གུ་རུའི་སྐུ་བརྙན་ཞིག་ཁྲོས་འདུག

ས་པཎ་ཀྱིས་སྡོམ་གསུམ་རབ་དབྱེ་སོགས་སུ་འདྲ་སྐུ་ལས་མཆི་མ་འཛགས་པ་སོགས་བཀྲ་མི་ཤིས་པའི་རྟགས་སུ་བཤད་པ་ལྟར་ན་གྲུབ་དབང་མཆོག་སྐུ་གཤེགས་པ་འདིས་བསྟན་འགྲོ་ལ་བཀྲ་མི་ཤིས་པའི་གནས་ཚཱུལ་ཞིག་ལྷགས་པ་དེ་མཚོན་པ་ལོས་ཡིན།

ལྷ་ངུ་ན་ཐམས་ཅད་ངུ་མི་་དགོས་ལ་མི་ངུ་ན་མི་ཐམས་ཅད་ངུ་མི་དགོས་སོ།

ཁྱོད་ཚོས་འདི་ལྟར་རྩོད་པ་ཞིག་རྒྱག་དོན་གྱི་འབྲས་བུ་ཅི་ཞིག་གི་ཆེད་དུ་རེད། དེ་ལས་དད་པ་ཡོད་ན་གསོལ་བ་ཐོབ། དད་པ་མེད་ན་དག་སྣང་སྦྱོངས།

སྤྱིར་བོད་ཀྱི་བླ་ཆེན་ཞིག་མྱ་ངན་ལས་འདས་བའི་ཚུལ་བསྟན་པ་ཙམ་གྱིས་གུ་རུ་རིན་པོ་ཆེ་ཁྲོས་བའི་རྣམ་འགྱུར་སྟོན་དགོས་བའི་རྒྱུ་མཚན་གང་ཡིན་ནམ། བླ་ཆེན་འདི་ཞལ་བཞུགས་པའི་སྐབས་སུ་སངས་རྒྱས་ཀྱི་བསྟན་པ་དར་སྤེལ་དུ་བཏང་མང་དྲག་པས་ཡིན་ནམ། དྲ་གྲོགས་ཚོར་ད་ཐེངས་གུ་རུ་རིན་པོ་ཆེ་ཁྲོས་བ་དང་བཤུམས་པའི་མཛད་པ་སྟོན་དགོས་དོན་གང་རེད། གནས་ལུགས་དང་མཐུན་པའི་སྒོ་ནས་འབྲེལ་བཤད་རེ་རྒྱག་རྒྱུ་མཁྱེན།

དེང་སྐབས་ས་དགེ་བཀའ་རྙིང་དགོན་པ་གང་སར་གུ་རུའི་སྐུ་བརྙན་མེད་ས་ཞིག་མེད་པས་འདི་དག་ཐམས་ཅད་མ་བཤུམས་པ་དང་ཐུགས་མ་ཁྲོས་བ་དེ་ཡ་མཚན་རེད ། རྡ་སའི་གཙུག་ལག་ཁང་དུའང་སློབ་དཔོན་གྱི་སྐུ་བརྙན་དམིགས་བསལ་ཅན་ཞིག་ཡོད་ན་ཁོང་གི་ཐུགས་དེ་འདྲ་སྐྱོ་བ་དང་ཁྲོས་བའི་རྣམ་པ་ཞིག་མེད་པས་དེ་ལས་ཀྱང་ཡ་མཚན་པ་ཞིག་རེད ། གུ་རུ་ཁྱོད་ཀྱིས་བོད་ཁམས་ལ་བཏང་སྙོམས་སུ་གཟིགས་ཡོད་ན་བོད་ཁམས་ཀྱི་དད་པ་དམ་ཚིག་གཅིག་ཏུ་སྒྲིལ་ཡོད་པས་མི་རིགས་འདིའི་སྣང་ངོར་ཡང་ཅི་ཅར་དུ་མངོན་པར་མཛོད།

དགོད་པའི་ཁ་ལ་བལྟས་ན་དགོད་བྲོ་བ། ངུ་བའི་གདོང་ལ་བལྟས་ན་ངུ་བྲོ་བ་ཞིག་ཡིན་ནི་རེད། འདི་གཙོ་བོ་དད་པ་དང་དམ་ཚིག་ལ་བརྟེན་ནས་བྱུང་བ་ཞིག་རེད། ཡིན་ནའང་མ་གཞི་གུ་རུརིན་པོ་ཆེ་སྐབས་ལ་ལར་ཁྲོས་འདུག་པ་དང་མཚམས་ལ་རེར་དགད་འདུག་པ་ལྟ་བུ་ཞིག་མ་རེད་དམ། གང་ལྟར་གོང་གི་གསར་འགྱུར་འདིར་ཅུང་ཟད་བརྟག་ན། འདིས་པད་ནོར་རིན་པོ་ཆེར་བསྟོད་པ་ཞིག་བྱེད་བསམ་པ་རེད། འདིའི་ཐད་ནས་ག་རེ་བྱེད་ཀྱང་བཤད་དུ་ཆུགས། འདི་ལ་རྩོད་པ་བྱེད་དགོས་དོན་མི་འདུག་ཨང༌། ཡིན་ནའང་ང་ཚོས་གཟབ་གཟབ་བྱེད་དགོས་ས་ནི་རྗེས་མར་འདིའི་རིགས་ཁྱིམ་པ་བསུན་འབྱིན་དུ་མི་འགྱུར་བའི་ངེས་པ་མེད། གཙོ་བོ་ཆོས་བརྫུན་བཤད་ནའང་རྗེས་མར་རྐུབ་མི་བརྡོལ་བ་ཞིག་འབད་ཐབས་བྱེད་རྒྱུ་ནི་ཐབས་དམ་པ་ཉག་ཅིག་ཡིན། དེ་མིན་རྡུལ་རྩི་མི་འབབ་ན་འབབ་ཁ་འདྲ་དང༌། དྲི་བསུང་མི་བྲོ་ན་བྲོ་ཁ་འདྲ། བླ་མ་ཞིག་གི་དགོངས་པ་གཞན་དུ་གཏད་ཚེ་རུལ་དྲི་བྲོ་ནའང་དེའི་གདུལ་བྱ་རྣམས་ཀྱིས་དྲ་བཟང་དུ་གོ་བ་ནི་ཆོས་ཉིད་དུ་སོང་བས། ང་ཚོའི་བོད་རྒན་དད་པ་ཅན་རྣམས་ཀྱིས་དེའི་རིགས་ཀྱི་སྐད་ཆ་ལ་གཟབ་གཟབ་བྱེད་པར་རན། དད་པ་ནི་དད་པ་སྟེ། དེ་འགོག་མི་རུང་ནའང་དད་པར་བརྟེན་ནས་འུར་སྒྲོགས་བྱེད་པ་ནི་རང་ཉིད་གཡང་དུ་སྐྱུར་བྱེད་ཀྱི་རྙི་ཐིག་ཡིན་པས། དེའི་རིགས་ལ་སྐད་ཆ་ཉུང་ཙམ་བྱེད། བསམ་བློ་མང་ཙམ་གཏོང་རྒྱུ་གལ་ཆེ།

རྗེ་ཙོང་ཁ་པའི་གསང་བའི་རྣམ་ཐར་ཚིགས་བཅད་མ་ལས། སྐུ་གསུང་ཐུགས་རྟེན་རབ་གནས་མཛད་པའི་ཚེ། །དམ་ཚིག་པ་ལ་ཡེ་ཤེས་མངོན་སུམ་ཞུགས། །གང་གིས་བྱིན་གྱིས་བརླབས་པའི་ལྷ་ཚོགས་རྣམས། །སྐྱེ་རྒུའི་བསོད་ནམས་ཞིང་དུ་ལེགས་གྲུབ་པ། །ཞེས་གསུངས་པ་བཞིན། རྡོ་རྗེ་ཐེག་པའི་ལུགས་ལ་དམ་ཚིག་པ་ལ་ཡེ་ཤེས་པ་དངོས་སུ་ཞུགས་ཟེར་བ་ཞིག་ཡོད་པས། གལ་སྲིད་དེ་ཁས་ལེན་ན་ནི་དམ་ཡེ་དབྱེར་མེད་དུ་བཞུགས་པའི་སྐུ་འདྲ་དག་གིས་ལས་དག་པའི་སྣང་ངོར་རྣམ་འགྱུར་སྣ་ཚོགས་ཤིག་སྟོན་པ་འདི་ནི་སངས་རྒྱས་པ་གཅིག་པོ་མ་ཡིན་པར་ཆོས་ལུགས་གཞན་པ་དག་ལ་ཡང་དེ་བཞིན་ཡོད་འདུག་ན། དགེ་ལྡན་ལེགས་བཤད་ལས། ཧ་ཅང་མཁས་པའང་མཁས་པ་མིན། །ཧ་ཅང་བླུན་པའམ་བླུན་པོ་མིན། །ཧ་ཅང་མཁས་པའང་མཁས་ཡིན་ན། །ཕ་རྒན་དུ་བས་གསོད་ཅེས་གྲགས། །།ཞེས་པ་འདི་ཐུགས་ལ་ཟུངས།

དྲ་གྲོགས་ཁ་ཤས་ཀྱིས་བཤད་པ་ལ་དངོས་གནས་གོ་རྒྱུ་འདུག
ད་དུང་མང་བོ་ཞིག་སྲོལ་རྒྱུན་འོག་ནས་ཐར་གི་མེད་ཀི་ཡ་།
གངས་རིའི་གླིང་བུ་ཟེར་བ་འདི་ཅུང་ཙམ་བཟང་གི

བླ་རྒན་ཚོ་འུར་སྒྲོག་བྱེད་པར་དགའ་ལ། རྨོངས་དད་ཅན་རྣམས་གཡམ་རྒྱུག་བྱེད་པ་ལ་དགའ། ང་གུ་རུ་རིན་པོ་ཆེ་ལ་མ་དད་པ་མིན་ཡང་བླ་རྒན་འགའ་ཤས་ཀྱིས་བསྟོད་བསྔགས་བྱེད་སྟངས་གཏན་ནས་ཤེས་ཀྱི་མི་འདུག ཐུབ་དབང་དང་འཇམ་དབྱངས་སོགས་བཤུམ་གྱི་མི་འདུག་གམ། གུ་རུ་རིན་པོ་ཆེ་བཤུམས་ནས་ཁོང་ཚོ་མི་བཤུམས་པ་ཅི་རེད། འདི་ལ་རྒྱབ་ལྗོངས་ཤིག་ཡོད་ངེས་རེད། གུ་རུ་རིན་པོ་ཆེ་སྐྱབས་སུ་མཆི།

ལས་སྣང་དག་པའི་སྐལ་བཟང་གདུལ་བྱ་ལ།།
ལྷ་དང་བླ་མས་བྱིན་རླབས་དངོས་གྲུབ་བསྩལ།།
དད་པ་དག་སྣང་མེད་པའི་བདུད་རྒན་ལ།།
བླ་མ་སྒོ་དྲུང་པེབས་ཀྱང་མཇལ་དཀའ་འོ།།

བླ་མ་ཡོད་དུས་དད་པ་མེད། བླ་མ་མེད་དུས་བསྟོད་བསྔགས་བྱེད། ཁ་རྫུན་བསྒྲགས། ད་ནི་བོད་པ་ཚང་གི་བླ་ཆེན་གཅིག་གཤེགས་ཤུལ་དུ་སྐུ་འདྲ་ཞིག་གིས་སྤྱན་ཆུབ་འཐོར་བཞིན་ཡོད་པ་ཡིན་ན། བོད་ཀྱི་དགོན་སྡེ་དྲུག་སྟོང་ལྷག་གཏོར་བཤིག་བཏང་དུས་སྐད་ཆ་དེ་འདྲ་གོ་རབས་མེད་མོད། ད་ནི་དངོས་ནས་མི་འདི་ཚོས་ག་རེ་བཤད་འདོད་ཡོད་པ་ཡིན་ནམ།