ཟླ་འདིའི་ཕྱི་ཚེས་ ༢༢ ཉིན་ཨོ་སི་ཊོ་ལི་ཡའི་གྲོང་ཁྱེར་སིག་ནེའུ་ནང་བོད་ནང་རང་ལུས་མེར་བསྲེཊ་གཏོང་བཞིན་པའི་གནས་སྟངས་ཐོག་༼མེ་ལྷའི་ཁྲོད་ཀྱི་རང་དབང་དང་འབྱུང་འགྱུར་དཔྱད་གླེང་ཚོགས་འདུ༽ཞེས་པའི་མཁས་པའི་བགྲོ་གླེང་ཚོགས་འདུ་ཞིག་ཚོགས་ཡོད་ཅིང་། ཚོགས་འདུ་དེར་ཨོ་སི་ཊོ་ལི་ཡའི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་ལཊ་དང་། རྒྱ་རིགས་མཁས་དབང་ཡོན་ཧོང་ཕིན་གཙོས་པའི་རྒྱ་རིགས་རྩོམ་པ་པོ་དང་། མང་གཙོ་དོན་གཉེར་བ།གསར་འགོད་པ།བོད་རིགས་མཐུན་ཚོགས་ཀྱི་ཚོགས་མི་སོགས་ཁྱོན་མི་ ༥༠ ལྷག་འདུ་འཛོམས་བྱུང་ཡོད།
བགྲོ་གླེང་སྟེང་ཁྲིམས་རྩོད་པ་ཡོན་ཧོང་ཕིན་ལགས་ཀྱིས། ཉེ་ཆར་རྒྱ་ནག་སྲིད་བློན་ཝན་ཅཱ་པའོ་ཡིས་བོད་ནང་རང་ལུས་མེར་བསྲེགས་གཏོང་བཞིན་པ་དྲག་སྤྱོད་ལས་འགུལ་ཡིན་ཚུལ་བརྗོད་པ་དེ། རྒྱ་གཞུང་གིས་བོད་མིའི་རང་དབང་འཐབ་རྩོད་པ་ཚོར་མུ་མཐུད་དྲག་གནོན་བྱ་རྒྱུར་དམིགས་པ་ཞིག་ཡིན་སྐོར་དང་། ཉེ་ལམ་རྒྱ་རིགས་རྩོམ་པ་པོ་ཝང་ལི་ཞུང་ Wang Lixiong གིས་རྩོམ་ཡིག་ཅིག་སྤེལ་ཡོད་པའི་ནང་། བོད་མིའི་རང་ལུས་མེར་བསྲེགས་ཀྱི་བྱ་སྤྱོད་དེ་ཚད་མཐོའི་དྲག་སྤྱོད་རེད་ཟེར་བ་ཏག་ཏག་བསྡད་མེད་ཚུལ་ངོ་སྤྲོད་གནང་སྟེ། རྒྱ་གཞུང་གིས་དུས་རབས་ཕྱེད་ཀའི་རིང་བོད་མིའི་རང་དབང་བཙན་འཕྲོག་བྱས་པ་དང་། ཆོས་རིག་རྩ་གཏོར་གཏོང་བཞིན་པའི་གནད་དོན་ཐོག་བོད་མིས་འཐབ་རྩོད་བྱེད་ཀྱི་ཡོད་སྐོར་དང་། བོད་མི་ཚོས་འུ་ཐུག་ཐབས་ཟད་ཀྱིས་རང་ལུས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་སྲིད་བྱུས་ལ་ངོ་རྒོལ་བྱེད་པ་དེ་དྲག་སྤྱོད་རེད་ལབ་ན་དྲང་བདེན་མིན་ཚུལ། རྒྱ་རིགས་མི་དམངས་དུང་ཕྱུར་ ༡༣ རྣམས་བོད་མི་རང་ལུས་མེར་བསྲེགས་གཏོང་མཁན་ཚོའི་མདུན་ནས་ངོ་ཚ་དགོས་པ་དང་། རྒྱ་རིགས་མང་ཚོགས་ལ་རང་དབང་གི་དོན་དུ་ཚེ་སྲོག་འདོར་རྒྱུའི་སྙིང་སྟོབས་མེད་ཚུལ་བརྗོད་ཡོད།
སྐབས་དེར། མང་གཙོ་དོན་གཉེར་བ་སྐུ་ཞབས་ཕང་ཆིན་ལགས་ཀྱིས་ཀྱང་བོད་མིའི་རང་ལུས་མེར་བསྲེགས་ཀྱི་ལས་འགུལ་ལ་གདུང་སེམས་མཉམ་སྐྱེད་དང་རྒྱ་གཞུང་གི་དྲག་གནོན་སྲིད་བྱུས་ལ་ཁ་རྡུང་དྲག་པོ་བཏང་ཡོད་ལ། སྐུ་ཚབ་དོན་གཅོད་དྭགས་པོ་བསོད་ནམས་ནོིར་བུ་ལགས་ཀྱིས། ད་ལྟའིོ་བཀའ་ཤག་གི་སྲིད་བྱུས་དང་བོད་ནང་གི་གནས་སྟངས་ངོ་སྤྲོད་དང་སྦྲགས། རྒྱ་རིགས་མང་ཚོགས་ཀྱིས་བོད་ཀྱི་དངོས་ཡོད་གནས་ཚུལ་ཤེས་རྟོགས་དགོས་པའི་འབོད་སྐུལ་བཅས་ཞུས་འདུག
ཚད་མཐོའི་དྲག་པོ་ཞེས་པ་འདི་དངོས་གནས་ཡ་མཚན་རེད། གཅིག་བྱས་ན་ཚད་མཐོའི་རང་སྐྱོང་ལ་དམའ་འབེབས་བྱེད་ཀྱིན་པར་མ་ཟད། རང་ལུས་མེར་བསྲེག་ཁྲིམས་འགལ་བ་བཟོས་རྗེས། དྲག་གནོན་བྱེད་པར་ཁ་གཡར་ས་བཙལ་ཡོད་པས། ཉེན་ཁ་གཅིག་རྗེས་གཉིས་མཐུད་མ་རེད་དམ།
རང་ལུས་མེར་བསྲེགས་ཀྱི་ལས་འགུལ་འདི་ནི་ཚད་མཐོའི་དྲག་སྤྱོད་ཀྱི་རིགས་རྩ་བ་ནས་མིན་ལ། ཡང་དེ་ནི་ཚད་མཐོའི་ཞི་བའི་ངོ་རྒོལ་རིགས་ཀྱང་རྩ་བ་ནས་མིན།
ཡིན་ནའང་གཞི་བྱེས་བོད་རིགས་དམངས་ཀྱིས་རང་འདོད་ལྟར་རང་འགུལ་གྱིས་སྤེལ་བའི་མེར་བསྲེགས་ཀྱི་ལས་འགུལ་འདི་ནི་མཐོ་སྒང་བོད་གངས་ཅན་ལྗོངས་ཀྱི་བཙན་པོའི་མི་རིགས་གཅིག་དང་། བཙན་པོའི་རྒྱལ་ཁབ་གཅིག་གི་ཆེད་ཡོད་ཚད་བློས་བྱེད་ནུས་པའི་སྙིང་སྟོབས་ཀྱི་ལས་འགུལ་ཁོ་ན་ཡིན།
གནའ་རབས་བོད་ཆེན་པོའི་བཙན་པོའི་དུས་རབས་སུ་གཏམ་དཔེ་ཞིག་ཀྱང་ཡོད་པ་སྟེ། སྐྱེས་པའི་མི་གྲགས་པའི་གཏམ་ཞིག་དགོས། བྱས་པའི་ལས་སྒྲུབ་པའི་མཐའ་ཞིག་དགོས། ཟེར་བའི་སྙིང་སྟོབས་ཆེན་པོས་སྐྱེས་པའི་བོད་མི་རིགས་གཅིག་ཡིན་ཕྱིན་ཆད་ལ་གྲགས་པའི་གཏམ་སྙན་གྲགས་ཞིག་ཡོད་བྱེད་དགོས་པ་དང་། རང་གི་བྱས་པའི་ལས་ཞིག་ཡིན་ཕྱིན་ཆད་ལས་འགུལ་དེ་ནི་མཐའ་གཏུགས་ངེས་པར་བསྒྲུབ་ཐུབ་པའི་སྙིང་སྟོབས་གཅིག་དགོས་པ་དེ་པོ་ན་ཡིན།
རྒྱ་རིགས་རྩོམ་པ་པོ་ཝང་ལི་ཞུན་དང་ཝེན་ཅ་པའོའི་གཏམ་བཤད་ལ་ཡ་མཚན་པོ་གང་ཡང་མཐོང་མ་སོང་། མ་གཞི་ནས་ང་ཚོ་ནང་པ་ཞིག་ཡིན་པའི་ཆ་ནས་རང་ལུས་མེར་བསྲེགས་ཀྱི་བྱ་བ་དེ་མཐའ་ཅིག་ཏུ་དྲག་ལས་མིན་པར་བརྗོད་མི་ཐུབ། འོན་ཀྱང་། ཁ་ཆེའི་དྲག་སྤྱོད་པའི་དྲག་ལས་དང་མི་འདྲ། རྒྱལ་སྤྱིའི་ངོས་ལེན་ཡོད་པའི་དྲག་ལས་དེ་མིན་པ་ནི་ཀུན་གྱིས་ཁས་ལེན་གྱི་ཡོད། འོན་ཀྱང་ནང་ཆོས་ཀྱི་བསླབ་བྱ་དང་བསྟུན་ན་ཧ་ལམ་དྲག་ལས་དང་ཐག་ཉེ་སར་སླེབས་ཀྱི་ཡོད། དཔའ་བོ་ཐུབ་བསྟན་དངོས་གྲུབ་ཀྱིས་རང་ལུས་མེར་བསྲེགས་སྐབས་ཟམ་གདོང་བླ་མ་དང་བཀའ་ཟུར་ཐུབ་བསྟན་ལུང་རིགས་སོགས་ཀྱིས་ལས་འགུལ་དེ་མི་འགྲིག་རབས་དང་དྲག་ལས་ཡིན་རབས་སོགས་བཤད་མྱོང་ཡོད། ཡིན་ན་ཡང་དེང་སང་དེ་འདྲ་བཤད་མཁན་མིན་འདུག །རྒྱུ་མཚན་གང་ཡིན་མི་ཤེས། གཅིག་བྱས་ན་དེ་བོད་ནས་སྤེལ་བ་ཡིན་ཙང་ལབ་མ་བདེ་བ་དང་སེམས་ཤུགས་ཆག་པའི་རྐྱེན་དུ་འགྱུར་བར་བསམ་ནས་ཡིན་སྲིད།
རྒྱ་རྒན་ཝང་ལི་དེ་བོད་རྩ་མེད་བཟོ་མཁན་གྱི་གསང་བའི་ཇུས་འདོན་པ་ངོ་མ་རེད་འདུག་གཱ
ད་དུང་ང་ཚོས་རྒྱ་རིགས་གྲོགས་པོ་ཞེས་སྣེ་ལེན་བྱས་ཡོད་པ་རེད་ཨ ཁྱི་རྒན་དེ།
སྤྱིར་མི་སུ་ཞིག་ཡིན་རུང་དྲང་བདེན་བརྗོད་ཀྱི་ཡོད་ཟེར་སྲིད་པ་ཞིག་རེད། འོན་ཀྱང་རྩོམ་པ་པོ་ཞིག་དང་བསམ་བློ་བ་ཞིག་གིས་དྲང་བདེན་དང་གནས་ལུགས་བརྗོད་ཀྱི་རེད་དོན་དམ་རང་མི་རིགས་ཟེར་པ་ནམ་ཡང་བློས་གཏོང་གི་མ་རེད་ལ་མི་ཞིག་ཡིན་ཕྱིར་མི་རིགས་རང་ལུགས་པ་ཞིག་ཡིན་ངེས་རེད་གང་ལྟར་ཝང་ལི་ཞུང་ལྟ་བུ་ལ་མཚོན་ན་དྲང་བདེན་དང་གནས་ལུགས་བརྗོད་ཁུར་བྱེད་ངེས་རེད་རང་ཉིད་ཀྱི་མི་རིགས་ལ་རྒྱབ་འགལ་བྱས་ནས་འུ་ཚོ་ལ་རྒྱབ་གནོན་བྱེད་སྲིད་པ་ཞིག་མ་རེད།
རྒྱ་རིགས་རྩོམ་པ་པོ་ཝང་ལི་ཞུང་ཕྱི་ཚུལ་གྱི་ཆ་ནས་བོད་མི་རིགས་དཀའ་རྙོག་ཐོག་གདུང་སེམས་མཉམ་བསྐྱེད་ཡོད་མདོག་སྟོན་མཁན་ཞིག་ཡིན་ཀྱང་དོན་དངོས་སུ་གནད་ལ་ཐུག་པའི་ཉིན་མོ་ཁོ་ཡང་སྐད་ཆ་དྲང་མོ་ཤོད་མཁན་ཞིག་མིན་པ་ད་ལྟའི་བོད་མིའི་རང་ལུས་མེར་བསྲེགས་ཀྱི་དོན་རྐྱེན་སྐོར་ལ་ཁོས་བཤད་པའི་སྐད་ཆས་ར་སྤྲོད་བྱེད་ཐུབ། དེའི་ཕྱིར་འདི་འདྲའི་གྲས་ལ་ང་ཚོས་ངོས་ནས་ཀྱང་རྒྱུན་དུ་ཡིད་གཟབ་བྱེད་དགོས་སྙམ།
གསར་འགོད་པ་ལགས། ཐུགས་རྗེ་ཆེ། དེ་རིང་གི་བརྗོད་དོན་དང་མིང་བྱང་གཉིས་དེ་ཙམ་འཚམ་པོ་མི་འདུག
རྒྱ་ནག་སྲིད་བློན་གིས་དྲག་སྤྱོད་ཀྱི་ལས་འགུལ་དང་འཚེ་མེད་ཞི་བའི་ལས་འགུལ་དབྱེ་བ་ཕྱེ་མི་ཤེས་པའམ་ཧམ་པའི་གཏམ་བཤད་སྤེལ་བ་ནི་ངོ་ཚ་གནས་སུ་གྱུར་བ་ཞིག་རེད། སྙིང་རྗེ་ཝུན་ཅའོ་སྤོའོ།
རང་གི་མི་དམངས་དང་སློབ་མ་དམར་གསོད་བྱེད་མཁན་རྒྱ་ནག་གཞུང་དང་ཁ་ཊ་སྤེ་སོགས་འཛམ་གླིང་འདིའི་ཐོག་དྲག་སྤྱོད་ཚད་མཐོ་ཤོས་ཞེས་བཤད་ན་དོན་ལ་གནས་མོད་མི་གཞན་སུ་ལ་ཡང་འཚེ་བ་མེད་པར་མ་ཟད་སྡུག་བསྔལ་བཟོད་མཐའ་བྲལ་བའི་གཉའ་གནོན་དྲག་སྤྱོད་གཡོ་རྒྱུའི་བསླུ་བྲིད་རང་དབང་ཏིལ་འབྲུ་ཙམ་ཡང་མེད་པའི་མི་རིགས་ཤིག་སྐྱོབས་པའི་ཆེད་རང་གིས་ཐམས་ཅད་བློས་གཏོང་བྱེད་པ་འདི་དྲག་སྤྱོད་ནམ་ཡང་ཡིན་མི་སྲིད་འདི་ནི་འཚེ་མེད་ཀྱི་སྤྱོད་པ་ཚད་མཐོ་ཤོས་ཞེས་བརྗོད་ན་འཚམས་་ཝིན་ཅ་པོ་ཁྱི་རྒན་དང་ཝང་ཤོན་ཁྱི་རྔ་གཉིས་ནམ་ཡང་འབྲལ་ཐབས་མེད་ཝང་ཤོན་ཁྱི་རྔ་དེས་སེམས་ནང་དམར་ཕྱོགས་ཚོགས་པ་མ་གཏོགས་མེད་ཁོས་ཁ་ནས་ཇི་བཤད་ན་དོན་དངོས་ཐོག་རྒྱ་གཞུང་མ་གཏོགས་མེད་པ་བོད་པ་ཚང་གི་ཤེས་དགོས
དོག་པོ་བསོད་ནོར་གྱིས་བོད་དོན་ལས་ག་ཡག་པོ་བྱས་མེད་པ་གསལ་བོ་ཡིན། ཚོགས་འདུ་ལ་སྐད་ཡང་བཏང་དགོས་པ་ཚོ་བཏང་མི་འདུག
ཅིག་བྱས་ཡོད་ཟེར་བཙམ་ལས་བོདནདོན་ལ་ཕན་པའི་ཚོགས་འདུ་ཞིག་མ་རེད། ཁོ་ཡང་འགྲོ་ཐབས་འདུག་ཐབས་ཅན་ཞིག་རེད།
ྭཝང་ལི་ཞུང་ཞེས་པའི་རྒྱ་རྒན་དེ་ལ་དོགས་ཟོན་དགོས་ཚུལ་གྱི་རྩོམ་ཡིག་ཅིག་༢༠༠༦ལོར་བཙན་བྱོལ་ནང་ཐོག་དང་པོར་བོད་ཀྱི་བང་ཆེན་ཚགས་ཤོག་ཐོག་ཐོན་པ་རེད། དེ་ནས་ལོ་ཤས་རྗེས་རྒྱ་རྒན་དེ་གངས་སྐྱིད་ནས་མཁས་ཉམས་མངོན་པ་རེད། ད་ལྟ་ནང་སྙིང་ཕྱིར་སློག་འདུག་གཱ སྙིང་རྗེ། བཀྲུས་ཀྱང་མི་དག་པའི་བོད་རིགས་འོད་ཟེར་གྱིས་བློ་གྲོད་པར་གཏད་ཀྱང་གྲོད་པས་ཆུ་གློད་དུས། ད་ཁོ་མོས་ངེད་སྤུན་ཟླ་རྣམས་ཀྱི་གདོང་ལ་ཇི་ལྟར་ལྟ་ནུས་སམ།
རྒྱ་རིགས་ཁྲིམས་རྩོད་པ་ཞིག་གི་ངོས་ནས་དྲང་གཏམ་བཤད་པར་དགའ་བསུ་ཡོད། རང་ལུས་མེར་སྲེག་ནི་དྲག་སྤྱོད་ཅིག་གཏན་ནས་མིན། དྲག་སྤྱོད་ནི་གཞན་ལ་གནོད་འཚེ་བྱ་བའི་བསམ་པ་ངེས་ཅན་ཞིག་གིས་གཞིར་དྲངས་ཏེ་འཚེ་ལས་གང་ཞིག་ལག་ལེན་སྟེང་དངོས་སུ་སྦྱོར་དགོས་པ་ཞིག་ཡིན། དཔེར་ན་རྒྱ་གཞུང་གི་ཡ་ང་བའི་དྲག་གནོན་དེ་དག་ལྟ་བུ་ཡིན། མཁས་དབང་ཡིན་པར་སྒྲོག་པའི་ཝང་ལུ་ཞུང་གིས་སྐད་ཆ་དེ་དག་དངོས་གནས་མགོ་གཉིས་མའི་སྐད་ཆ་རང་རེད།