ཕྱི་ཚེས་ ༡༢ ཉིན་༸གོང་ས་མཆོག་གིས་ཝར་ཎཱ་བོད་ཀྱི་གཙུག་ལག་སློབ་གྲྭའི་ཨ་ཏི་ཤ་ཚོགས་ཁང་དུ། དབྱིན་ཡུལ་ནས་ཆེད་དུ་ཕེབས་པའི་ཡི་ཤུའི་ཆོས་དཔོན་ལོ་རན་སི་ ཧྥི་རེ་མེན་ (Laurence freeman) མཆོག་དང་ལྷན་དུ། ནང་པ་དང་ཡི་ཤུའི་བར་ཆོས་ལུཊ་ཉམས་ལེན་བྱེད་སྟངས་དང་ལྟ་གྲུབ་མཚུངས་བསྡུར། སྤྱི་ཚོགས་ལ་ཕན་བདེ་བསྒྲུབ་ཕྱོགས་བཅས་ཀྱི་ཐད་བཀའ་བསྡུར་གནང་ཡོད་ཅིང་། ཚོགས་འདུ་དེར་འཛམ་གླིང་རྒྱལ་ཁབ་འདྲ་མིན་ནས་ཡུ་ཤུའི་ཆོས་དད་པ་ ༡༠༠ ལྷག་མཉམ་ཞུགས་གནང་ཡོད་འདུག་ལ། སྐབས་དེ་དང་བསྟུན་ཝཪ་ཎཱ་མཐོ་སློབ་ཀྱི་དགེ་སློབ་ཡོངས་ལ་བླང་དོར་བཀའ་སློབ་ཅིག་ཀྱང་བསྩལ་འདུག
ཕྱི་ཚེས་ ༡༣ ཉིན་༸གོང་ས་མཆོག་གིས་ཝ་རཱ་ཎ་སི་ཁུལ་གྱི་མཛད་འཆར་ཁག་ལེགས་པར་གྲུབ་སྟེ་ལྡི་ལིར་ཆིབས་བསྒྱུར་བསྐྱངས་ཡོད་པ་དང་། གནམ་ཐང་དུ་འབྱོར་སྐབས་ལྡི་ལི་དོན་གཅོད་བསྟན་པ་ཚེ་རིང་གཙོས་འབྲེལ་ཡོད་ལས་བྱེད་ཁག་ཅིག་གིས་ཕེབས་བསུའི་ཞུས་ཡོད་ཅིང་། ཁ་སང་ཕྱི་ཚེས་ ༡༤ ཉིན་༸གོང་ས་མཆོག་རྒྱལ་ས་ལྡི་ལི་གཙུག་ལག་སློབ་གྲྭར་གོ་སྒྲིག་ཞུས་པའི་༼ཚན་རིག་དང་བཟང་སྤྱོད། ཤེས་ཡོན ༽ཞེས་པའི་བགྲོ་གླེང་ཚོགས་འདུའི་ཚོགས་མགོན་དུ་ཆིབས་བསྒྱུར་གྱིས་བཀའ་སློབ་བསྩལ་ཡོད་འདུག
ཐེངས་འདིའི་བགྲོ་གླེང་ཚོགས་འདུ་དེར་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་། ཨ་རིའི་ཀླད་ཁམས་རིག་པའི་མཁས་དབང་སྐུ་ཞབས་རི་ཆ་ཌི་ཌེ་ཝི་ཌི་སིན་ (Richard Davidson)། སྐུའི་གསུང་བསྒྱུར་དགེ་བཤེས་ཐུབ་བསྟན་སྦྱིན་པ། ཨ་རི་བ་ལྕམ་ཏཱ་ནི་ཡ་སིང་གར་ (Tania Singer)། ལྡི་ལི་སྐུ་ཚབ་དོན་གཅོད་བཀའ་ཟུར་བསྟན་པ་ཚེ་རིང་། ཝར་ཎཱ་གཙུག་ལག་སློབ་གྲྭའི་ངེས་སྟོན་པ་དགེ་བཤེས་ངག་དབང་བསམ་གཏན་ལཊ་གཙོས་ལས་རིགས་ཁག་གི་ཆེད་ལས་པ་དང་། མཐོ་སློབ་དེའི་སློབ་ཕྲུག་སོཊ་ཁྱོིན་མི་ ༡༠༠ ལྷག་ཚོགས་ཞུགས་གནང་འདུག
