མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་རྒྱ་ཞི་མོལ་ལས་དོན་ཚོགས་ཆུང་འཚོཊ་རྒྱུ་རེད།

བོད་ཀྱི་དུས་བབ།
༢༠༡༢/༡༢/༢༥
Share on FacebookShare on TwitterShare on EmailShare on Whatsapp


ཟླ་འདིའི་ཕྱི་ཚེས་
༣༡ ནས་འཆར་ཟླའི་ཚེས་ ༢ བར་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༢༥ བཞུགས་སྒར་གངས་སྐྱིད་བཀའ་ཤག་ཚོགས་ཁང་དུ་འཚོགས་རྒྱུ་རེད།

ཉིན་འདི་འགར་བཞུགས་སྒར་ཁུལ་དུ་ཟླ་འདིའི་མཇུག་ཙམ་ལ་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་འཚོགས་རྒྱུ་ཡིན་པ་དང་། ཚོགས་ཐོག་ཏུ་བོད་ནང་གི་ཛ་དྲག་གནས་སྟངས་ལ་གཞིགས་ཏེ་བོད་རྒྱ་འབྲེལ་མོལ་གྱི་སྐུ་ཚབ་བསྐོ་བཞག་དང་། འབྲེལ་མོལ་བསྐྱར་མཐུད་སྐོར་ལ་བཀའ་བསྡུར་གནང་རྒྱུ་ཡིན་པའི་ལབ་གླེང་ཞིག་ཡོང་གི་ཡོད་ཅིང་། ལབ་གླེང་དེ་དང་འགྲོག་ནས་ད་རེབ་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་དང་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་གཞོན་པ་བུ་ཆུང་ཚེ་རིང་རྣམ་གཉིས་སྐུ་ཚབ་ཏུ་བསྐོ་བཞག་དང་། གཅིག་བྱས་ན་དེ་སྔའི་དམིགས་བསལ་སྐུ་ཚབ་བཀའ་ཟུར་རྒྱ་རི་རིན་པོ་ཆེ་མཆོག་ཀྱང་བསྐྱར་དུ་བསྐོ་སྲིད་སྐོར་སོགས་གླེང་སློང་བྱེད་ཀྱིན་འདུག

གོང་གསལ་གནས་ཚུལ་འདིའི་ཐད་དེ་རིང་ཕྱི་ཚེས་ ༢༥ ཉིན་གསར་འགོད་པ་ཆེད་དུ་བོད་མིའི་སྒྲིག་འཛུགས་བཀའ་ཤག་ཏུ་བཅར་སྐབས་བཀའ་ཤག་ལྷན་རྒྱས་ཚོགས་འདུ་འཚོགས་འདུག དེའི་རྗེས་བོད་མིའི་སྒྲིག་འཛུགས་ཀྱི་མགྲིན་ཚབ་པ་འཚོལ་དུ་ཕྱིན་སྐབས། ཕྱི་འབྲེལ་དྲུང་ཆེ་ཨ་ཏི་ཤ་ལགས་དེ་སྔོན་ནས་ནད་དགོངས་ཞུས་ཚར་འདུག་ལ། ཕྱི་བསྒྲགས་དྲུང་ཆེ་བཀྲ་ཤིས་ལགས་ཀྱིས་ཟླ་ ༢ རིང་གུང་གསེང་བླངས་འདུག  གཞན། དྲུང་འཕར་བཀྲ་ཤིས་ཕུན་ཚོགས་ལགས་ཀྱང་ཟླ་ ༡ རིང་གུང་གསེང་ལ་ཕྱིན་འདུག 

ཉིན་རྒྱབ་ཆུ་ཚོད་ ༤ པའི་ཐོག་སླར་ཡང་བཀའ་ཤག་ཏུ་བསྐྱོད་དེ། བཀའ་དྲུང་ཀརྨ་དགེ་ལེགས་མཆོག་ལ་འབྲེལ་བ་གནང་སྐབས། གནས་ཚུལ་དེའི་རིགས་བོད་རྒྱ་ཞི་མོལ་ལས་དོན་ཚོགས་ཆུང་གི་མི་སྣར་སྐད་ཆ་འདྲི་རྒྱུ་དང་། གལ་སྲིད་བཤད་མ་ཐུབ་པ་ཡིན་ན་ཕྱི་དྲིལ་ལས་ཁུངས་ལ་སྐད་ཆ་འདྲི་དགོས་སྐོར་གསུངས་སོང་།

ཕྱི་དྲིལ་ལས་ཁུངས་ཀྱི་དྲུང་ཆེ་ཚང་མ་གུང་གསེང་ལ་ཕེབས་ཚར་ཡིན་སྟབས། གསར་འགོད་པས་ཁ་པར་བརྒྱུད་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་ཞིག་ལ་སྐད་ཆ་དྲིས་པར། ཁོང་གིས། “ བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༢༥ པ་ཟླ་འདིའི་ཕྱི་ཚེས་ ༣༡ ནས་ཟླ་རྗེས་མའི་ཚེས་  ༢ བར་བཀའ་ཤག་ཚོགས་ཁང་དུ་ཚོགས་རྒྱུ་ཡིན་པ་དངོས་ཡོད་རེད། ཡིན་ནའང་ཚོགས་འདུའི་གྲོས་གཞིའི་སྐོར་ནམ་རྒྱུན་གསར་འགོད་པ་ཚོར་སྔོན་ལ་བཤད་ཀྱི་ཡོད་པ་མ་རེད།  ཕལ་ཆེར་འདི་ལོའི་ཕྱི་ཟླ་ ༦ པའི་ནང་བོད་རྒྱ་འབྲེལ་མོལ་སྐོར་ལ་བཀའ་ཤག་གིས་གསལ་བསྒྲགས་གནང་བའི་ནང་དོན་དང་གཅིག་པ་རེད། ཚོགས་ཞུགས་པ་ཚང་མ་འཛོམས་མིན་ད་རུང་བཤད་ཐུབ་ཀྱི་མི་འདུག ” ཅེས་བརྗོད་བྱུང་།

འདི་ལོའི་ཕྱི་ཟླ་ ༨ པའི་ཚེས་ ༨ ཉིན་སྲིད་སྐྱོང་བློ་བཟང་སེང་གེ་མཆོག་གིས་སྐབས་བཅུ་བཞི་པའི་བཀའ་ཤག་གི་ལོ་གཅིག་གི་ལས་དོན་གསལ་བསྒྲགས་ནང་། ཕྱི་ཟླ་ ༡༢ པའི་ནང་བོད་རྒྱ་ཞི་མོལ་ལས་དོན་ཚོགས་ཆུང་ཡང་བསྐྱར་སྐོང་ཚོགས་བྱས་ཏེ་འབྱུང་འགྱུར་རྒྱ་ནག་གི་གནས་སྟངས་སྤྱི་དང་། མགོ་ཁྲིད་འཕོ་འགྱུར་ལ་གཞིགས་ནས་དོན་ཕན་ལྡན་པའི་ཞི་མོལ་ཡོང་ཐབས་བཅས་ཀྱི་སྐོར་བསམ་ཞིབ་གོ་བསྡུར་ཞུ་རྒྱུ་ཡིན། ཞེས་བཀོད་འདུག

གསར་འགོད་པ། དོན་གོ

འབྲེལ་ཡོད་གསར་འགྱུར།

Advertisement for App

༸གོང་ས་རྒྱལ་བ་རིན་པོ་ཆེ་མཆོག་དགུང་གྲངས་ ༩༠ ལ་ཕེབས་པའི་སྐུའི་འཁྲུངས་སྐར་ལ་འཚམས་འདྲི་ཞུ།

ཆུ་ཚོད་ ༡༧ སྔོན་ལ།
Photo Credit: The European Parliament
༸གོང་ས་མཆོག གསར་འགྱུར།

རྒྱ་ནག་གཞུང་གིས་སྐུའི་ཡང་སྲིད་ལ་ཐེ་ཇུས་བྱེད་མཚམས་འཇོག་དགོས་པའི་སྐུལ་མ་བྱས།  

ཆུ་ཚོད་ ༡༨ སྔོན་ལ།
བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༠༧།༠༥
༸གོང་ས་མཆོག གསར་འགྱུར།

བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༡༩ སྔོན་ལ།
The BBC visited the Kirti monastery in Aba as the Dalai Lama turned 90
Mobile App

༧སྐུའི་གོ་སྟོན་དང་འབྲེལ་བོད་ནང་དུ་དམ་དྲག་ཤུགས་ཆེན་བྱེད་བཞིན་འདུག

༢༠༢༥/༠༧/༠༤
རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག ལྷ་སྲས་བསོད་ནམས་ཀྱི་པར། ༢༠༢༥།༧།༤
Mobile App

རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག

༢༠༢༥/༠༧/༠༤
༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༧།༤
༸གོང་ས་མཆོག གསར་འགྱུར།

༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས།

༢༠༢༥/༠༧/༠༤

མཆན། 13

  1. མྱི་དཀར says:
    ལོ་ 13 སྔོན།

    བོད་རྒྱ་ཞི་མོལ་ཚོགས་ཆུང་ཚོགས་པར་ཐུགས་རྗེ་ཆེ་ཡིན་ན་ཡང་ཁ་ཡོད་ལག་ཡོད་ཀྱིས་གྲུབ་འབྲས་ཤིག་ཐོན་ཐུབ་པ་ལ་རེ་བ་ཡོད་ཐན་སྔོན་མ་བཞིན་ཚོགས་པ་ལ་དགོས་བ་ཆེན་པོ་མཐོང་སོང་

    Reply
  2. སེང་གདོང་སྐྱབས ། says:
    ལོ་ 13 སྔོན།

    བོད་རྒྱ་ཞི་མོལ་ཚོགས་ཆུང་གི་རེ་བ་དེ་ལ་རྟེན་འབྲེལ་ཞུ། འོན་ཀྱང་རྒྱ་མི་རིགས་ནི་རང་གཤིས་གྱོང་ཞིང་གཡོ་སྒྱུ་ལྡན་པས་མི་རིགས་ཤིག་ཡིན་པས། འགོ་ཁྲིད་ཀྱི་འཕོ་འགྱུར་ལ་མ་བལྟས་བར་བོད་དོན་ཐད་ཀྱི་མཁྲེགས་འཛིན་ཀྱི་སྲིད་ཇུས་དེ་རང་སོར་ལྷག་ཡོད་པས་རེ་བ་གསར་བ་དང་དོན་ཕན་ལྡན་པའི་ཐག་གཅོད་གང་ཡང་ཡོང་རེ་མེད་པས། རྣམ་འགྱུར་རྫུན་མ་ཞིག་གིས་བཙན་བྱོལ་བོད་མིའི་སྒྲུག་གཙོ་དང་གཞོན་ནུའི་བར་ལ་འགལ་ཟླའི་གཟན་ཞིག་འཕེན་པར་རེམ་ཡོད་པས། ཚང་མས་བློ་རིག་སྒྲིམ།་་་་་་་་

    Reply
  3. འཇམ་གཅེས ། says:
    ལོ་ 13 སྔོན།

    དེང་གི་དྲ་མཆན་པ་དག་གི་གཤིས་ཀ་ཟེར་ན་འདྲ། ཡོན་ཏན་ཟེར་ན་འདྲ། གཅིག་རང་ཡོད་པ་དེ་ནི་མིང་བྱང་རྗུན་མ་རེའི་འོག་ནས་སྨ་བརྗོད་རང་དབང་དང་། ལྟ་གྲུབ་ལ་ཁ་གཡར་ནས་རྩོམ་ཡིག་གང་ཡོད་དུ་མཆན་འབྲི་བ་དང་སྐྱོན་འཛུགས་བཟོ་བཞིན་པ་འདི་རེད། མང་གཙོའི་ལུང་པ་ཞིག་ལ་མཚོན་ན་སྤྱིར་བཏང་མཆན་འབྲི་མི་ཆོག་པ་དང་བསམ་ཚུལ་བཤད་མི་ཆོག་ཟེར་མཁན་མེད་པ་རེད། ཡིན་ཡང་རང་ཉིད་ཀྱིས་གང་བྲིས་པ་དེ་རང་ཉིད་ཀྱིས་འགན་འཁུར་ཐུབ་པའི་སྤོབས་པ་དང་བཅས་ཏེ་འབྲི་དགོས་པ་ལས། དེ་མིན་མི་མངོན་པའི་གནས་ཤིག་ནས་འདྲ་ཆག་ཆག་དང་ཁ་རྫིག་རྫིག་་བཤད་ན་དོན་གྱིས་དབེན་པའི་ཉོག་བཤད་ཁོ་ན་ལས་མེད་པས་ཡིད་ཆེས་དང་ཆ་འཇོག་མཁན་ཡང་མེད་པ་རེད། །

    Reply
  4. དོན་འགྲུབ་བཀྲ་ཤིས། says:
    ལོ་ 13 སྔོན།

    ད་རེབ་ནག་འཐོམ་སེ་མིན་པར། ཅུང་དོན་ཕན་ལྡན་པ་ཞིག་ཡོང་བའི་རེ་བ་ཡོད། ཚོགས་འདུ་འདིའི་སྔོན་ལ་ཕྱི་ཚེས་ ༢༨ ཉིན་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག གངས་སྐྱིད་དུ་རྒྱ་ནག་གི་མགོ་ཁྲིད་གསར་བ་འཕོ་འགྱུར་དང་། རྒྱ་ནག་མི་མང་དང་བོད་སོགས་ཀྱི་གནད་དོན་(Leadership Transition in China and Its Implications to the Chinese People, Tibetan and Others)ཞེས་པའི་མཁས་པའི་བགྲོ་གླེང་ཞིག་འཚོགས་རྒྱུ་རེད།
    བགྲོ་གླེང་དེས་འབྲེལ་མོལ་བསྐྱར་མཐུད་དང་སྐུ་ཚབ་བསྐོ་བཞག་སོགས་ལ་ཕན་ཐོགས་ཆེན་པོ་འབྱུང་མིན་མི་ཤེས་ཏེ། ད་རེབ་ཚོགས་འདུའི་གྲོས་གཞི་དང་། བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་རྣམ་པ་ཚོས་མ་འོངས་པར་དགོངས་པ་བཞེས་ཕྱོགས་ཐོག་ཕན་ཐོགས་ཕྲན་བུ་ཏན་ཏན་ཡོང་གི་རེད་སྙམ།

    Reply
  5. མི་ཉག་བཙན་པོ says:
    ལོ་ 13 སྔོན།

    སྤྱི་བཏང་འགྲོ་བ་མི་ཡོངས་ལ་ཡོད་དགོས་པ་ནི་རང་དབང་དང་འདྲ་མཉམ་ཐོབ་ཐང་།གཏམ་བརྗོད་དང་ལྟ་གྲུབ་ཡིད་ཆེས་ཀྱི་རང་དབང་ལ་ལོངས་སྤྱོད་ཆོག་པའི་དབང་ཆ་སོགས་རེད།
    ་ཡིན་ན་ཡང་མི་རིགས་དང་དབུལ་ཕྱུག་་་དབང་ཡོད་དབང་མེད།་ལུང་ཚན་དང་ཆོས་ལུགས་་་་ཆོལ་ཁ་དང་ཕོ་མོ་སོགས་དེ་དག་བར་དགའ་མིན་དང་ཕྱོགས་ལྷུང་སྡང་སེམས་བཅངས་ནས་གཏམ་འཆལ་སྤེལ་གང་ཐུབ་བྱེད་པ་ནི་འགྲོ་བ་མིའི་རང་དབང་དང་ཐོབ་ཐང་དང་ཡོངས་སུ་
    དགལ་བ་ཡིན་པས་དྲ་གཉུལ་རྣམས་ཀྱི་ངེས་པར་དུ་མཁྱེན་པ་དགོས་རྒྱུ་གལ་ཆེ་མཐོང།།

    Reply
  6. འཇམ་གཅེས ། says:
    ལོ་ 13 སྔོན།

    ཧ་ཧ་ཧ་་་ཁྱོད་ཚོས་སྐུ་ཚབ་འདི་ཡིན་འདི་མིན་ཟེར་ནས་ཁ་སྟོང་ནང་གི་ཚིགས་སྟོང་ཙམ་ལས་དོན་ངོ་མར་དབང་ཆ་རྡུལ་ཕྲན་ཙམ་ཡང་ཡོད་པ་མ་རེད། སྐུ་ཚབ་གང་འདྲ་ཐག་གཅོད་མིན་བཀའ་ཤག་དང་སྲིད་སྐྱོང་གི་དབང་ཚད་རེད་་་་་དེ་ལས་ཁ་ཁར་འདུག་ཤིག །

    Reply
  7. ཕྱུགས་རྫི says:
    ལོ་ 13 སྔོན།

    གྲོགས་པོ་དྲུག་ཙམ་གྱིས་མཆན་བཀོད་འདུག་དེའི་ནང་ནས་ཚེ་རིང་ལགས་ཀྱིས་དངོས་གནས་ཕན་རེ་ཡོད་པའི་སྐད་ཆ་ལ་གོ་སོང་གཞན་མ་རྣམས་ཀྱིས་ཚིགས་རྙོག་དང་དཀྲོག་གཏམ་གྱི་བསམ་པ་མ་གཏོགས་མཐོང་མ་སོང་ ད་ལྟར་ང་ཚའི་སྐད་ཆ་འདི་རིགས་ཅུང་ཉུང་ན་བཟང་བསམ་ས་སླེབས་འདུག་སྙམ་ ད་རང་ངོ་ཚོའི་བོད་རྒྱ་འབྲེལ་མོ་ལ་རེ་བ་ཡོད་མ་རེད་ཟེར་གཞག་ཡ་ཡོད་མ་རེད་དྲན་ ཡང་ན་རེ་བ་ཡོད་པའི་ལས་ཀ་ག་རེ་ཡོད་རེད་ རང་ལ་བཞག་ཡ་མེད་ཅིང་མི་རྐྱང་རྐྱང་ལ་སྐྱོན་འདོོགས་བྱས་ན་ཕན་ལས་གནོད་ཆེ་ས་རེད་འདོད་ དགོངས་པ་མ་འཚམ་རང་གི་ལྷག་བསམ་གྱི་ཚིགས་ཡིན།

    Reply
  8. གནམ་དག says:
    ལོ་ 13 སྔོན།

    བོད་གཞུང་གི་མགྲིན་ཚབ་པ་ཚང་མ་དུས་གཅིག་ལ་གུང་གསེང་ལ་ཕྱིན་པ་དེ་ཐན་ལྟས་རེད། འགན་མ་འཁུར་བ་རེད། བཀའ་བློན་གྱིས་བཟོ་ལྟ་བཟོ་དགོས་པ་རེད། བོད་ནང་ཛ་དྲག་གི་སྐབས་འདིར་དྲིལ་བསྒྲགས་ལས་ཁུངས་ཀྱི་དྲུང་ཆེ་གསུམ་ཆ་གུང་གསེང་ལ་ཕྱིན་ཏེ་སྐྱིད་པོ་བཏང་ནས་སྡོད་པ་དེ་ཧ་ལས་བའི་ཐབས་སྐྱོ་བོ་རེད།གསར་འགོད་པ་ཚོས་འདི་ལ་བརྩད་གཅོད་བྱ་དགོས་པ་རེད། སྒྱུ་མ་ཕུ་འདེད་བྱ་དགོས་པ་རེད། མ་གཞི་གསར་འགོད་པས་ད་རེས་ཀྱི་གསར་འགྱུར་འདི་ཧ་ཅང་སྙིང་རྗེ་མོ་ཞིག་བྲིས་འདུག་མོད། བོད་གཞུང་གི་ལས་བྱེད་དེ་ཚོའི་བྱེད་སྟངས་དང་རྣམ་འགྱུར་ལ་ལྟ་བསྡད་དགོས་པ་རེད།

    Reply
  9. མི་ཉག་བཙན་པོ says:
    ལོ་ 13 སྔོན།

    རྒྱ་ནག་གཞུང་གིས་སྲིད་སྐྱོང་བློ་བཟང་སེང་གེའི་སྣེ་འཁྲིད་པའི་བཀའ་ཤག་རྩ་མེད་དང་ནུས་མེད་གཏོང་ཐབས་ཀྱིས་སྲིད་བྱུས་ལག་ལེན་སྟར་བཞིན་པ་དང་།དེའི་ཆེད་དུ་སྡ་རམ་ས་ལ་དངུལ་སྒོར་མང་པོ་གཏོང་བཞིན་ཡོད་པ་དེ་མངོན་གསལ་དུ་འགྲོ་བཞིན་པ་དང་རྒྱ་གཞུང་གི་དམིགས་ཡུལ་ལྟར་བཀའ་ཤག་མེད་པ་བཟོ་ཐབས་ལ་འབད་བརྩོན་བྱེད་མཁན་ཇེ་མང་དུ་འགྲོ་བཞིན་པ་ཧ་ཅང་གསལ་པོ་རེད་འདུག་་་་་ད་དུང་བོད་པ་ཚང་གི་ལས་དབང་ངན་པ་དེ་རྫོགས་རན་མེད་པ་འདྲ་སྐྱོ་བ་ལ།།།

    Reply
  10. སྐར་མདའ། says:
    ལོ་ 13 སྔོན།

    བོད་རྒྱ་གཉིས་བར་ཞི་མོལ་ཞེས་པ་ཡོང་གཞི་མེད་པ་ཞིག་རེད། ལས་དོན་དེ་ནི་དུས་ཚོད་འཕྲོ་བརླག་དང་། འགྲོ་གྲོན་འཕྲོ་བརླག་སོགས་རང་རེད། སྲིད་སྐྱོང་གིས་རང་གི་མིག་སྔར་དངོས་སུ་བྱུང་བའི་གོ་སྐབས་དམ་འཛིན་མི་བྱེད་པར། ཡོང་གཞི་མེད་པའི་རེ་སྟོང་སྐམ་པོ་ཞིག་ཅིའི་ཕྱིར་མཁྲེགས་འཛིན་བྱེད་ཀྱིན་ཡོད་དམ། མི་རབས་གསར་བ་ལ་གསར་བཏོད་ཅི་ཡང་མེད་པ་དེ་ཧ་ཅང་ཡ་མཚན་སྐྱེ་གཞི་ཞིག་རེད།

    Reply
  11. ཚེ་རིང་། says:
    ལོ་ 13 སྔོན།

    ངས་བོད་རྒྱ་ཞི་མོལ་སྐུ་ཚབ་ཀྱི་འོས་མི་འགའ་ཚིག་འདོན་རྒྱུ་ཡིན།

    བུ་ཆུང་ཚེ་རིང་། རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན།
    དྭགས་པོ་བསོད་ནམས་ནོར་བུ། ཨོ་སི་ཊི་ལེ་ཡའི་སྐུ་ཚབ།
    ཨ་གྱ་རིན་པོ་ཆེ། ཨ་རིའི་ཨེན་ཌི་ཡ་ནར་སློབ་དཔོན།
    ཟླ་བ་ཚེ་རིང་། ཐེ་ཝན་སྐུ་ཚབ་དོན་གཅོད།
    རྔ་པ་ཚེ་རྒྱམ། སྐུ་སྒེར་དྲུང་ཆེ།
    ཐུབ་བསྟན་བསམ་གྲུབ། དབྱིན་ཡུལ་སྐུ་ཚབ་དོན་གཅོད།

    Reply
  12. ཆོས་སྐྱིད། says:
    ལོ་ 13 སྔོན།

    རྒྱལ་སྤྱིའི་བོད་དོན་ལས་འགུལ་ཁང་གི་བུ་ཆུང་ཚེ་རིང་ལྟ་བུ་སྐུ་ཚབ་ལ་བསྐོ་རྒྱུ་ཡིན་ན། རྡ་རམ་ས་ལར་ཁེངས་བསྡད་ཡོད་པ་རེད། མ་གཞི་ནས་ཁོང་ལ་ཡིད་ཆེས་གང་ཡང་མེད།
    ཞོར་དུ། ཕྱི་རྒྱལ་པ་ཨ་ཏི་ཤ་དང་བདེ་སྐྱིད་ཆོས་དབྱིངས་གཉིས་འཆམ་གྱི་མི་འདུག་ཅེས་གངས་ཅན་སྐྱིད་གཤོངས་སུ་ཤུབ་ཤུབ་སྨྲ་བ་དེ་དངོས་གནས་ཡིན་ས་རེད། དྲུང་ཆེ་དྲུང་འཕར་དེ་ཚོའི་རྣམ་འགྱུར་སྟོན་སྟངས་ལ་ཅིག་ལྟོས་དང། ད་དགོངས་པ་ཞུ་ས་ཞིག་གང་ན་ཡོད། གནམ་རྒན་མ། རྒྱལ་བ་རིན་པོ་ཆེ་མཁྱེན།
    ད་ཁུངས་འཁྱོལ་གྱི་མེད་པའི་རྟགས་མཚན་མང་བ་ལ།། ཨེ། བཀའ་ཤག་གསར་པ་འདིས་བཟང་སྤྱོད་ལྡན་པའི་ངང་དགོངས་པ་ཞུས་བཞག་ན་ཡག་ས་རེད་གོ།།

    Reply
  13. Purbusamdup says:
    ལོ་ 13 སྔོན།

    བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཚོགས་པར་གནས་ཚུལ་གསར་པ་གང་ཡང་ཡོང་གི་མ་རེད། རབ་བྱུང་ན་སྐུ་ཚབ་གསར་པ་འགའ་བསྐོ་སྲིད་པ་རེད། དེ་བས་ཀྱང་གསར་འགྱུར་ཚ་ཤོས་དེ། བཀའ་བློན་ལྷན་ཁང་གཅིག་གི་དྲུང་ཆེ་ཆུང་ཚང་མ་རང་རང་སར་ཕེབས་ཚར་བ་དེ་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese