ཨེ་ཤི་ཡ་རང་དབང་རླུང་འཕྲིན་ཁང༌།
RADIO FREE ASIA
ཨེ་ཤི་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གྱི་ས་མིག་གསལ་བསྒྲགས།
འགན་འཛིན་གྱི་ཞབས་ཞུ་གནང་ས་ཨ་རིའི་རྒྱལ་ས་ཝ་ཤོན་ཊོན་དུ་་རྟེན་གཞི་བྱས་པའི་ཨེ་ཤེ་ཡ་རང་དབང་རླུང་འཕྲིན་ཁང་གི་ལས་ཁུངས་ཡིན།
ཕུལ་བྱུང་འོས་མིའི་ངོ་བོའི་ཁྱད་ཆོས།
ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་དུ་འོས་པའི་མི་དེའི་རྣམ་དཔྱོད་དང་འཇོན་ཐང་གཞིར་བཟུང༌། བོད་མིའི་སྤྱི་ཚོགས་ནང་མཐོང་དང་ཆ་འཇོག་ཡོད་པའི་མི་ཞིག་དགོས་ལ། འགན་འཛིན་བྱ་རྒྱུར་འདེང་སྤོབས་དང་ཡིད་ཆེས་ལྡན་ཞིང༌། བསྒམ་ནན་དང་འཆར་སྣང་ཕུགས་བསམ་ཡོད་པའི་རང་བཞིན་གྱི་ཁྱད་ཆོས་དག་ཚང་དགོས། དེ་ཡང་གཙོ་བོ་བོད་མིའི་གནད་དོན་ཐོག་ཆོད་སེམས་གཏིང་གཟབ་ཡོད་ཅིང༌། བོད་མིའི་ཆོས་དང་རིག་གཞུང༌།
ལོ་རྒྱུས་སོགས་ཀྱི་སྐོར་རྒྱུས་མངའ་བཟང་པོ་ཡོད་པ་དང༌། གསར་འགོད་ལས་བྱེད་པར་ཀུན་སློངསྤེལ་བ་དང་སེམས་ཤུགས་སྤྲོད་སྟེ་མིག་དཔེ་བསྟན་ཏེ་འགོ་འཁྲིད་བྱེད་ཐུབ་ངེས་ཞིག་དགོས་པ་ཡིན། ལྷག་པར་དུ་ཕུལ་བྱུང་གི་འོས་མི་དེར་ལྷག་བསམ་དང་རྣམ་དཔྱོད་ལྡན་ཞིང༌། གསར་འགྱུར་བརྒྱུད་ལམ་གྱི་ཁོར་ཡུག་ནང་དཀའ་ངལ་ཇི་འཕྲད་ལ་གདོང་ལེན་བྱེད་ཐུབ་མཁན་ཞིག་དང་དུས་རབས་དང་མཐུན་པའི་གསར་འགྱུར་ལས་རིགས་ཐོག་གསར་གཏོད་ཀྱི་རྣམ་པ་བྱིན་པའི་ནུས་པ་དང་ཆོད་སེམས་ལྡན་པ། འཛིན་སྐྱོང་སྣེ་འཁྲིད་ཀྱི་ནུས་པ་འདོན་ཐུབ་མཁན་ཞིག་ངེས་པར་དགོས་པ་ཡིན། ཨེ་ཤཻ་ཡ་རང་དབང་རླུང་འཕྲིན་ཁངགི་དམིགས་ཡུལ་གཙོ་བོ་ནི་རྒྱ་ཆེའི་གསར་འགྱུར་ཉན་པ་པོ་བོད་ནང་གི་བོད་མི་ཚོའི་མངོན་འདོད་དང་མཐུན་པའི་གསར་འགྱུར་དགོས་མཁོ་དུས་ཐོག་བརྒྱུད་སྒྲགས་བྱ་རྒྱུ་དེ་ཡིན་སྟབས། མཁོ་གནད་དེ་དག་དང་འབྲེལ་བའི་གསར་འགྱུར་ལས་རིགས་ཀྱི་སྤུས་ཚད་མཐོ་རུ་གཏོང་རྒྱུ་དང༌། དམིགས་བསལ་བོད་ནང་གི་ཆབ་སྲིད་དང་དཔལ་འབྱོར། སྤྱི་ཚོགས་དང་ཁོར་ཡུག་སོགས་སྐབས་བབས་ཀྱི་གནས་ཚུལ་ཤེས་ཐབས་སླད་བོད་ནང་འབྲེལ་བ་ཟབ་པོ་ཡོད་པའམ་ཡང་ན་འབྲེལ་བ་དམ་གཟབ་བཟོ་ཐུབ་མཁན་ཞིག་ཀྱང་དགོས་པ་ཡིན།
ཆ་རྐྱེན།
༡༽ ཆེ་མཐོང་ལྡན་པའི་ཤེས་ཡོན་བསྟི་གནས་ཁང་གང་རུང་ཞིག་ནས་ཉུང་མཐར་ Bachelor གྱི་ལག་ཁྱེར་ཡོད་པའི་ཐོག་གསར་འགོད་པའམ་རླུང་འཕྲིན་གསར་འགྱུར་དང་འབྲེལ་བའི་ལག་ཁྱེར་ཡོད་ན་འདེམས་འོས་ཆེ་བ་ཡོད་ཅིང༌།མ་མཐར་རླུང་འཕྲིན་ལས་རིགས་ཐད་ལ་དགོས་ངེས་ཅན་གྱི་གཞི་རྩའི་ཤེས་ཡོན་དང་གོ་རྟོགས་ལྡན་ལ། འཛིན་སྐྱོང་གི་ཉམས་མྱོང་ཡོད་པ་ཞིག་དགོས།
༢༽ རབ་བྱུང་ན་རླུང་འཕྲིན་གསར་འགྱུར་དང་སྩོམ་བྲིས། གསར་འགྱུར་དང་འབྲེལ་བའི་ལས་རིགས་ཐོག་དོ་དམ་གཙོ་གཉེར་བྱས་པའི་ཉམས་མྱོང་དང་བྱས་རྗེས་བཞག་པ་ཞིག་དགོས། ཁྱད་ཆོས་འདི་ནི་ཆེས་དམིགས་བསལ་ཅན་དུ་ངོས་འཛིན་བྱ་རྒྱུ་ཡིན།
༣༽ བོད་ཀྱི་སྐད་ཡིག་དང་དབྱིན་ཇིའི་སྐད་ཡིག་གཉིས་ཀར་བྱང་ཆུབ་པའི་ཁར་རྒྱ་ནག་གི་སྐད་ཡིག་གི་ཤེས་ཡོན་ཡོད་ན་ཆ་རྐྱེན་འཕར་མར་ངོས་འཛིན་བྱེད་རྒྱུ་ཡིན།
༤༽ བོད་དང་བོད་མིའི་ཐོག་ཤུགས་རྐྱེན་བཟོ་བའི་བོད་ནང་གི་ད་ལྟའི་ཆབ་སྲིད་དང་དཔལ་འབྱོར། སྤྱི་ཚོགས་དང་ཁོར་ཡུག་གི་གནས་སྟངས་སྐོར་ཤེས་རྟོགས་གཏིང་གཟབ་ལྡན་པ།
༥༽ རྩོམ་བྲིས་དང་སྩོམ་བྲིས་ཞུ་དག་བྱ་རྒྱུར་ཤེས་སྩལ་ཡོད་པ་དང། རྩ་དོན་རང་བཞིན་ཅན་གྱི་གསར་འགྱུར་དཔྱད་གཏམ་ཐོག་ཕྱོགས་ལྷུངས་མེད་པར་དུས་ཐོག་ལ་ལྟ་ཚུལ་བཟུང་ཐུབ་པའི་ནུས་པ་སྟོན་ཐུབ་པ།
༦༽ ལས་བྱེད་པ་ཚོའི་རང་བཞིན་ལྷན་སྐྱེས་ཀྱི་རྣམ་དཔྱོད་ལས་དོན་ཐོག་ཏུ་བཏོན་ཐུབ་རྒྱུར་བཀོད་སྒྲིགས་ཐུབ་པ་དང༌། གཟེངས་སུ་ཐོན་པའི་རྣམ་དཔྱོད་འདོན་མཁན་གྱི་ལས་བྱེད་པ་ངོས་བཟུང་ཐུབ་ཅིང༌། རྣམ་དཔྱོད་དང་འཇོན་ཐང་ལྡན་པའི་ལས་བྱེད་པ་དེ་དག་བདག་ཉར་དང་བསྐྱེད་སྲིངས་ཐུབ་པ།
༧༽ དེང་དུས་ཀྱི་འཕེལ་རིམ་དང་མགྱོགས་ཚད་མྱུར་པོ་འགྲོ་བཞིན་པའི་དུས་རབས་ ༢༡ པའི་གསར་འགྱུར་བརྒྱུད་ལམ་གྱི་འགྲོ་ཕྱོགས་དང་མཐུན་པའི་ཁ་ཕྱོགས་བསྒྱུར་ཐུབ་པའི་སྙིང་སྟོབས་་དང་ལྡན་པ་ཞིག་དགོས།
ལས་འགན།
༡༽ བོད་སྐད་སྡེ་ཚན་གྱི་རླུང་འཕྲིན་དང་དྲ་བརྙན་རྒྱང་སྲིང་ལས་རིམ་གྱི་འཆར་གཞི་འགོད་རྒྱུ་དང། ཉིན་རེའི་རླུང་འཕྲིན་ལས་རིགས་ཐོག་སློབ་སྟོན་དང་བཀོད་མངགས། སྟངས་འཛིན་བྱ་རྒྱུ་སོགས་ཡིན།
༢༽ སྩོམ་སྒྲིག་པའི་འགོ་ཁྲིད་ནུས་ཤུགས་ལྡན་པ་བྱ་རྒྱུར་རླུང་འཕྲིན་དང་བརྙན་འཕྲིན་གསར་འགོད་ལས་བྱེད་པ་བདག་གཉེར་དང་སྟངས་འཛིན་བྱ་རྒྱུ།
༣༽ བོད་སྐད་སྡེ་ཚན་གྱི་རླུང་འཕྲིན་དང་ བརྙན་འཕྲིན་རྒྱང་སྲིང་ལས་རིམ་ཁག་གི་སྤུས་ཚད་བཟང་དུ་གཏོང་རྒྱུ།
༤༽ ལུགས་མཐུན་ཐོག་ནས་དོ་དག་གི་རྣམ་དཔྱོད་བེད་དཔྱད་དེ་སོ་སོའི་གནས་རིམ་དང་མཉམ་པའི་སྡེ་ཚན་གཞན་གྱི་འགན་འཛིན་ཁག་དང༌། འཛིན་སྐྱོང་འགན་འཛིན་ལྷན་དུ་རྩོད་གཞིར་གྱུར་ཉེན་ཅན་དང་འཚོར་རྣོར་ཅན་གྱི་གནད་དོན་ཁག་གི་ཐོག་ཡ་རབས་ཀྱི་ལྟ་ཚུལ་བཟུང་ཞིང་དོ་སྣང་བྱ་རྒྱུའི་གནད་དོན་དུ་ངོས་འཛིན་བྱ་རྒྱུ།
༥༽ བོད་ནང་གི་བོད་མི་ཚོའི་གནས་བབ་དང་དམིགས་བཀར་འབྲེལ་བ་ཆགས་པའི་གནས་ཚུལ་དང་ དཔྱད་སྩོམ། རིག་གཞུང་དང་རྒྱལ་རབས་ལོ་རྒྱུས་སོགས་ཀྱི་སྐོར་རྒྱང་སྲིང་བྱ་རྒྱུའི་རྒྱུ་ཆ་ངོ་མ་བཟོ་རྒྱུར་ལམ་སྟོན་བྱ་རྒྱུ།
༦༽ བོད་སྐད་སྡེ་ཚན་གྱི་རྒྱང་སྲིང་ལས་རིམ་ཁག་གི་ནང་དོན་གྱི་གནས་ཚད་གོང་མཐོར་གཏོང་བ་དང༌། ཉན་པ་པོའི་ཡིེད་ཆེས་ཐོབ་རྒྱུར་བོད་གནད་མཁས་དབང་དང༌། ཆེད་ལས་པ། གནས་ཚུལ་ཐོན་ཁུངས་ཁག་དང་འབྲེལ་ལམ་གསར་འཛུགས་རྒྱུན་འཁྱོངས་བྱ་རྒྱུ་དང། ལྷག་པར་དུ་བོད་ནང་གི་ཆབ་སྲིད་དང། ཆོས་དང་རིག་གཞུང༌། སྤྱི་ཚོགས་དང་དཔལ་འབྱོར། མི་འབོར་འཕེལ་རྒྱས་སོགས་དང་འབྲེལ་བའི་ཆེད་ལས་མི་སྣར་འབྲེལ་ལམ་གཟབ་མོ་བཟོ་རྒྱུ།
༧༽ ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་ཁོངས་ཀྱི་ལས་བྱེད་པ་དང༌། གསར་འགོད་པ། དེ་མིན་གྱི་ལས་བྱེད་ཆེད་འཛུགས་བྱ་ཕྱོགས་སོགས་ཀྱི་ཐད་འཛིན་སྐྱོང་དོ་དམ་བྱ་རྒྱུ་སོགས་ཡིན།
ཨེ་ཤེ་ཡ་རང་དབང་རླུང་འཕྲིན་ཁང་ནི་མི་རིགས་དབྱེ་འབྱེད་མེད་པར་ལས་གླར་འཇུག་རྒྱུར་དམ་བཅས་པའི་ཁྲིམས་མཐུན་སྒྲིགས་འཛུགས་ཤིག་ཡིན་ཞིང༌། དེར་བརྟེན་འོས་ཆོས་ཚང་བའི་མི་ཚོས་སྙན་ཞུ་གཏོང་རྒྱུར་སྐུལ་མ་བྱ་རྒྱུ་ཡིན། གལ་ཏེ་སྙན་ཞུ་བ་ཞིག་ལས་མིར་འདེམས་ཐོན་འབྱུང་ཚེ།
ཨ་མི་རི་ཀའི་ནང་ལས་བྱེད་ཆོག་པའི་ཨ་རིའི་གཞུང་གི་ཁྲིམས་ཐོག་གི་ཡིག་ཆ་དགོས་ཤིང༌། དེ་དོན་ཡིག་ཆ་མེད་པའི་ཞུ་སྙན་བ་ཞིག་ལ་ཨེ་ཤི་ཡ་རང་དབང་རླུང་འཕྲིན་ཁང་གི་ངོས་ནས་ཨ་མི་རི་ཀའི་གཞུང་ལ་ཞུ་སྙན་བརྒྱབ་སྟེ་ཡིག་ཆ་ཐོབ་རྒྱུར་རོགས་འདེགས་ཞུ་རྒྱུ་ཡིན། དོ་སྣང་དགོས་པ་ཞིག་ལ་ཨ་རིའི་ནང་ལས་ཀ་བྱེད་ཆོག་པའི་ཞུ་སྙན་བརྒྱབ་དང་མི་བརྒྱབ་དང༌། བརྒྱབ་ཟིན་པའི་ཞུ་སྙན་ཕྱིར་བསྡུ་བྱ་མིན་སོགས་ཀྱི་ཐོབ་ཐང་ཨེ་ཤི་ཡ་རང་དབང་རླུང་འཕྲིན་ཁང་ལ་ཡོད་པ་ཡིན།
སྙན་ཞུ་འབུལ་ཕྱོགས།
སོ་སོའི་ལོ་རྒྱུས་དངམཉམ་དུ་བོད་སྐད་སྡེ་ཚན་འགན་འཛིན་གྱི་ས་དམིགས་ཆེད་ཡིན་པ་གསལ་འཁོད་ཀྱི་སྙན་ཞུ་ཞིག་མདུན་ཤོག་ཏུ་བཀོད་དེ་མགྱོགས་འཕྲིན་ནམ་ Fax དང་ E-mail གློག་འཕྲིན་གང་རུང་བརྒྱུད་གཏོང་དགོས།
FAX ཨང་གྲངས་ 202-530-7797 ཡིན། E-mail ཁ་བྱང་ jobs@rfa.org ཡིན།
