མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཁ་མཆུ་ཨང་ ༢༡ པར་ཉན་ཞིབ་ཐེངས་གཉིས་པ་གནང་།

བོད་ཀྱི་དུས་བབ།
༢༠༡༩/༡༡/༢༡
Share on FacebookShare on TwitterShare on EmailShare on Whatsapp

ཁ་མཆུ་དེབ་འགོད་ཨང་ ༢༡ པའི་ཉན་ཞིབ་ཐེངས་གཉིས་པའི་ཐོག་ཞུ་སྦྱོར་བར་རང་བདག་ཁང་པ་ཡོད་མེད་དང་ཕྱི་རྒྱལ་མི་སེར་ཡིན་ན་ཡུལ་ཁྲིམས་གཞིར་བཟུང་བཙན་བྱོལ་བོད་མིའི་མཐུན་རྐྱེན་ཞུ་ལེན་མི་ཆོག་པའི་ཐད་ནས་ཞུ་སྦྱོར་བ་དང་རྩོད་ལན་པའི་བར་རྩོད་བཤད་གནང་སོང་།དེ་རིང་ཉིན་རྒྱབ་ཆུ་ཚོད་ ༢།༣༠ ནས་ ༤།༣༠ བར་བོད་མིའི་ཆེས་མཐོའི་ཁྲིམས་ཞིབ་ཁང་གི་གཏུག་བཤེར་ཁང་དུ། སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་དོན་ཚན་ ༤༡ པ་གཞིར་བཟུང་། ཁ་མཆུ་ཞུ་སྦྱོར་དེབ་འགོད་ཨང་ ༢༡ པ་བགྲེས་ཡོལ་ཐོབ་ཐང་དང་འབྲེལ་བའི་གནད་དོན་ཐད་ཐོག་མའི་ཉན་ཞིབ་ཐེངས་གཉིས་པ་གནང་སོང་བ་དང་། ཁྲིམས་ཞིབ་པ་ཆེ་བ་དྭགས་པོ་བསོད་ནམས་ནོར་བུ་མཆོག་གི་དབུས་ཁྲིམས་ཞིབ་པ་གཞན་གཉིས་དང་། ཞུ་སྦྱོར་བ་བོད་མིའི་སྒྲིག་འཛུགས་ཀྱི་གཞུང་ཞབས་བགྲེས་ཡོལ་སྐལ་བཟང་ཕུན་ཚོགས་དང་། རྩོད་ལན་པ་ནང་སྲིད་ལས་ཁུངས་དང་བཀའ་ཤག་གི་ཁྲིམས་རྩོད་པ་ནང་སྲིད་ཀྱི་ལས་བྱེད་ཚེ་རིང་དོན་གྲུབ་དང་། རྩོད་ལན་པའི་སྐུ་ཚབ་དྲུང་ལས་དངོས་གྲུབ་འོད་ཟེར་དང་གཞན་ཞིག་བཅས་འཛོམས་འདུག

དེ་རིང་གི་ཐོག་མའི་ཉན་ཞིབ་ཐེངས་གཉིས་པའི་ཐོག ཆེས་མཐོའི་ཁྲིམས་ཞིབ་ཁང་ནས་ཁ་མཆུ་འདིའི་གནད་དོན་གསུམ་སྟེ། དང་པོ། ཞུ་སྦྱོར་བར་རང་བདག་ཁང་པ་ཡོད་པ་དང་། གཉིས་པ། བགྲེས་ཤག་གི་སྒུག་ཐོའི་ཁོངས་ནས་རང་བཞིན་ངང་འབུད་པ་ཆགས་ཡོད། གསུམ་པ། ཕྱི་རྒྱལ་མི་སེར་ཡིན་ན་ཡུལ་ཁྲིམས་གཞིར་བཟུང་བཙན་བྱོལ་བོད་མིའི་མཐུན་རྐྱེན་ཞུ་ལེན་མི་ཆོག་པ་བཅས་ལས། གནད་དོན་གཉིས་པའི་ཐོག་རྩོད་བཤད་མི་དགོས་པའི་གཏན་འབེབ་གནང་ཟིན་པ་ལྟར། དེ་རིང་གནད་དོན་ལྷག་འཕྲོ་གཉིས་ཀྱི་ཐོག་ལ་རྩོད་བཤད་བྱས་སོང་།

རྩོད་ལན་པའི་ཁྲིམས་རྩོད་པ་ཚེ་རིང་དོན་གྲུབ་ཀྱིས་གནད་དོན་དང་པོ་དང་འབྲེལ། དཔང་རྟགས་ཡིག་ཆ་ ༤ འདོན་འབུལ་གྱིས་ཞུ་སྦྱོར་བ་གནས་སྡོད་བྱ་སའི་ཁང་པ་དེ་ཞུ་སྦྱོར་བའི་རང་བདག་ཡིན་པ་ཁུངས་སྐྱེལ་བྱས་སོང་། དེ་ཡང་ཞུ་སྦྱོར་བ་སྐལ་བཟང་ཕུན་ཚོགས་གནས་སྡོད་བྱ་སའི་ཁང་པ་དེ་ (General Power of Attorney) གྱི་ཆོད་ཡིག་ཐོག་ཞུ་སྦྱོར་བའི་མིང་ཡོད་པ་དང་།  དེ་བཞིན་དེ་སྔ་ཧི་མ་ཅལ་གཞུང་ནས་དྷ་སའི་ཁུལ་གྱི་ཁྲིམས་མཐུན་མ་ཡིན་པའི་ (Benami Property) ཁང་པའི་ཐད་བཀའ་ཁྱབ་ཅིག་བཏང་ཡོད་པ་དང་། དེའི་ནང་ཞུ་སྦྱོར་བའི་ཁང་པ་དེ་ཚུད་ཡོད་སྟབས། ཞུ་སྦྱོར་བས་ནང་སྲིད་ལས་ཁུངས་ལ་རང་གི་ཁང་པ་མིང་ཐོ་དེ་ནས་ཕྱིར་འདོན་རྒྱུའི་ཞུ་སྙན་ཞིག་ཕུལ་བའི་ནང་། ཁང་པ་དེའི་བདག་པོ་རང་ཉིད་ཡིན་སྐོར་བཀོད་ཡོད་པ། དེ་བཞིན་ཁང་པ་དེར་གློག་འཁྲིད་འཐེན་གྱི་མི་ཊར་ལེན་སྐབས་ཡིག་ཆའི་ཐོག་ཞུ་སྦྱོར་བའི་མིང་བཀོད་ཡོད་པ་སོགས་བརྗོད་དེ། དྷ་སར་ཡོད་པའི་ཁང་པ་དེ་ཞུ་སྦྱོར་བའི་རང་བདག་ཁང་པ་ཡིན་པའི་དཔང་རྟགས་ཡོད་སྟབས། བོད་མིའི་སྒྲིག་འཛུགས་ཀྱི་ལས་ཤག་དང་བགྲེས་ཤག་བགོ་འགྲེམས་སྒྲིག་གཞི་དོན་ཚན་བཅུ་གཉིས་པ་བགྲེས་ཡོལ་ལས་བྱེད་ཀྱི་སྡོད་ཁང་ཅེས་པའི་ནང་གསེས་དོན་ཚན་གཉིས་པ་གཞིར་བཟུང་བགྲེས་ཤག་རྩོད་རྒྱུའི་ཐོབ་ཐང་མེད་སྐོར་ཁུངས་སྐྱེལ་བྱས།

རྩོད་གཞི་དེའི་ཐད་ཞུ་སྦྱོར་བའི་ངོས་ནས་དམ་ཡིག་གཉིས་འདོན་འབུལ་ (Affidavit) བྱས་ཏེ། ཁང་པ་དེ་རང་ཉིད་ཀྱི་གཅེན་མོའི་ཡིན་པ་ལས་ཁོ་རང་གི་མིན་སྐོར་དང་། གལ་ཏེ་ཁང་པ་དེ་ཁོ་རང་གི་ཡིན་ཚེ་ཧི་མ་ཅལ་གཞུང་གི་ཁྲིམས་མཐུན་མ་ཡིན་པའི་ཁང་པའི་ (Benami Property) མིང་ཐོའི་ནང་ཚུད་དགོས་དོན་མེད་ལ། ནང་སྲིད་ལ་ཕུལ་བའི་ཞུ་སྙན་དེའི་ཐོག་ཞུ་སྦྱོར་བའི་མིང་རྟགས་མེད་པ་མ་ཟད། ཚིག་བརྗོད་ཀྱི་ཐོག་ནས་ཀྱང་རང་ཉིད་ཀྱི་མིན་སྐོར་དང་། ཁང་པ་དེ་ཉིད་ (General Power of Attorney) ཞེས་པའི་ཐོག་ནས་ཡོད་པ་དེས་ཀྱང་ཞུ་སྦྱོར་བ་རང་ཉིད་ཁང་པ་དེའི་བདག་པོ་མིན་པ་བསྟན་ཡོད་སྐོར་སོགས་བརྗོད་དེ། ཁང་པ་དེ་ཉིད་རང་བདག་མིན་སྐོར་ཁུངས་སྐྱེལ་བྱས་སོང་། ཡིན་ན་ཡང་ཆེས་མཐོའི་ཁྲིམས་ཞིབ་ཁང་ནས་ཞུ་སྦྱོར་བས་འདོན་འབུལ་བྱས་པའི་དམ་ཡིག་དེ་དག་སྤྱི་དམངས་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག་གི་དོན་ཚན་ ༤༧ གཞིར་བཟུང་དཔང་རྟགས་སུ་བླང་བྱར་མི་རུང་བའི་ཐག་གཅོད་གནང་སོང་།

གནད་དོན་གཉིས་པ་དང་འབྲེལ། རྩོད་ལན་པས་རྒྱ་གར་གྱི་ཁྲིམས་ཁང་ཞིག་གིས་བོད་མི་རྒྱ་གར་མི་སེར་ལག་ཁྱེར་ལེན་མཁན་ཚོས་བོད་མིའི་སྐྱབས་བཅོལ་ལག་དེབ་དང་ཕྱིར་སྐྱོད་ལག་ཁྱེར་རྩིས་སྤྲོད་བྱེད་དགོས་པ་དང་། བཙན་བྱོལ་བོད་མིའི་གཞིས་ཆགས་ནང་སྡོད་མི་ཆོག་པ། བཙན་བྱོལ་བོད་མིའི་མཐུན་རྐྱེན་ཞུ་ལེན་མི་ཆོག་པ་སོགས་དོན་ཚན་བཞི་ཅན་ཞིག་བཀའ་ཁྱབ་བཏང་བ་བཞིན། བོད་མི་མང་སྤྱི་འཐུས་སྐབས་ ༡༦ པའི་གྲོས་ཚོགས་ཚོགས་དུས་ ༤ པའི་ཐོག་བོད་མིའི་སྒྲིག་འཛུགས་ཀྱི་ལས་ཤག་དང་བགྲེས་ཤག་བགོ་བགྲེམས་ཀྱི་དོན་ཚན་བཅུ་གཉིས་པར་བསྐྱར་བཅོས་གཏན་འབེབ་གནང་ཡོད་སྐོར་བརྗོད་དེ། ཞུ་སྦྱོར་བ་ཨ་རིའི་མི་སེར་ཞིག་ཡིན་པའི་ཆ་ནས་སྒྲིག་གཞི་དེའི་དགོངས་དོན་གཞིར་བཟུང་། བོད་མིའི་སྒྲིག་འཛུགས་ཀྱི་བགྲེས་ཤག་དགོས་རྩོད་བྱ་རྒྱུའི་ཐོབ་ཐང་མེད་སྐོར་བརྗོད་སོང་བ་དང་། དེར་ཞུ་སྦྱོར་བས། སྤྱིར་རྒྱ་གར་ཁྲིམས་ཁང་གིས་བཏང་བའི་བཀའ་ཁྱབ་དེ་ནི་རྒྱ་གར་གྱི་མི་སེར་ལག་ཁྱེར་ལེན་མཁན་གྱི་བཙན་བྱོལ་བོད་མིར་འཇུག་པ་ལས། ཕྱི་རྒྱལ་དུ་ཡོད་པའི་བོད་མིར་འཇུག་གི་མེད་སྐོར་སོགས་བརྗོད་སོང་།

སྤྱིར་ཆེས་མཐོའི་ཁྲིམས་ཞིབ་ཁང་གི་ཁ་མཆུ་འདི་ཉིད་ཐོག་མར་བྱང་ཕྱོགས་ཁྲིམས་ཞིབ་ཁང་ལ་གཏུགས་ཡོད་ཀྱང་། ཁྲིམས་ཞིབ་ཁང་དེ་ནས་ཁྲིམས་ཁོངས་ཁྱབ་ཚད་ནོར་འཁྲུལ་ཅན་དུ་ངོས་འཛིན་གནང་སྟེ། བཙན་བྱོལ་བོད་མིའི་བཅའ་ཁྲིམས་དོན་ཚན་ ༥ པ་བཅའ་ཁྲིམས་ཀྱི་ཚན་འཛིན་ནང་གསེས་དོན་ཚན་གཉིས་པ་གཞིར་བཟུང་། ཆེས་མཐོའི་ཁྲིམས་ཞིབ་ཁང་ལ་ཞུ་གཏུག་ཆོག་པའི་བཀའ་ཁྱབ་བཏང་བ་གཞིར་བཟུང་། ཆེས་མཐོའི་ཁྲིམས་ཞིབ་ཁང་ལ་གཏུགས་པ་ཞིག་ཡིན་འདུག་ལ། རྩོན་ལན་པ་ནང་སྲིད་ལས་ཁུངས་དང་བཀའ་ཤག་ངོས་ནས་བྱང་ཕྱོགས་ཁྲིམས་ཁང་དང་ཆེས་མཐོའི་ཁྲིམས་ཞིབ་ཁང་གཉིས་ཀར་ཁ་མཆུ་དེར་གཞི་རྩ་མེད་པས་རྩིས་མེད་གཏོང་དགོས་པའི་ཞུ་སྙན་ཕུལ་ཡོད་འདུག

གསར་འགོད་པ། པ་སངས་ཚེ་རིང་།

འབྲེལ་ཡོད་གསར་འགྱུར།

Advertisement for App

༸གོང་ས་རྒྱལ་བ་རིན་པོ་ཆེ་མཆོག་དགུང་གྲངས་ ༩༠ ལ་ཕེབས་པའི་སྐུའི་འཁྲུངས་སྐར་ལ་འཚམས་འདྲི་ཞུ།

༢༠༢༥/༠༧/༠༥
Photo Credit: The European Parliament
༸གོང་ས་མཆོག གསར་འགྱུར།

རྒྱ་ནག་གཞུང་གིས་སྐུའི་ཡང་སྲིད་ལ་ཐེ་ཇུས་བྱེད་མཚམས་འཇོག་དགོས་པའི་སྐུལ་མ་བྱས།  

༢༠༢༥/༠༧/༠༥
བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༠༧།༠༥
༸གོང་ས་མཆོག གསར་འགྱུར།

བོད་མིའི་སྒྲིག་འཛུགས་ཀྱིས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་༧གོང་ས་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༧/༠༥
The BBC visited the Kirti monastery in Aba as the Dalai Lama turned 90
Mobile App

༧སྐུའི་གོ་སྟོན་དང་འབྲེལ་བོད་ནང་དུ་དམ་དྲག་ཤུགས་ཆེན་བྱེད་བཞིན་འདུག

༢༠༢༥/༠༧/༠༤
རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག ལྷ་སྲས་བསོད་ནམས་ཀྱི་པར། ༢༠༢༥།༧།༤
Mobile App

རྒྱ་གཞུང་གིས་རེབ་གོང་གི་དྲུག་པའི་ཀླུ་རོལ་གྱི་དུས་ཆེན་བཀག་འགོག་བྱས་འདུག

༢༠༢༥/༠༧/༠༤
༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས། དགའ་ལྡན་ཕོ་བྲང་གི་སྐུ་པར། ༢༠༢༥།༧།༤
༸གོང་ས་མཆོག གསར་འགྱུར།

༧གོང་ས་མཆོག་ལ་ཆོས་ཚོགས་ཐེངས་བཅོ་ལྔ་བའི་ཐོག་སྤྱི་མོས་གཏན་འབེབས་བྱུང་བའི་གྲོས་ཆོད་ཁག་སྙན་སེང་ཞུས།

༢༠༢༥/༠༧/༠༤

མཆན། 0

  1. གཞུང་པ་ཚེ་དབང་བསོད་ནམས says:
    ལོ་ 6 སྔོན།

    ཁ་མཆུ་འདི་དང་འབྲེལ་ཆགས་བཙན་བྱོལ་བོད་མིའི་བཅའ་ཁྲིམས་ཀྱི་ནུས་པ་འཐོན་ནས་མི་ལོ་ཉེར་བརྒྱད་ལ་ཉེ་བའི་སྐབས་འདིར་ཁྲིམས་བཟོ་སྤྱི་འཐུས་གྲོས་ཚོགས་ནས་བཅའ་ཁྲིམས་དོན་ཚན་བརྒྱད་པ་ ( བོད་ཀྱི་ཡུལ་མི ) ཟེར་བའི་ནང་གསེས་བཞི་པ་བོད་ཀྱི་ཡུལ་མིའི་ཁྲིམས་ལུགས་གཏན་འབེབས་མ་ཐུབ་པ་འདིའི་ཁ་མཆུ་འདི་ལ་ཤུགས་རྐྱེན་ཐེབས་སྲིད་པ་མ་རེད་དམ།

    Reply
  2. བཀྲ་སྒྲོལ་མ says:
    ལོ་ 6 སྔོན།

    ཨ་རིའི་མི་སེར་ཞིག་གི་བཙན་བྱོལ་གཞུང་ལ་ཐོབ་ཐོང་རྩོད་པ་དེ་ཧ་ཅང་ཡ་མཚན་ཅན་གྱི་མ་རེད་པས།

    Reply
  3. མཐུ་སྟོབས་དབང་ཕྱུག་གཡུ་ཐོག་ says:
    ལོ་ 6 སྔོན།

    ཡང་མི་སྒེར་ཞིག་དེ་ཡང་གཞུང་ཞབས་བགྲེས་ཡོལ་བ་ཞིག་གིས་བཙན་བྱོལ་བོད་མིའི་སྒྲིག་འཛུགས་ནང་སྲིད་ལྷན་ཁང་ཁྲིམས་ལ་སྦྱར་སྟེ་བཙན་བྱོལ་བོད་མིའི་སྒྲིག་འཛུགས་ཁྲིམས་ལ་སྦྱར་མཁན་དཔའ་བོ་ཨང་གཉིས་པ་ཐོན་འདུག་མོད་། ༧གོང་སམཆོག་གིས་བཀའ་སློབ་ཞིག་ནང་ “བསྟན་པ་འགོ་ནས་གཤིགས་ཀྱི་འདུག་”གསུངས་པ་ལ་བསྐྱར་དུ་སེམས་ནང་འོད་ལྷངས་བྱས་སོང་། བཟང་སྤྱོད་དང་ཕྲིས་གཞུང་བརྩི་བཀུར་ཡོད་པའི་ཐོག་ནས་ཞུས་ན་ཤི་བ་སྲོག་ལ་ཐུགས་འགྲོ་བའི་ཐབས་སྡུག་ཀྱི་གནས་སྟངས་ཆགས་ན་ཡང་བོད་མི་རྒྱ་ཆ ༩༩.༥༠ ནས་སོ་སོའི་གཞུང་དེ་མང་གཙོ་དང་ཁྲིམས་ལུགས་དབང་འཛིན་ཁ་ལ་ཁྱེར་ནས་ཁྲིམས་ལ་དུས་ནམ་ཡང་སྦྱར་གི་མ་རེད་ཞེས་ཐག་ཆོད་པོའི་སྒོ་ནས་ཞུ་འདོད་བྱུང་། བལྟས་ངན་པ་དང་དུས་ཚོད་ངན་པ་ཞིག་ཤར་མི་ཡོངས་ཤོག་བསམ་ནས་སྨོན་ལམ་རང་བཞིན་རྒྱབ་དགོས་པའི་གནས་སྟངས་ཆགས་ཀྱི་འདུག་ དེ་ནི་མི་ངན་རེ་བཟུང་ཞིག་གིས་ཞོ་བཞིན་དུ་ཆགས་ཡོདཔའི་སྤྱི་ཚོགས་ནང་ཁྲགས་བཞིན་བརྐྲུགས་ཐུབ་ཐབས་འབད་བརྩོན་ཡོད་དགུ་རྩལ་དྲག་བྱ་བཞིན་པ་འདི་ལ་རྒྱལ་གཅེས་ལྷག་བསམ་ལྡན་པ་རྣམས་ནས་དྭོགས་ཟོན་ངེས་པར་དུ་གནང་སྐྱོང་ཡོང་བའི་འབོད་བསྐུལ་ནན་རྟེན་ཞུ་། ཐུགས་རྗེ་ཆེ་།།།

    Reply
  4. kalsang dawa says:
    ལོ་ 6 སྔོན།

    ༄། ཕྱི་རྒྱལ་གྱི་མི་སེར་དང་ཕྱི་རྒྱལ་དུ་བསྡོད་བཞིན་དུ་བོད་མི་སྒྲིག་འཛུགས་ལ་ཞལ་འདེབས་འབུལ་མེད་པ་ད་དུང་ཁང་པ་ཞིག་གི་ཆེད་དུ་འདི་ལྟ་བུའི་རྙོག་གླེང་བཟོ་བ་ངོ་ཚ་མི་ཤེས་གང་ཡིན་ནམ།

    Reply
  5. Think tank says:
    ལོ་ 6 སྔོན།

    དེར་ཞུ་སྦྱོར་བས། སྤྱིར་རྒྱ་གར་ཁྲིམས་ཁང་གིས་བཏང་བའི་བཀའ་ཁྱབ་དེ་ནི་རྒྱ་གར་གྱི་མི་སེར་ལག་ཁྱེར་ལེན་མཁན་གྱི་བཙན་བྱོལ་བོད་མིར་འཇུག་པ་ལས། ཕྱི་རྒྱལ་དུ་ཡོད་པའི་བོད་མིར་འཇུག་གི་མེད་སྐོར་སོགས་བརྗོད་སོང་།

    Very strange.
    ཕྱི་རྒྱལ་ལ་འགྲོ་མཁན་ཚང་མ་སྐྱག་པ་ཟ་ལོ། དེ་ཚོ་ཚང་མ་དངུལ་གྱི་ཆེད་དུ་ཡིན་པ་རེད། སྒེར་དོན་ཆེད་དུ་ཡིན་པ་རེད། སོ་སོའི་སྐྱབས་མགོན་གཡུགས་ནས་འགྲོ་མཁན་ཤ་སྟག་རེད། རང་མགོ་རང་ཐོན་ཤ་སྟག་རེད་དོ།

    Reply
  6. སྤེན་ཚེ། says:
    ལོ་ 6 སྔོན།

    རྒྱ་གར་གཞུང་གིས་སོ་སོའི་འབྲེལ་ཆགས་ཀྱི་མི་སེར་མ་གཏོགས་ཕྱི་རྒྱལ་མི་སེར་གཞན་ཚོར་འདི་བྱེད་འདི་མིན་གྱི་བཀའ་ཁྱབ་བཏང་མི་སྲིད། བོད་མིའི་སྒྲིག་འཛུགས་ནས་ཀྱང་རྒྱ་གར་གཞུང་གི་བཀའ་རྒྱ་འདིའི་ཁྱབ་ཚད་ལས་འགེལ་བའི་འགྲེལ་བཤད་རྐྱོན་ན་ཨེ་འགྲིགས། གལ་སྲིད་དེ་ལྟར་གནང་ཚེ་འདི་ནི་རྐྱེན་རྩ་ཆེན་པོ་ཞིག་གི་རྒྱུ་རུ་འགྲོ་མི་སྲིད་པ་མིན་སྟབས་དེ་རྩིས་དགོངས་པ་ཟབ་ནན་དགོས་གལ།

    Reply
  7. གཞུང་པ་ཚེ་དབང་བསོད་ནམས says:
    ལོ་ 6 སྔོན།

    འོ་ཡ་ད་ཡང་སྐད་ཆ་འདུག་ཁྲིམས་ཞིབ་སྐུ་ངོ་རྣམ་པ་དང་གསར་འགོད་ཚོར་ལས་ཀ་རག་འདུག་ཧཧཧ

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese