༧གོང་ས་མཆོག་གིས་ཡུ་རོབ་རྒྱལ་ཁབ་ཁག་གི་ཆིབས་བསྒྱུར་མཛད་འཕྲིན་ཁག་གྲུབ་སྟེ་ཕྱི་ཚེས་ ༡༣ ཉིན་བཞུགས་སྒར་དུ་ཆིབས་བསྒྱུར་བསྐྱངས་ཡོད་པ་དང་། བཞུགས་སྒར་གྱི་སེར་སྐྱ་མི་དམངས་དང་བཙན་བྱོལ་བོད་གཞུང་བཅས་ཀྱིས་ཕེབས་བསུ་ཞུས་ཡོད་པ་རེད། ཡིན་ཡང་། ཉིན་དེར་ཀང་ར་རྫོང་ཉེན་རྟོག་ལས་ཁུངས་ཀྱིས་མེག་གྷན་ནས་རྒྱ་མི་ཞིག་འཇུས་ཡོད་པ་དང་། རྒྱ་མི་དེའི་མིང་ལ་ལའེ་ཞོན་འབོད་ཀྱི་ཡོད་འདུག ཉེན་རྟོག་ཁོ་ལ་དགོས་ངེས་ཀྱི་ཡིག་ཆ་སྟོན་རོགས་ཞེས་བཤད་ཀྱང་། ཡིག་ཆ་གསལ་བོ་སྟོན་རྒྱུ་མེད་པར་བརྟེན་ཕྱི་རྒྱལ་བའི་རྩ་ཁྲིམས་འོག་ནས་འཇུས་ཤིང་བཀག་སྐྱིལ་བྱས་ཡོད་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
o nno
ཁྱོད་ཚོས་བཤད་པ་ངོ་མ་ཕྲུ་གུའི་ཅ་ཅོ་རང་རེད། རྒྱུ་མཚན་གང་ཡང་མི་འདུག དེ་བས་དང་ནུབ་མེག་གན་དུ་བ་གླང་ཞིག་རྨས་འདུག་ཟེར་ཕལ་ཆེར་རྒྱ་མིས་སོ་བཏབ་པ་ཡིན་ས་རེད། རྨ་ཁ་ཆེན་པོ་འདུག ངས་ད་ལྟ་སྨན་བཅོས་བྱ་མུས་ཡིན། དྲག་མིན་མི་ཤེས། དྲག་མ་སོང་ན་གླང་ཤོ་ཉོ་བར་ཤོག
མ་གཞི་ནས་མི་དེའི་རིགས་འཐུས་ཤོར་མེད་པའི་ཐོག་ནས་འཛིན་བཟུང་བྱེད་དགོས་ནི་རེད། གང་ཡིན་ཟེར་ན་རྒྱ་དམར་ལ་འཕྲུལ་ལས་སྣ་ཚོགས་བྱེད་རྒྱུ་མང་པོ་ཡོད་ནོ་ང་ཚོ་ཚང་མའི་ཤེས་ཤེས་པ་རེད། དེའི་འདི་འདྲའི་རིགས་ལ་དང་པོ་ཉིད་ནས་གཟབ་གཟབ་བྱས་ན་བཟང༌། གང་ལྟར་མི་འདི་རྒྱལ་ཁོངས་གང་ཡིན་དང་མི་རིགས་གང་ཡིན་གཙོ་བོ་མ་རེད། ང་ཚོས་མི་འདིའི་ལས་དཀའ་ཅི་ཞིག་ཡིན་པ་དང་། མི་འདི་ལ་གནད་དོན་གཞན་ཡོད་མེད་སོགས་ལ་ངེས་པར་བརྟག་དཔྱད་བྱེད་དགོས་ངེས་རེད་སྙམ།
གང་ལྟར་ཀྱང་རྒྱ་དམར་གྱིས་ངོན་ལྐོག་གང་ནས་ཡིན་ཡང་གླེགས་འཚོལ་པའི་ཐབས་ལ་ཅི་ཡང་བེད་སྤྱོད་བྱེད་སྲིད་པས་སྤྱིར་བོད་གཞུང་གི་ལས་ཁུངས་ཁག་གིས་འདི་ལ་དོ་སྣང་གནད་དུ་བྱེད་རྒྱུ་གལ་ཆེ། ང་ཚོ་ལ་དགྲ་ཞིག་ཡོད་ཕྱིར་་་ཕྱི་གསལ་ནང་གསལ་ཡིན་མིན་གྱི་རྒྱུ་མཚན་མིན་པར་དེའི་རིགས་ལ་གཟབ་རྒྱུ་དེ་གནད་དུ་ཆེ་པར་སྙམ།
ཁྱེད་རང་ཡིད་མི་ཆེས་ན་
ཇུས་གཏོགས་དཔོན་ལགས། ཁྱེད་རང་དྲ་ཐོག་འདིས་དྲ་གྲོགས་གསར་བ་ཞིག་རེད། རྗེས་ཕྱོགས་སྐུ་ཚེ་རིང་བ་དང་སྐུ་ཉིད་གསར་དུ་ཕེབས་པར་དགའ་བསུ་ཞུ། རྒྱ་གར་གཉེན་རྟོག་པ་དེ་དག་དོན་མེད་དུ་མི་འཛིན་བཟུང་བྱེད་རྒྱུ་དགའ་བོ་ཡོད་ལ། དེའི་ནང་དགོས་སུ་གསར་འབྱོར་སྐྱབས་བཅོལ་ལག་ཁྱེར་མེད་མཁན་དེ་དག་འཛིན་བཟུང་བྱེད་རྒྱུར་གོམ་གཤིས་ཆགས་ཡོད་པ་རེད། ཁྱེད་རང་ཡིན་མི་ཆེས་ན་རྡ་རམ་ས་ལ་ནས་སྐྱབས་བཅོལ་ལག་ཁྱེར་གྱི་གནད་དོན་སྒང་ནས་གསར་འབྱོར་ཁ་ཤས་ཤིག་ཀང་ར་རྫོང་དུ་འཛིན་བཟུང་བྱས་དེ་ལོ་གཅིག་ཙམ་འགོར་ཡང་གློད་མེད་པ་རེད། དེ་དག་ནི་རྒྱ་ནག་གི་ཉུལ་མ་མ་ཡིན་པར་སྐྱབས་བཅོལ་ལག་ཁྱེར་ཡོད་མེད་ཀྱི་གནད་དོན་འོག་འཇུ་བཟུང་བྱས་དེ་ད་དུང་བཙོན་ཁུང་དུ་ཡོད་པ་རེད།
དེའི་རིགས་འཛིན་བཟུང་བྱས་ན་ཏག་ཏག་རེད། ང་ཚོས་ཀུ་ཡངས་མདོག་ཆེན་པོས་བསྡད་ན་བསམ་ཡུལ་ལས་འདས་པའི་དོན་རྐྱེན་འབྱུང་མི་སྲིད་པ་མ་རེད། དེའི་ཐད་ལ་རྒྱ་གར་སྐོར་སྲུང་བར་བཀའ་དྲིན་ཆེ་ཞུས་ན་རེད། མཇུག་འབྲས་ཤིག་ཀྱང་དགོས་ངེས་རེད།
མི་ནག་ཚང་ལགས། ཨ་རི་དང་རྒྱ་གར་གྱི་མི་སེར་ཡིན་པའི་བོད་པ་ཡོད་ཆོག་ལ། རྒྱ་མིའི་མི་སེར་ཡིན་པའི་བོད་པ་ཞེས་པ་ཞིག་མེད་པའི་རྒྱུ་མཚན་གང་ཡིན་ནམ།
བོད་ ཤ་ཁྲག་རུས་གསུམ་ལགས། མི་ལ་དོགས་པ་བྱས་ནས་བཟུང་བའི་རེད་ཟེར་བའི་དོན་ཇི་ལྟར་ཡིན་ནམ།
བར་མ་བར་ནས་མི་ཉེས་མེད་རེ་བཟུང་མེད་པར་ཤོག རྒྱ་གར་བ་གཉེན་རྟོག་པ་དེ་ཚོ་མི་ཉེས་མེད་འཛིན་རྒྱུར་དགའ་བོ་ཡོད་པ་རེད། རྒྱ་ནག་གི་ཉུལ་མ་ཞིག་ཡིན་པས་དབང་དུ་བཏང་ན་ཡང་། བོད་བཙན་བྱོལ་ཚང་ལ་ཉུལ་རྒྱུ་གང་ཡང་ཡོད་པ་མ་རེད། ཕྱི་གསལ་ནང་གསལ་རེད། དེ་ལས་ཉེས་མེད་ཡིན་མི་ཤེས་ཤིང་། བོད་པ་ཡིན་མིན་མི་ཤེས་བས་མི་དེ་ནི། དོགས་པ་བྱས་དེ་བཟུང་བ་རེད་འདུག་ན། དོགས་པ་སེལ་ནས་འདི་རེད་ཟེར་བས་གཏམ་ཞིག་ཀྱང་གོ་བར་རེ་བ་ཡོད། རྒྱ་ཡིན་ན་རྒྱ་དང་བོད་ཡིན་ན་བོད།
དེང་སྐབས་བོད་སྐད་མི་ཤེས་པའི་བོད་པ་དང་། བོད་སྐད་ཤེས་པའི་རྒྱ་མི་ཡོད་པ་ནི་རྒྱུན་ལྡན་གྱི་གནས་ཚུལ་རེད། ཡིན་ཡང་རྒྱ་མིའི་མི་སེར་ཡིན་པའི་བོད་པ་ཞེས་པ་ཞིག་ཡོད་པ་མ་རེད། བཙན་བྱོལ་དུ་འཚར་བའི་མི་ཐོག་འདི་དག་མ་གཏོགས་རྒྱ་ནག་གི་དབང་སྒྱུར་འོག་ཤོར་བའི་བོད་པ་ཚང་མ་དང་། གྲངས་ཉུང་མི་རིགས་གཞན་ཚང་མ་ཀྲུང་གོའི་མི་སེར་ཞེས་པའི་ཁོངས་སུ་བསྡུ་གི་ཡོད་པ་རེད། དེ་བས་ཀྲུང་གོའི་མི་སེར་ལག་ཁྱེར་བཟུང་ཡོད་པའི་བོད་པ་ཞིག་ཡིན་སྲིད། དེས་བོད་སྐད་ཀྱང་མི་ཤེས་པ་སྲིད།
ལ་ལས་ཟེར་ན་དེ་རྒྱ་མི་བོད་སྐད་ཤེས་མཁན་ཞིག་རེད་ཟེར་བ་དང༌། ཡང་ལ་ལས་རྒྱ་མིའི་མི་སེར་ཡིན་པའི་བོད་ཞིག་རེད་ཟེར་གྱི་འདུག་དོན་དངོས་དེ་སུ་ཡིན་ནམ།