ཁ་སང་ཚེས་ ༡༧ ཉིན་གྱི་ཕྱི་དྲོའི་ཆུ་ཚོད་ ༤ ཙམ་ལ་བཀའ་ཤག་གི་དྲུང་འཕར་ཚེ་རིང་སྟོབས་རྒྱལ་ལགས་དང་སྤྱི་འཐུས་རྨོག་རུ་བསྟན་པ་རྣམ་གཉིས་རྡ་རམ་ས་ལའི་ཨ་མདོའི་གྲོང་གསེབ་ཏུ་གནས་སྡོད་གླིང་ཚ་ཚེ་བརྟན་རྡོ་རྗེ་ཡི་ཨ་མ་ལྡོམ་པོ་སྐྱིད་ཀྱི་སྡོད་གནས་སུ་ཆེད་བཅར་ཞུས་ཏེ། སེམས་གསོའི་ཆེད་ཧིན་སྒོར་ ༥༠༠༠ དང་སྔོན་ཆད་གླིང་ཚས་སྲིད་སྐྱོང་མཆོག་ལ་ཕུལ་བའི་དཔེ་དེབ་མ་ཟིན་གྱི་མཐེབ་སྡེར་དེ་ཕྱིར་སློག་གནང་ཡོད་འདུག
དེ་རིང་སྔ་དྲོར་གསར་འགོད་པས་སྤྱི་འཐུས་རྨོག་རུ་བསྟན་པ་ལགས་སུ་དེའི་སྐོར་བཅར་འདྲི་ཞུས་པར། ཁ་སང་བཀའ་ཤག་གི་དྲུང་འཕར་ཚེ་རིང་སྟོབས་རྒྱལ་ལགས་བཀའ་ཤག་དང་སྲིད་སྐྱོང་མཆོག་གི་ངོ་ཚབ་གཅིག་ལྕོགས་ཀྱི་མཚན་ཐོག་ནས་ཨ་མ་ལྡོམ་པོ་སྐྱིད་ཀྱི་སྡོད་གནས་སུ་ཕེབས་ཏེ། གླིང་ཚ་ཚེ་བརྟན་རྡོ་རྗེ་ལགས་བོད་དོན་ཆེད་བོར་བརླག་ཏུ་ཕྱིན་པར་སེམས་གསོའི་ཆེད་ཧིན་སྒོར་ ༥༠༠༠ གནང་སོང་ལ། དེ་དང་མཉམ་དུ་དེ་སྔའི་གླིང་ཚའི་དཔེ་དེབ་ཀྱི་མ་ཟིན་བཅུག་ཡོད་པའི་མཐེབ་སྡེར་དེ་ཡང་ཕྱིར་སློག་གནང་སོང་། དྲུང་འཕར་མཆོག་གིས་ཨ་མ་ལྡོམ་པོ་སྐྱིད་སྡོད་གནས་ཤེས་ཀྱི་མེད་སྟབས་ང་རང་ལ་རོགས་པ་བྱེད་རོགས་གསུངས་ཏེ་ངེད་གཉིས་ཕྱིན་པ་ཡིན། སྐུ་ངོ་མཆོག་གིས་ཨ་མ་ལགས་ལ། ང་རང་བཀའ་ཤག་དང་སྲིད་སྐྱོང་མཆོག་གི་ངོ་ཚབ་གཅིག་ལྕོགས་བྱས་ཏེ་ཁྱེད་རང་ལ་ལྟ་རུ་ཡོང་བ་ཡིན། མ་འོངས་བར་ཁྱེད་ལ་དཀའ་ངལ་ག་རེ་ཡོད་ན་ཐད་ཀར་གསུང་རོགས། དཔལ་ལྡན་སྲིད་སྐྱོང་མཆོག་གིས་དུས་ཚོད་དང་སྟབས་བསྟུན་ནས་ཁྱེད་རང་ལ་མཇལ་རྒྱུ་ཡིན་གསུང་གི་འདུག་གསུངས་སོང་ཟེར།
རྨོག་རུ་བསྟན་པ་ལགས་ཀྱིས་མུ་མཐུད་དུ་བརྗོད་དོན། ཨ་མ་ལགས་ཀྱིས་ཀྱང་དྲུང་འཕར་ལགས་ལ་ག་རེ་བརྗོད་སོང་ཟེར་ན། ད་ལྟའི་ཆར་མོ་རང་སྒེར་ལ་དཀའ་ངལ་གང་ཡང་མི་འདུག ཡིན་ནའང་གླིང་ཚའི་བཟའ་ཟླ་ཨི་སི་རེལ་(Israel)རྒྱལ་ཁབ་ནང་ཡོད་པ་དང་། ཁོང་གཉིས་ཀྱི་ཕྲུ་གུ་གཉིས་བོད་པའི་ཤ་ཁྲག་ཡིན་སྟབས། ཁོང་ཚོ་ལ་འབྲེལ་བ་ཞིག་འཛུགས་ཐུབ་རྒྱུ་ཧ་ཅང་གལ་ཆེན་རེད། ང་རང་གིས་སྐད་བརྡ་སྤྲོད་ཐུབ་ཀྱི་མེད་སྟབས་ང་ཚོའི་བར་འབྲེལ་བ་ཆད་བསྡད་ཡོད། དེ་ཨ་མ་ང་རང་ལ་མཚོན་ན་སེམས་ཁྲལ་དང་དཀའ་ངལ་ཆེ་ཤོས་ཤིག་ཆགས་འདུག གཞུང་གི་ངོས་ནས་ཕྲུ་གུ་དེ་གཉིས་ཀྱི་སློབ་ཡོན་ཟེར་ན་འདྲ། ཁོང་མ་བུ་གསུམ་གྱི་འཚོ་བའི་ཐོག་གཟིགས་རྟོགས་རེ་གནང་ཐུབ་ན་ཐུགས་རྗེ་ཆེ་ལབ་སོང་། ཞེས་བརྗོད་བྱུང་།
གསར་འགོད་པས་ཐེངས་འདིར་བཀའ་ཤག་གིས་ཕྱིར་སློག་བྱས་པའི་མཐེབ་སྡེར་དེའི་སྐོར་དྲིས་པར། བཀའ་ཤག་གིས་ཕྱིར་སློག་བྱས་པའི་མཐེབ་སྡེར་དེ་ཁ་འབྱེད་ཐུབ་ཀྱི་མི་འདུག དེ་སྔོན་ཁྱོད་ཀྱིས་སྐད་ཆ་འདྲི་སྐབས་ངས་དེབ་དེའི་མིང་བཤད་པ་ཅུང་ནོར་འདུག གླིང་ཚས་ང་ལ་བཞག་པའི་ཡིག་ཆུང་དེའི་ནང་དེབ་ཀྱི་མིང་ལ་༼ ཞི་བའི་ལམ།༽ཞེས་བཀོད་འདུག དེབ་ཀྱི་ནང་དོན་ག་རེ་ཡིན་པ་ད་དུང་ཤེས་ཀྱི་མི་འདུག ང་ལྡི་ལིར་ཕྱིན་ཏེ་མཐེབ་སྡེར་ཀྱི་ཁ་འབྱེད་ཐབས་བྱེད་རྒྱུ་ཡིན།
གླིང་ཚས་རྨོག་རུ་བསྟན་པ་ལགས་སུ་བཞག་པའི་ཡི་གེའི་ནང་ “ གལ་སྲིད། སྲིད་སྐྱོང་ལ་སྤྲད་པའི་༼ཞི་བའི་ལམ་༽ཞེས་པའི་བརྗེད་ཐོའི་དེབ་དེ། བཀའ་ཤག་ནས་ད་ལོ་ ༧/༦ བར་གྲགས་འགུལ་མ་ཡོང་ཚེ། ༡༠/༡༢/༢༠༡༣ ཉིན་ལ་དཔར་བསྐྲུན་བྱེད་ཐབས་ཤིག་གནང་རྒྱུ་མཁྱེན། ཨ་ཁུ་བསྟན་པ་ལོ་ལོ། གླིང་ཚ་ནས་ ༩/༣/༡༣ བྲིས་”ཞེས་བཀོད་འདུག
དེའི་རྗེས་གསར་འགོད་པས་ཨ་མ་ལྡོམ་པོ་སྐྱིད་ལགས་སུ་བཀའ་ཤག་གི་སྐུ་ཚབ་ཐུག་འཕྲད་དུ་ཕེབས་པར་ཚོར་བ་ཅི་བྱུང་དྲིས་པར་ཁོང་མོས་འདི་ལྟར་བརྗོད་བྱུང་། ང་རང་ཧ་ཅང་དགའ་བོ་བྱུང་སོང་། ཁོང་གིས་ཁོ་རང་སྲིད་སྐྱོང་མཆོག་གིས་མངགས་པ་ཡིན། སྲིད་སྐྱོང་མཆོག་ད་སྔ་ཁོམ་པ་མི་འདུག་ཀྱང་རྗེས་མ་ཁྱེད་རང་ལ་མཇལ་དུ་ཡོང་གི་ཡིན་གསུངས་པ་དེས་ང་བདེ་བོ་མེད་པ་ཞིག་ཆགས་སོང་། ངས་སྲིད་སྐྱོང་མཆོག་ལ་རེ་བ་གཉིས་ཞུས་པ་ཡིན། ཕྱི་རྒྱལ་དུ་ཡོད་པའི་ཚེ་བརྟན་རྡོ་རྗེ་ཡི་བཟའ་ཟླ་བུ་ཕྲུག་ཚོར་བཀའ་ཤག་གིས་འབྲེལ་བ་ཞིག་གནང་རྒྱུ་དང་། གཉིས་པ་ཚེ་བརྟན་རྡོ་རྗེ་རྒྱ་གར་ནང་ཡོད་མེད་རྩད་གཅོད་ཅིག་གནང་རོགས་ཞུས་པ་ཡིན། ཞེས་བརྗོད་བྱུང་།
གོང་གསལ་པར་དང་པོ་དེ་ཚེས་ ༡༧ ཉིན་བཀའ་ཤག་གི་སྐུ་ཚབ་ཨ་མ་ལྡོམ་པོ་སྐྱིད་ལགས་སུ་ཐུག་འཕྲད་གནང་སྐབས་དང་། པར་གསུམ་པ་དེ་གླིང་ཚ་ཚེ་བརྟན་རྡོ་རྗེ་ལགས་ཀྱི་བཟའ་ཟླ་བུ་ཕྲུག་གསུམ་ཡིན། གོང་་གསལ་པར་དང་པོ་དང་གསུམ་པ་གཉིས་སྤྱི་འཐུས་རྨོག་རུ་བསྟན་པའི་ངོ་དེབ་ལས་འདྲེན་བཀོད་བྱས།
གསར་འགོད་པ། ལྷ་སྐྱབས་རྒྱལ།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
དཔའ་ང་བལ་ལ་ནས་བན་ལ་བ་་་སར་ད་ང་། ད་ང་ལགས་ས་་ཞབས་ང་ཚར་དགས་བསལ་ར་ས་ནས་ག་འད་ས་པ་མ་ཟད། ང་ཚ་(་བ་འཐབ་ད་)དམ་་བ་ལམ་ས་པ་བ་་པར་འང་ག་་ངས་ནས་བ་་པར་ན་་་ཞལ་བས་གནང་ད་ར་་། ་ཆར་་གསར་འར་ག་ན་པ་ན་ས་ས་པ་་ད། ས་ན། བས་་ས་ད་ང་ལགས་ས་་ར་་ཞབས་ང་ཚར་དགས་བསལ་ག་འད་དང་དགས་བསལ་ཞལ་བས་་དག་བས་པ་ན་ནམ། ་བ་་ཐད་ནས་ད་ང་ལགས་ལ་བས་ར་བསམ་་དང་་མཚན་གས་་ག་ད་པ་ན་ནམ། ད་་འར་ལ་བ་གནས་ལ་་ད་པ་། ད་ང་ལགས་་་ཚབ་ག་དཔའ་ང་་མ་མ་སར་འཚམ་འ་ད་་ངས་པ་དང་ར་དཔའ་ང་ས་ད་ང་ལ་ལ་བ་ད་་བ་་པར་འང་ར་ད་ད་པ་གནས་ལ་འ་ད། ས་ན། ད་ང་ལགས་ས་ངས་འར་་ཚབ་་ད་་བཏང་བ་ད་དམ། ང་ཚ་བ་་པར་་ར་ག་དས་པར་་མཚན་་ག་ད་པ་ད། ན་་མ་་གག་་གས་བར་ན་་ག་ས་ད་པ་ད། ་ཡང་་ས་པ་་་ང་འ་ར་ང་་ན་དག་་་ར་ཁ་གསལ་ང་ས། ་བ་མང་་ང་ན་འག་ལ་ན་དག་་ར་ས་ཁ་གསལ་ག་ང་་ན་འད་ན་ད།
སྤྱི་འཐུས་རྨོག་རུ་བསྟན་པ་ལགས་སུ་ཐུགས་རྗེ་ཆེ་ཞུ། བཙན་བྱོལ་ནང་གི་མི་སུ་དང་སུ་ཡིན་ནའང་གླིང་ཚ་ཚང་ལ་རོགས་རམ་རེ་གནང་རྒྱུ་མཁྱེན། ཡང་སྒོས་གླིང་ཚའི་ཤུལ་གྱི་མ་སྨད་གཉིས་དང་ཕྱི་རྒྱལ་དུ་ཡོད་པའི་ཁོ་རང་གི་བཟའ་ཟླ་བུ་ཕྲུག་ཚོར་སེམས་གསོ་རེ་གནང་རོགས། སྐུ་མཁྱེན།།
བཀའ་ཤག་གིས་གླིང་ཚ་ཚང་དང་ལྷག་པར་དུ་གླིང་ཚའི་ཨ་མ་ལྡོམ་པོ་སྐྱིད་ལགས་སུ་འཚམས་འདྲི་ཞུས་ན་ཧ་ཅང་འོས་འཚམས་རེད། ཡིན་ནའང་སྲིད་སྐྱོང་བློ་བཟང་སེང་གེ་མཆོག་གིས་ཁོ་རང་གི་སྐུ་ཚབ་མངག་གཏོང་གིས་འཚམས་འདྲི་གནང་བ་ཙམ་གྱིས་འགྲིག་གི་མི་འདུག ཁོ་རང་སྐུ་དངོས་སུ་ཨ་མ་ལྡོམ་པོ་སྐྱིད་ལགས་ཀྱི་ནང་དུ་ཕེབས་ཏེ་དགོངས་སེལ་ཞུ་དགོས་ཀྱི་འདུག
སྲིད་སྐྱོང་ལགས་ཀྱིས་སྐུ་ཞབས་གླིང་ཚར་དེབ་དེ་པར་དུ་བསྐྲུན་རྒྱུ་ཁས་བླངས་ཡོད་པ་རེད་དམ་མ་རེད། གལ་ཏེ་ཁས་བླངས་ཡོད་ན་ཅི་ཞིག་ལ་སྲིད་སྐྱོང་ལགས་ཀྱིས་རང་གི་ཇི་ལྟར་དམ་བཅས་པ་བཞིན་མ་སྒྲུབ་པ་རེད། དེ་མིན་དོན་དག་འདིའི་ཐད་ནས་སྲིད་སྐྱོང་ལགས་ལ་ཅི་ཕྱིར་གསལ་བཤད་ཅིག་ཡིག་ངག་གང་རུང་ནས་དེའི་བར་བྱེད་ཁོམ་མ་བྱུང་བ་རེད།
དྲ་ལམ་དུ་གཟིགས་མཁན་དང་དགོངས་འཆར་གནང་མཁན་ཡོངས་སུ་འཚམས་འདྲི་ཞུ། བཀའ་ཤག་ནས་ཕྱིར་འབུལ་བྱས་པའི་འཐེབ་སྡེར་དེ་གླིང་ཚས་བཀའ་ཤག་ལ་ཕུལ་བ་དེ་ཡིན་པ་དངོས་ར་འཕྲོད་ཀྱིན་འདུག དེའི་ནང་གླིང་ཚ་དང་འབྲེལ་ཡོད་ཀྱི་པར་ཡོད་པ་མ་ཟད། ཞི་བའི་ལམ་ཞེས་ཁ་བྱང་དུ་འཁོད་པའི་ཡིག་སྣོད་ཞིག་ཀྱང་འཐེབ་སྡེར་ནང་གསལ་པོར་མཐོང་གིན་འདུག ཁ་སང་དུས་བབ་གསར་འགོད་པ་ལའང་འཐེབ་སྡེར་ནང་གི་ཡིག་སྣོད་དེ་མིག་སྟོན་བྱས་ཡོད། དྲ་གྲོགས་ཚེ་རིང་ལྷ་མོ་ལགས། སྐུ་ཉིད་ནས་གླིང་ཚའི་སྐྱེས་སྨན་དང་འབྲེལ་བ་གནང་འདོད་ཚེ་ཁ་པར་ཨང་གྲངས་འདིའི་ཐོག་འབྲེལ་བ་ཞིག་གནང་རོགས། ངས་ཉིད་ལ་འབྲེལ་བ་བྱེད་ཡུལ་ཞིག་ཕུལ་ཆོག 08679068999
གླིང་ཚ་ཚེ་བརྟན་རྡོ་རྗེ་ལགས་ཀྱི་སྐྱེས་དམན་བུ་ཕྲུག་དག་གི་པར་དེ་མཐོང་སྟེ་སེམས་ནང་རྨ་ཁ་བཟོས་སོང་། དྲ་གྲོགས་སུ་ཞིག་གིས་བཟའ་མི་འདི་དག་ལ་འབྲེལ་བ་གནང་ས་ཞིག་ཧ་གོ་གི་ཡོད་ན་འདིར་འགོད་པར་ཐུགས་རྗེ་ཆེ་ཞུ་བཞིན་ཡོད་་་་
སེང་གེའི་བཀའ་ཤག་གི་སྐྱོན་འཚང་ཕྲ་མོ་རེ་རགས་ན་དགའ་སྤྲོའི་ཞབས་བྲོ་རྒྱག་བཞིན་པའི་དྲ་འབུ་དག་ལ་འགུ་བའི་ཉིན་མོ་ནི་རང་ཉིད་ལ་སྒེར་གྱི་ཁེ་ཕན་ཐོབ་པའི་ཉིན་མོ་རེད། ༧ཀུན་གཟིགས་པན་ཆེན་རིན་པོ་ཆེ། སྤྲུལ་སྐུ་བསྟན་འཛིན་བདེ་ལེགས། གཙོས་པའི་རྒྱལ་གཅེས་པ་དག་གི་གནས་སྟངས་ཤེས་ཀྱང་དབང་ཤུགས་ཆེ་ཆུང་ཤོར་སྟབས་སྐྱོབ་མི་ཐུབ་པ་ནི་མིག་མཐོང་ལག་ཟིན་རེད། དེ་མཚུངས་གླིང་ཚ་དཔའ་བོའང་བདེ་སྲུང་གིས་ཉམས་ཞིབ་ཀྱི་གྲུབ་དོན་ལ་གཞིགས་རྒྱ་གར་དུ་མེད་པ་གསལ་འདུག་པས་བོད་དུ་ཡོད་ན་ལས་སླ་བོས་བློ་སེང་གིས་ཇི་ལྟར་སྐྱོབ། འདི་དག་གི་སྐབས་གསང་བའི་ཐོག་ནས་བསྒྲུབ་རྒྱུ་ལས་མངོན་གསལ་དོད་པོས་ཇི་ལྟར་བསྒྲུབ། སྐྱེས་མ་ལྡོམ་པོ་སྐྱིད་དང་བཀའ་ཤག་བར་མ་དཀྲུག་རོགས། དཔལ་འབྱོར་གྱི་རོགས་རམ་ཆེན་པོ་དགོས་རབས་བཤད་མཁན་འདུག་ཀྱང་རྒྱུ་གྲོན་ཕལ་མོ་ཆེ་གྲོས་ཚོགས་ཀྱི་བཀའ་འཁྲོལ་ཞུ་དགོས་པའི་དོན་གནད་རྣམས་སྔོན་རྩིས་གྲོས་ཚོགས་ཀྱི་ཚོགས་ཆེན་ལ་ཐུགས་སྣང་གནང་ན་གཟིགས་ངེས་རེད། ཐུགས་གསོའི་ཆེད་བཀའ་དྲུང་ཨ་མ་ལྡོམ་པོ་སྐྱིད་སར་ཕེབས་པ་ཚུལ་དང་མཐུན་ལ་དོན་སྙིང་ལྡན་པ་རེད། བདེ་སྲུང་གཙོས་པའི་བཀའ་ཤག་གིས་གླིང་ཚ་དཔའ་བོ་འཚོལ་ཞིབ་བྱེད་ཀྱི་མེད་པའི་དཔང་རྟགས་གང་ཡོད། སྐྱེས་མ་ལྡོམ་པོ་སྐྱིད་ཀྱི་རེ་འདུན་ལྟར་ཤུལ་ལུས་མ་བུ་གསུམ་ལ་བཀའ་ཤག་གིས་རོགས་རམ་གནང་ཐུབ་པའི་རེ་བ་ངས་ཀྱང་ཞུ་བཞིན་ཡོད། ཚོགས་ཟིན་མ་ཐག་པའི་གྲོས་ཚོགས་ཀྱི་སྐབས་སུ་འཐུས་མི་ཚོས་དོན་ཚན་འདི་དག་གྲོས་ཚོགས་སུ་ཁྱེར་དགོས་ངེས་སུ་མཐོང་ཡང་ཁྱེར་མེད་བཟོ་འདུག གང་ལྟར་བརྒྱུད་རིམ་འདི་དག་གི་ཁྲོད་ནས་ནོར་འཁྲུལ་ཡོད་ངེས་ཀྱང་བཀའ་ཤག་གཅིག་པོའི་ནོར་བ་ག་ལ་ཡིན།
སྐུ་མཁྱེན་དེ་འདྲའི་གཟིགས་རྟོགས་ཤིག་གནང་གི་ཡོད་ན། སྒོར་ལྔ་སྟོང་ལས་བུ་རྒོད་པོ་གླིང་ཚ་གར་ཡོད་ལ་རྩད་གཅོད་རེ་གནང་རོགས། དེ་མིན་སེམས་གསོ་སྟོང་པ་ཞིག་གིས་མགོ་གཡོག་ཐུབ་བྱེད་པ་ནི་ཆེས་ཐབས་སྡུག་གི་ལས་ཀ་རེད། གླིག་ཚའི་ཡིག་ཆ་དེ་བརླག་གཏོར་འདྲ་བྱུང་མེད་པར་ཀུན་གྱི་མིག་ལ་སྟོན་ཐུབ་པའི་རེ་བ་ཆེ།
ཐེངས་འདིར་སྲིད་སྐྱོང་སེང་གེ་ཡིས་ངོ་མ་ཞབས་འདྲེན་བཞག་སོང་ལ། སེང་གེ་བཀའ་ཤག་གི་དྲུང་ཆེ་ཀརྨ་དགེ་ལེགས་དང་སྒེར་དྲུང་འཇིགས་མེད་གཉིས་ནས་ཀྱང་བཤད་སྟངས་ཤོབ་སྟངས་མ་ཤེས་པར། ཁ་ཡར་དཀྱོག་མར་དཀྱོག་དང་ཆབ་སྲིད་ཡར་འཁྲབ་མར་འཁྲབ་བྱས་ཏེ་ངོ་ཚ་ཉོས་སོང་། སྲིད་སྐྱོང་དང་བཀའ་ཤག་གི་ཕྱག་ལས་གནང་སྟངས་འདི་འདྲ་ཡིན་ན་དངོས་གནས་ཡིད་ཆད་གི སེམས་སྐྱོ་གི
ད་གང་ལྟར་དཔེ་དེབ་ཀྱི་དཔར་རྩའི་ཡིག་སྣོད་དེ་ཕྱིར་རེག་པར་དགའ་སྤྲོ་བྱེད་དགོས་པ་ཞིག་རེད་དེ། ང་ལ་དོགས་པ་ཞིག་ཡོད་པ་ནི་ཐེངས་འདིར་ཕྱིར་སློག་བྱས་པའི་ཡིག་སྣོད་དེ་གླིང་ཚས་སྲིད་སྐྱོང་ལ་སྤྲད་པ་དེ་ཡིན་མིན་དང་། གལ་སྲིད་ཡིན་པའི་དབང་དུ་བཏང་ན་ཁ་མ་ཕྱེས་པར་ལོ་གཅིག་ལྷག་ཕྱིན་ཡོད་སྟབས་དེའི་ནང་གི་ཡིག་ཆ་རྣམས་འཕྲོ་བརླགས་སུ་ཕྱིན་ཡོད་མེད་དེ་རེད།
མཐའ་དོན་བཀའ་ཤག་གིས་གླིང་ཚའི་ཤུལ་ལུས་མ་རྒན་དེ་དང་བོད་པའི་ཤ་ཁྲག་གཅིག་པའི་ཕྲུ་གུ་གཉིས་སོགས་ལ་བདག་པོ་ཞིག་བསྐྱོན་གནང་རོགས།
ཞོར་དུ་བོད་ཀྱི་དུས་བབ་ཚང་གི་མགོ་ལས་ཡོངས་ཕྱག་ལས་གྲུབ་འབྲས་ལ་བསྔགས་བརྗོད་དང་མུ་མཐུད་འབད་བརྩོན་གནང་རྒྱུར་རེ་སྐུལ་དང་ཐུགས་རྗེ་ཆེ་ཞུ་བཞིན་ཡོད། ང་ཚོ་བོད་པའི་གསར་འགོད་པ་ཚོའི་ལས་དོན་དངོས་གནས་དེ་བོད་ནང་གི་གནས་ཚུལ་ཕྱོགས་རེ་བ་ཐོས་ཚད་ཕན་གནོད་ཅི་བྱུང་ལ་མ་ལྟོས་པར་འགོད་རྐྱང་བྱེད་པ་ལས་བཙན་བྱོལ་བོད་པའི་སྤྱི་ཚོགས་རང་ལ་ཞབས་ཞུ་བསྒྲུབ་ཐུབ་ན་ལས་འགན་གཙོ་བོ་དེ་འདི་རེད་བསམ་གྱི་འདུག
བཀའ་ཤག་གིས་འཁྲབ་སྟོན་འཁྲབ་ཀྱི་འདུག ཡང་ཨ་མ་ལྡོམ་པོ་སྐྱིད་ལ་ཁ་ཡག་འདྲ་བཤད་ནས་ཁ་འགོག་ན་འདོད་གོ་གིི
་་་་་་ གླིང་ཚ་ཚེ་བརྟན་རྡོ་རྗེ་ལགས་བོད་དོན་ཆེད་བོར་བརླག་ཏུ་ཕྱིན་པར་སེམས་གསོའི་ཆེད་ཧིན་སྒོར་ ༥༠༠༠ གནང་སོང་ལ། དེ་དང་མཉམ་དུ་དེ་སྔའི་གླིང་ཚའི་དཔེ་དེབ་ཀྱི་མ་ཟིན་བཅུག་ཡོད་པའི་མཐེབ་སྡེར་དེ་ཡང་ཕྱིར་སློག་གནང་སོང་། ་་་་་
བཀའ་ཤག་ལ་ངོ་མ་གད་མོ་ཤོར་གི འཚམས་འདྲི་དང་ཧིན་སྒོར་ལྔ་སྟོང་དེ་ཕྱི་དྲགས་པ་རེད། ས་གྲགས་གནམ་གྲགས་ཆགས་པའི་རྗེས་ལ་རྒྱུག་འདུར་བྱེད་ཀྱིན་འདུག
དེ་ལས་ཨ་མ་ལྡོམ་པོ་སྐྱིད་ཀྱིས་རེ་སྐུལ་ཞུས་པ་ནང་བཞིན་བོད་པ་དང་ཤ་ཁྲག་གཅིག་པའི་ཕ་དམ་པ་རུས་ཁོག་ཅན་དེའི་ཕྲུ་གུ་གཉིས་ལ་བདག་པོ་རྒྱག་དགོས་པ་དང་། བུ་སྙིང་རུས་ཅན་གླིང་ཚ་ཚེ་རྡོར་གར་སོང་ཅི་ཆགས་ལ་འཚོལ་ཞིབ་གནང་རོགས་ཞེས་རེ་སྐུལ་ཞི་བཞིན་ཡོད་དོ།།།