ཁ་སང་སྐབས་བཅོ་ལྔ་བའི་བོད་མི་མང་སྤྱི་འཐུས་ལྷན་ཚོགས་ཀྱིས་གྲོས་ཚོགས་ཚོགས་དུས་བཞི་བའི་ལས་ཉིན་གསུམ་པའི་ཕྱི་དྲོར་བཀའ་ཁྲི་བློ་བཟང་སེང་གེ་མཆོག་གིས་༧གོང་ས་མཆོག་ཐུགས་ཕམ་གྱི་གནས་ཚུལ་དང་། འདས་པའི་ཟླ་དྲུག་རིང་གི་བཀའ་ཤག་གི་ལས་དོན་དང་མ་འོངས་ལས་འཆར་སྐོར་ཞིག་ངོ་སྤྲོད་གནང་སོང་།
བཀའ་ཁྲི་མཆོག་གིས་༧གོང་ས་མཆོག་ཐུགས་ཕམ་སྐོར་ལ་ནན་གྱིས་གསུངས་རྒྱུར། རྒྱལ་སྤྱིའི་ཐོག་དང་གསར་འགྱུར་བརྒྱུད་ལམ་ཁག གནད་ཡོད་མི་སྣར་མཇལ་འཕྲད་སྐབས་སོགས་སུ་བོད་མིའི་སྒྲིག་འཛུཊ་སྔོན་མ་ལྟར་གནས་ཡོད་པར་ངོས་འཛིན་བྱེད་ཀྱི་ཡོད་པ་མ་ཟད། ལྷག་པར་དུ་གསར་འགྱུར་བརྒྱུད་ལམ་ཁག་གིས་སྔོན་མ་ལས་ལྷག་པའི་ཁྱབ་བསྒྲཊ་གནང་གི་ཡོད་ཀྱང་མི་ཉུང་ཤས་ཤིག་གིས་ཐ་སྙད་ཅིག་བརྗེ་བོ་བརྒྱབ་པར་གནས་ཚུལ་ཆེན་པོ་བཟོས་ཏེ་གཞུང་མ་རེད་སྒྲིག་འཛུཊ་རེད་ཟེར་བ་དང་། འདོད་པ་མེད་པའི་རྣམ་འགྱུར་སྟོན་མཁན་དེ་རིགས་ལ་བློ་ཕམ་ཆེན་པོ་ཡོད་སྐོར་གསུངས་སོང་ལ། བོད་མིའི་སྒྲིག་འཛུཊ་དེ་ལོ་རྒྱུས་ཐོག་མུ་མཐུད་ཀྱི་ཡོད་པའི་དཔང་རྟགས་ལ། ཁོང་གི་བཀའ་ཁྲིའི་དམ་འབུལ་ཉིན་བཀའ་ཁྲི་ཟམ་གདོང་རིན་པ་ཆེས་ཕྱག་ནས་བཀའ་ཐམ་སྲིད་ཞུ་བདེ་སྐྱིད་མ་འབུལ་བཞེས་གནང་བ་དང་། ཁྲིམས་མཐུན་གྱི་བདག་དབང་མུ་མཐུད་ཀྱི་ཡོད་པའི་དཔང་རྟགས་ལ་ཕྱི་ཕྱོཊ་ཀྱི་བོད་མི་ཚོས་བཀའ་བློན་ཁྲི་པ་དམངས་གཙོའི་འོས་བསྡུའི་ལམ་ནས་བདམས་པ་དེར་རྒྱལ་སྤྱིའི་ཐོག་ནས་ངོས་ལེན་བྱེད་ཀྱི་ཡོད་སྐོར་སོགས་གསུངས་སོང་།
བཀའ་ཁྲི་མཆོག་གིས། “གསར་འགྱུར་བརྒྱུད་ཁག་ལ་མཚོན་ན། ཕྱི་རྒྱལ་དང་རྒྱ་གར་གསར་འགྱུར་ཙམ་མིན་པར། རྒྱ་སྐད་ཀྱི་གསར་འགྱུར་བརྒྱུད་ལམ་ཁག་གིས་ཀྱང་བོད་མིའི་སྒྲིག་འཛུཊ་ཀྱིས་བོད་མིའི་ཚབ་མཚོན་གྱི་ཡོད་པ་གསལ་བོར་བསྟན་ཡོད། མི་ཉུང་ཤས་ཤིག་གིས་ད་ཆར་ཡང་ངོས་ལེན་མེད་མདོག་མདོག་གི་བཀའ་མོལ་དེ་འདྲ་གནང་བར་བཀའ་ཤག་གི་ངོས་ནས་བློ་འཚབ་ཚད་མེད་ཡོད། མི་མང་ལའང་བློ་འཚབ་ཚད་མེད་ཡོད་པར་ཡིད་ཆེས་བྱེད་ཀྱི་ཡོད། ཐ་སྙད་འགྱུར་བ་བཏང་བ་དེ་གྲོས་ཚོགས་ར་བ་འདིའི་ཐོག་ནས་སྤྱི་མོས་ཀྱི་ལམ་ནས་བཏང་ཡོད་སྟབས་ཚང་མས་ངོས་ལེན་ཡོད་པ་ཞིག་ཆགས་ཡོད” ཅེས་དང་། “ བོད་མིའི་ནང་ཆིག་སྒྲིལ་གྱི་རྣམ་པ་དང་བོད་ཕྱི་ནང་གཉིས་ཀྱི་བོད་མིའི་ལ་རྒྱ། བོད་དོན་ཆེད་རྒྱལ་སྤྱིའི་རྒྱབ་སྐྱོར་བཅས་ཚད་མཐོ་བོར་བསླེབས་ཡོད། ནང་ཆོས་དང་རིག་གཞུང་ཐོག་བཤད་མ་དགོས་པ་རེད། དེ་དག་ཚང་མ་༸གོང་ས་མཆོག་གི་བཀའ་དྲིན་ཡིན་སྟབས་༧གོང་ས་མཆོག་བློ་ཕམ་གྱི་གནས་ཚུལ་ཆགས་སྐབས། མ་འཚམ་པ་ཞིག་དང་བཀའ་དྲིན་བསམ་ཤེས་མེད་པར་ངོས་འཛིན་བྱེད་ཀྱི་ཡོད། དེར་བརྟེན། གྲོས་ཚོགས་འདི་བརྒྱུད་དེ་སྤྱི་དམངས་ཚང་མར་གཟབ་གཟབ་གནང་རོགས་ཞེས་ཞུ་རྒྱུ་ཡིན། ང་ཚོས་གཟབ་གཟབ་མ་གནང་ན་བཀའ་མོལ་དེ་དག་རེ་གཉིས་བྱས་ཏེ་སྤྱི་ཚོགས་ནང་དཀྲོགས་གཏམ་ཆགས་པའི་ཉེན་ཁ་འདུག དེ་བཞིན། དྲ་རྒྱའི་ནང་སོ་སོའི་མཚན་མེད་པར་མཆན་རྒྱག་མཁན་དང་རྩོམ་བྲིས་པའི་ནང་འདྲ་མིན་སྣ་ཚོཊ་འབྲི་བཞིན་འདུག དྲ་རྒྱའི་བདག་པོ་ཚོར་འགན་ཡོད་པ་རེད། འགན་དྲན་གསོས་ཆེད་ཡི་གེ་རེ་འབུལ་རྒྱུ་ཡིན། དེ་ང་ཚོའི་ལངས་ཕྱོགས་གསལ་བོ་བཟོ་བར་གལ་ཆེན་དུ་མཐོང་གི་ཡོད”ཅེས་གསུངས་བྱུང་།
བཀའ་ཁྲི་མཆོག་གིས་བཀའ་ཤག་གི་ལས་འཆར་སྐོར་ལ“ ད་ལྟའི་བར་བཀའ་བློན་ཁྲི་པ་གཙོས་པའི་བཀའ་བློན་རྣམ་པ་ཕྱི་རྒྱལ་དུ་ཕེབས་སྐབས་ཕུཊ་ཀྱི་རེ་བར། ངྷ་རམ་ས་ལ་དང་རྒྱལ་ཁབ་ཁག་གི་རྒྱལ་སའི་བར་ཐད་ཀར་འབྲེལ་བ་ཞིག་འཛུགས་ཐུབ་ན་བསམ་གྱི་ཡོད། དེ་གཞིར་བྱས་ཏེ་རིམ་བཞིན་ཝ་ཤིན་ཊོན་ཌེ་སེ་རང་དུ་བོད་མིའི་སྒྲིག་འཛུཊ་དང་ཕར་ཕྱོཊ་ཐད་ཀར་འབྲེལ་བ་གནང་སའི་ལས་ཁུངས་ཤིག་གི་འཆར་གཞི་ཡོད” ཅེས་གསུངས་སོང་།
ཡང་བཀའ་ཁྲི་མཆོག་གིས་རྒྱ་གར་དབུས་བོད་སློབ་འཛིན་ཚོགས་འོག་གི་བོད་མིའི་སློབ་གྲྭ་ཁག་རྩིས་ལེན་གནང་ཕྱོགས་སྐོར་ལ། ང་ཚོས་རེ་འདུན་ཞུས་པ་ལྟར་རྒྱ་གར་དབུས་བོད་སློབ་འཛིན་ཚོགས་ཀྱིས་སློབ་གྲྭ་ཁག་ཚང་མ་རྩིས་ལེན་བྱེད་ཕྱོགས་ཀྱི་འཆར་གཞི་འཁྱེར་ཤོག་གསུངས་ཡོད་པ་དང་། ཤེས་རིག་ལས་ཁུངས་ཀྱིས་འཆར་གཞི་ཆ་ཚང་ཞིག་ཕུལ་བའི་ཐོག་ཁོང་ཚོས་བཀའ་བསྡུར་གནང་མཐར་སློབ་གྲྭ་ཁག་ཆ་ཚང་རྩིས་སྤྲོད་བྱ་རྒྱའི་ཐག་གཅོད་བྱུང་ཡོད་པ་མ་ཟད། ལས་འཆར་དེ་རྒྱ་གར་ཤེས་རིག་ལས་ཁུངས་ལ་ཕུལ་ཏེ་ཤེས་རིག་བློན་ཆེན་མཆོག་གིས་མཚན་རྟགས་བསྐྱོན་ཏེ་ད་ཆར་རྒྱ་གར་བཀའ་ཤག་ནང་འགྲོ་བཞིན་ཡོད་ཅིང་། ད་སྔ་ལས་གཞི་དེའི་ཐོག་དགག་པ་རྒྱག་མཁན་མི་གཅིག་ཀྱང་བྱུང་ཡོད་མི་འདུག འཆར་ཟིན་དེའི་ནང་རྒྱ་གར་གྱི་དགེ་རྒན་ཚོའི་ཐོབ་ཐང་དང་ཕོགས་ཐོབ་ལ་འགྱུར་བ་མེད་པར་སྔར་བཞིན་ཡིན་པ་དང་། དེ་སྔོན་རྒྱ་གར་གཞུང་གིས་གཏོང་བཞིན་པའི་འགྲོ་སོང་བརྒྱ་ཆ་བརྒྱ་དེ་མུ་མཐུད་གཏོང་དགོས་པའི་སྟེང་ལ་བརྒྱ་ཆ་ ༥ ཞིག་འཐོལ་པ་ཞུས་ཡོད་འདུག
བཀའ་ཁྲི་མཆོག་གིས་བོད་ནས་གསར་དུ་འབྱོར་བ་ཚོའི་སྐོར་ལ། “ད་ལྟའི་ཆར་ཤེས་རབ་དགའ་ཚལ་སློབ་གླིང་གི་ལོ་ཡུན་ ༥ ཡིན་པ་དེའི་ཐོག་འགྱུར་བ་གཏོང་རྒྱུའི་འཆར་གཞི་ཐོག་གྲོས་བསྡུར་གནང་བཞིན་པ་ཡིན། དེའི་རྒྱུ་མཚན་གཙོ་བོ་ཤེས་རབ་དགའ་ཚལ་སློབ་གླིང་ནང་སློབ་ཕྲུག་འཛུལ་རྗེས་བརྒྱ་ཆ་ ༨༠ ཡས་མས་ལོ་ལྔ་མ་ལོན་སྔོན་ལ་རྩ་དགོངས་ཞུ་བཞིན་འདུག དེར་བརྟེན། ཤེས་རབ་དགའ་ཚལ་གླིང་ལ་སློབ་མ་ཚོའི་འདོད་པ་དང་བསྟུན་ཅི་ཐུབ་གནང་རྒྱུའི་ཐོག་འབད་བརྩོན་བྱས་ཏེ། འཆར་གཞི་གཏོང་བཞིན་ཡོད་ལ་གོ་སྐབས་གཉིས་པ་ཕུལ་མིན་ཐོག་ལའང་བཀའ་ཤག་གིས་གྲོས་བསྡུར་བྱེད་བཞིན་ཡོད། བོད་ནས་གསར་དུ་འབྱོར་བ་ཚོ་ཤེས་རབ་དགའ་ཚལ་སློབ་གླིང་དང་། མེག་ལོར་དང་ལྡི་ལི་སོགས་སུ་ལྷག་ཡོད་པ་ཚོར་ལག་ཤེས་སོགས་སློབ་རྒྱུ་ག་རེ་ཡོད་མེད་ཐོག་གྲོས་བསྡུར་བྱེད་བཞིན་ཡོད” ཞེས་གསུངས་བྱུང་།
གསར་འགོད་པ། དོན་གོ
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
(བཀའ་ཐམ་སྲིད་ཞུ་བདེ་སྐྱིད་མ།) ཟེར་བ་འདི་དགའ་ལྡན་ཕོ་བྲང་གི་ཐམ་ཀ་ཞིག་རེད། ད་འུ་ཚང་གིས་མགོ་ལུས་མཚུངས་པ་ཞིག་བྱས་ན་ཡག་པོ་མི་འདུག་གམ།
བར་སྐབས་ཤིག་ནས་ཁུག་རྟས་མི་སྐད་བཤད་འགོ་ཚུགས་པ་དེར་སེམས་པ་དགའ་ནས་ཡོད། ཨ་དང་སྐུ་རྩེད་ཞུ་པ་ཡིན་དཱ་ཨ་ཇོ་དབུ་མ་པ་ལགས།
དེ་རིང་ཡང་ཕྱི་ཁོག་གིས་བཏུམས་པའི་ཛ་དྲག་ཅན་གྱི་གསུང་སྐད་དེ་བགྲོ་ཚོགས་ནང་དུ་ཡང་བཀྱལ་ནས་འདུག
ད་ལྟའི་དུས་སྐབས་འདིར་༧གོང་ས་མཆོག་གི་ཐུགས་བཞེད་དཀྲུགས་པའི་སྐད་ཆ་ཤོད་མཁན་གྱི་མི་དང་སྒེར་ཚོགས་དེ་དག་སུ་ཞིག་རེད།
ཕྱི་གསལ་ནང་གསལ་གྱིས་ཐ་ཚིག་ཏུ་བཀར་ནས་ཕུང་འདྲེ་དེ་དག་ཐེར་འདོན་དགོས་པ་ལས། འདི་ལྟར་ལྐོག་ནས་གསུང་སྐད་བཀྱོན་པས་མི་གོ་ཐག་གཅོད་རེད་སྙམ།
བཟོད་པ་ཟེར་བ་ལའང་མཐའ་མཚམས་ཤིག་མེད་ན་ཐམས་ཅད་ངན་ལངས་སུ་ཤོར་ངེས་རེད་དཱ།
ཁ་ཚ་དགོས་གཏུག་ཅིག་ནི་གསོག་སྒར་སློབ་གྲྭར་འགྲོ་སྟངས་ཤིག་བཟོ་དགོས་པ་དེ་གལ་ཆེན་རེད། ལོ་ལྔ་དེས་ཁྱོན་ནས་ཡོང་གི་མེད་པ་གསལ་བོ་རེད། གསོག་སྒར་སློབ་གྲྭའི་བསླབ་གཞི་དང་དམིགས་ཡུལ་ཁྱོན་ཡོངས་ལ་འགྱུར་བ་བཏང་བ་ཡིན་ན། བོད་ནང་དུ་སྒུལ་ཤུགས་ཐེབས་ཡུལ་ཅིག་བརྒྱུད་ལམ་འདི་ལས་མེད་པ་གསལ་བོ་རེད། ལྷག་པར་བོད་ཕྱི་ནང་གཉིས་ཀྱི་དམ་ཚིག ཆབ་སྲིད་ཐད་ནས་རྒྱ་ནག་དང་ལངས་ཕྱོགས་ཅི་ཞིག་འཛིན་གྱི་ཡོད་མེད་སོགས་ཀྱང་བརྒྱུད་ལམ་འདི་ནས་གོ་བརྡ་འཕྲོད་པ་ཡིན་ན་ཞེ་དྲག་བརྟན་པོ་ཆགས་ཀྱི་རེད། འདི་ནི་ང་ཚོས་བྱེད་ཐུབ་པ་དང་བརྒྱ་ཆ་བརྒྱ་འཇོན་པའི་ལས་ཀ་ཞིག་ཀྱང་རེད་འདོད་པས། བཀའ་ཤག་གི་དགོངས་གཞི་དེ་རེ་བ་ཆེན་པོས་སྒུག་གི་ཡིན།