རྒྱ་གཞུང་གིས་དོན་འགྲུབ་དབང་ཆེན་ལགས་ཟི་ལིང་བཀག་ཉར་ཁང་ནས་བཙོན་ཁང་གཞན་ཞིག་ཏུ་གནས་སྤོར་བྱས་རྗེས། ཁོང་གི་ནང་མིས་ཁོང་མགྱོགས་མྱུར་གློད་གྲོལ་ཡོང་ཐབས་སུ་རྒྱལ་སྤྱིིའི་ཐོག་འབོད་སྐུལ་ཞུས་ཡོད་འདུག
སྔར་ལོའི་ཕྱི་ཟླ་ ༡༢ པའི་ཚེས་ ༢༨ ᩡᨒ᪄་རྒྱ་གཞུང་གིས་༼འཇིགས་བྲལ༽གློག་བརྙན་ཕབ་བསྐྲུན་པ་᩶ᨕ᪄་འགྲུབ་དབང་ཆེན་ལགས་སུ་རྒྱལ་ཁབ་མགོ་རྟིང་སློག་མཁན་གྱི་ཉེས་མིང་བཀལ་ཏེ་མི་ལོ་དྲུག་གི་ཁྲིམས་ཐག་བཅད་ཡོད་ཅིང་། ཉེ་ཆར་ཁོང་མཚོ་སྔོན་ཞིང་ཆེན་ཟི་ལིང་གྲོང་ཁྱེར་གྱི་བཀག་ཉར་ཁང་ཞིག་ནས་བཙོན་ཁང་གཞན་ཞིག་ཏུ་གནས་སྤོར་བྱས་ཡོད་པའི་གནས་ཚུལ་ཐོས་འཕྲད། བཞུགས་སྒར་ངྷ་རམ་ས་ལར་ཡོད་པའི་ཁོང་གི་བཟའ་ཟླ་ལྷ་མོ་མཚོ་དང་ནང་མི་ཡོངས་ཀྱིས། ཟླ་འདིའི་ཕྱི་ཚེས་ ༡༩ ཉིན་ཨ་རིའི་ཕྱི་འབྲེལ་དྲུང་ཆེ་ལྕམ་ཧེ་ལི་རོས་ཁི་ལིན་ཊོན་མཆོག་རྒྱ་ནག་ནང་གཟིགས་སྐོར་འཚམས་འདྲིར་བསྐྱོད་པའི་གོ་སྐབས་དང་བསྟུན་ཏེ། ཁོང་གཙོས་པའི་ཆབ་སྲིད་བཙོན་པ་རྣམས་གློད་གྲོལ་ཆེད་རེ་སྐུལ་གྱི་འཕྲིན་ཡིག་ཞིག་བསྐུར་ཡོད་འདུག ཁོ་མོས་འཕྲིན་ཡིག་དེའི་ནང་བཀོད་དོན། ངའི་མིང་ལ་ལྷ་མོ་མཚོ་ཟེར་ཞིང་། ང་ནི་ད་ལྟ་རྒྱ་ནག་གིས་བཙོན་འཇུག་བྱས་ཡོད་པའི་འཇིགས་བྲལ་གློག་བརྙན་ཕབ་བསྐྲུན་པ་དོན་འགྲུབ་དབང་ཆེན་གྱི་བཟའ་ཟླ་ཡིན། ངའི་བཟའ་ཟླས་ ༢༠༠༨ ལོའི་ཨོ་རྩེད་འགྲན་ཚོགས་ཡར་སྔོན་ཏུ་བོད་ནང་གི་བོད་མི་ཚོས་ཨོ་རྩེད་འགྲན་ཚོགས་དང་༸གོང་ས་མཆོག་ལ་བལྟ་སྟངས་གང་འདྲ་ཡོད་མེད་དང་། རྒྱ་ནག་གིས་བོད་ཐོག་འཛིན་པའི་སྲིད་བྱུས་སྐོར་བཅས་ཆེས་སྤྱིར་བཏང་གི་དྲི་བ་བཏོན་པའི་གློག་བརྙན་ཞིག་ཕབ་བསྐྲུན་བྱས་པའི་ནག་ཉེས་འོག ༢༠༠༨ ལོའི་ཟླ་ ༣ པའི་ཚེས་ ༢༦ ཉིན་འཛིན་བཟུང་བྱས། ཕྱིས་སུ་ཁོང་གི་བཅར་འདྲིའི་གློག་བརྙན་དེར་འཇིགས་བྲལ་ཞེས་མིང་བཏགས་ཏེ་རྒྱལ་ཁབ་ ༣༠ ནང་གཟིགས་འབུལ་ཞུས་ཡོད། ཉེ་ཆར་ཁོང་ཟི་ལིང་བཀག་ཉར་ཁང་ནས་གནས་སྤོར་གྱིས་བཙོན་ཁང་གཞན་ཞིག་ཏུ་བཙོན་འཇུག་བྱས་ཡོད་སྟབས། ངེད་གཉིས་ཀྱི་ཕྲུ་གུ་བཞི་དང་རྒན་འཁོག་ཏུ་གྱུར་བའི་ཁོང་གི་ཕ་མ་གཉིས། ཁོང་གི་སྤུན་མཆེད་དང་ང་ཚོ་ཚང་མས་ཁྱེད་རང་པེ་ཅིན་དུ་འཚམས་གཟིགས་ལ་བསྐྱོད་པའི་གོ་སྐབས་འདི་དང་སྟབས་བསྟུན་ཏེ། ཁོང་གནས་སྤོར་བྱས་རྗེས་ཀྱི་གནས་སྟངས་དང་ཁོང་གློད་གྲོལ་ཡོང་ཐབས་སུ་རོགས་རམ་བྱ་རྒྱུའི་རེ་སྐུལ་དང་། རྒྱ་ནག་གི་བཙོན་ཁང་དུ་མནར་གཅོད་མྱངས་དང་མྱོང་བཞིན་པའི་བོད་མི་སྟོང་ཕྲག་མང་པོར་འགྲོ་བ་མིའི་གཞི་རྩའི་ཐོབ་ཐང་དང་རང་དབང་སྤྲོད་དགོས་པའི་རེ་སྐུལ་ཞུ་བཞིན་ཡོད། ཅེས་དོན་འགྲུབ་དབང་ཆེན་གྱི་བཟའ་ཟླ་ལྷ་མོ་མཚོ་དང་ནང་མི་ཚོས་འབོད་སྐུལ་ཞུས་ཡོད་སྐོར་རྩོམ་པ་པོ་འོད་ཟེར་ལགས་ཀྱིས་དྲ་ཚིགས་སུ་སྤེལ་ཡོད་འདུག
གསར་འགོད་པ་དོན་གོ།
ངས་དགུ་བཅུ་གསུམ་ཚོགས་པའི་ཚོགས་གཙོ་མཆོག་ལ་ཞུ་རྒྱུ།མ་འོངས་པར་ཁྱོད་ཚོ་ལ་ཕྱི་རྒྱལ་དུ་གཏང་བའི་དུས་ཤིག་སླེབས་སོང་ན་རྒྱན་དཀྲུག་མི་དགོས་པའི་ཐོག་ནས་དོན་འགྲུབ་དབང་ཆེན་ནང་མི་དེ་ཐོངས་རོགས་ཟེར་ནས་ངའི་སྙིང་ཁུངས་གཏིང་ནས་རེ་བ་ཞུ།ང་ཚོ་བཙན་བྱོལ་ནང་དུ་དེ་ལས་ལྷག་ཅིག་བྱེད་ཡག་དཀའ་ལས་ཁ་པོ་ཞེ་དྲགས་རེད་འདུག།ཕར་ཞིག་འགྲོ་ཐུབ་སོང་ན་བཙན་པ་བཙན་ནས་གྲོལ་ཐུབ་པ་དཀའ་ཡང་ནང་མི་འཚོ་བ་དེ་ཡག་རེ་གཏོགས་ཙམ་འགྲོ་སྲིད་པ་རེད།ཐུགས་རྗེ་གཟུགས།
ང་ཚོའི་གཞུང་དང་ཚོགས་པ་ཁག མི་སྒེར་སུ་ཡིན་ཡང་རྒྱལ་གཅེས་པ་དག་གི་ནང་མི་དང་བུ་ཕྲུག་ལ་འགན་འཁུར་དང་རོགས་སྐྱོར་བྱ་དགོས་པ་འདོད། ཁོང་ཚོས་བོད་མི་རིགས་དང་འདི་དང་རྒྱལ་ཁབ་ཀྱི་ཆེད་དུ་ཡོད་ཚས་བློས་གཏོང་བྱས་ཟིན་སྟབས། ཞིང་བཤེགས་དམ་པ་རྣམ་ལ་བཀའ་དྲིན་རྗེས་དྲན་བྱ་ཆེད། དེ་དག་གི་ཕ་མ་དང་བཟའ་ཟླ། བུ་ཕྲུག་རྣམས་ལ་བདག་པོ་རྒྱག་ཐུབ་དགོས། དེ་ལྟར་མ་བྱས་ཚེ། མ་འོངས་པར་བོད་མི་རིགས་ལ་རྒྱལ་ཞེན་ཅན་དང་དཔའ་བོ་ཞེས་པའི་མིང་འདི་ཡང་རིམ་གྱིས་འབྱུང་དཀའ་རྒྱུ་རེད་བསམ།
དངོས་གནས་ནང་མི་འདི་ཚོ་སྙིང་རྗེ་བ་ཞིག་རེད་་་་
ཡིན་ནའང་འཚོ་བ་སོགས་ཀྱི་ཐད་ཕྱོགས་ཡོངས་ནས་ལྟ་རྟོགས་བྱེད་མཁན་ཅུང་ཙམ་ཡོད་པ་མ་ཟད་ཁོ་ཚོས་ཀྱང་ཤུགས་བརྒྱབས་ནས་བསྡད་འདུག་་་་་འདིའི་ཐད་ལ་ནང་མི་ཚོ་གཅིག་པུ་མིན་པར་བོད་གཞུང་དང་ཚོགས་སྡེ་ཁག་གིས་ཀྱང་མ་མཐོང་ཁུལ་མ་བྱས་པར་རོགས་པ་ཅི་ཐུབ་བྱེད་དགོས་པ་རེད་་་་དངོས་སུ་ཆབ་སྲིད་ཀྱི་ལས་ཀ་རླབས་ཆེན་བྱས་པ་ཚོར་རོགས་པ་མ་བྱས་ན་སུ་ལ་བྱེད་དགོས་པ་རེད་་་་་ཆབ་སྲིད་བཙོན་ཟུར་གྱི་མིང་ཁུར་རྫུན་མ་ཚོ་ཕྱི་རྒྱལ་ལ་གཏོང་བ་ལས་འདི་ཚོར་རོགས་པ་བྱས་ན་དོན་དང་མཐུན་པ་རེད་ཡ