དེ་སྔའི་ཀན་སུའུ་ཞིང་ཆེན་འཐབ་ཕྱོགས་གཅིག་གྱུར་གྱི་འགན་འཛིན་རན་ཝན་ཞིང་ཟེར་བ་དེ་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པར་བསྐོས་ཡོད་འདུག
དེ་རིང་རྒྱ་ནག་གཞུང་འབྲེལ་བརྒྱུད་ལམ་ཁག་ཏུ་གནས་ཚུལ་སྤེལ་བ་ལྟར་ན། དེ་སྔའི་ཀན་སུའུ་ཞིང་ཆེན་གྱི་རྒྱུན་ལས་དང་འཐབ་ཕྱོགས་གཅིག་གྱུར་གྱི་འགན་འཛིན་རན་ཝན་ཞང་ཟེར་བ་དེ་རྒྱ་ནག་དབུས་འཐབ་ཕྱོགས་གཅིག་གྱུར་གྱི་བློན་ཆེན་གཞོན་པར་བསྐོ་བཞག་བྱས་ཡོད་འདུག་ལ། ཁོ་ནི་ ༡༩༦༣ ལོའི་ཟླ་ ༩ པར་ཀན་སུའུ་ཆིང་ཆེན་ཧེ་ཉིན་རྫོང་དུ་སྐྱེས་ཤིང་མི་རིགས་རྒྱ་རིགས་ཡིན་འདུག
རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གཙོ་བོ་དེ་ཏུའུ་ཆིང་ལིན་ཞེས་པ་ཁོ་ཡིན་ཞིང་། ཁོ་ནི་རྒྱ་ནག་དབུས་དྲུང་ཆེའི་སྡེ་ཁག་གི་དྲུང་ཆེ་དང་རྒྱལ་ཡོངས་སྲིད་གྲོས་ཀྱི་འགན་འཛིན་གཞོན་པ། རྒྱ་ནག་གི་སྤྱི་ཚོགས་དཔལ་འབྱོར་ལས་འཛིན་ལྷན་ཚོགས་ཀྱི་འགན་འཛིན་བཅས་ཡིན།
༢༠༡༢ ཟླ་ ༩ པའི་ནང་དེ་སྔའི་རྒྱ་ནག་གི་སྲིད་འཛིན་ཧུའུ་ཅིན་ཐའོ་ཡི་དྲུང་ཡིག་ལིན་ཅི་ཧྭ་དབུས་འཐབ་ཕྱོགས་གཅིག་གྱུར་གྱི་འགན་འཛིན་དུ་བསྐོ་བཞག་བྱས་ཡོད་ཀྱང་། ཁོ་ལ་ལྐོག་ཟ་རུལ་སུངས་ཀྱི་དོགས་གཞིའི་འོག་ ༢༠༡༤ ལོའི་ཟླ་ ༡༢ ཚེས་ ༢༢ ཉིན་རྒྱ་ནག་ཁྲིམས་ཁྲིམས་ཞིབ་བཤེར་ལྷན་ཁང་གིས་ཞིབ་བཤེར་བྱེད་བཞིན་ཡོད་པ་གསལ་བསྒྲགས་བྱས་ཡོད།
ཀྲུང་དབྱང་འཐབ་ཕྱོགས་གཅིག་གྱུར་ཁང་ཟེར་བ་དེ་ནི། རྒྱ་ནག་གི་གྲངས་ཉུང་མི་རིགས་ཁག་གི་གནད་དོན་ཐོག་འགན་འཁུར་མཁན་གྱི་ལས་ཁུངས་གཙོ་བོ་དེ་ཡིན་ལ། དེ་སྔའི་བོད་རྒྱའི་གནད་དོན་ཐོག་བོད་པའི་སྐུ་ཚབ་ཚོས་བཀའ་མོལ་གནང་ཡུལ་ཡང་ལས་ཁུངས་འདིའི་མི་སྣ་དག་ཡིན།
