ཕྱི་ཚེས་ ༡༡ ནས་ཉིན་གསུམ་རིང་གི་ཀིརྟི་དགེ་རྩ་ཚོགས་པའི་སྐབས་དང་པོའི་འགན་འཛིན་གྲོས་ཚོགས་ཐེངས་གསུམ་པ་དེ་བཞུགས་སྒར་ཀིརྟི་བྱེ་བ་གྲྭ་ཚང་ཚོགས་ཁང་དུ་འཐུས་མི་ཡོངས་ཀྱིས་རྒྱུན་ཆགས་གསུམ་པ་དང་ཤིས་བརྗོད་གསུང་བ་འབྲེལ་དབུ་འཛུགས་གནང་ཡོད་ལ། ཚོགསའདུའི་ཐོག་མར་དགེ་རྩ་ཚོགས་པའི་འགན་འཛིན་གྲོས་ཚོགས་ཀྱི་ཚོགས་གཙོ་ཨ་ལགས་རྗེ་སྤྲུལ་ལགས་ཀྱིས་དགེ་རྩ་ཚོགས་པ་གསར་འཛུགས་ཀྱི་དམིགས་ཡུལ་དང་འབྲེལ་ནས་གསུང་བཤད་གནང་དོན། ཀིརྟི་དགེ་རྩ་ཚོགས་པ་ཞེས་པ་འདི་ནི་ ༢༠༠༨ ལོར་༸སྐྱབས་མགོན་ཀིརྟི་རིན་པོ་ཆེས་སྤྱིར་སངས་རྒྱས་ཀྱི་བསྟན་པ་དང་འགྲོ་བ་བདེ་བའི་ཆེད་དུ་དམིགས་ཏེ་གསར་འཛུགས་གནང་ཞིང་། འདས་པའི་ལོ་ངོ་ ༣༠༠ ཡི་ལོ་རྒྱུས་ལྡན་པའི་ཀིརྟི་བླ་བྲང་ཁང་ཚན་ཞེས་པའི་ངོ་བོ་བརྒྱུད་དམངས་གཙོ་རང་བཞིན་ལྡན་པའི་ཚོགས་པ་ཞིག་ཆགས་ཡོད། ཀིརྟི་བླ་བྲང་ཁམས་གསུམ་ཟིན་གནོན་ཞེས་པ་དེ་ཡང་ཆོས་དང་འཇིག་རྟེན་གཉིས་ཀྱི་ཐོག་སངས་རྒྱས་ཀྱི་བསྟན་པ་འཛིན་སྐྱོང་སྤེལ་གསུམ་དང་། དགེ་འདུན་མང་པོ་ཞིག་ལ་ཞབས་འདེགས་བསྒྲུབ་ཡུལ་ཞིག་ཆགས་ཡོད། ད་ལྟའི་ཚོགས་པ་འདིར་སྔར་དང་མི་འདྲ་བའི་ཁྱད་པར་ཞིག་ཡོད་པ་ནི། གཞན་ཕན་ཆོས་ཕྱོགས་ཁོ་ནར་མ་གཏོགས་ཆབ་སྲིད་དང་གཏན་ནས་འབྲེལ་མེད་པར། གཞན་ཕན་ཆོས་ཕྱོགས་དེ་ཡང་གཙོ་བོ་ཀིརྟི་དགེ་རྩ་ཚོགས་པའི་ཁྱབ་ཁོངས་སུ་ཡོད་པའི་དགོན་སྡེ་ཁག་གི་བླ་མ་དང་ཆོས་ཉམས་ལེན་བྱེད་མཁན་སོགས་ལུང་རྟོགས་ཀྱི་བསྟན་པ་འཛིན་སྐྱོང་སྤེལ་གསུམ་ལ་དམིགས་པ་ཞིག་ཆགས་ཡོད། དེ་དང་འབྲེལ་མི་མང་ཉམ་ཐག་ལ་རོགས་སྐྱོར་དང་སྨན་བཅོས། སློབ་གྲྭ་གསར་འཛུགས་སོགས་ཀྱི་ལས་དོན་བསྒྲུབ་ཀྱིན་ཡོད། གལ་སྲིད། རྒྱ་གར་གཞུང་དང་གཞན་སུ་ཞིག་གིས་ཚོགས་པ་འདིར་ཆབ་སྲིད་ཀྱི་དོགས་པ་རྣམ་རྟོག་ཡོད་ཚེ། ཀིརྟི་དགེ་རྩའི་སྒྲིག་གཞི་དང་བར་སྐབས་ཀྱི་སྒྲིག་གཞིའི་ཟིན་བྲིས། འགན་འཛིན་གྲོས་ཚོགས་ཐེངས་དང་པོ་དང་གཉིས་པའི་གྲོས་ཆོད་དང་ལས་བསྡོམས་སོགས་ལ་བལྟས་ཚེ་ཆོས་ཕྱོགས་ལས་ཆབ་སྲིད་མ་འདྲེས་པ་ཞིག་ཡིན་པ་མཁྱེན་གི་རེད་ཅེས་གསུངས་ཡོད་པ་རེད།
གསར་འགོད་པ། དོན་གོ།
དགའ་སུ་ཞུ།
མ་གཞི་ཡག་པོ་འདུག། གོ་བ་ཕྱོགས་གང་ནས་བླང་ཀྱང་ཆབ་སྲིད་ལ་འབྲེལ་བ་མེད་ཟེར་དགོས་ཡག་དེ་ཕལ་ཆེར་བོད་ནང་གི་སྦྱིན་བདག་དད་པ་ཅན་རྣམས་ཀྱི་རྩ་ནས་ཞལ་འདེབས་བསྡུས་པའི་ལམ་ཁ་ཞིག་ཡིན་རྒྱུ་རེད་མ་གཏོགས་གཞན་དེ་འདྲ་ཡང་ནས་ཡང་དུ་ཆབ་སྲིད་ལ་འབྲེལ་བ་མེད་ཟེར་དགོས་དོན་ཨེ་ཡོད་དམ།
དེང་དུས་བོད་ཀྱི་ཆབ་སྲིད་གྱི་འཐབ་རྩོད་འདི་ཕར་གཏུགས་ན་ཆོས་དང་རིག་གཞུང་། འཛམ་གླིང་ཞི་བདེའི་ཆེད་ཡིན་པ་༸གོང་ས་མཆོག་གིས་ཡང་ཡང་གསུངས་པ་ཧ་གོ་གི་གོ་གི་ཆབ་སྲིད་ལ་འབྲེལ་བ་མེད་ལབ་དུས་དམིགས་ཡུལ་གཞན་པ་ཞིག་ཡོད་ཐག་རེད།
གང་ལྟར་དངུལ་བསྡུ་ཐབས་ཤིག་མིན་པའི་སྨོན་འདུན་ཞུ།
ཡག་ཤོས་བྱུང་ན་དེང་དུས་ཀྱི་ཆབ་སྲིད་ཀྱིས་ཕོང་བའི་དུས་འདིར་དེའི་ཐོག་གཏོང་ཐུབ་ན་ཡག་པོ་རེད།
དགོངས་པ་མ་ཚོམ་ཏོག་ཙམ་ཐལ་ཡོད་འགྲོ།
༄ ། ། རེད་ཤུལ་ལུང་རྡེ་རྗེ་་་་་ ཁྱེད་ཀྱིས་བཤད་པའང་བདེན་པ་རེད། འོནད་ཀྱང་། ངས་བལྟས་ན་ཆབ་སྲིད་དང་འབྲེལ་བ་མེད་ཅེས་དམིགས་ཀྱིས་བཀར་ནས་ཡང་ནས་ཡང་དུ་བཤད་ཚུལ་ལ་བལྟས་ན་ངས་ནི་ཆབ་སྲིད་དེ་ཡང་བོད་ཀྱི་ཆབ་སྲིད་དང་འབྲེལ་བ་གཏིང་ཟབ་ཡོད་ཟེར་བ་ཞིག་གོ་གི གང་ལྟར་སོ་སོ་སོ་སོས་གོ་ཚུལ་རེད། ཀིརྟི་བླ་བྲང་ཟེར་བ་ཞིག་གི་མྱོང་ཡང་། ཀིརྟི་བླ་བྲང་ཁང་ཚན་ཟེར་བ་ཞིག་གཏན་ནས་གོ་མ་མྱོང་བས་ཁང་ཚན་ཟེར་བའི་ལོ་རྒྱུས་འདྲ་ཤེས་མཁན་འདྲ་ཡོད་དམ། བཀུར་འོས་ཀིརྟི་རིན་པོ་ཆེ་མཆོག་གི་མཛད་རྣམ་སྤྱི་དང་ལྷག་པར་མི་སྒེར་གཅིག་ལ་དབང་བའི་བླ་བྲང་ཞིག་མི་སྡེ་ཆེན་པོ་སྤྱི་ལ་དབང་བར་བྱེད་པའི་ལམ་ལུགས་འདི་ལྟ་བུར་སྙིང་ནས་དུད་ཅིང་། རང་ཁོ་ནའི་དཔལ་འབྱོར་མ་གཏོགས་མི་བསམ་པའི་བླ་མ་ཚོས་བྱ་བ་འདི་འདྲ་ལ་མིག་དཔེ་བལྟ་དགོས། ཁྱེད་ཀྱི་སྐུ་ཚེ་ཡུན་དུ་བརྟན་པར་ཤོག
དངོས་ཡོད་ཀྱི་དམངས་ལ་ཕན་ངེས་རེད
ཆབ་སྲིད་དང་འབྲེལ་བ་མེད་ཟེར་བ་ཡང་རྒྱུ་མཚན་ཞིག་ཡོད་རེད
ཆབ་སྲིད་ལ་འབྲེལ་བ་མེད་ཟེར། གལ་ཏེ་ཆབ་སྲིད་དང་འབྲེལ་བ་ཡོད་ན་སྐྱོན་ཇི་ཞིག་ཡོད་དམ།།
ཚོགས་པ་དེའི་དམིགས་ཡུལ་དང་ཚོགས་པ་དེས་ཕན་ཐོགས་ཆེན་པོ་ཡོད་པ་དངོས་ཡོད་གནས་ཚུལ་ཆགས་ཡོད་ཅེ་བརྗོད་ན་ཆོག་་མོད
སེམས་ཕམ་དགོས་པ་ཞིག་ལ་ཚོགས་གཙོ་ཨ་ལགས་མཆོག་ནས་སྲིད་དང་འབྲེལ་བ་གཏན་ནས་མེད་ཅེས་མགྲིན་པ་བརྐྱངས་ནས་སྨྲ་བ་ལ་བློ་ཕམ་བྱུང་རྒྱ་ནག་དམར་གཞུང་གི་འོག་ལ་གནས་ཡོད་ན་ཨ་ལགས་མཆོག་ལ་ཐུགས་ཁག་མེད་མོད་རང་དབང་ལུང་པ་ལ་དེ་ལྟ་བུའི་སེམས་ཆུང་བའི་གཏམ་བཤད་བྱས་པ་ནི་བོད་དོན་ཐུགས་་ལ་ཡེ་ནས་མེད་པ་དང་བོད་ཀྱི་རྩ་དོན་ལ་དམིགས་པའི་ཚོགས་པ་ཞིག་ཡིན་ན་མི་འགྲིག་ལྟ་བུའི་ཐུགས་བསམ་བཞེས་པ་མཐོང་།་་ཚོགས་པ་དེ་བོད་ཀྱི་རྩ་དོན་་ཀྱི་ཆེད་དུ་སྲིད་དང་འབྲེལ་ན་རྐྱོན་གཏན་མེད་དོ་།་
གོས་ཐོས་ལྟར་ན་༸གོང་ས་སྐྱབས་མགོན་མཆོག་གིས་་་་་་སྔ་མོའི་ཀིརྟིའི་བླ་བྲང་གི་ངོ་བོ་དུས་ཀྱི་དགོས་མཁོ་ལ་གཟིགས་ནས་གཞན་ཕན་དགེ་རྩའི་ཚོགས་པར་བང་རིམ་སྒྲིག་གཞི་ཡོད་པར་གནང་པར་སྔགས་བརྗོད་ཡོད་ཞེས་གསུངས་ཡོད་པ་འདྲ། ལྷག་པར་དུ་ཀིརྟི་རིན་པོ་ཆེས་་་་ཀིརྟིའི་དགེ་རྩ་ཚོགས་པའི་སྒྲིག་གཞི་ཞེས་ལེའུ་བཅུ་གསུམ་དང་ལེའུ་རེ་རེའི་ནང་ཚན་ལ་དོན་ཚན་མི་འདྲ་པ་བཅུ་གསུམ་བཅུ་བཞི་ཅན་གྱི་ཟིན་བྲིས་སྤོས་དག་ཤིག་འདུག་ཟེར་གྱིས་འདུག ཁྱེད་ཚང་ལ་ཁོམ་པ་རེ་ཡོད་ན་དྲ་ཐོག་འདིར་བཀོད་ན་ལྟ་འདོད་ཡོད་གི་ཡ།
དྲྭ་གྲོགས་ཤུལ་ལུང་གིས་གོ་སྟངས་འདི་དངོས་གནས་ཡིན་མདོགས་ཁ་བོ་འདུག
སྐྱབས་སུ་མཆི་དེང་སང་བླ་ཁག་དང་དགོན་ཁག་འདི་ཚོས་སྐད་ཆ་སྙན་པོ་རེ་བཤད་ཤེས་ཀྱིན་འདུག
རེད་དྲ་གྲོགས་དབྱེན་མིང་ཅན་གྱིས་བཤད་ནོ་བདེན་གི་༧ཀིརྟི་བླ་མའི་སྔར་བརྩམས་ཟིན་པ་དག་ལ་ང་ཚོས་ཁ་ཕྱི་ལ་འཁོར་ནས་ལྟ་ཞིབ་ཅིག་བྱས་ན། ཁོང་གི་ཡང་དག་པའི་བཀའ་རྩོམ་དག་བོད་མི་རིགས་ཀྱི་རིག་གཞུང་གི་སྟོང་ཆ་ཁ་གསབ་ཀྱི་རྒྱུ་གཙོ་བོ་རུ་གྱུར་ཡོད་པ་དངོས་ཡོད་རེད། དེ་བཞིན་ད་རེབ་ཡང་ཀིརྟིའི་དགེ་རྩ་ཚོགས་པའི་ངོ་བོ་ཡང་གནའ་སྔ་མོའི་ཀིརྟིའི་བླ་བྲང་ཁང་ཚན་ད་ལྟ་གཞན་ཕན་ཆོས་ཕྱོགས་ཁོ་ནས་བྱ་འགུལ་འོག་མི་མང་ཉམ་ཐག་ལ་རོགས་སྐྱོར་དང་སྨན་བཅོས། སློབ་གྲྭ་གསར་འཛུགས་སོགས་ཀྱི་ལས་དོན་བསྒྲུབ་སླད་གསར་དུ་བཙུགས་པ་ཞིག་རེད། དེ་བས་ན་སྐྱབས་མགོན་ཀིརྟི་རིན་པོ་ཆེའི་དགོངས་དོན་བཞིན་མ་འོངས་པར་བོད་ཀྱི་བླ་སྤྲུལ་ཡོད་ཚད་ཀྱི་བླ་བྲང་ཁག་དེ་ལུགས་བཞིན་གཞན་ཕན་ཆོས་ཕྱོགས་ཁོ་ནས་བྱ་བ་ལ་འབད་མཁན་ཞིག་ཏུ་འགྱུར་བའི་སྨོན་ལམ་དང་། རྗེས་ཕྱོགས་ཀྱང་༧སྐྱབས་མགོན་ཀིརྟི་རིན་པོ་ཆེས་དེ་རིགས་ཀྱི་གསུང་རྩོམ་གང་མང་ཡོང་བའི་གསོལ་འདེབས་ཡང་ནས་ཡང་དུ་འདེབས་བཞིན་ཡོད།
ཆེས་མཆོག་ཏུ་བཀུར་འོས་པའི་སྐྱབས་རྗེ་ཀིརྟི་རིན་པོ་ཆེའི་མཛད་པ་འཕྲིན་ལས་ལ་གུས་འདུན་ཞུ།
དེ་བཞིན་ད་རེབ་ཀིརྟེའི་དགེ་རྩ་ཚོགས་པའི་སྐབས་དང་པོའི་འགན་འཛིན་གྲོས་ཚོགས་ཐེངས་གསུམ་པ་འཚོགས་ཡོད་པ་ལེགས་འགྲུབ་ཡོང་བའི་སྨོན་ལམ་དང་རྟེན་འབྲེལ་ཞུ།
ངས་གོ་སྟངས་ལྟར་བྱས་ན་”ཆབ་སྲིད་ལ་འབྲེལ་བ་མེད་”ཅེས་པ་ནི་སྤྱི་ཚོགས་ལ་འགན་ཁུར་མེད་ཅེས་པ་འདྲ་གཅིག་འདུག་ཁྱེད་ཚོས་བསམ་ན་ཅི་འདྲ་རེད།
བློ་གཟུ་པོར་གནས་ཏེ་བརྗོད་ན། ཚོགས་པ་དེ་ནི་ང་ཚོ་དེང་རབས་པ་ཚང་མས་བསྔགས་བརྗོད་བྱེད་ཡུལ་དུ་གྱུར་ཡོད། འོན་ཀྱང་ཆབ་སྲིད་དང་གཏན་ནས་འབྲེལ་བ་མེད་ཅེས་པ་དཀའ་མོ་རེད། ཧ་ཧ་སྐུ་རེ་ཡིན་ཆོས་གྲོགས་ལགས།