འདི་ལོའི་སྟོན་མཇུག་གི་སློབ་དུས་གསར་བ་མགོ་ཚུགས་པ་ནས་བཟུང་སློབ་གྲྭ་ཆུང་འབྲིང་གི་དགེ་རྒན་ཚོས་གླ་ཡོད་གསབ་ཁྲིད་མི་ཆོག་པ་གཏན་འབེབས་བྱས་འདུག
སི་ཁྲོན་ཞིང་ཆེན་གྱི་ཁོངས་གཏོགས་ཁྱིམ་བདག་དང་སློབ་གྲྭ་ཆུང་འབྲིང་གི་སློབ་མ་མང་པོས་ཞིང་ཆེན་པའི་སློབ་གསོ་ལས་ཁུངས་གི་གཙོས་འབྲེལ་ཡོད་ལས་ཁུངས་ཁག་ལ་སྙན་ཞུ་ཕུལ་བ་ལྟར། འདི་ལོའི་སྟོན་མཇུག་གི་སློབ་དུས་མགོ་ཚུགས་པ་ནས་བཟུང་སྟེ། ཞིང་ཆེན་ནང་ཁུལ་གྱི་སློབ་གྲྭ་ཆུང་འབྲིང་གི་ཕྱི་ནང་དུ་གླ་ཡོད་གསབ་ཁྲིད་གཏན་འགོག་བྱ་རྒྱུ་ཡིན་སྐོར་བསྒྲགས་འདུག
འདི་ལོའི་ཕྱི་ཟླ་ ༦ པའི་ཟླ་མཇུག་ཙམ་ལ་སི་ཁྲོན་ཞིང་ཆེན་གྱི་སློབ་གསོ་གཉེར་ཕྱོགས་ཐད་སྒྲིག་ཡིག་ཁག་ཅིག་གཏན་ལ་ཕབ་ཡོད་པ་དང་། སློབ་གསོའི་སྒྲིག་ཡིག་དེ་འདས་པའི་ལོ་རྒྱུས་ནང་བཀག་རྒྱ་དམ་ཤོས་སུ་ངོས་འཛིན་བྱེད་ཀྱི་ཡོད་པ་དང་། སྒྲིག་ཡིག་དེའི་ནང་མི་ཆོག་འགའ་གཏན་འབེབས་བྱས་པའི་ནང་། སློབ་གྲྭ་ཆུང་འབྲིང་གི་དགེ་རྒན་ཚོས་སློབ་ཐུན་སྐབས་སུ་སློབ་ཁྲིད་མི་བྱེད་པར་སློབ་ཐུན་གྲོལ་རྗེས་སློབ་ཁྲིད་བྱེད་པ་དང་། སློབ་གྲྭའི་ནང་དུ་སློབ་ཁྲིད་མི་བྱེད་པར་སློབ་གྲྭའི་ཕྱི་རོལ་དུ་སློབ་ཁྲིད་བྱེད་པ། དེ་བཞིན་སློབ་མ་ཚོར་བཙན་ཤེད་ཀྱིས་རིན་ཡོད་གསབ་ཁྲིད་ལ་ཞུགས་ཏུ་འཇུག་པ། དགེ་རྒན་དང་སློབ་ཕྱིའི་སྦྱོང་བརྡར་ལས་ཁུངས་མཉམ་འབྲེལ་མི་ཆོག་པ། དེ་བཞིན་སློབ་གྲྭ་ཁག་གི་ཞབས་ཞུའི་རླངས་འཁོར་ཁ་ལོ་བ་ཚོར་རྫོང་སྲིད་གཞུང་ནས་ཆོག་མཆན་དཔང་ཡིག་ཡོད་དགོས་པ་དང་། ལོ་རེར་རླངས་འཁོར་ལ་ཞིབ་བཤེར་ཐེངས་གཅིག་བྱེད་དགོས་པ་མ་ཟད། རླངས་འཁོར་གཏོང་སྐབས་བརྙན་ལེན་འཕྲུལ་ཆས་ཀྱི་ཁ་ཕྱེས་ཏེ་ངེས་པར་དུ་བེད་སྤྱོད་གཏོང་དགོས་སྐོར་བཀོད་འདུག
གོང་བརྗོད་སྒྲིག་ཡིག་དང་འགལ་ན་ཉེས་ཆད་གཅོད་རྒྱུ་ཡིན་པའི་སྐོར་ལ། གལ་སྲིད་གླ་ཡོད་གསབ་ཁྲིད་མི་ཆོག་པའི་གཏན་འབེབས་སྒྲིག་ཡིག་ཁག་དང་འགལ་ཚེ། ཁུལ་དང་རྫོང་རིམ་པའི་སློ་གསོ་སྲིད་འཛིན་སྡེ་ཁག་སོ་སོ་ནས་དགེ་རྒན་ཚོར་དུས་ཐོག་ཉེས་ཆད་གཅོད་པའམ་ལས་གནས་ཕྱིར་འཐེན་བྱེད་པ། དགེ་རྒན་གྱི་ཀུན་སྤྱོད་དང་ཚབས་ཆེར་འགལ་བའི་རིགས་ལ་ལྟ་རྟོག་ནན་མོ་བྱས་ཏེ་རྒོལ་རྡུང་གཏོང་རྒྱུ་ཡིན། ཞེས་བཀོད་འདུག
གསར་འགྱུར་འདི་དོན་དག་ཡག་པོ་ཞིག་ཏུ་མཐོང་སོང་།
རྒྱ་རོ་དེ་ཚོ་ཡིན་ན