ཨ་འཇམ་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། ཁ་སང་ཕྱི་ཚེས་ ༡༣ སྟེ། བོད་ནང་གི་ལུགས་རྙིང་ལོ་སར་ཚེས་བ་ ༤ ཉིན་གྱི་ཉིན་གུང་ཆུ་ཚོད་ ༡།༡༠ ཡས་མས་སུ། བོད་མདོ་སྨད་ཀན་ལྷོ་ཁུལ་གཙོད་གྲོང་ཁྱེར་གྱི་ཁོངས་གཏོགས་ཨ་མཆོག་སྨད་ཀྱི་ཀླུ་ཤོད་སྐྱི་ནང་ཞེས་པའི་ས་གནས་ཀྱི་རང་ལོ་ ༢༦ ཡིན་པའི་རྒྱལ་གཅེས་དཔའ་བོ་འབྲུག་པ་མཁར་ལགས་ཀྱིས། རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་གནང་སྟེ་སྐུ་གྲོངས་ཡོད་འདུག
གནས་ཚུལ་ཤེས་རྟོགས་བྱུང་བ་ལྟར་ན། རྒྱལ་གཅེས་དཔའ་བོ་འབྲུག་པ་མཁར་ལགས་ཀྱི་ཕ་མིང་ལ་རྟ་མགྲིན་ཚེ་རིང་དང་མ་མིང་ལ་རྟ་མགྲིན་མཚོ་ཞུ་ཡི་ཡོད་འདུག་ལ། ད་ཆར་ཁོང་དང་བཟའ་ཟླ་གཉིས་ལ་བྱིས་པ་གསུམ་ཡོད་པ་ལས་ཆེ་བ་ལོ་ ༦ དང་། འབྲིང་བ་ལོ་ ༤ ། ཆུང་བ་ལོ་ ༡ བཅས་ཡིན་འདུག
ད་བར་བོད་ནང་རང་ལུས་མེར་བསྲེཊ་གནང་མཁན་བོད་མི་ ༡༠༡ དང་། བཙན་བྱོལ་ནང་རང་ལུས་མེར་བསྲེཊ་གནང་མཁན་བོད་མི་ ༦ བྱུང་ཡོད།
གསར་འགོད་པ། དོན་གོ
ཚེས་གྲངས་ནོར་རེད་དམ།
འདོན་སྤེལ། ༢༠༡༣/༠༢/༡༤ ཁ་སང་བོད་ནང་གི་ལུགས་རྙིང་ལོ་སར་ཚེས་བ་བཞི་ཉིན་བོད་མདོ་སྨད་ཨ་མཆོག་ཀླུ་ཤོད་སྐྱི་ནང་ས་གནས་བོད་མི་ཞིག་གིས། རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག །འདོན་སྤེལ། ༢༠༡༣/༠༢/༡༤འདི་ལ་གཞིག་ཚེ་དེ་རིང་ཡིན་དགོས་པ་འདྲ་འདུག །འོ་ན་ཁ་སང་ལོ་གསར་ཚེས་བཞི་ཟེར་ན་གང་ཡིན་ནམ། ལོ་གསར་ཚེས་བཞི་ཉིན་སྤྱི་ཚེས་བཅུ་གསུམ་ཡིན་པ་ལས་བཅུ་བཞི་མིན་པས་གསར་འགོད་པས་འགོད་ནོར་ཤོར་བ་ཡིན་ནམ། ཆེས་དོ་སྣང་དགོས་པའི་གལ་ཆེའི་གནས་ཚུལ་འདི་ལྟ་བུ་ལ་ཁྱེད་ཚོས་ཅིའི་ཕྱིར་མགོ་ཉོག་ཅན་ཞིག་བྲིས་པ་ཡིན།
རྒྱལ་གཅེས་པ་ཁོང་གི་དགོངས་དོན་འགྲུབ་པར་སྨོན་འདུན་གྲངས་མེད་ཞུ།
གཞིས་བཞུགས་བོད་མི་ཡོངས་དང་ལྷག་པར་དུ་ཁྱེད་བཟའ་མི་ཚང་མར་གདུང་སེམས་མཉམ་བསྐྱེད་ཞུ།