དེ་རིང་ངྷ་ས་ཉིན་སློབ་ཚོཊ་ཁང་དུ་གླིང་ཚ་ཚེ་བརྟན་རྡོ་རྗེ་ལཊ་ཀྱིས་མང་ཚོགས་དང་བགྲོ་གླེང་གནང་སྟེ། ཁོ་རང་གི་བོད་སྐྱོད་གོམ་བགྲོད་ནང་རྒྱ་ནག་གི་རྒྱལ་དར་འཕྱར་ན་འགྲིག་མིན་ཐོག་བསམ་ཚུལ་བསྡུས་པར། མི་མང་ཕལ་ཆེ་བས་གོམ་བགྲོད་སྐབས་རྒྱ་དར་མི་འཕྱར་རྒྱུར་འབོད་སྐུལ་ཞུས་སོང་།
.jpg)
ཞི་བའི་འཐབ་རྩོད་པ་རྩོམ་པ་པོ་གླིང་ཚ་ཚེ་བརྟན་རྡོ་རྗེ་ལགས་སྒེར་ངོས་ནས་གོ་སྒྲིག་འོག དེ་རིང་ཕྱི་ཚེས་ ༣ ཉིན་གྱི་སྔ་དྲོའི་ཆུ་ཚོད་ ༡༡ སྟེང་བཞུགས་སྒར་ངྷ་ས་མེག་གྷན་ཉིན་སློབ་ཚོགས་ཁང་དུ། ཁོང་གི་ཞི་བའི་འཐབ་རྩོད་ཀྱི་ངོ་བོ་ངོ་སྤྲོད་དང་། བོད་སྐྱོད་གོམ་བགྲོད་ལས་འགུལ་བཅས་ཀྱི་ཐོག་མང་ཚོགས་ལ་བསམ་ཚུལ་བརྗེ་རེས་ཀྱི་བགྲོ་གླེང་ཞིག་ཚོགས་སོང་། བགྲོ་གླེང་དེར་དེར་གླིང་ཚ་ཚེ་བརྟན་རྡོ་རྗེ་ལགས་གཙོས་ངྷ་ས་ཁུལ་གྱི་བོད་རིགས་རྩོམ་པ་པོ་དང་ཤེས་ཡོན་ཅན་སོཊ་ཁྱོན་སེར་སྐྱ་གྲངས་ ༦༠ ལྷག་འདུ་འཛོམས་བྱུང་ལ། བགྲོ་གླེང་དངོས་གཞིའི་སྐབས་བརྗོད་གཞི་རང་གི་ཐོག་ཏུ་དྲི་བ་དྲིས་ལན་དེ་ཙམ་བྱུང་མེད་པར། གླིང་ཚའི་གོམ་བགྲོད་ནང་རྒྱ་ནག་གི་རྒྱལ་དར་འཕྱར་བའི་ཐོག་བསམ་ཚུལ་བཤད་སོང་ལ། མི་མང་ཕལ་ཆེ་བས་གླིང་ཚའི་ལས་འགུལ་ནང་རྒྱ་ནག་གི་རྒྱལ་དར་འཕྱར་བ་དེར་འདོད་པ་མེད་སྐོར་དང་། ཁག་ཅིག་གིས་རྒྱ་ནག་གི་རྒྱལ་དར་འཕྱར་བ་དེ་ནི་ཧ་ཅང་འགྲིག་པ་ཞིག་ཡིན་པ་མ་ཟད། ༧གོང་ས་མཆོག་དང་བོད་མིའི་སྒྲིག་འཛུགས་ཀྱིས་རྩོད་ལེན་བྱེད་བཞིན་པའི་དབུ་མའི་ལམ་གྱི་ལངས་ཕྱོགས་ཁ་ཞེ་གཉིས་མེད་ཐོག་མཚོན་ཐུབ་ཚུལ་སོགས་བརྗོད་བྱུང་། ཡང་མི་རེ་ཟུང་ཞིག་གིས་ལས་འགུལ་དེ་འདྲ་སྤེལ་སྐབས་དབུ་དང་རང་བཙན་གང་རུང་གི་ངོ་བོར་སྦྱར་དགོས་དོན་མེད་པར་སོ་སོ་སྒེར་གྱིས་ཐག་གཅོད་དགོས་ཚུལ་ཡང་བརྗོད་བྱུང་།
གླིང་ཚ་ཚེ་བརྟན་རྡོ་རྗེ་ལགས་ཀྱིས། ཁོང་གི་ཞི་བའི་འཐབ་རྩོད་ཐོག་རྣམ་པ་ཅི་རིཊ་ཀྱིས་རོཊ་སྐྱོར་གནང་མཁན་བོད་མི་ལྷག་བསམ་ཅན་རྣམས་དང་། དུས་ཡུན་རིང་པོར་བཙན་བྱོལ་བོད་མིར་རོཊ་སྐྱོར་གནང་མཁན་རྒྱ་གར་གཞུང་དམངས་བཅས་ལ་བསྔཊ་བརྗོད་དང་འབྲེལ། ད་བར་ཁོང་གིས་ལས་འགུལ་གང་སྤེལ་བ་དང་སྐད་ཆ་གང་བཤད་པ་དག་གི་ཐོག་མི་མང་ནང་བསམ་ཚུལ་སྣ་ཚོགས་ཡོང་གི་ཡོད་མེད་ལ་མ་ལྟོས་པར། ཁོང་གི་ངོས་ནས་བོད་མི་རིགས་ཀྱི་བདེན་དོན་རྩོད་རྒྱུ་ནི་སོ་སོའི་ཚེ་སྲོག་ལས་ཀྱང་གལ་ཆེན་ཞིག་ཏུ་བརྩིས་ཏེ། རང་གི་ཕ་མ་སྤུན་མཆེད་དང་བཟའ་ཟླ་བུ་ཕྲུག་སོཊ་རྒྱབ་ཏུ་བསྐྱུར་ནས་ལུས་ངག་ཡིད་གསུམ་མི་རིཊ་འདིའི་ཆེད་བློས་གཏོང་བྱ་རྒྱུའི་དམ་བཅའ་བཞག་ཡོད་སྐོར་བརྗོད་སོང་།
ཚོགས་ཐོག་ཏུ་ངྷ་སར་གནས་སྡོད་བོད་མི་ན་གཞོན་ཀརྨ་བསྟན་འཛིན་ལགས་ཀྱིས། བོད་མིའི་སྒྲིག་འཛུཊ་ཀྱི་ལང་ཕྱོགས་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་ནང་བོད་མིར་རང་སྐྱོང་གནས་བབ་རྩོད་བཞིན་པའི་ཆ་ནས་སྤྱི་ཚོགས་ནང་རྒྱ་དར་འཕྱར་བར་དགག་བྱ་མི་བྱེད་ཀྱང་། ལོ་སྔོན་མའི་གོམ་བགྲོད་ནང་རྒྱ་དར་འཕྱར་བར་བརྟེན་ཏེ་མང་ཚོགས་ནང་རྩོད་གླེང་བྱུང་ཡོད་སྐོར། ཁོང་སྒེར་ངོས་ནས་ཚེ་རྡོར་ལཊ་ཀྱི་སྙིང་སྟོབས་དང་། ཆོད་སེམས་ལ་བརྩི་བཀུར་ཡོད་ཀྱང་། རྒྱ་དར་འཕྱར་བ་དེས་བོད་པ་ནང་ཁུལ་དུ་བསམ་ཚུལ་མི་མཐུན་པ་ཆཊ་ཏེ་འགལ་ཟླ་བཟོ་བཞིན་ཡོད་སྟབས། གོམ་བགྲོད་ཐེངས་གཉིས་པའི་སྐབས་རྒྱ་དར་མི་འཕྱར་རྒྱུའི་འབོད་སྐུལ་ཞུས་སོང་།
ནོར་གླིང་མཐོ་སློབ་ཀྱི་སློབ་མ་གྲྭ་རྫ་སྲས་བདེ་ཆེན་ལགས་ཀྱིས། ཚེ་རྡོར་ལགས་ཀྱིས་བོད་བསྟན་སྲིད་ཆེད་སྒེར་ངོས་ནས་ལས་འགུལ་དེ་ལྟ་བུ་ཞིག་སྤེལ་བར་བསྔཊ་བརྗོད་ཡོད་རུང་། གོམ་བགྲོད་ནང་རྒྱ་དར་འཕྱར་བ་དེ་དབུ་མའི་ལམ་གྱི་སྲིད་བྱུས་དང་མཐུན་མིན་བཤད་དཀའ་བ། མ་འོངས་པའི་རྒྱ་ནག་གི་འགྱུར་འགྲོས་ལ་ཚོད་དཔག་བྱེད་དཀའ་ཡང་། ད་ལྟའི་ཆར་རྒྱ་ནག་གི་རྒྱལ་དར་དེས་རྒྱ་ནག་དམར་པོའི་ངོ་བོ་མཚོན་པ་ལས་རྒྱ་ནག་སྤྱི་ཡོངས་ཀྱི་གནས་སྟངས་མཚོན་མི་ཐུབ་ཅིང་། བོད་མིའི་སྒྲིག་འཛུཊ་ཀྱིས་བོད་རང་བཙན་མ་ཡིན་པ་ཞིག་དང་ད་ལྟའི་རྒྱ་ནག་སྲིད་ཇུས་ཀྱང་མིན་པའི་རང་སྐྱོང་གནས་བབ་ཅིག་རྩོད་བཞིན་ཡོད་སྟབས། གོམ་བགྲོད་སྐབས་རྒྱ་དར་འཕྱར་བ་དེ་དབུ་མའི་ལམ་གྱི་དགོངས་དོན་དང་འགལ་ཟླ་ཆཊ་ཡོད་སྐོར། ཡིན་ནའང་གཙོ་བོ་སོ་སོའི་རྣམ་དཔྱད་རྩལ་དུ་བཏོན་ཏེ་ཐག་གཅོད་དགོས་པ་ལས་གཞན་གྱིས་ཟེར་རྗེས་སུ་འབྲང་ན་མི་འགྲིག་ཚུལ་བརྗོད་སོང་།
ན་གཞོན་བོད་མི་བན་དེ་ལགས་ཀྱིས་ཚེ་རྡོར་ལགས་ཀྱིས་རྒྱ་ནག་རྒྱལ་དར་འཕྱར་མིན་ཐོག་མང་ཚོཊ་བསམ་ཚུལ་བསྡུ་རུབ་དགོས་པའི་རྒྱུ་མཚན་མཐོང་གི་མེད་ཅིང་། ཁོང་སྒེར་ངོས་ནས་རྒྱ་ནག་རྒྱ་དར་འཕྱར་བ་དང་དབུ་མའི་ལམ་གྱི་སྲིད་བྱུས་ཐོག་བོད་མིའི་རང་སྐྱོང་དགོས་འདུན་གཉིས་བར་འགལ་ཟླ་མཐོང་གི་ཡོད་པ་དང་། རྒྱ་གཞུང་གིས་བོད་ལ་དབང་སྒྱུར་བྱས་རྗེས་རྒྱ་དར་དམར་པོ་དེའི་འོག་བོད་མི་མང་པོ་ཞིག་འདས་གྲོངས་སུ་ཕྱིན་ཡོད་པ། རྒྱ་ནག་གི་རྒྱལ་དར་དེ་ཡིས་ད་ལྟའི་རྒྱ་གཞུང་གི་ངོ་བོ་མཚོན་གྱི་ཡོད་པ། གསུམ་བཅུའི་དུས་དྲན་ནི་བོད་ཀྱི་ལོ་རྒྱུས་ཐོག་བོད་མིས་རྒྱ་གཞུང་ལ་ཞི་བའི་སྒེར་ལངས་བྱས་པའི་ཉིན་མོ་གལ་ཆེན་ཞིག་ཆཊ་ཡོད་སྟབས། ཉིན་མོ་དེར་རྒྱ་དར་འཕྱར་ན་ལོ་རྒྱུས་དང་ད་ལྟའི་གནས་བབ་གང་ཐད་ནས་བལྟས་ཀྱང་། རྩ་བ་ཉིད་ནས་ངོས་ལེན་བྱེད་ཐབས་མེད་སྐོར་བརྗོད་སོང་།
མཇུག་ཏུ་ཚེ་བརྟན་རྡོ་རྗེ་ལགས་ཀྱིས། ཉེ་ལམ་ཁོང་གིས་རང་ཉིད་སྒེར་གྱི་ངོ་དེབ་སྟེང་གལ་སྲིད་ཞི་བའི་གོམ་བགྲོད་སྐབས། རྒྱ་ནག་རྒྱལ་དར་འཕྱར་བ་དེའི་ཐོག་ནས་བོད་མི་རིགས་ཀྱི་སེམས་ལ་ཕོག་ཐུག་འགྲོ་གི་ཡོད་ན། ཁོང་གི་ངོས་ནས་མ་འོངས་པར་རྒྱ་ནག་རྒྱལ་དར་མུ་མཐུད་འཕྱར་དགོས་མིན་ཐོག་བསམ་བློ་གཏོང་རྒྱུ་ཡིན་པ་བརྗོད་ཡོད་སྐོར་དང་། ད་སྔ་ཁོང་གིས་སྒྲུབ་བཞིན་པའི་ལས་འགུལ་གྱི་ངོ་བོ་དང་དམ་བཅའ། བློས་གཏོང་བཅས་ནི་བོད་མི་རིགས་ཀྱི་བདེན་དོན་ཁོ་ནའི་ཆེད་ཡིན་སྟབས། རྒྱ་དར་འཕྱར་རྒྱུ་དེ་ང་གཅིག་པུས་ཐག་གཅོད་བྱས་ན་འགྲིག་གི་ཡོད་མེད་ཐོག་བསྐྱར་དུ་བསམ་བློ་གཏོང་རྒྱུ་ཡིན་ཚུལ་བརྗོད་བྱུང་།
གསར་འགོད་པ། དཔལ་ལྡན།
གལ་སྲིད་རྒྱ་དམར་གྱི་ཁྲག་དར་འཕྱར་བ་དེ་ལམ་དབུ་མ་མཚོན་ཐུབ་ཚེ་ད་བར་རྡ་སའི་ལས་ཁུངས་ཆེ་ཁག་ཐོག་ཏུ་དར་དམར་འཕྱར་བ་མཐོང་ཐོས་ཡོད་དམ། དེ་མིན་ན་ལམ་དབུ་མ་ཡིན་ཟེར་ནས་དར་དམར་འཕྱར་ན་བོད་མི་ནང་ཕན་ཚུན་བསམ་ཚུལ་མི་མཐུན་པ་དང་། རྩོད་གཞི་མང་རུ་འགྲོ་རྒྱུ་ལས་ཕན་པ་གང་ཡང་མེད། དེ་བས་གོམ་བགྲོད་བྱེད་རྒྱུ་མཚམས་འཇོག་བྱས་ན་ཡག་ཤོས་རེད། དར་དམར་ཁྱེར་ནས་གོམ་བགྲོད་དགོས་པ་མེད་གནམ་གྲུ་དང་། རླང་འཁོར་ནང་ལྷོད་ལྷོད་བྱས་ནས་ཁ་བྱང་ཕྱོགས་སུ་འགྱུ་དང་དར་དམར་འོག་སླེབས་ངེས་པ་ཡིན།
ཁྱེད་དངོས་གནས་བོད་པའི་ཆེད་དུ་ལས་འགུལ་སྤེལ་འདོད་ན། རྒྱ་དར་དེ་འཕྱར་རྩ་བ་ནི་མི་རུང་། འོན་ཀྱང་ཁྱེད་ལ་འགན་ཅི་ཞི་ཡོད་མེད་དང་། མངོན་མེད་ཀྱི་ལས་དོན་གང་ཞིག་སྒྲུབ་དགོས་མིན་སུས་ཀྱང་མི་ཤེས། ཁྱེད་ལ་ཡིད་ཆེས་རྦད་དེ་བརླགས་སོང་བས་བློས་འཁེལ་ཐབས་བྲལ།
ངས་ཁྱེད་ལ་རེ་བ་ཞིག་ཞུ་རྒྱུ་ནི། ཁྱེད་ཀྱིས་ནང་མི་བུ་ཕྲུག་ལ་ལྟ་སྐྱོང་གནང་སྟེ། ཁ་ཁུ་སིམ་མེར་སྡད་དེ། ནང་དཀྲུག་གི་མཚམས་འཇོག་ན་དེ་ལས་དགའ་ས་མི་འདུག་ལགས། བྱུང་མ་མྱོང་། ལས་མ་མྱོང་བ་ཁྱེད་ཀྱིས་ལས་ཚར་ཐལ། ཡིད་ཀྱི་གཏིང་ནས་སྐྱུག་བྲོ་ཞིང་། ཡིད་ཚིམ་སོང་། ད་ནི་ཁྱེད་བོད་ལ་སླེབ་འདུག་ཟེར་ན། དགའ་སྡུག་གི་ཚོར་བ་ཅི་ཡང་སྐྱེ་ས་མ་རེད།
༄༅། །གོང་དུ་ལུང་རྟོགས་ལགས་ནས་གསུངས་དོན་ལྟར། ད་ལྟ་ང་ཚོའི་རྩ་དོན་ཐབས་རྩོད་ཀྱི་ལས་འགུལ་གང་ཅིར་རྒྱ་དམར་གྱི་དར་ཆ་དམར་པོ་ཁྲག་མདོག་ཅན་དེ་འཕྱར་རྒྱུ་ཏན་ཏན་སྔ་དྲགས་པ་རེད། ཉེ་ལམ་བཀའ་སྤྱི་བཟུང་འབྲེལ་གྱིས་རྒྱ་གར་རྒྱལ་ས་ནིའུ་ལྡི་ལིར་བོད་མིའི་གདུང་སེམས་མཉམ་སྐྱེའི་ལས་འགུལ་ཆེན་མོར་ཡང་རྒྱ་ནག་གི་རྒྱ་དར་འཕྱར་མེད་པ་དང་བཙན་བྱོལ་གཞུང་གི་སྟི་གནས་༧བཞུགས་སྒར་དུ་ཡང་བཀའ་ཤག་དང་སྤྱི་འཐུས་ལྷན་ཁང་སོགས་ཀྱི་སྒོ་ཁར་ཡང་རྒྱ་དར་འཕྱར་མེད་པ་མཁྱེན་གསལ་རེད། མ་འོངས་པར་ཡང་རྒྱ་ནག་གཞུང་ནས་རང་དོན་མཚུངས་པའི་རང་སྐྱོང་ཞིག་མ་སྤྲད་བར་རྒྱ་དར་ལ་བརྩི་བཀུར་དང་ལས་འགུལ་ག་འདྲ་ཞིག་ནང་འཕྱར་ན་བོད་ཕྱི་ནང་གཉིས་ཀྱི་བོད་མི་ཚོས་ངོས་ལེན་བྱ་ཐབས་མེད་པ་གསལ་པོ་རེད།
བོད་མི་སྤྱི་བོ་གནམ་བསྟན་སུ་ཡིན་རུང་བོད་སྤྱི་པའི་རྩ་དོན་སྨན་པའི་ལས་འགུལ་བྱེད་རྒྱུར་གཞན་འདྲི་དགོས་དོན་མེད་ལ་ལས་འགུལ་མི་སྤེལ་སྔོན་ནས་དེའི་སྐོར་བགྲོ་གླེང་བྱ་དགོས་དོན་གང་ཡང་མེད་པས་རྒྱུ་མཚན་ནི་མི་སྒེར་ཞིག་གིས་ལས་འགུལ་ཡིན་པས་པྱིར། ཡིན་ན་ཡང་ད་ལྟའི་ལས་འགུལ་སྤེལ་དགོས་པའི་དོན་མཚན་ལྔ་ཅན་དེ་འགྲུབ་པར་རྒྱ་དམར་གྱི་རྒྱལ་དར་འཁྱེར་རྒྱུའི་རྒྱུ་མཚན་མི་འདུག་ལ། མི་འཁྱེར་ན་ལེགས་པ་འདུག། དེ་ལ་དབུ་མ་དང། རང་བཙན། ད་ལྟའི་གནས་སྟངས། ཚོགས་པ་ཁག་གི་འགྲེལ་བརྗོད་གང་བྱུང་བྱ་དགོས་པའི་རྒྱུ་མཚན་ཁ་སྤུ་ཙམ་མི་འདུག ཡིན་ནའི་རྡ་སའི་བདག་མེད་ཀྱི་སྦྲ་དང། སྤྲེའུ་དེ་ཚོ་ཡང་ཟས་ཉལ་གཏང་རྒྱུའི་ལས་ཀ་མེད་པས་ཁ་སྟོང་མ་འཇོན་པའི་སྐད་རྒྱབ་བཞིན་འདུག་ན་དེ་ཁུལ་མི་དེ་ཚོར་བརྗོད་མི་དགོས་པ་ཡིན།
གླིང་ཚ་ལགས་ཀྱིས་ལྷག་བསམ་དང་སྙིང་སྟོབས་ལ་ཡི་རང་དང་བསྔགས་བརྗོད་ཞུ།
ཡང་སྐྱར་འཐབ་རྩོད་རྒྱུན་བསྐྱངས་སྐབས་རང་ཐག་རང་གཅོད་བྱེད་རྒྱུ་ལས་སྐབས་འཚོལ་བའི་ལག་ཆ་མི་ཆགས་པར་ཡིད་གཟབ་གནང་རོགས་ཞུ་འདོད་བྱུང་། ཐུག་རྗེ་ཆེ།
དྲང་པོ་བཤད་ན་དང་པོ་རྒྱ་ནག་གི་རྒྱལ་དར་ཁྱེར་བའི་དམིགས་ཡུལ་གང་ཡིན་ཁོང་རང་ཉིད་ཀྱིས་གསལ་པོ་གསུང་དགོས་པ་རེད་འདོད།
རང་ཉིད་ཀྱི་བསམ་ཚུལ་ཙམ་བཤད་ན་དེ་ནི་བོད་མི་སྤྱི་ཡོངས་ཀྱི་འདོད་པ་དང་མི་་མཐུན་པ་ཞིག་རེད།
ང་ཚོའི་འགོ་ཁྲིད་ངོ་མ་ནི་བོད་ནང་གི་བོད་མི་ཚོ་ཡིན་པ་སོང་ཙང་ཁོང་ཚོས་རྒྱ་ནག་གི་རྒྱལ་དར་སློབ་གྲྭ་དང་དགོན་པ་སོགས་ཀྱི་ནུང་འཇོག་རྒྱུར་ངོ་རྒོལ་གནང་གི་ཡོད་པ་རེད།
་་་་ བོད་མིའི་སྒྲིག་འཛུཊ་ཀྱིས་བོད་རང་བཙན་མ་ཡིན་པ་ཞིག་དང་ད་ལྟའི་རྒྱ་ནག་སྲིད་ཇུས་ཀྱང་མིན་པའི་རང་སྐྱོང་གནས་བབ་ཅིག་རྩོད་བཞིན་ཡོད་སྟབས། གོམ་བགྲོད་སྐབས་རྒྱ་དར་འཕྱར་བ་དེ་དབུ་མའི་ལམ་གྱི་དགོངས་དོན་དང་འགལ་ཟླ་ཆཊ་ཡོད་སྐོར།
ཡིན་ནའང་གཙོ་བོ་སོ་སོའི་རྣམ་དཔྱད་རྩལ་དུ་བཏོན་ཏེ་ཐག་གཅོད་དགོས་པ་ལས་གཞན་གྱིས་ཟེར་རྗེས་སུ་འབྲང་ན་མི་འགྲིག་ཚུལ་བརྗོད་སོང་། ་་་་ཟེར།
ཁྱེད་རང་རང་གིས་ཐག་གཅོད་དགོས་པ་ལས་བགྲོ་དྲིས་པ་ནི་དོན་མེད་རེད།
མི་ལ་ལས་དབུ་མའི་ལམ་ནས་རང་སྲིད་རང་སྐྱོང་ཐོབ་ཀྱང་རྒྱ་ནག་གི་རྒྱལ་དར་འོག་ལ་འགྲོ་དགོས་པས་གླིང་ཚས་རྒྱལ་དར་འཕྱར་བ་དེ་མི་འོས་པ་མིན་ཚུལ་བཤད་ཀྱི་འདུག འོན་ཀྱང་ང་ཚོ་ལ་ད་ལྟ་རང་སྐྱོངས་ཐོབ་མེད་ལ་རང་སྐྱོངས་རྩོད་ཀྱི་ཡོད་པ་རྒྱ་གཞུང་གིས་ཁས་ཀྱང་ལེན་ཀྱི་མེད་པས་རྒྱ་དར་འཕྱར་བའི་དུས་ལ་གཏན་ནས་སླེབས་མེད། ནམ་ཞིག་ང་ཚོ་ལ་རང་སྲིད་རང་སྐྱོང་ཐོབ་སོང་ན་དེ་དུས་རྒྱ་དར་འོག་ལ་འགྲོ་དགོས་ཀྱང་ང་ཚོའི་དམིགས་ཡུལ་འགྲུབ་སོང་བ་ཡིན་པས་འགྲོ་རིན་ཆོག་པ་རེད། ད་ལྟ་རྒྱ་གཞུང་གིས་རྣམ་པ་འགྱུར་བའི་རང་བཙན་རྩོད་ཀྱི་འདུག་སོགས་བཤད་ནས་རང་སྐྱོངས་རྩོད་ཀྱི་ཡོད་པ་ཁས་ཀྱང་ལེན་གྱི་མེད་པའི་དུས་འདི་འདྲ་ལ་རྒྱ་དར་འཕྱར་ནས་འགྲོ་བ་ནི་མགོ་སྒུར་དུ་འགྲོ་བ་ལྟ་བུ་ལས་འཐབ་རྩོད་བྱེད་དུ་འགྲོ་བ་ལྟ་བུ་ཞིག་གཏན་ནས་མཐོང་གི་མི་འདུག