ས་ཡ་གཅིག་དང་ཕྱེད་ཀའི་རུལ་སུངས་ཐེར་འདོན།

ད་ཐེངས་ང་ཚོ་བཙན་བྱོལ་བོད་མིའི་སྒྲིག་འཛུགས་ཀྱི་བྱ་སྤུ་གནོན་ཟེར་བ་འདིའི་གླེང་ཀ་ཡོང་གཞི་ནི། དང་པོ་ཨ་དོན་ཟུར་པ་སྐལ་རྡོར་དོན་གཅོད་སྐབས་TCDFབོད་མིའི་སྤྱི་ཚོགས་ཡར་རྒྱས་ཐེབས་རྩ་ཞེས་པ་གཞུང་འབྲེལ་མིན་པའི་ཚོགས་པ་NGOཞིག་བཙུགས། འགན་འཛིན་ལྷན་ཚོགས་ཀྱི་ཚོགས་གཙོར་དེ་དུས་ཀྱི་ཨ་དོན་སྐལ་རྡོར་ཡོད། དེའི་མོང་ཐོག་ཨ་གཞུང་ནས་རོགས་དངུལ་འབོར་ཆེན་ཞིག་བླངས་ཡོད་པ་དེ་ཡིན་འདུག་སྙམ། ཚོགས་པ་དེ་སྲིད་སྐྱོང་བློ་སངས་དང་སྐལ་རྡོར་གྱིས་ཨ་དོན་སྤེན་ཚེ་ལ་རྩིས་སྤྲོད་བྱ་རྒྱུ་ཕར་བཞག སྤེན་ཚེ་འགན་འཛིན་ལྷན་ཚོགས་སུ་འཇུག་རྒྱུ་དེ་བས་ཀྱང་བྱས་མེད་ཁར། དོན་གཅོད་སྤེན་ཚེ་ལ་ཐེ་བྱུས་ཡེ་ནས་མེད་པར་བཟོ་རྩིས་བྱས་ཡོད། ཚོགས་པ་དེ་ད་ལྟ་ཡང་སྐལ་རྡོར་ཚང་རང་ལ་བཅོལ་ནས་ཡོད། ད་དུང་། བློ་སངས་ཀྱིས་ཚོགས་པ་འདིའི་མ་འོངས་འཛིན་སྐྱོང་ནང་དོན་གཅོད་རིམ་པ་སུ་ཞིག་ཕེབས་ནའང་། ཚོགས་པ་དེར་ཐ་ན། འགན་འཛིན་ལྷན་ཚོགས་ཀྱི་ཚོགས་མི་ཞིག་གི་མཚན་ཐོག་ཙམ་གྱི་གནས་བབ་མི་སྤྲོད་རྒྱུ་དང་། བོད་མིའི་སྒྲིག་འཛུགས་དང་ཨ་དོན་གཉིས་ཀ་ལ་བྱུས་གཏོགས་མེད་པ་བཟོས་ཏེ་རིམ་པས་སྒེར་བདག་ཅན་དུ་འགྱུར་འཆར་ཡོད་པར་སྤེན་ཚེས་མཐོང་ནས། སྤེན་ཚེས་འདྲི་བརྩད་བྱས་པ་ལ། བློ་སངས་ཀྱིས་སྤེན་ཚེར་གསལ་བཤད་དྲང་པོ་ཞིག་བྱེད་རྒྱུ་ཕར་བཞག བློ་སངས་འདྲོགས་ཐག་ཆོད་ནས་བཀའ་ཤག་གི་དབང་ཚད་བེད་སྤྱོད་ལོག་པར་བཏང་འདུག ལས་དོན་ཚང་མ་དེ་ནས་འཁྲུགས་སོང་འདུག ཨ་ཁ་དེ་དུས་བློ་སངས་ཀྱི་བྱེད་སྟངས་ལ། སུས་བལྟས་ཀྱང་། བློ་སེང་གིས་གཏན་གཏན་ངོ་མ་རང་རང་དོན་ཁོག་བཅུག་གི་བྱུས་ངན་ཞིག་བཤམས་ཡོད་པ་དེ་གསལ་པོར་མཐོང་ཐུབ་པ་མི་འདུག་གམ། བློ་སངས་ཀྱིས་རྫུན་རྐུབ་ཕྱི་ལ་བརྡོལ་འགོ་དེ་ནས་བརྩམས་འདུག་པ་མཐོང་ཐུབ། ད་ལྟ་ནི། NGOཚོགས་པ་དེ། ཕྱོགས་གཅིག་ནས། སྐལ་རྡོར་ཚང་ལ་ཨ་རིའི་ཁྲིམས་མཐུན་ལྟར་བལྟས་ན། སྐལ་རྡོར་ལ་བདག་དབང་ཆ་ཚང་ཡོད་པ། ཡང་། བོད་མིའི་སྒྲིག་འཛུགས་ངོས་ནས་བལྟས་ན། སྐལ་རྡོར་ལ་དབང་ཚད་ཚ་ཚང་བ་ཞིག་ཡོད་ལ་མེད་ལ་བྱས་ནས་བཅོལ་ཡོད། འོ་ཡ། གང་ལྟར་རིམ་པས་སྤེན་ཚེ་ལ་གཞི་ནས་དེས་རྐྱེན་པས་བྱ་སྤུ་གནོན་མ་བྱས་པའི་སྐྱོན་འཛུགས་འོག་གནས་དབྱུང་བཏང་བྱུས་བཤམས་པ་ཞིག་ཀྱང་རེད་འདུག ཡ་ཡ། ད་ཆ་ཡང་། བློ་སངས་ཀྱིས་དངོས་གྲུབ་ཚེ་རིང་རྫུན་བྱུས་དེ་སྤས་བསྐུང་ཆེད་ཨ་དོན་དུ་བསྐོ་གཞག་བྱས། རིང་མིན་བློ་སངས་ཁོ་པ་རང་ལ་བདེན་པ་ཡོད་མདོག་སྟོན་ཆེད་NGO དེའི་འགན་འཛིན་ལྷན་ཚོགས་ནང་དངོས་གྲུབ་ཚེ་རིང་ད་བར་མེད་ཀྱང་ད་གཞི་ནས་དོན་གཅོད་མིང་ཐོག་ནས་མགྱོགས་པོ་འཇོག་རྒྱུར་ཚོད་དཔག་བྱ་གིན་ཡོད་བཟོ་ཡང་འདུག དེ་ལ་ཡང་རྫུན་རྐུབ་ཞིག་ཡོད་པའི་དྲི་ངན་ལོས་ཚོར་ཐུབ། ཧ་ཧ། མ་གཞི་ང་ཚོའི་སྤྱི་ཚོགས་ནང་འདི་དང་འདི་འདྲའི་གཞུང་འབྲེལ་ཡིན་ལ་མིན་ལ་ཡི་གཟུགས་ཤེས་གང་ཡང་མིན་པའི་ལྡན་མི་འདུ་བྱེད་ཀྱི་སྒེར་སྤྱོད་ཚོགས་པ་ཆེ་ཆུང་འདྲ་མིན་མང་པོ་སྔར་ནས་བྱུང་ཡོད་ལ་ད་ལྟའང་མཐོང་རྒྱུ་ཡོད། མདོ་དོན་ཡང་སྙིང་། ས་གནས་ཨ་གཞུང་གི་NGOའགྲོ་ལུགས་བོད་མི་སྤྱི་དམངས་ཚོས་ཅི་ལ་ཤེས། དེས་ན། བོད་མི་ཚོས་གསལ་པོར་མཁྱེན་དགོས་པ་ཞིག་ནི། བློ་སངས་དང་སྐལ་རྡོར་གཉིས་ཀྱིས་TCDFའདི་འཕྲལ་ཕུགས་གཉིས་ཀར་བོད་མིའི་སྒྲིག་འཛུགས་དང་དོན་གཅོད་ཟེར་བ་ལ་བྱུས་གཏོགས་ཏིལ་འབྲུ་ཙམ་ཡང་མེད་པ་བཟོས་འཆར་ཡིན་པ་དང་། རིམ་པས་བློ་སངས་སྲིད་སྐྱོང་གི་ལས་འཁུར་འཁྱུར་ཟིན་མཚམས་སུ་ཁོ་པ་དང་གྲོགས་པོ་སྐལ་རྡོར་སོགས་མི་འགས་སྒེར་དབང་སྤྱོད་པའི་སྤྱི་རྟ་སྒལ་རལ་ལ་དམིགས་ཏེ་བསྐྲུན་ཡོད་པར་སྤེན་ཚེས་མགོ་ཚོད་ཡོད་འདུག ཡ་ཡ། ད་མ་འོངས་པར་ལྟད་མོ་བཟང་ངན་གང་ཡོང་ངོ་མ་ལོ་ཤས་རྗེས་ནས་མ་གཏོགས་མཐོང་མི་ཡོང་། སྤྱི་དོན་ལ་འགན་ངོ་མ་ལེན་འདོད་ན། TCDFཚོགས་པ་འདི་ཨ་རིའི་བོད་མིའི་སྤྱི་དོན་ཚོགས་པ་ཚོར་ཁྲིམས་མཐུན་འགན་འཁུར་དང་ཐེ་གཏོགས་གང་ལ་གང་འཚམས་ཤིག་བྱེད་རྒྱུ་ཡོད་པ་ཞིག་བཟོ་ཐུབ་ན་སྤྱི་རྒྱུ་སྒེར་བདག་ཏུ་མི་འགྲོ་བར་འགོག་བསྲུང་གནང་ཐུབ་ངེས་རེད། མདོར་ན། ད་ཐེངས་ཀྱི་བྱ་སྤུ་གནོན་ཟེར་ནའང་འདྲ། ཨ་དོན་འཕོ་འགྱུར་གྱི་གནད་དོན་ཟེར་ནའང་འདྲ། ཨ་སྒོར་ས་ཡ་གཅིག་དང་ཕྱེང་ཀའི་དོན་རྐྱེན་ཟེར་ནའང་འདྲ། དོན་ངོ་མའི་རྩོད་གཞི་ནི། ཨ་ན་མན་ན། སྐྱབས་དཀོན་མཆོག་གསུམ། ༧རྒྱལ་བ་རིན་པོ་ཆེ་མཁྱེན། བོད་རིགས་སྤུན་ཟླ་ཚོ། བོད་མིའི་རྩ་དོན་ནི་མ་རེད་ལགས། རང་བཙན་དང་ལམ་དབུ་མའི་སྲིད་ཇུས་ཀྱི་རྩོད་པ་ནི་དེ་བས་ཀྱང་མ་རེད། གནད་དོན་ངོ་མ་དེ་NGOའདིའི་འཕྲལ་ཕུགས་ཀྱི་གཉེར་སྐྱོང་བྱེད་སྟངས་དང་། རོགས་དངུལ་གར་འགྲོ་གང་བྱེད་དང་། སྤྱི་རྒྱུ་སྒེར་བདག་འགྲོ་ཉེན་ཡོད་པའི་བྱི་རིལ་མངར་སྐྱུར་གཉིས་ལྡན་ཕན་གནོད་གཉིས་ལྡན་ ༢༠༡༧ ལོར་སྲིད་སྐྱོང་བློ་སངས་ཀྱིས་གཡོས་སྦྱོར་བྱས་པ་དེ་རང་རེད་འདུག ཆོལ་གསུམ་བོད་མིའི་ཆིག་སྒྲིལ་ནི་འཐོར་ལ་ཉེ་བས་ ༢༠༡༨ ནས་ག་ལེར་ཅིག་གསོ་བར་སྨོན།། །།

ཉེ་བའི་ཆར་བྱང་ཨ་རིའི་སྐུ་ཚབ་དོན་གཅོད་འཕོ་འགྱུར་གྱི་ཐད་ལ་མི་མང་ཁག་ཁ་ཤས་ཤིག་ནས་བོད་གཞུང་བཀའ་ཤག་གིས་བཙན་བྱོལ་བོད་མིའི་བཅའ་ཁྲིམས་དང་མཐུན་པའི་མང་མོས་ཐག་གཅོད་གནང་བར་དེར་མི་འདོད་པ་དང་དྲན་ལྡན་མིན་པའི་རྣམ་འགྱུར་གྱིས་ལས་འགུལ་བརྩམ་བཞིན་འདུག་པས་དེ་ནི་ཧ་ཅང་བློ་ཕམ་གནས་ཚུལ་ཞིག་རེད། སྤྱིར་བཏང་སྒྲིགས་འཛུགས་གཅིག་གི་ནང་ལས་བྱེད་འཕོ་འགྱུར་ཕྱིན་པ་དང་བཏང་བ་དེ་སྒྲིགས་འཛུགས་དེའི་འགྲོ་ལུགས་ཤིག་ཡིན་པ་ཤེས་དགོས་པ་ཧ་ཅང་གལ་འགངས་ཆེན་པོ་རེད། བཙན་བྱོལ་བོད་གཞུང་ནི་བོད་མི་མང་གི་ཆེད་དུ་མངགས་ནས་བཙུགས་པ་ཞིག་དང་དེ་དག་གི་ལས་གཙོ་རྣམ་པ་ནི་མི་མང་ནས་མང་གཙོའི་ལམ་ལུགས་ཀྱི་ཐོག་ནས་འོས་བསྡུའི་བྱས་ནས་མང་མོས་འོས་འདེམས་བྱུང་བའི་མི་སྣ་དང་མ་ཟད་ལྷག་པར་དུ་༧གོང་ས་མཆོག་གི་ཐུགས་བློ་གནང་སའི་གང་ཟག་ཞིག་ཡིན་པས་དུས་རྟག་ཏུ་ང་ཚོ་བོད་རིགས་སྤུན་ཟླ་ཚོས་གུས་བརྩི་དང་རྒྱབ་སྐྱོར་དེ་བཞིན་བཀའ་མོལ་སོགས་ཡག་པོ་གནང་དགོས་པ་ཧ་ཅང་གལ་འགངས་ཆེན་པོ་ཞིག་རེད་སྙམ། ང་ཚོའི་འགོ་ཁྲིད་ལ་ང་ཚོས་བརྩི་མཐོང་དང་གུས་བརྩི་མ་ཞུས་ན་རྒྱལ་ཁབ་གཞན་གྱི་མི་ཚོས་ཞུ་གི་རེད་དམ། དེས་ནས། མ་འོངས་པར་བོད་རིགས་སྤུན་ཟླ་རྣམས་ནས་ཆོལ་ཁ་ཆོས་ལུགས་དང་སྤུན་གཉེན་ཚན་སོགས་ལ་ཆོག་ཞེན་མ་གནང་བར་བདེན་པ་དང་དྲང་བདེན་ལ་རྒྱལ་སྐྱོར་གནང་ན་ང་ཚོའི་རེ་བ་དེ་དེ་ནས་བསྒྲུབ་ཀྱི་རེད་བསམ་པའི་ཡིད་ཆེས་དང་རེ་བ་བྱེད་བཞིན་ཡོད།

ཁྱེད་ཚོས་སྐད་ཆ་ག་རེ་བཤད་ཀྱི་ཡོད། ལས་བྱེད་པ་འཕོ་འགྱུར་གཏོང་བ་སྤྱིར་བཏང་གི་གནས་ཚུལ་ཞིག་ལ་ཁྱེད་ཚོ་དེ་འདྲའི་ནད་མི་ཁྱགས་པའི་རྒྱུ་མཚན་ངོ་མ་ག་རེ་ལ་ཐུག་པ་ཡིན། ལས་ཀྱི་སྣེ་མོ་བས་ག་རེ་བྱེད་ཀྱི་ཡོད་མེད་ལ་དོ་སྣང་བྱེད་དགོས་ཟེར་བ་བདེན་པ་རེད། འོན་ཀྱང་དོ་སྣང་བྱེད་སྟངས་དེ་མིག་དང་རྣ་བ་གཉིས་ཀ་བེད་སྤྱོད་བཏང་ནས་ཕྱོགས་ཚང་མར་བལྟ་དགོས་པ་མ་གཏོགས་སོ་སོས་སྣང་བ་མི་འགྲོ་ས་དེར་སྐྱོན་ག་རེ་འདུག་བལྟས་ནས་བསྒུག་བསྡད་པ་ལ་ཟེར་གྱི་མ་རེད། བཀའ་ཤག་གིས་ཐག་གཅོད་ལ་དོ་བདག་སྤེན་ཚེས་ངོས་ལེན་ཡོད་ན་ཁྱོད་ཚོ་ལ་མི་འགྲིག་པའི་རྒྱུ་མཚན་ག་རེ་ཡིན། སྤྱི་ཚོགས་བབ་བརླིང་བརྟན་གསུམ་ཡོང་མི་འཇུག་མཁན་སྤེན་ཚེའི་རྒྱབ་སྐྱོར་བྱེད་མཁན་གྱི་སྔ་བསམ་ཕྱི་གཏོང་གང་ཡང་མི་ཤེས་མཁན་ཁྱེད་ཚོ་རེད། བཀའ་ཤག་གིས་གསལ་བཤད་མི་གནང་བའི་རྒྱུ་མཚན་ཕྱོགས་གཅིག་ནས་འོས་བསྡུའི་རྩོད་གླེང་གི་ཐོག་ནས་བསླབ་བྱ་བླངས་ཏེ་༧རྒྱལ་བའི་དགོངས་པ་དཀྲུག་དོགས་ཀྱིས་ཡིན་པ་དང་། གཉིས་ནས་ད་བར་བོད་པའི་སྤྱི་ཚོགས་ནང་མི་རྣ་གང་འཚམས་ཡོད་པའི་སྤེན་པ་ཚེ་རིང་ལ་མིང་ཆད་ངན་པ་མི་ཡོང་ཆེད་དགོངས་བཞེད་གནང་བ་ཞིག་རེད། ཡིན་ནའང་ཁྱེད་ཚོས་མཐའ་གཅིག་ཏུ་གསལ་བཤད་དགོས་ཞེས་བཀའ་ཤག་དང་དགའ་ལྡན་ཕོ་བྲང་ལ་ངོ་རྒོལ་བྱས་པ་ཡིན་ན་མཐའ་མ་གསལ་བཤད་གནང་དགོས་ཆགས་ཀྱི་རེད། དེ་དུས་མིང་ཆད་ངན་པའི་གྱོང་གུད་སྤེན་པ་ཚེ་རིང་ལ་ཡོང་རྒྱུ་མ་གཏོགས་ཁྱེད་ཚོ་མི་གཅིག་གིས་དེའི་འགན་ཁྱེར་གྱི་མ་རེད་ལ་ཁྱེར་བསམ་ཡང་ཁྱེར་ཐབས་མེད། དེ་ངེས་པར་བསམ་བློ་གཏོང་ཤེས་དགོས

འདི་ཚེས་སུམ་བཅུའི་རྗེས་ལ་བྱ་ཕོ་བྱ་ཡིན་ན་སྐད་ཅིག་རྒྱག་གི་རེད་བྱ་མོ་བྱ་ཡིན་ན་གོ་ང་བཏང་གི་རེད་།

༄༅། གསལ་བཤད་བྱེད་དགོས་བརྗོད་ནས་། རྗིག་མདོག་ཁ་བོ་བཤད་སོང།
མཐའ་མ་བཀའ་ཤག་ལྟན་ནས་། ཕྱི་གསལ་ནང་གསལ་བཤད་སོང།
ད་ནི་རྗིག་མདོག་པ་ཚོ་། ག་རེ་ཤོད་རྒྱུ་ཡོད་དམ།

ད་སྲིད་སྐྱོང་མཆོག་གིས་ཁེ་ན་ཌར་གསལ་བཤད་ཡག་ཐག་ཆོད་གནང་ཡོད་པས་ཨ་ཇོའི་ཁ་ལ་མཛུབ་མོ་བཅུག་ནས་སྡོད་ཨ་་་་་། ཧཧཧ།

ཨ་ཇོ་བསོད་ནམས་སྟོབས་རྒྱལ།
གསལ་ལེ་རྒྱལ།

ཕོ་བྲང་ཕྱོགས་ལས་རྣམ་རྒྱལ།།
བོད་གཞུང་སེང་གེ་རང་རྒྱལ།།
བུ་ལོན་མཚན་གནས་རྗེས་འབྲེལ།།
ཁ་གསལ་གཏིང་གསལ་ཨེ་རེད།།
ཨ་ཇོ་བསོད་ནམས་སྟོབས་རྒྱལ།

ཨ་ཅག་རྒྱ་རི་སྒྲོལ་མས།།
ཉལ་ཆས་མར་ལ་བཏང་རྗེས།།
ཡར་སྣེ་རྡ་རམ་ས་ལར།།
ཁ་བ་མང་པོ་བབས་སམ།།
ཨ་ཇོ་བསོད་ནམས་སྟོབས་རྒྱལ།

ཨ་ཇོ་དངོས་གྲུབ་ཚེ་རིང་།།
ཇག་ལ་ལམ་འཇུག་བྱས་རྗེས།།
ཇག་རྟ་རྐུ་ལ་ཤོར་བས།།
རྐང་ཚེགས་དཀའ་ལས་མྱང་ངམ།།
ཨ་ཇོ་བསོད་ནམས་སྟོབས་རྒྱལ།།

ཨ་ཇོ་བློ་བཟང་སེངྒེས།།
ཨ་སྒོར་བུ་ལོན་བསགས་ནས།།
ས་ཡ་གཅིག་དང་ཕྱེད་ཀ།
ས་མཚམས་གང་ལ་བསྐྱལ་འདུག།
ཨ་ཇོ་བསོད་ནམས་སྟོབས་རྒྱལ།།

ཨ་ཇོ་སྤེན་པ་ཚེ་རིང་།།
སྲིད་རྩིས་དངུལ་རྩིས་ནོར་ཏེ།།
ཁ་རུ་ཁ་ཐུག་བྱས་ནས།།
ཁ་ཕོར་གང་ལ་བསྐྱལ་སོང་།།
ཨ་ཇོ་བསོད་ནམས་སྟོབས་རྒྱལ།།

༡༥/༡༡/༢༠༡༧ ཕ་རེ་སི་ནས།

གད་སྙིག་སྤུང་སའི་གསར་ཤོག་འདི་ལ་ཞེན་པ་གཏིང་ནས་ལོག་སོང་།

རྩོམ་ཡིག་སྤེལ་པ་ཡིན་ན་ཆ་ཚང་མཁྱེན་པའི་ཐོག་ནས་འབྲི་ན་ཕན་ཐོགས་ཡོད་ངེས་སོང་།དེ་མིན་སྐ་བས་འཚོལ་རིང་ལུགས་ཀྱི་གང་དྲན་འབྲི་པ་ཡིན་ན་སྤྱི་ཚོགས་ཕན་ལས་གནོད་ཆེ་བས་དེ་དོན་དགོངས་འཇགས་ཞུ།

ས་ཡ་གཅིག་དང་ཕྱེད་ཀའི་རུལ་སུངས་་་ཧ་ཧ་ཧ་་ད་ལྟས་མོ་ཡོང

༄༅། ཨ་ཇོ་བསོད་སྟོབས་ལགས།

རུལ་སོངས་ས་ཡ་གཅིག་དང་ཕྱེད་ཀ་ཞེས་བྲིས་འདུག་པར་ཁུངས་འཕེར་ར་འཕྲོད་གནང་རྒྱུ་ཡོད་དམ་མེད།
ཡོད་ན་གསལ་པོ་དྲ་ཐོག་ཏུ་བྲིས། དེ་མིན་ཀ་དང་ཁའི་ཕྱོགས་སོ་སོའི་རྒྱབ་ལྗོངས་སྐད་ཆ་ཕྱི་གསལ་ནང་གསལ་མ་ཤེས་ཤེས་མདོག་དང གང་ཐོས་པ་དང་ཀློག་པ་མཉམ་སྦྱོར་གྱི་འགན་མེད་པའི་དཀྲོགས་གཏམ་དང་སྨྱོན་གཏམ་མ་བྲིས་རོགས་གནང་།།

བོད་མི་ཞིད་ནས།

ད་ཡང་བོད་མིའི་སྒྲིག་འཛུགས་ཀྱི་མཐོ་རིམ་ཡོངས་འཛིན་རྣམ་པ་ལང་ཡོང་གི་ཡོད་པ་འདྲ། སྤྱིར་བཏང་རྩོམ་རྙོག་ཅིག་ཡིན་ཕྱིན་སྤྱི་ཚོགས་དཀྲུག་རྒྱུ་ལས་ལྷག་པའི་ནུས་པ་ལྷག་པོ་གང་ཡང་མེད་ཀྱང་། སྤྱི་ཚོགས་དཔྱད་བརྗོད་ཚད་ལྡན་ཞིག་ཡིན་ན་དེ་ལ་སྤྱི་ཚོགས་འཁྲིད་སྟོན་གྱི་དམིགས་བསལ་ནུས་པ་ཡོད་སྙམ། རུལ་སུངས་ཐེར་འདོན་བྱེད་སྟངས་བཤད་དུས་ངས་ཀྱང་ཉེ་ཆར་བྱུང་བའི་གནས་ཚུལ་གཅིག་དྲན་སོང་། ཀླུ་མཁར་བྱམས་ཀྱིས་ལྔ་དང་ལྔ་བཅུའི་ཚོགས་འདུར་རང་བཙན་འཐབ་རྩོད་པ་འགའ་ཤས་ཕྱིན་ཡོད་ཅིང་དེ་ཚོ་ཡག་པོ་མིན་སྐོར་བཤད་ནས་བསྟན་འཛིན་རྡོ་རྗེ་དང་། བསྟན་འཛིན་ལྷག་སྒྲོན་གྱི་མིང་ཐེར་འདོན་བྱས་ཡོད་ཀྱང་བསྟན་འཛིན་བརྩོན་འགྲུས་ཀྱི་མིང་སྦས་པ་དེ་ཡང་རང་བཙན་འཐབ་རྩོད་པའི་དཀར་ནག་གི་རུལ་སུངས་མིན་ནམ་དྲན་བྱུང་། ཧ་ཧ་ཧ།

༄༄།། །དཔལ་ལྡན་སྲིད་སྐྱོང་དབུ་པའི་བཀའ་ཤག་ལྷན་རྶྱས་དང་དཔལ་ལྡན་ཚོགས་ཟུར་ཨ་རི་སྐུ་ཚབ་དོན་གཅོད་ལས་ཐོ་ལྷན་རྒྱས་དྲུང་དུ།

གུས་པའི་གསོལ་འདེབས་ཞུ་རྒྱུ།

བོད་མི་འཆི་གསོན་གཉིས་ཀྱི་ས་མཚམས་སུ་སླེ་པའི་དུས་དེར་དགྲ་ཕྱོགས་ནས་བདེ་སྤྱོད་མ་ཡོང་བའི་ཆེད་དུ་གནས་ཚུལ་བཟང་ངན་ཇི་ཡིན་ཕྱི་གསལ་ནང་གསལ་བཟོ་གནང་ཅི་ནས་ཡོང་བ་ལག་གཉིས་ཐལ་མོ་སྦྱར་ནས་ཞུ་བཞིན་ཡོད། གུས་པ་རང་ཉིད་བོད་མི་ཡིན་པའི་ཆ་ནས་གསོལ་འདེབས་ཞུ་གི་ཡོད། དེ་མེད་ན་རང་ཉིད་དཔལ་ལྡན་སྲིད་སྐྱོང་དབུ་པའི་བཀའ་ཤག་ལྷན་རྒྱས་ལ་ཡིད་ཆད་ཡོང་ས་མ་རེད་ཞུ་རྒྱུ་ཡིན་ལགས། དགོང་འགལ་མེད་པ་ཞུ།། མཐུན་བཞི་ཚང་ནས་ཕུལ།

ཡག་པོ་བྲིས་འདུག

འདི་འདྲའི་སྒོར་མོ་མང་པོ་ཞིག་གི་གནས་དོན་ཡིན་ན་ངེས་པར་དུ་མི་མང་ལ་གསལ་བཤད་མཐིལ་ཕྱིན་པ་བྱ་དགོས་ཡོད།
ཡང་མིན་ན་སྒོར་མོའི་གནད་དོན་མིན་པར་སྤེན་ཚེར་ནག་ཉེས་ཡོད་ཚེ། ནག་ཉེས་གང་ཡོད་མཐིལ་འདོན་བྱ་དགོས་ཡོད།

གང་ལྟར་ད་ཐེངས་གནས་ཚུལ་གསལ་པོ་མ་བཟོས་ན་རྡ་རམ་ས་ལར་ཞུ་གཏུགས་རྒྱག་པར་ཡོང་གི་ཡིན།

བདེན་པའི་ཟུར་ཙམ་ཡང་མི་འདུག་

ཨ་སྒོར་མང་པོ་དེ་འདྲའི་སྙོགས་ཁྲ་ཡིན་ན་མི་མང་གཉིད་ཁུག་ནས་སྡོད་ཐབས་ཨ་ཡོད་།