གསར་སྙིང་།

ཉིན་ཤས་སྔོན་ནས་བཟུང་མཚོ་སྔོན་ཞིང་ཆེན་འཇུ་ལག་རྫོང་ཁོངས་སུ་གངས་སྐྱོན་བྱུང་སྟེ་ཕྱུགས་ཟོག་སེམས་ཅན་དང་ཞིང་ཁར་གནོད་སྐྱོན་ཆེན་པོ་ཐེབས་ཀྱི་ཡོད་འདུག་་་

འཛམ་གླིང་ནང་གི་རང་བྱུང་གནོད་སྐྱོན་ཆེས་མང་བའི་རྒྱལ་ཁབ་ཧྥི་ལི་པེན་གྱི་ནང་ས་ཡོམ་ཚད་རིམ་ ༦.༤ ཅན་ཞིག་བརྒྱབ་སྟེ་མི་རྒྱུ་གཉིས་ལ་གནོད་སྐྱོན་ཐེབས་ཡོད་འདུག་་་

ཧོང་ཀོང་གི་འགྲོ་བ་མིའི་ཐོབ་ཐང་དང་དམངས་གཙོའི་ཁྲིམས་འཆར་དེར་ཨ་རིའི་གྲོས་ཚོགས་འོག་མའི་ནང་མང་མོས་རྒྱབ་སྐྱོར་ཐོབ་སྟེ་གྲོས་ཚོགས་གོང་མར་ཕུལ་ཡོད་འདུག  ་་་

སྲིད་སྐྱོང་མཆོག་གིས་ཅེག་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ནང་དུ་བོད་ནང་གི་ཆོས་དང་རིག་གཞུང་། ཁོར་ཡུག་སོགས་ཀྱི་ཛ་དྲག་གནས་སྟངས་སྐོར་གསུང་བཤད་གནང་འདུག་་་

༧གོང་ས་མཆོག་གིས་དེང་དུས་ཀྱི་སློབ་གསོ་དང་ནང་སེམས་ཀྱི་དཀའ་ངལ་ལ་གདོང་ལེན་བྱེད་ཐབས་ཀྱི་རྒྱ་གར་གྱི་གནའ་བོའི་རིག་གཞུང་གཉིས་མཉམ་འབྲེལ་བྱེད་པའི་ནུས་པ་རྒྱ་གར་ལ་ཡོད་པས་འཛམ་གླིང་ནང་སྣེ་འཁྲིད་དགོས་སྐོར་གསུངས་འདུག་་་

རྒྱ་གཞུང་ཉེན་རྟོག་པས་འཛིན་བཟུང་བཙན་འཁྲིད་བྱས་པའི་བོད་ནག་ཆུ་ས་ཁུལ་གྱི་བོད་མི་ལྔ་ཀློད་གྲོལ་བཏང་ཡོད་ཀྱང་བོད་མི་གཅིག་གོ་ཐོས་མེད་པར་གྱུར་འདུག་་་

རྒྱ་གར་གཞུང་ནས་༧གོང་ས་རྒྱལ་བ་རིན་པོ་ཆེ་མཆོག་ལ་རྒྱ་གར་གྱི་ཆེས་མཐོའི་གཟེངས་རྟགས་བྷ་ར་ཊི་ར་ཊི་ནཱ་འབུལ་མ་ཐུབ་ནའང་རྒྱལ་སྤྱིའི་གྷན་དྷི་ཞི་བདེའི་གཟེངས་རྟགས་འབུལ་ཐུབ་དགོས་སྐོར་གསུངས་སོང་།་་་

དེ་རིང་སྔ་དྲོར་དྭགས་པོ་བསོད་ནམས་ནོར་བུ་མཆོག་ནས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་པ་ཆེ་བའི་ལས་འཁུར་དམ་བཅའ་འབུལ་བའི་མཛད་སྒོ་ཚོགས་སོང་།་་་