དེ་རིང་སི་ཁྲོན་ཞིང་ཆེན་ལྷོ་ནུབ་ཁུལ་གྱི་གྲོང་ཁྱེར་ཁག་ཅིག་ནང་ཆུ་ལོག་རྒྱུག་སྟེ་ཉུང་མཐར་མི་ ༨ རྐྱེན་འདས་སུ་ཕྱིན་པ་དང་། རྒྱུ་དངོས་ལ་གནོད་སྐྱོན་ཆེན་པོ་ཐེབས་ཡོད་འདུག
ཟླ་འདིའི་ཕྱི་ཚེས་ ༡༥ ཉིན་ནས་བཟུང་སི་ཁྲོན་ཞིང་ཆེན་ལྷོ་ནུབ་ཁུལ་གྱི་གྲོང་ཁྱེར་དང་གྲོང་རྡལ་ཁག་ཅིག་ནང་བསྟུད་མར་དྲག་ཆར་བབས་པའི་རྐྱེན་གྱིས། ཆུ་ལོག་རྒྱུག་སྟེ་ཉུང་མཐར་མི་ ༨ རྐྱེན་འདས་སུ་ཕྱིན་པ་དང་། མི་ ༡༨ ལྷག་གར་སོང་ཆ་མེད་དུ་གྱུར་བ། དེ་བཞིན་ཉུང་མཐར་ཡང་ཡུལ་མི་ ༥༦༤,༠༠༠ ལྷག་གི་འཚོ་གནས་ལ་གོད་ཆག་ཚབས་ཆེན་ཐེབས་ཡོད་པ་དང་། ཆར་རླུང་དྲག་པོས་གློ་འདོན་ས་ཚིགས་དང་གཞུང་ལམ། སྡོད་ཁང་ ༣, ༨༠༠ ལྷག་ལ་གནོད་པ་དང་རྡིབ་སྐྱོན་བྱུང་ཡོད་འདུག
རྒྱ་ནག་དབུས་གནམ་གཤིས་བརྟག་དཔྱད་ཁང་གིས། དེ་རིང་ནས་བཟུང་སི་ཁྲོན་ཞིང་ཆེན་གྱི་ནུབ་རྒྱུད་མཐོ་སྒང་ས་ཁུལ་ཁག་ཏུ་ཆར་རླུང་ཆེན་པོ་འབྱུང་སྲིད་པ་མ་ཟད། འབྱུང་འགྱུར་གྱི་ཉིན་གཉིས་རིང་རྒྱ་ནག་གི་ཤར་ལྷོ་ཁུལ་དང་། ཨན་ཧི་དང་ཅིང་སུའུ་ཞིང་ཆེན། བོད་ཀྱི་ལྷོ་ཤར་ཁུལ། དེ་བཞིན་ཡུན་ནན་ཞིང་ཆེན་བཅས་སུ་ཆར་རླུང་གིས་གནོན་སྐྱོན་ཐེབས་སྲིད་པའི་ཉེན་བརྡ་བཏང་འདུག
