འདི་གར་གནས་ཚུལ་བཏང་འབྱོར་བྱུང་བ་ལྟར་ན། ཁ་སང་ཕྱི་ཚེས་ ༡༤ ཉིན་མདོ་སྨད་མཚོ་སྔོན་པོའི་རྐང་ཚ་སྟེ་མཚོ་སྔོན་ཞིང་ཆེན་མཚོ་བྱང་ཁུལ་རྐང་ཚ་རྫོང་གི་མི་རིགས་སློབ་འབྲིང་གི་སློབ་མ་བརྒྱ་ལ་ཉེ་བ་ཞིག་གིས་༼རང་ས་རང་བདག སྐད་རིགས་འདྲ་མཉམ༽ཞེས་པའི་འཕྲེད་དར་འཕྱར་ཞིང་སྐད་འབོད་རྒྱག་བཞིན་རྐང་ཚ་རྫོང་གི་སྲང་ལམ་ཁག་དང་རྫོང་སྲིད་གཞུང་གི་སྒོ་མདུན་བཅས་སུ་སྐད་འབོད་ཁྲོམ་སྐོར་བྱས་འདུག
སྐབས་དེར་རྒྱ་ནག་གི་ཉེན་རྟོག་དམག་མི་མང་པོ་འབྱོར་ཏེ་བཀག་འགོག་བྱས་ཡོད་པ་དང་། རིམ་བཞིན་སློབ་གྲྭའི་སློབ་མ་ཡོངས་རྫོགས་སྡེབ་ལངས་ཀྱིས་ཁྲོམ་གཞུང་དུ་འགྲོ་རྒྱུར་གྲ་སྒྲིག་བྱས་སྐབས། སློབ་གྲྭ་དམག་གིས་བསྐོར་ཏེ་བཀག་སྡོམ་ནན་མོ་བྱས་ཡོད་འདུག
ཡིན་ཡང་སློབ་གྲྭའིི་ར་བའི་ནང་ནས་སློབ་མ་ཡོངས་སྡེབ་ལངས་ཀྱིས་ངུ་འབོད་དང་སྐད་འབོད་སྣ་ཚོགས་ཀྱིས་ཁྲོམ་སྐོར་བྱས་ཡོད་པ་དང་། ད་སྔ་སློབ་མ་འཛིན་བཟུང་དང་གཅར་རྡུང་སོགས་ཀྱི་གནས་ཚུལ་བྱུང་མེད་ཀྱང་། ས་གནས་དཔོན་རིགས་ཁག་གིས་སློབ་མ་རྣམས་ལ་སློབ་གསོ་སྤྲོད་བཞིན་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དུས་སྐབས་དམ་འཛིན་བྱས་པར་ཐུགས་རྗེ་ཆེ། རྒྱ་དཔོན་ཀྲུའུ་ཡི་རྩོམ་ཡིག་དེས་རྐྱེན་གྱིས་བོད་ས་ཙམ་མ་ཟད་གྲངས་ཉུང་མི་རིགས་ཡོངས་རྫོགས་ལངས་ཐུབ་ཡོད་ན་ཅི་མ་རུང་མོད།
མཐོ་སྒང་གངས་ཅན་གྱི་དཔའ་རྒོད་རྣམས་ཀྱི་སྙིང་སྟོབས་དང་ལྷག་བསམ་མཐོང་ཡོང་དུས། སྙིང་མེད་བདག་ལྟ་བུར། བློ་ཡུལ་ལས་འདས་པ་རེད། དཔའ་རྒོད་རྣམས་ལ་གུས་འདུད་དང་རྗེས་སུ་ཡི་རང་ཞུའོ།
སྡེབ་ལངས་ཞི་བའི་ངོ་རྒོལ་ལ་དགའ་བསུ་ཡོད་ལགས། ཐུགས་རྗེ་ཆེ་ཞེས་ཞུའོ། །
ཅི་ཞིག་བཤད་དགོས་སམ། ཁོང་ཚོ་ལ་སློབ་སྟོན་བྱེད་རྒྱུའི་སྤོབས་པ་བདག་ལ་མི་འདུག དཔའ་བོ་ཚོར་སྙིང་ནས་གུས།
སློབ་གྲོགས་ཚོ་ཁྱེད་ཚོའི་ལངས་སྟངས་ནི་ཁྱེད་ཚོས་ཤེེས་དགོས། རྒྱ་དམར་གཞུང་ལ་གནས་ཚུལ་དངོས་ཡོད་ག་འདྲ་བཤད་ཀྱང་ཁོང་ཚོ་ལ་ཐུགས་སྣང་མེད་པ་ང་ཚོའི་ཤེས་མོད་སློབ་གྲོགས་ཚོ། ཤེས་ཡོན་ཅན་གྱི་སློབ་གྲོགས་ཚོའི་ཡར་གཞུང་དང་དཔོན་བློན་སོགས་ལ་བོད་མི་རིགས་གི་དཀའ་སྡུག་དེ་འདྲ་ཡིན་པའི་གནས་ཚུལ་ཞིག་སྨྱིག་འབྲི་དང་དྲྭ་རྒྱ་སོགས་ལ་བཏང་ན་ཧ་ཅང་ལེགས་མོད་སློབ་གྲོགས་ཚོ། ང་ཚོ་ལ་ཐོབ་ཐང་ཚངས་མ་དགོས་ཟེར་ནས་ཁུར་ཚུར་གནམ་ལ་སྦྱར་བ་དེ་དོན་གང་ཡང་མེད་པ་ཐག་ཆོད་རེད། ཁྱེད་ཚོའི་ཅི་བསམ་ལྷུན་གྱིས་འགྲུབ་པའི་སྨོན་འདུན་ཞུ། བོད་རྒྱལ་ལོ།
ལངས་སྟངས་ཤེས་དགོས་པ་ཧ་ཅང་གལ་ཆེན་པོ་རེད། དེའི་སྐབས་རྩ་བ་ཉིད་ནས་མིག་རྒྱང་ཐུང་ཐུང་གིས་ཁོང་ཁྲོ་སྟོན་མི་རུང་བར་རྒྱ་གཞུང་གིས་ཉན་ན་མི་ཉན་ན་གནས་ལུགས་དང་ཁྲིམས་ལུགས་གཞི་ལ་འཇོག་གང་ཐུབ་གནང་དགོས།