པ་དང་གནས་སྟངས་ཅི་འདྲ་ཆགས་ཡོད་མེད་ཤེས་རྟོགས་ཐུབ་མི་འདུག
ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་ལགས་ནི་རང་ལོ་ ༣༢ ཡིན་ཞིང་། སྨྱུག་མིང་ལ་གངས་མེ་སྟག་ཞེས་འབོད། ཁོང་གི་ཕ་མིང་ལ་ཐུབ་ཉི། མ་མིང་ལ་དབང་ལོ། བཟའ་ཟླའི་མིང་ལ་དབང་ཕྱུག་ལྷ་མོ་བཅས་ཟེར་ཞིང་། ཁོང་ལ་བུ་ཕྲུག་ ༢ ཡོད་པའི་ཆེ་བ་བུ་མོ་ལོ་ ༨ དང་། ཆུང་བ་དེ་བུ་ལོ་ ༥ ཅན་ཞིག་བཅས་ཡོད་པ་རེད།
ཁོང་ཆུང་དུས་སློབ་ཆུང་དང་དེ་རྗེས་གསེར་རྟ་རྫོང་མི་རིགས་སློབ་འབྲིང་དུ་ཕྱིན་ཡོད་པ་དང་། དེ་རྗེས་དཀར་མཛེས་ཁུལ་གྱི་དགེ་འོས་སློབ་གྲྭ་སོགས་ཐོན་རྗེས་གསེར་རྟ་ས་ཆའི་གདར་ཚང་དང་། ཧོར་ཤུལ་སོགས་ལ་དགེ་རྒན་གནང་བ་དང་། དེང་སྐབས་ཀྱང་སྒེར་གཉེར་སློབ་གྲྭ་ཞིག་ཏུ་དགེ་རྒན་གནང་བཞིན་པས་མཚོན་ད་བར་ལོ་ངོ་ཧྲིལ་པོ་ ༡༠ ཙམ་ལ་དགེ་རྒན་གནང་ཡོད་འདུག་ལ། ཞོར་དུ་རྩོམ་ཡིག་མང་པོ་སྤེལ་ཡོད་པ་མ་ཟད་ ༼ དེ་རིང་གི་མིག་ཆུ།༽ཅེས་པ་སོགས་དེབ་ཁག་གཅིག་ཀྱང་བརྩམས་ཡོད་འདུག
སྤུན་ཟླ་ཚོ་དེང་དུས་ང་ཚོའི་གནས་སྟངས་ཧ་ཅང་ཐབས་སྐྱོ་བའི་སྐབས་འདིར་ཆོལ་ཁའི་འཐེན་འཁྱེར་གྱི་ཚིག་རྙོགས་སོགས་དགོས་མེད་དོན་མེད་ཀྱི་ལས་འགུལ་མཚམས་འཇོགས་གནང་ན་ཚོད་ཡིན།
ཚེ་རིང་ལགས། བོད་ནང་ནས་ཁོང་གི་འབྲེལ་ཡོད་ཚོས་ད་ལྟ་འཛིན་བཟུང་བྱས་པ་བཀག་ཉར་ཙམ་ཡིན་པས། དེ་ཕྱི་ཕྱོགས་ནས་ཁྱབ་བསྒྲགས་མ་གནང་རོགས་ཟེར་དགོས་དོན་ཅི་ཡིན་ལན་གསར་བོ་འདེབ་དགོས་ཁྱེད་ཀྱིས་སུ་ལ་འབྲེལ་བ་བྱས་པ་ཡིན།
བོད་ཀྱི་ཤེས་ཡོན་ཅན་ཚོ་དངོས་གནས་བཀའ་དྲིན་ཆེན་པོ་ཡིན་ཞིང་། འདི་དག་གིས་སློབ་ཡོན་ཙམ་ལ་དགོངས་པ་འཁོར་གྱི་མེད་པའང་གསལ་བོ་ཡིན། རྒྱལ་སྤྱིའི་དགེ་རྒན་གྱི་ཉིན་མོ་ཟེར་བ་དང་། ཤེས་ཡོན་པའི་སྡེ་ཁག་སོ་སོ་ནས་འདི་དག་ལ་གཟིགས་སྐྱོང་དང་། དགོངས་ཚུལ་གསལ་སྒྲགས་གནང་རྒྱུ་གལ་ཆེ་བ་ཡིན།
གུང་ཁྲན་པ་ཁྱེད་ཚོ་ཅི་འདྲ་ཞིག་ཡིན་མིན། བོད་མི་མཚན་ལ་ཉེན་བརྡ་ཙམ་ཡང་མེད་པར། གང་བྱུང་བཙན་ཁྲིད་བྱེད་སྟངས་ནས་གསལ་བོ་རེད། ཁྱེད་ཚོས་དེ་ལྟའི་བྱེད་སྟངས་དེ་སུ་དང་ཡང་མི་མཐུན་པའི་བྱེད་སྟངས་ཤིག་རེད། ཕྱོགས་གཞན་ཞིག་ནས་བསམས་ན། གནས་ཚུལ་དེ་ནས་སུ་ཞིག་གིས་ལས་ངན་ཁྲིམས་འགལ་གྱི་རིགས་བྱེད་ཀྱི་ཡོད་པ་ཡང་གསལ་བོ་རེད། གལ་སྲིད་ཁྱེད་ཚོར་བདེན་པ་ཁུངས་བཙུན་ཞིག་ཡོད་ན། འཇིག་རྟེན་སྤྱི་ལ་གོ་ཐུབ་པའི་དེ་འབྲེལ་གྱི་བྱེད་སྟངས་ལ་གསལ་བཤད་བདེན་པ་བདེན་ཐུག་ཤིག་བྱོས་དང་། ངས་འཛམ་གླིང་ལྡིང་ཆའི་སྟེང་ནས་རྣ་བ་བཟེད་ནས་བསྡད་ཆོག
མི་འདི་ད་སྐབས་ཡིན་ན་བཀག་ཉར་ཙམ་བྱས་ཡོད་ཚུལ་ལས་གནས་འཕྲིན་ངོ་མ་ཇི་བཞིན་ཤོད་དཀའ་བར་གྱུར་འདུག འབྲེལ་ཡོད་དང་ཉེ་འབྲེལ་གྱིས་བཤད་ན་ད་རུང་ཁོང་གི་གནས་ཚུལ་ཕྱི་ཕྱོགས་སུ་མ་བསྒྲགས་རོགས། ཁོང་ལ་གནས་སྐད་ཆ་འདྲི་བརྩད་ཙམ་ལས་ཅི་འགྱུར་མི་ཤེས་ཟེར།
ཚེ་རིང་ལགས་ཁྱེད་གྱིས་རྩོམ་པ་པོ་གངས་སྐྱེས་སྒྲུབ་པ་སྐྱབས། ཕྱི་ལ་གསལ་བསྒྲགས་མ་བྱེད་རོགས་གནང་ཟེར་དོན་ག་རེ་ཡིན་ནམ། ང་ཚོ་བོད་གངས་ཅན་པ་ཡོངས་ཀྱིས་རྩོམ་པ་པོ་ཚངས་མ་རྒྱ་དམར་ཚང་གི་འཛིན་བཟུང་བྱེད་གྱི་ཡོད་རེད། ད་ང་ཚོས་གསལ་བསྒྲགས་མ་བྱེད་ན་སུ་གསལ་བསྒྲགས་བྱེད་གྱི་རེད་དམ། ཁྱེད་ལ་ནུས་པ་ག་རེ་ཡོད་རེད་ཚེ་རིང་སྐྱག་ཟན་ལགས། བཙན་བྱོལ་བོད་གཞུང་བོད་གྱི་རྒྱབ་ལ་ཡོད་ན་རྒྱ་གཞུང་གི་གཙོ་འཛིན་ཡོངས་ལ་སྨྱུག་ཐོགས་ནས་ཡི་གེ་ཞིག་བསྐུར་ནས་འབོད་བསྐུལ་ཞུས་ན་ག་འདྲ་ཡིན་ནམ་བོད་གཞུང་ལགས། གཉིད་ཡོད་ན་སད་རན་རེད་ལགས། གངས་ཅན་རྩོམ་པ་གངས་སྐྱེས་སྒྲུབ་པ་སྐྱབས་ལགས་ནི་མྱུར་ཏུ་གློད་གྲོལ་ཡོངས་བའི་སྨོན་འདུན་ཞུ། བླ་མ་དཀོན་མཆོག་གསུམ་པོ་མཁྱེན་མཁྱེན་ནོ།
བཙན་བྱོལ་བོད་གཞུང་གིས་སྐད་རྒྱག་དགོས་པ་རེད། གཞུང་འབྲེལ་མིན་པའི་ཚོགས་པ་ཚོས་ཁྱབ་བསྒྲགས་ཤུགས་ཆེན་པོ་བྱེད་དགོས་པ་རེད། ཁོང་ལ་ཁྲིམས་ཐག་མ་བཅད་སྔོན་ལ་རྒྱལ་སྤྱིའི་ཐོག་གི་སྣོན་ཤུགས་བསླེབ་ཐུབ་པ་བྱེད་དགོས་པ་རེད། སྨྱུག་ཐོག་པ་ཁོང་ལ་རྒྱ་དམར་གྱི་མི་སྤྱོད་ལས་འདས་པའི་མནར་གཅོད་མ་ཕོག་སྔོན་ལ་ཕྱི་ལོགས་ཀྱི་རྣམ་འགྱུར་བརྡ་ལན་འཐོན་ཐུབ་པ་བྱེད་དགོས་པ་རེད།
ད་དགེ་རྒན་རྗེས་ལ་བོད་རིགས་ཆབ་སྲིད་པ་འཛིན་བཟུང་བྱས་ན། དེ་ནས་གཞི་ནས་རེ་བ་གསར་པ་ཅིག་ཡོད་རེད།
བོད་ནང་ནས་ཁོང་གི་འབྲེལ་ཡོད་ཚོས་ད་ལྟ་འཛིན་བཟུང་བྱས་པ་བཀག་ཉར་ཙམ་ཡིན་པས། དེ་ཕྱི་ཕྱོགས་ནས་ཁྱབ་བསྒྲགས་མ་གནང་རོགས། ཁོང་གློད་གྲོལ་ཡོང་ཐབས་སུ་རེ་བ་རྒྱག་གཞིན་ཡོད་ཅེས་འདུག་ལ།
རྒྱ་གར་དུ་ཡོད་པའི་ཁོང་གི་འབྲེལ་ཡོད་ཚོས་ཀྱང་ཁྱབ་བསྒྲགས་མ་གནང་རོགས།
གང་ལྟར་ཁྱབ་བསྒྲགས་བྱས་ཟིན་འདུག ཕན་པའི་རེ་བ་ཡོད།
གོང་གི་གནས་ཚུལ་ཡོང་ཁུངས་ལ་ཞིབ་འཇུག་ཁ་གསལ་བཟོ་འདོད་ཡོད་རིགས་ཚོས་ཁ་པར་ཨང་གྲངས་ ༩༩༠༢༤༨༨༥༦༢ འདི་ལ་འབྲེལ་བ་གནང་དགོས།