མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྲིད་ཟུར་ལི་ཏུན་ཧེ་མཆོག་སྐུ་གྲོངས་བར་ཐུགས་གསོའི་གསུང་འཕྲིན་བསྩལ།

བོད་ཀྱི་དུས་བབ།
༢༠༢༠/༠༨/༠༡
Share on FacebookShare on TwitterShare on EmailShare on Whatsapp

༧གོང་ས་རྒྱལ་བ་རིན་པོ་ཆེ་མཆོག་གི་དབུས་པའི་བོད་མིའི་སྒྲིག་འཛུགས་དང་བོད་མི་མང་སྤྱི་འཐུས་ལྷན་ཚོགས་ནས་ཐའེ་ཝན་གྱི་སྲིད་འཛིན་ཟུར་པ་སྐུ་ཞབས་ལི་ཏུན་ཧེ་སྐུ་གྲོངས་བར་ཐུགས་གསོའི་གསུང་འཕྲིན་བསྩལ།དེ་རིང་ཕྱི་ཟླ་ ༧ ཚེས་ ༣༡ ཉིན། ༧གོང་ས་རྒྱལ་བ་རིན་པོ་ཆེ་མཆོག་ནས་ཐའེ་ཝན་མི་མང་གིས་དམངས་གཙོའི་ལམ་ནས་བདམས་ཐོན་བྱུང་བའི་སྲིད་འཛིན་ཐོག་མ་སྐུ་ཞབས་ལི་ཏུན་ཧེ་ (Lee Teng-hui) མཆོག་སྐུ་གྲོངས་བར་ དམ་པ་ཁོང་གི་སྐུ་ཟླ་ཚེང་ཝན་ཧུའེ་ (Tseng Wen-hui) ཡི་མཚན་ཐོག་ཏུ་ཐུགས་གསོའི་གསུང་འཕྲིན་ཞིག་བསྩལ་བའི་ནང་། ཁྱེད་ཀྱིས་མཁྱེན་གསལ་ལྟར། ཁོང་ཐེ་ཝན་མི་མང་གིས་བརྩི་བཀུར་ཆེན་པོས་ཐོག་མར་འོས་འདེམས་ཀྱིས་སྲིད་འཛིན་གནང་བཞིན་པའི་སྐབས་ཏེ། ཕྱི་ལོ་ ༡༩༩༧ ལོར་ངོས་ཐེ་ཝན་དུ་ཐོག་མར་སླེབས་ཏེ་དངོས་སུ་མཇལ་བའི་སྐལ་བ་བྱུང་ཞིང་། དེའི་རྗེས་སུའང་ཐེ་ཝན་ནང་དང་། ཞི་བདེའི་ལྷན་ཚོགས་སོགས་སུ་མཇལ་ཕྲད་བྱུང་ལ། ངོས་སྒེར་གྱི་གྲོགས་པོ་ཞིག་ཏུ་ངོས་འཛིན་བྱེད་ཀྱི་ཡོད། ཅེས་གསུངས་འདུག

ཡང་༧གོང་ས་མཆོག་གིས། ཁོང་གིས་ཐེ་ཝན་གྱི་མང་གཙོའི་ལམ་ལུགས་ཡར་རྒྱས་ལ་རྨད་དུ་བྱུང་བའི་ལེགས་སྐྱེས་ཕུལ་ཡོད་ལ། དེང་སྐབས་ཐེ་ཝན་ནི་སྲོལ་རྒྱུན་གྱི་རིག་གཞུང་ཕྱུག་པོ་ཡོད་པའི་ཐོག་དཔལ་འབྱོར་འཕེལ་རྒྱས་ཆེ་བའི་མང་གཙོའི་ཡུལ་ལུང་ཞིག་ཏུ་གྱུར་ཡོད། ང་ཚོའི་ངོས་ནས་བཀའ་དྲིན་རྗེས་དྲན་ལེགས་ཤོས་ནི་ཁོང་གི་སྙིང་སྟོབས་དང་ཆོད་སེམས་རྗེས་སུ་དྲན་པའི་སྒོ་ནས། མང་གཙོའི་ཆེད་དུ་བློས་གཏོང་གནང་བའི་མཛད་བཟང་གི་རྗེས་སུ་འཇུག་རྒྱུ་དེ་ཡིན། ཞེས་དང་། མཇུག་ཏུ་༸གོང་ས་༸སྐྱབས་མགོན་ཆེན་པོས། “སྲིད་འཛིན་ཟུར་པ་ལེ་ཏིང་ཧུའི་ནི་བོད་མིའི་འཐབ་གྲོགས་ཤིག་དང་། བོད་མིར་རོགས་རམ་གང་ཐུབ་གནང་མཁན་ཞིག་ཡིན། ཞེས་གསུངས་འདུག

དེ་བཞིན་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ནས་ཐུགས་གསོ་ཞུས་པའི་ནང་། ༧གོང་ས་རྒྱལ་བ་རིན་པོ་ཆེ་མཆོག་དང་སྲིད་འཛིན་ཟུར་པ་སྐུ་ཞབས་ལེ་ཏུན་ཧེ་མཆོག་རྣམ་གཉིས་མཇལ་འཕྲད་གནང་སྟེ། བོད་དང་ཐའེ་ཝན་མི་མང་དབར་ལོ་རྒྱུས་རང་བཞིན་ལྡན་པའི་གདུང་སེམས་མཉམ་སྐྱེད་ཀྱི་འབྲེལ་ལམ་གསར་པ་ཞིག་བསྐྲུན་ཡོད། དམ་པ་དེ་ཉིད་ཕུགས་བསམ་ཅན་དང་དཔལ་འབྱོར་རིག་པ་བ་ཞིག་ཡིན་པ་མ་ཟད། ཐའེ་ཝན་རྒྱལ་ཁབ་དེ་བཞིན་མང་གཙོ་ཅན་ལ་བསྒྱུར་བར་བརྟེན་སྐུ་ཞབས་མང་གཙོ་ཞེས་མཚན་སྙན་ཐོབ་ཡོད། ཅེས་བཀོད་འདུགཡང་ཁོང་གིས་མུ་མཐུད།  ཕྱི་ལོ་ ༡༩༩༦ ལོར་ཐའེ་ཝན་མི་མང་གིས་ཐད་ཀར་འོས་ཤོག་བླུགས་ཏེ་ཐའེ་ཝན་སྲིད་འཛིན་གྱི་འོས་བསྡུ་ཆེན་མོའི་ཁྲོད་སྐུ་ཞབས་ལེ་ཏིང་ཧུའི་མཆོག་ལ་འོས་བསྡུའི་རྒྱལ་ཁ་ཆེན་པོ་ཐོབ་ཡོད་པ་མ་ཟད། ཐའེ་ཝན་རྒྱལ་ཁབ་དེ་བཞིན་དྲག་པོའི་ཁྲིམས་གཞི་ལས་མང་གཙོ་ཆ་ཚང་ལྡན་པའི་རྒྱལ་ཁབ་ཅིག་ལ་བསྒྱུར་ཡོད། ལོ་རྒྱུས་ཀྱི་ཐོག་ནས་དུས་རྟག་ཏུ་དམ་པ་དེ་ཉིད་ཐའེ་ཝན་རྒྱལ་ཁབ་ཀྱི་མང་གཙོ་སྲོལ་གཏོད་པ་པོའི་ཡབ་ཆེན་དུ་དྲན་གསོ་ཞུ་ངེས་ཡིན། དམ་པ་དེ་ཉིད་ཀྱི་མཛད་རྗེས་ཀྱིས་མུ་མཐུད་ང་ཚོར་སེམས་ཤུགས་བསྐྱེད་ངེས་རེད། ཅེས་གསུས་འདུག

དེ་བཞིན་བོད་མི་མང་སྤྱི་འཐུས་ཚོགས་གཙོ་པདྨ་འབྱུང་གནས་མཆོག་གི་ཐུགས་གསོའི་ནང་། ཐའེ་ཝན་གྱི་སྲིད་འཛིན་ཟུར་པ་སྐུ་ཞབས་ལེ་ཏིན་ཧེ་མཆོག་སྐུ་གཤེགས་པ་དེས་ཐའེ་ཝན་གཞུང་མང་གཉིས་ལ་གྱོང་གུད་ཆེན་པོ་ཕོག་པ་ཙམ་མ་ཟད། བོད་རིགས་ཡོངས་ལའང་དེ་ལྟར་གྱོང་གུད་ཕོག་ཡོད། ཅེས་དང་། ཁོང་གི་རྒྱབ་སྐྱོར་འོག་ཐའེ་ཝན་གྱི་རྒྱལ་ས་ཐའེ་པེ་རུ་བོད་མིའི་སྒྲིག་འཛུགས་ཀྱིས་ཐའེ་ཝན་བོད་ཀྱི་སྐུ་ཚབ་དོན་ཁང་བཙུགས་ཐུབ་ཡོད། ང་ཚོས་ཐའེ་ཝན་སྲིད་འཛིན་དམ་པ་སྐུ་ཞབས་ལེ་ཏིན་ཧེ་དང་། ཐའེ་ཝན་གཞུང་མང་གཉིས་ནས་བོད་དོན་ཐོག་འགྱུར་བ་མེད་པའི་རྒྱབ་སྐྱོར་གནང་བ་རྣམས་དུས་རྟག་ཏུ་དྲན་བཞིན་ཡོད། ཅེས་གསུངས་ཏེ་དམ་པ་ཁོང་གི་ནང་མི་ཡོངས་ལ་ཐུགས་གསོ་གནང་འདུག་ལ། དམ་པ་ཁོང་གིས་ཐའེ་ཝན་དེ་དམངས་གཙོ་དང་རང་དབང་། འགྲོ་བ་མིའི་ཐོབ་ཐང་། ཆེ་མཐོང་ཡོད་པའི་རྒྱལ་ཁབ་ཅིག་བཟོ་རྒྱུའི་ཕུགས་འདུན་བཅངས་པ་ཡིས། ད་ཆ་ཐའེ་ཝན་ནི་རྒྱལ་ཁབ་གཞན་དང་ལྷན་དཔུང་པ་མཉམ་གཤིབས་ཐོག་གནས་བཞིན་ཡོད་པ་དང་། བོད་མི་ཚོར་མུ་མཐུད་སེམས་ཤུགས་སྤར་ངེས་ཡིན་སྐོར་གསུངས་འདུགཁ་སང་ཕྱི་ཚེས་ ༣༠ ཉིན་ཐའེ་ཝན་གྱི་དགོང་མོའི་ཆུ་ཚོད་ ༧ ཡོལ་དུ་ཐའེ་ཝན་དམངས་གཙོ་ཡར་ཐོན་ཚོགས་པའི་ཀ་བ་ལྟ་བུར་གྱུར་བའི་སྐུ་ཞབས་ལི་ཏུན་ཧེ་མཆོག་དགུང་གྲངས་ ༩༧ ཐོག་ནད་མནར་གྱི་རྐྱེན་པས་སྐུ་གྲོངས་ཡོད་པ་དང་། ཕྱི་ལོ་ ༡༩༩༧ ལོར་དམ་པ་དེ་ཉིད་སྲིད་འཛིན་ལས་ཐོག་ཡིན་པའི་སྐབས་སུ། ༧གོང་ས་རྒྱལ་བ་རིན་པོ་ཆེ་མཆོག་ཐེངས་དང་པོར་ཐའེ་ཝན་ནང་གདན་ཞུ་གནང་རྗེས། ཕྱི་ལོ་ ༢༠༠༡ ལོར་དམངས་གཙོ་ཡར་སྐུལ་ཚོགས་པའི་ (Democratic Progressive party) གཞུང་སྟེ། སྲིད་འཛིན་ཁྲིན་ཧྲུ་པིན་ (Chen Shui-bian) མཆོག་གི་སྐབས་དང་། དེ་བཞིན་ཕྱི་ལོ་ ༢༠༠༩ ལོར་ཐའེ་ཝན་གྱི་གོ་མིན་ཏང་ཚོགས་པའི་གཞུང་སྟེ་སྲིད་འཛིན་མཱ་ཡུན་ཇོའུ་ (Ma Ying-jeou) མཆོག་གི་སྐབས་བཅས་སུ་གདན་འདྲེན་ཞུས་ཡོད་པ་རེད།

གསར་འགོད་པ། ཀླུ་མགོན་ཐར།

འབྲེལ་ཡོད་གསར་འགྱུར།

Richard Gere receiving the Human Rights First Visionary Award.
Mobile App

བོད་དོན་རྒྱབ་སྐྱོར་བ་རེ་ཆར་ཌི་གྷེ་རེ་ལགས་སུ་འགྲོ་བ་མིའི་ཐོབ་ཐང་གི་གཟེངས་རྟགས་ཐོབ།

ཆུ་ཚོད་ ༡ སྔོན་ལ།
ཕྱི་ལོ་ ༢༠༢༥ ཟླ་ ༡༠ ཚེས་ ༡༧ ཉིན་རྒྱ་གར་ལྷོ་ཕྱོགས་མེ་སོར་གཙུག་ལག་སློབ་གཉེར་ཁང་གི་ངོས་འཛིན་འོག་སེར་བྱེས་ཆེད་སྦྱོང་ཉེ་བའི་གཙུག་ལག་རབ་འབྱམས་སྐབས་དང་པོའི་དགེ་འདུན་པ་ཞལ་གྲངས་ ༣༧ བསླབ་པ་མཐར་སོན་པའི་མཛད་སྒོ་འཚོགས།
Mobile App

སེར་བྱེས་མཁས་སྙན་གྲྭ་ཚང་གིས་༧སྐུའི་གོ་སྟོན་གྱི་བྱམས་བརྩེའི་ལོ་སྲུང་གཙི་ཞུས།

ཆུ་ཚོད་ ༢ སྔོན་ལ།
Mobile App

བོད་ནང་ཤོག་སྦག་གི་སྒྱུ་རྩལ་འགྲེམས་སྟོན་བྱེད་མཁན་ལ་ཉེས་ཆད་བཅད།

༢༠༢༥/༡༠/༡༦
ཅེཀ་སྤྱི་མཐུན་རྒྱལ་ཁབ་ཀྱི་སྲིད་འཛིན་པེ་ཊར་པ་ཝེལ་དང་། ཇོར་ཇི་ཡའི་སྲིད་འཛིན་ས་ལོ་མེ་ཛོའུ་ར་བྷི་ཆི་ཝི་ལི་མཆོག སྲིད་སྐྱོང་སྤེན་པ་ཚེ་རིང་གསུམ་ཞི་བདེ་གླེང་སྟེགས་ཐེངས་ ༢༩ པའི་ཐོག་མཉམ་ཞུགས་གནང་། ༢༠༢༥།༡༠།༡༣ བོད་མིའི་སྒྲིག་འཛུགས་ཀྱི་པར།
Mobile App

ཟླ་གཅིག་ལྷག་རིང་སྲིད་སྐྱོང་མཆོག་གིས་ཡུ་རོབ་དང་ལྷོ་བྱང་ཨ་མེ་རི་ཁའི་ནང་གཞུང་འབྲེལ་ཕྱོགས་ཕེབས་གནང་བཞིན་འདུག  

༢༠༢༥/༡༠/༡༦
མང་ར་རྫོང་དམུ་གེ་ཐང་དུ་མེ་ཤུགས་འཕུར་མདེལ་ཞིག་ལྷུང་ནས་གས་ཐོར་བྱུང་། ༢༠༢༥།༡༠།༡༣ དྲ་ལམ་གྱི་པར།
Mobile App

བོད་མང་ར་རྫོང་དམུ་གེ་ཐང་དུ་འཕུར་མདེལ་ཞིག་ལྷུང་སྟེ་འབར་གས་ཆེན་པོ་བྱུང་།

༢༠༢༥/༡༠/༡༥
Mobile App

རྒྱ་གཞུང་གིས་བོད་ཀྱི་དགེ་འདུན་པ་རྣམས་ལ་རྒྱལ་གཅེས་ཟེར་བའི་བསམ་བློ་སྤེལ་ཆེད་རྒྱ་ནག་ཏུ་ལྟ་སྐོར་ཁྲིད།

༢༠༢༥/༡༠/༡༤

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese