སྤྱི་ཚོགས་ནང་ད་ལྟའི་བཀའ་བློན་རྣམ་པ་རིམ་བཞིན་རྩ་དགོངས་ཞུ་མཁན་ཡིན་ལུགས་དང་། དེའང་རྩ་དགོངས་གཉིས་པ་ནང་སྲིད་བཀའ་བློན་ནས་ཞུ་རྒྱུ་ཡིན་ལུགས་བཞིན་ཡོད་པ་དེ་བདེན་པ་མ་རེད་ཟེར།
ཁ་སང་ཕྱི་ཚེས་ ༣ ཉིན་བོད་མིའི་སྒྲིག་འཛུགས་ནང་སྲིད་བཀའ་བློན་རྒྱ་རི་སྒྲོལ་མ་མཆོག་གིས་གསལ་བསྒྲགས་ཤིག་སྤེལ་བའི་ནང་། “ཉེ་ལམ་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་ལས་གནས་ནས་གློ་བུར་རྩ་དགོངས་ཞུས་པའི་གནས་ཚུལ་ལས་འཕྲོས་ཏེ། སྤྱི་ཚོགས་ནང་ད་ལྟའི་བཀའ་བློན་རྣམ་པ་རིམ་བཞིན་རྩ་དགོངས་ཞུ་མཁན་ཡིན་ལུགས་དང་། དེའང་རྩ་དགོངས་དང་པོ་ནང་སྲིད་བཀའ་བློན་ནས་ཞུ་རྒྱུ་ཡིན་ལུགས་ཀྱི་ཁུངས་མེད་འཆལ་གཏམ་ཞིག་གང་སར་སྤེལ་བཞིན་པ་མ་ཟད། བློ་འཚབ་གནང་མཁན་ཕྱོགས་མཐའ་མང་ཚོགས་མང་དག་ཞིག་ནས་འདྲི་བརྩད་ཁ་པར་འབྱོར་བཞིན་འདུག་པར་བརྟེན་གསལ་བཤད་ཞུ་རྒྱུར།
གུས་མོ་ཕྱི་ལོ་ ༢༠༡༡ ལོར་དཔལ་ལྡན་སྲིད་སྐྱོང་མཆོག་གིས་བཀའ་བློན་གྱི་འོས་ཁོངས་སུ་མིང་འདོད་གནང་བ་ལྟར་གྲོས་ཚོགས་སུ་སྤྱི་མོས་བྱུང་སྟེ་ལོ་བཞི་ལྷག་གི་རང་ནང་སྲིད་བཀའ་བློན་གྱི་ལས་གནས་ཐོག་བོད་སྤྱི་པར་ཞབས་འདེགས་ཞུ་རྒྱུའི་གོ་སྐབས་བྱུང་བ་ནི་སོ་སོའི་མི་ཚེའི་ལོ་རྒྱུས་ནང་གི་གཟི་བརྗིད་དང་རིན་ཐང་ཆེ་ཤོས་ཀྱི་ལེ་ཚན་ཞིག་ལ་ངོས་འཛིན་ཞུས་ཀྱི་ཡོད་ལ། ད་དུང་ཡིན་ནའང་ཐོག་མའི་བཀའ་བློན་གྱི་འགན་ཁུར་ཞུས་སྐབས་སུ་དམ་བཅའ་གང་ཕུལ་ཡོད་པར་འགྱུར་བ་སྤུ་ཙམ་མེད་པར་དཔལ་ལྡན་སྲིད་སྐྱོང་མཆོག་གི་དབུ་འཁྲིད་པས་བཀའ་ཤག་འདིའི་ལས་ཡུལ་ཁྲིམས་སྒྲིག་ལྟར་མ་རྫོགས་ཀྱི་བར་དུ་ལས་འགན་ཆ་ཚང་མུ་མཐུད་ལྷག་བསམ་རྣམ་དག་ཞུ་རྒྱུ་ཡིན་པས། མང་ཚོགས་ཐུགས་ཁྲལ་རྩ་ནས་མི་དགོས་ཞུ་རྒྱུའི་གསལ་བསྒྲགས” ཞེད་འཁོད་འདུག
གསར་འགོད་པ། པདྨ་རྒྱལ།
དགོདས་པ་ཞུ་ཀྱང་གནང་རོགས་་ ད་ལྟའི་གཞུངས་འདི་རྙོག་ཁྲ་ཀྱང་ཀྱང་རེད་ གོ་སྐབས་གཞན་ཞིག་རྒྱུད་ནས་བོད་གཞུངས་ལ་ཞབས་ཞུ་གནང་རོགས་
ལས་ཡུན་རྫོགས་ན་དགོངས་མ་ཞུ་དཀའ་མེད་རེད་ལགས