མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

གཞོན་སྐྱེས་ཚོས་ལྷ་མོའི་སྒྱུ་རྩལ་རིག་གཞུང་སྲུང་སྐྱོབ་བྱ་རྒྱུ་གལ་ཆེན་པོ་རེད།

བོད་ཀྱི་དུས་བབ།
༢༠༡༨/༠༤/༢༠
Share on FacebookShare on TwitterShare on EmailShare on Whatsapp

སྲིད་སྐྱོང་མཆོག་གིས་རྒྱ་ནག་གཞུང་ནས་བོད་ཀྱི་རིག་གཞུང་གཏོར་བཤིག་གཏོང་ཐབས་སུ་ཐབས་ཤེས་འདྲ་མིན་བྱེད་ཀྱིན་ཡོད་པས་སྐབས་ ༡༥ པའི་བཀའ་ཤག་ནས་ལྷ་མོའི་སྒྱུ་རྩལ་རིག་གཞུང་གཙོའི་བོད་ཀྱི་རིག་གཞུང་སྲུང་སྐྱོབ་སྔར་ལྷག་གནང་རྒྱུ་ཡིན་སྐོར་གསུངས་སོང་།དེ་རིང་སྔ་དྲོའི་ཆུ་ཚོད་ ༩ སྟེང་བོད་ཀྱི་ཟློས་གར་ཁང་གི་རྩེད་ཐང་དུ། དུས་རབས་ ༡༤ བའི་ནང་ཐང་སྟོང་རྒྱལ་པོས་གསར་གཏོད་མཛད་གནང་བ་དང་ཕྱི་ལོ་ ༡༩༩༣ ལོར་ཐོག་མར་བཙན་བྱོལ་དུ་མགོ་འཛུགས་གནང་བའི་བོད་ཀྱི་ལྷ་མོའི་འཁྲབ་གཞུང་གི་ཡོངས་གྲགས་དུས་ཆེན་བོད་ཀྱི་ཞོ་སྟོན་རྒྱས་པ་ཐེངས་ ༢༣ པ་མགོ་འཛུགས་གནང་སྟེ། ཕྱི་ཚེས་ ༢༥ བར་བོད་མི་འདུས་སྡོད་ཀྱི་ས་གནས་ཁག་ ༡༡ ནང་ལྷ་མོའི་འཁྲབ་གཞུང་ཚན་པ་ཁག་ ༡༢ ནས་བོད་ཀྱི་རྣམ་ཐར་ཆེན་པོ་བརྒྱད་ཚུད་པའི་འཁྲབ་སྟོན་བྱེད་བཞིན་ཡོད་པ་དང་། ཞོ་སྟོན་དུས་ཆེན་མགོ་འཛུགས་ཀྱི་མཛད་སྒོར་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གི་དབུས་བཀའ་བློན་རྣམ་པ་དང་ཁྲིམས་ཞིབ་པ་གཉིས། བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གི་གཙོའི་སྤྱི་འཐུས་རྣམ་པ། དེ་བཞིན་གཞུང་འབྲེལ་དང་གཞུང་མ་ཡིན་པའི་ཚོགས་སྡེ་ཁག་གི་འགན་འཛིན་དང་འབྲེལ་ཡོད་ལས་བྱེད་རྣམ་པ། བཙན་བྱོལ་བོད་མིའི་གཞིས་ཆགས་ཁག་ནས་ཕེབས་པའི་ལྷ་མོའི་འཁྲབ་གཞུང་ཚན་པའི་མི་སྣ་དང་བཞུགས་སྒར་ཁུལ་གྱི་སེར་སྐྱ་ཕོ་མོ་དང་ཡུལ་སྐོར་བ་བཅས་འཛོམས་འདུག

མཛད་སྒོའི་ཐོག་མར་བོད་ཀྱི་ཟློས་གར་ཚོགས་པའི་འགན་འཛིན་དབང་འདུས་ཚེ་རིང་ལགས་ཀྱིས་ཕེབས་བསུའི་གཏམ་བཤད་དང་འབྲེལ། བོད་ཀྱི་ཟློས་གར་ཚོགས་པའི་ལས་བསྡོམས་སྙིང་བསྡུས་ཤིག་སྙན་སྒྲོན་ཞུས་གྲུབ་རྗེས་སྐུ་མགྲོན་གཙོ་བོ་སྲིད་སྐྱོང་བློ་བཟང་སེང་གེ་མཆོག་གིས། བོད་ཀྱི་ལོ་རྒྱུས་ནང་ལྷ་མོའི་སྒྱུ་རྩལ་ནི་དུས་རབས་ ༡༤ ནང་གསར་གཏོད་བྱུང་སྟེ་དུས་རབས་ ༡༧ ནང་༸གོང་ས་རྒྱལ་བ་སྐུ་ཕྲེང་ལྔ་པ་ཆེན་པོ་མཆོག་གསེར་ཁྲི་མངའ་གསོལ་གྱི་མཛད་སྒོར་དཔལ་ལྡན་འབྲས་དཀར་སྤུངས་པའི་ཞོ་སྟོན་དང་སྟབས་བསྟུན། གཞུང་འབྲེལ་འཁྲབ་སྟོན་ཐོག་མ་ཞུས་པ་ནས་བཟུང་བོད་ཀྱི་ཞོ་སྟོན་ཞེས་བོད་ས་མ་ཤོར་བར་དུ་ནོར་གླིང་ཕོ་བྲང་དུ་འཁྲབ་སྟོན་བྱེད་སྲོལ་ཡོད་པའི་བོད་ཀྱི་ལོ་རྒྱུས་རང་བཞིན་ལྡན་པའི་རིག་གཞུང་གི་དུས་ཆེན་གལ་ཆེན་ཞིག་ཡིན་སྐོར་དང་། ཕྱིས་སུ་༧གོང་ས་མཆོག་གི་བཀའ་དྲིན་འོག་བོད་ཀྱི་ཟློས་གར་ཚོགས་པ་གསར་འཛུགས་གནང་སྟེ་ལྷ་མོའི་གཞུང་འཁྲབ་མཁན་ཉུང་ཤེས་ཤིག་ལས་མེད་ཀྱང་། ༧མགོན་པོ་གང་ཉིད་ནས་བོད་ཀྱི་ལྷ་མོའི་རིག་གཞུང་ཉམས་པ་སླར་གསོ་དང་མི་ཉམས་གོང་འཕེལ་གཏོང་དགོས་པ་གལ་ཆེན་ཡིན་པའི་བཀའ་སློབ་ལམ་སྟོན་འོག མི་རབས་རྒན་པ་ཚོས་སྐུ་ལས་བསྐྱོན་ནས་ལྷ་མོའི་སྒྱུ་རྩལ་སྲུང་སྐྱོབ་བྱེད་ཐུབ་ཡོད་པ་མ་ཟད། དར་སྤེལ་གནང་དང་གནང་མུས་ཐོག་ཕྱི་ལོ་ ༡༩༩༣ ལོར་བོད་ཀྱི་ཞོ་སྟོན་རྒྱས་པ་སླར་གསོ་ཞུ་ཐུབ་ཡོད་སྐོར་སོགས་གསུངས་སོང་།

ཡང་ལྷ་མོའི་རིག་གཞུང་སྲུང་སྐྱོབ་ཐད་ཁོང་གིས། རྒྱ་ནག་གཞུང་གིས་བོད་ཀྱི་རིག་གཞུང་གཏོར་བཤིག་བཏང་དང་གཏོང་མུས་སུ་ཐབས་ཤེས་ཡོད་རྒུ་འདོན་གྱི་ཡོད་པར་བརྟེན། སྐབས་ ༡༥ པའི་བཀའ་ཤག་ལ་མཚོན་ན་ལྷ་མོ་སྒྱུ་རྩལ་བཙན་བྱོལ་ནང་སྲུང་སྐྱོབ་བྱ་དགོས་རྒྱུ་གལ་གནད་དུ་བརྩི་ཡི་ཡོད་པ་མ་ཟད། ལྷ་མོའི་སྒྱུ་རྩལ་སྲུང་སྐྱོབ་ཐད་སྔར་ལྷག་ཡར་རྒྱས་གཏོང་ཆེད་ཐོག་མར་མ་རྩ་ཧིན་སྒོར་འབུམ་གསུམ་དང་དེ་ནས་འབུམ་ལྔ། དེ་སྔོན་ལྷ་མོ་ཚོགས་པ་ཡོད་པ་རྣམས་ལ་མ་རྩ་ཧིན་སྒོར་འབུམ་གསུམ་རེ་དང་། ལྷ་མོ་ཚོགས་པ་གསར་འཛུགས་གནང་མཁན་ཡིན་ན་ཧིན་སྒོར་འབུལ་ལྔ་རེ། འཁྲབ་ཆས་གསར་ཉོའི་སླད་འབུམ་གཅིག་རེའི་མཐུན་རྐྱེན་སོགས་བསྐྲུན་རྒྱུའི་གོ་སྐབས་བྱུང་ཡོད་པ་དང་། ཕྱི་ལོ་ ༡༩༩༣ ལོར་བཙན་བྱོལ་ནང་ལྷ་མོ་ཚོགས་པ་ ༤ ལས་མེད་པ་དང་། ད་ལྟའི་ཆར་ཚོགས་པ་ ༡༢ ཡོད་པར་བརྟེན་ལྷ་མོའི་སྒྱུ་རྩལ་སྲུང་སྐྱོབ་ཀྱི་ཚོགས་པ་ལྡབ་གསུམ་མང་དུ་ཕྱིན་ཡོད་ལ། མི་རབས་རྒན་པ་ཚོས་དཀའ་ལས་བསྐྱོན་ཏེ་ལྷ་མོའི་སྒྱུ་རྩལ་སྲུང་སྐྱོབ་གནང་ཐུབ་ཡོད་པ་དེ་མུ་མཐུད་རྒྱུན་གནས་ཐུབ་དགོས་ཀྱི་ཡོད་པ་དང་། ད་ལྟའི་ཆར་ལྷ་མོའི་འཁྲབ་སྟོན་ནང་ཆ་ཤས་ལེན་མཁན་གཞོན་སྐྱེས་གང་འཚམ་ཞིག་ཡོང་གི་ཡོད་པ་དང་། གཞོན་སྐྱེས་ཚོས་དོ་སྣང་བྱས་པའི་ཐོག་ལྷ་མོའི་སྒྱུ་རྩལ་རིག་གཞུང་སྲུང་སྐྱོབ་བྱ་རྒྱུ་གལ་ཆེན་ཡིན་སྐོར་སོགས་གསུངས་སོང་།

བོད་ཀྱི་ཞོ་སྟོན་རྒྱས་པ་ཐེངས་༢༣ པའི་ཐོག་མཉམ་ཞུགས་བྱས་པའི་ལྷ་མོའི་འཁྲབ་གཞུང་གི་ཚོགས་པ་ཁག་བཅུ་གཉིས་ནི། བོད་ཀྱི་ཟློས་གར་ཚོགས་པ་དང་བལ་ཡུལ་ལྷ་ཚོགས། ཅོ་ཏ་ར་བོད་ཁྱིམ་། བྷན་ཌ་ར་ལྷ་ཚོགས། ཀ་སྦུག་ལྷ་ཚོགས། མ་སུ་རི་ལྷ་ཚོགས། སྤོན་ཊ་ལྷ་ཚོགས། ཨོ་རི་ས་ལྷ་ཚོགས། སྦེལ་ཀོབ་ལྷ་ཚོགས། མན་སྤར་ལྷ་ཚོགས། མོན་གྷོ་ལྷ་ཚོགས། ཀོ་ལེ་གྷལ་ལྷ་ཚོགས་བཅས་རེད་འདུག་ལ།  ཚོགས་པ་དེ་དག་གི་འཁྲབ་གཞུང་ནང་བོད་ཀྱི་རྣམ་ཐར་ཆེན་པོ་བརྒྱད་དེ་དྲི་མེད་ཀུན་ལྡན་དང་སྣང་ས་འོད་འབུམ། ཚོང་དཔོན་ནོར་བཟང་། གཟུགས་ཀྱི་ཉི་མ། འགྲོ་བ་བཟང་མོ། རྒྱལ་པོ་གོ་ཆ་བཅས་ཡོད་འདུག

གསར་འགོད་པ། སྐལ་བཟང་སྦྱིན་པ།

འབྲེལ་ཡོད་གསར་འགྱུར།

ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གིས་༧སྐུའི་གོ་སྟོན་སྲུང་གཙིའི་རིག་གཞུང་དུས་སྟོན་འཚོག་བཞིན་པ། ༢༠༢༥།༡༠།༢༤ དུས་བབ་ཀྱི་པར།
Mobile App

ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་རིག་གཞུང་དུས་སྟོན་འཚོག་བཞིན་པ།

ཆུ་ཚོད་ ༣ སྔོན་ལ།
འདི་ལོའི་དྷ་རམ་ས་ལའི་རྒྱལ་སྤྱིའི་གློག་བརྙན་དུས་སྟོན་ཐེངས་ ༡༤ པ་འཚོག་རྒྱུ་ཡིན་པའི་གསལ་བསྒྲགས་གནང་། ༢༠༢༥།༡༠།༢༤ དུས་བབ་ཀྱི་པར།
Mobile App

དྷ་ས་རྒྱལ་སྤྱིའི་གློག་བརྙན་དུས་སྟོན་ཐོག་བོད་ནང་གི་གློག་བརྙན་སྟོན་རྒྱུར་དཀའ་ངལ་འཕྲད་འདུག

ཆུ་ཚོད་ ༤ སྔོན་ལ།
སྲིད་སྐྱོང་སྤེན་པ་ཚེ་རིང་མཆོག་དང་། ཉི་ཧོང་གི་སྲིད་བློན་ས་ནའེ་ཊ་ཀའེ་ཆི་ལགས། བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག བོད་ཀྱི་དུས་བབ་གསར་ཁང་གི་པར་སྒྲིག་སྦྱོར་བྱས།
Mobile App

བཀའ་སྤྱི་གཉིས་ཀྱིས་ཉི་ཧོང་གི་སྲིད་བློན་གསར་པར་འཚམས་འདྲི་གནང་།

ཆུ་ཚོད་ ༦ སྔོན་ལ།
བོད་ཕྲུག་ཁྱིམ་སྡེ་དབུ་བརྙེས་ནས་མི་ལོ་ ༦༥ འཁོར་བའི་དུས་དྲན་སྲུང་གཙི་ཞུས། ༢༠༢༥།༡༠།༢༣ ཐད་གཏོང་གི་པར།
Mobile App

ཕྱི་ལོ་ ༢༠༢༦ ནས་བཟུང་བོད་ཕྲུག་ཁྱིམ་སྡེའི་སློབ་གྲྭ་ཡོངས་ཀྱི་སྤྱི་ཚོགས་ཚན་རིག་བོད་ཡིག་ནང་སློབ་ཁྲིད་གནང་འཆར་འདུག

༢༠༢༥/༡༠/༢༣
བོད་ཀྱི་གཞས་པ་བསྟན་འཛིན་ཆོས་རྒྱལ་ལགས་ཀྱིས་བརྩམས་ཆོས་དང་གཟེངས་རྟགས། པར་བོད་ཀྱི་དུས་བབ་གསར་ཁང་གིས་བསྒྲིགས།
Mobile App

ནམ་མཁའི་སྔུར་སྒྲ་ཞེས་པའི་ཆེད་སྒྲིག་ལ་ཨོ་གླིང་གི་དེང་རབས་ཆེད་སྒྲིག་ཡག་ཤོས་ཀྱི་བྱ་དགའ་ཐོབ།

༢༠༢༥/༡༠/༢༣
ན་གོར་མོར་གསར་དུ་རྒྱག་བཞིན་པའི་རྡུལ་ཕྲན་མཚོན་ཆའི་ལྟེ་གནས། འཁོར་སྐར་ལས་བླངས་བའི་པར།
Mobile App

རྒྱ་ནག་གཞུང་གིས་བོད་མཚོ་ནུབ་ཁུལ་ན་གོར་མོར་རྡུལ་ཕྲན་མཚོན་ཆའི་ལྟེ་གནས་གསར་རྒྱག

༢༠༢༥/༡༠/༢༣

མཆན། 5

  1. choepheltenzin says:
    ལོ་ 8 སྔོན།

    རྟུལ་ཞུགས་ཞེས་བཅོས

    Reply
  2. choepheltenzin says:
    ལོ་ 8 སྔོན།

    བློ་ཁ་དགྲ་ལ་ཉེ་བའི་མི་གཟུགས་འགས བློ་སེང་རིགས་ལ་བརྩེ་བས་འབད་པ་ཀུན བློ་མིག་བྲལ་བའི་ཞྭ་རའི་ལྟུལ་ཞུགས་ངང་ བློ་ཡིས་ཡུལ་དུ་འགྱུར་བའི་སྐལ་བ་ཕྲ

    Reply
  3. ལྷག་བསམ། says:
    ལོ་ 8 སྔོན།

    བློ་བཟང་བློ་རིག་རྣོ་བས་བཀའ་བློན་འདེམས། །
    བློ་ཁ་སྲིད་ལ་མི་ཕྱོགས་སྒོར་ལ་ཕྱོགས། །
    བློ་གྲོས་ཅན་གྱི་འགྲོ་ལུགས་འདི་འདྲ་མིན། །
    བླང་བྱ་དོར་བྱའི་དབྱེ་བ་ཤེས་ན་ལེགས། །

    Reply
  4. ལྷག་བསམ། says:
    ལོ་ 8 སྔོན།

    སྲིད་སྐྱོང་ལགས། ལྷ་མོའི་སྒྱུ་རྩལ་ཉམས་ས་མ་རེད་ལོ། ལྷ་སའི་གྲོང་ན་ལྷ་མོའི་སྒྱུ་རྩལ་རྡ་རམ་ས་ལ་ལས་ཡག་པོ་སྲུང་སྐྱོབ་བྱས་འདུག་པས་ཉིད་ཀྱིས་སེམས་ཁྲལ་བྱེད་མི་དགོས། དེ་ལས་བཙན་བྱོལ་ནང་གི་མང་ཚོགས་ཚོའི་ཁ་རྒྱབ་ཡག་པོ་གསོ་ཐབས་བྱས་ན་བཟང་ཤོས་རེད།

    Reply
  5. གཞུང་པ་ཚེ་དབང་བསོད་ནམས་། says:
    ལོ་ 8 སྔོན།

    ལྷག་བསམ་ལྷ་ལས་དཀར་བའི་ལྷ་ཚོགས་ཚོའི་།
    ལྷག་བསམ་དཱངས་པ་ཆེན་པོའི་ཀུན་སློང་འོག་།
    ལྷ་མོའི་རིག་གཞུང་ཐང་སྟོང་མཛད་རྗེས་ལ་།
    ལྷག་པར་དད་པས་མུ་འཐུད་ལྷ་གཞུང་སྲུངས་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese