ཟླ་འདིའི་ཕྱི་ཚེས་ ༥ ཉིན་གྱི་ཕྱི་དྲོར་རྒྱ་གཞུང་གིས་ཨ་རིའི་རྒྱལ་སྤྱིའི་བོད་རིག་པ་བ་ཨི་ལོ་ཊི་སི་ཕེར་ལིན་ལགས་པེ་ཅིན་རྒྱལ་སྤྱིའི་གནམ་ཐང་ནས་ཕྱིར་སློག་བཏང་འདུག
ཨ་རིའི་ཨིན་ཌི་ཡཱ་ན་གཙུག་ལག་སློབ་ཆེན་གྱི་བོད་རིག་པ་ཞིབ་འཇུག་པ་ཨི་ལོ་ཊི་སི་ཕེར་ལིན་ (Elliot Sperling)ལགས། ཟླ་འདིའི་ཕྱི་ཚེས་ ༥ ཉིན་གྱི་ཕྱི་དྲོར་པེ་ཅིན་རྒྱལ་སྤྱིའི་གནམ་ཐང་དུ་འབྱོར་ཡོད་པ་དང་། སྐབས་དེར་རྒྱ་གཞུང་ཉེན་རྟོག་པས་ཁོང་ཁང་ཆུང་ཞིག་གི་ནང་བཅུག་སྟེ། ཆུ་ཚོད་ ༡།༣༠ རིང་ཁ་པར་སོགས་བེད་སྤྱོད་གཏོང་དུ་མ་བཅུག་པར་འདྲི་རྟོག་ནན་པོ་བྱས་རྗེས། ཕྱི་སྐྱོད་ལག་ཁྱེར་གྱི་ཆོག་མཆན་ཐོག་རྒྱ་གྲམ་ཆེན་པོ་ཞིག་བརྒྱབ་ཏེ་ཕྱིར་སློག་བཏང་ཡོད་འདུག
ཨི་ལོ་ཊི་སི་ཕེར་ལིན་ལགས་ཀྱིས་རྒྱ་གཞུང་གིས་ཁོང་ལ་རྒྱུ་མཚན་ཅི་ཞིག་བཤད་ཡོད་མེད་གསལ་བོ་བརྗོད་མེད་ཀྱང་། ཁོང་གིས་བོད་ཀྱི་ལོ་རྒྱུས་དང་བོད་རྒྱའི་འབྲེལ་བ་སོགས་ཀྱི་ཐོག་ཞིབ་འཇུག་བྱེད་བཞིན་པའི་རྐྱེན་གྱིས་ཕྱིར་སློག་བཏང་བ་མིན་པར། ཁོང་རྒྱ་གཞུང་གི་བཀག་ཉར་འོག་ཡོད་པའི་ཡུ་གུར་བ་ཨེ་ཧམ་ཐོའུ་ཌི་ལགས་དང་འབྲེལ་བ་ཡོད་པའི་རྐྱེན་གྱིས་ཡིན་ལ། རྒྱ་གཞུང་གིས་ཨེ་ཧམ་ཐོའུ་ཌིར་ནག་ཉེས་མེད་ཟེར་མཁན་དང་ཁོང་ལ་རྒྱབ་སྐྱོར་བྱེད་མཁན་མཐོང་འདོད་མེད་པ་མ་ཟད། གཞུང་གིས་ཨེ་ཧམ་ཐོའུ་ཌིར་གཡོགས་པའི་ནག་ཉེས་རྣམས་ངོས་ལེན་མེད་པ་མཐོང་འདོད་མེད་པས་ཡིན་སྐོར་བརྗོད་འདུག
གསར་འགོད་པ། པདྨ་མཚོ།
འཇམ་ནོར་འདི་གཉིས་ཀྱིས་ཁར་བདག་པོ་རྒྱག་མི་ཐུབ་པ་དེ་ཚང་མས་ཤེས་གསལ་རེད། འཇམ་ནོར་པེ་ཅིང་ལ་རྒྱུག་རྐྱང་གང་ཞིག་ལ། དབྱིན་རྒན་འདི་མ་བཏང་བ་ག་རེ་ཡིན་ན། མ་གཞི་ནས་འདི་འགོག་དགོས་པའི་མི་ཞིག་ཡིན།
བོད་ཀྱི་དུས་བབ་གསར་ཁང་གིས་མི་འདི་བཀག་བཞག་པར་གསར་འགྱུར་གྱི་ས་མིག་ཅིག་སྤྲད་པ་དེ་ཁྱད་མཚར་རེད།