རྨ་ཆུ་རྫོང་ཁུལ་གྱི་བོད་ཡིག་སློབ་འབྲིང་གི་སློབ་མ་ཚོས་རྒྱ་ནག་གཞུང་ལ་མི་འདོད་པའི་རྣམ་འགྱུར་དང་ངོ་རྒོལ་སྐད་འབོད་བྱས་པར་བརྟེན། རྒྱ་གཞུང་གིས་བོད་ཡིག་སློབ་འབྲིང་གི་དགེ་རྒན་ ༢༡ ལ་རྒྱ་སྒོར་ཁྲི་གཅིག་ནས་ཁྲི་ ༦ བར་གྱི་ཉེས་ཆད་བཅད་ཡོད་འདུག
འདི་ལོའི་ཕྱི་ཟླ་ ༣ པའི་ཚེས་ ༡༤ ཉིན་རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་ཚོས་རྫོང་ཐོག་ཏུ་རྒྱ་ནག་གཞུང་ལ་ངོ་རྒོལ་སྐད་འབོད་བྱས་པར་རྐྱེན་བྱས་ཏེ། རྒྱ་གཞུང་གིས་བོད་ཡིག་སློབ་འབྲིང་གི་སློབ་གཙོ་སྐྱབས་ཆེན་བདེ་གྲོལ་དང་རྡོ་རེད། དེ་བཞིན་རྫོང་ཉེན་རྟོག་པའི་འགན་འཛིན་བཅས་གནད་ཡོད་མི་སྣ་ཁག་ཅིག་ལས་གནས་ནས་ཕྱིར་འབུད་བཏང་ཡོད་པ་དང་། གནས་ཚུལ་ཁག་ཅིག་ད་ལྟའི་ཆར་ཡང་མུ་མཐུད་བྱུང་དང་འབྱུང་བཞིན་ཡོད་སྟབས། འདི་གའི་གསར་འགོད་པས་ད་ལྟའི་གནས་ཚུལ་ཁག་ཅིག་ཐད་ཁ་པར་བརྒྱུད་རྨ་ཆུའི་སྒྲོལ་དཀར་སྐྱབས་ལགས་སུ་བཀའ་འདྲི་ཞུས་པར་ཁོང་གིས། ཉེ་ཆར་གནས་ཚུལ་བྱུང་རྗེས། དེར་ཡོད་སློབ་མ་གཙོས་སློབ་གྲྭའི་དགེ་སློབ་ཡོངས་ཀྱིས་ཁོང་ཚོར་ལས་སྣེ་ཕྱིར་སྤྲོད་བྱེད་དགོས་པའི་རེ་སྐུལ་དང་ངོ་རྒོལ་བྱས་ཡོད་ཀྱང་། རྒྱ་གཞུང་གིས་དེ་དག་ལ་ངོས་ལེན་གཅིག་ཀྱང་མ་བྱས་པར་མ་ཟད།སློབ་གཙོ་གཞོན་པ་དང་བོད་རིགས་སློབ་ཆུང་གི་བོད་ཡིག་དགེ་རྒན་དངུལ་རྭའི་སྟོབས་ལྡན་ལགས། དེ་བཞིན་རྨ་ཆུ་རྫོང་སློབ་འབྲིང་གི་སློབ་མ་ཚེ་རིང་དོན་འགྲུབ་དང་ཐུབ་བསྟན་ཉི་མ་འབོད་པ་བཅས་དགེ་སློབ་ཁག་ཅིག་རྨ་ཆུ་རྫོང་ཐོག་ཏུ་བཀག་ཉར་བྱས་ཡོད་པར་མ་ཟད། ཁོང་ཚོ་སུ་ཡིན་གསལ་ཁ་མེད་ཀྱང་། དེ་རིང་ནས་བཟུང་རྨ་ཆུ་རྫོང་འབྲིང་རིམ་མི་དམངས་ཁྲིམས་ཁང་གིས་ཁྲིམས་རྭ་འཚོགས་ཏེ་བཀག་ཉར་བྱས་ཡོད་པ་རྣམས་ལ་ཁྲིམས་ཐག་གཅོད་རྒྱུ་ཡིན་པའི་གནས་ཚུལ་ཞིག་ཀྱང་གོ་འོང་གི་འདུག ཅེས་འགྲེལ་བརྗོད་གནང་བྱུང་།
ཡང་ཁོང་གིས་མུ་མཐུད་བརྗོད་དོན། ཉེ་ཆར་རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་ཚོས་སློབ་གཙོ་དང་དགེ་རྒན་དག་ལ་ལས་སྣེ་ཕྱིར་སྤྲོད་བྱ་དགོས་པའི་ཐད། རྒྱ་ནག་གཞུང་ལ་ཡང་དང་བསྐྱར་དུ་ངོ་རྒོལ་དང་རེ་བ་བཏོན་ཡང་། གནས་ཚུལ་ལ་བཟང་ཕྱོགས་འགྱུར་བ་ཅི་ཡང་བྱུང་མེད་པར་མ་ཟད། ཉེ་བའི་བདུན་ཕྲག་ནང་སློབ་གྲྭའི་དགེ་རྒན་ ༢༡ ལ་སློབ་མ་ཚོར་འགན་མ་འཁུར་བ་དང་བཟང་ཕྱོགས་ཀྱི་སློབ་གསོ་མ་སྤྲད་པ་སོགས་ཀྱི་སྐོར་བཤད་དེ་རྒྱ་སྒོར་ཁྲི་ ༢ ནས་ཁྲི་དྲུག་བར་གྱི་ཉེ་ཆད་བཅད་ཡོད་འདུག་ལ། ད་ལྟའི་ཆར་སྔོན་ལྟར་དམག་མིའི་མཐའ་བསྐོར་ཏེ་སློབ་གྲྭར་དམ་དྲག་བྱེད་ཀྱི་མེད་ནའང་། སློབ་གྲྭའི་ནང་ནམ་རྒྱུན་གྱི་སློབ་མའི་བསླབ་བྱའི་རིགས་སློབ་སྦྱོང་བྱེད་ཀྱི་མེད་པར། དགེ་སློབ་ཡོངས་ཕྱིར་འགྲོ་བར་བཀག་སྡོམ་བྱས་ཏེ་ཁྲིམས་ལུགས་དང་ཆབ་སྲིད་ཀྱི་སློབ་སྦྱོང་སྤྲོད་ཀྱིན་ཡོད་འདུག་ཅེས་འགྲེལ་བརྗོད་གནང་བྱུང།
ཤ་ཁྲག་གཅིག་པའི་བྱས་རྗེས།
ད་ལམ་ཉེར་བའི་ཆར་ཡུལ་ཤུལ་བོད་རིགས་རང་སྐྱོང་ཁུལ་དུ་ས་ཡོམ་གྱི་ཡ་ང་བའི་གོད་ཆག་བྱུང་བ་བརྟེན། རང་རིགས་སྤུན་ཟླ་ཁྲི་ཕྲག་ལས་བརྒལ་བ་རྐྱེན་ལམ་དུ་འདས་གྲོངས་སུ་གྱུར། འོན་ཀྱང་ཁོང་འདས་པོ་རྣམས་ཀྱི་ཆེད་དུ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་གཅོ༹ས་རིས་མིན་བླ་ཆེན་རྣམ་པ་དང་ཆོས་རྒྱུད་སོ་སོ་གདན་ས་ཁག་གི་དགེ་འདུན་འདུས་མོང་ཡོངས་ནས་བསྔོ་སྨོན་རྒྱ་ཆེར་གནང་གི་ཡོད་པ་མ་ཆ༹ད། བོད་མི་ཅ༹མ་ཟས་བ་ཡོངས་རྗོ༹གས་ཀྱི་གདུང་སེམས་མཉམ་བསྐྱེད་ཐོག་སོ་སོར་གང་ཐུབ་རོགས་རིམ་རྒྱ་ཆེར་གནང་གི་ཡོད་པར་སྨོས་ཅི་དགོས། ཡིན་ན་ཡང་ཐུགས་སྐྱོ་བའི་གནས་ཚུལ་ལྟར་ན། ས་གནས་Belgiumགནས་སྡོད་རྒྱ་གར་སྡེ་ར་རྡུན་ནས་ཡིན་པ་བོད་པའི་བུ་མོ་ཆེ༹་དབང་སྒྲོལ་མ་དང་སྐྱིད་འཇོ༹མས་གཉིས་ནས་རང་སྣང་གང་ཤར་གྱི་ཤུལ་ལུས་རྒྱ་ཆེན་མི་དམངས་ཡོངས་ལ་རྩིས་མེད་རྡོག་རིལ་བཏང་སྟེ། ཁོ་མོས་བོད་མི་རིགས་ཀྱི་ལ་རྒྱ་དོར་ནས་གླུ་གར་དགོང་ཆོ༹གས་ཅིག་གོ་བསྒྲིགས་བྱས་སྟབས། ས་གནས་སྐུ་ཆ༹བ་སྐུ་ངོ་བདེ་དོན་ལགས་ཀྱི་གཅོ༹ས་ཆོ༹གས་པ་ཁག་གི་འགན་འཇི༹ན་རྣམ་པས་ཁོ་མོ་གཉིས་ལ་གླུ་གར་དགོང་ཆོ༹གས་ཕྱིར་འཐེན་ཡོང་བའི་འབོད་བསྐུལ་བྱས་ཀྱང་ཉན་མི་འདུག།
དེ་བརྟེན་ཤུལ་ལུས་རྒྱ་ཆེན་འབྲེལ་ཡོད་མི་མོང་ནས་གདུང་སེམས་མཉམ་བསྐྱེད་ཐོག་ཁོ་མོ་གཉིས་ལ་བསྐྱར་དུ་འབོད་བསྐུལ་བྱས་རྗེས། ཆོ༹གས་འདུ་ཐོག་ཆོ༹གས་པ་ཁག་གི་འགན་འཇི༹ན་རྣམ་པ་དང་མི་མོང་ཁ་ཤས་ངུ་འབོད་བྱེད་དགོས་པ་བྱུང་འདུག། མཐའ་མ་ཁོ་མོ་གཉིས་འུ་ཐུག་ནས་དགོང་ཆོ༹གས་ཕྱིར་འཐེན་བྱས་འདུག་པས་ཤིན་ཏུ་ངོ་མཆ༹ར་ཆེ།།
མདོ་སྨད་རྨ་ཆུའི་དགེ་རྒན་ཚོ་ནི་བོད་མི་རིགས་སློབ་གསོའི་གཡུལ་ས་མདུན་མའི་ཐོག་འཐབ་རྩོད་གནང་མཁན་གྱི་གདོང་འཆོང་པ་ཞིག་སོང། རྒྱ་གཞུང་གིས་ཁོང་ཚོའི་འདོད་པ་མཐུན་མིན་གྱིས་ཉེར་ཆད་བཏང་བ་དེས་དགེ་རྒན་ཚོའི་དཔལ་འབྱོར་ལ་གནས་སྐབས་གྱོང་གུན་ཕྲན་བུ་ཙམ་ལས་ཁོང་ཚོ་རང་མི་རིགས་ལ་བཅངས་པའི་ལ་རྒྱ་དང་སེམས་ཤུགས་ལ་ནམ་ཡང་གྱོང་གུན་གཏོང་ཐུབ་ཀྱི་མ་རེད།
ཕྱི་རྒྱལ་ནས་བོད་ལ་རོགས་སྐྱོར་བྱ་རྒྱུ་ཡིན་ཟེར། རྒྱ་ནག་ནས་བོད་ལ་རོགས་སྐྱོར་བྱ་རྒྱུ་ཡིན་ཟེར། གང་ལྟར་དོན་ངོ་མ་རོགས་སྐྱོར་བྱ་མཁན་དེ་སུ་ཞིག་ཡིན་པ་གསལ་བཤད་དཀའ་མོ་གཅིག་རེད། ངས་བལྟས་ན་དགོན་སྡེ་ཁག་གི་གྲྭ་བཙུན་ཚོ་ངོ་མ་ཁ་དང་སེམས་ཀྱིས་རོགས་སྐྱོར་བྱེད་བཞིན་པ་དེ་ལ་ཡིད་ཆེས་བརྟན་པོར་ཡོད།
ད་ཐེངས་འདིའི་ས་འགུལ་དོན་རྐྱེན་གྱི་གནད་དོན་དག་ལ་ཁག་བཞག་ནས་རྒྱ་བོད་གཉིས་བར་ལ་ལྟ་བ་མི་མཐུན་མཁན་གང་མང་མང་ཞིག་གི་རྩོམ་རིག་མང་པོ་སྤེལ་དང་སྤེལ་བཞིན་པ་རེད། རྩོམ་རིག་གང་མང་གཅིག་ཕྱི་རྒྱལ་ནས་ཡོང་བཞིན་པ་ཤ་སྟག་རེད། ད་སྐབས་བོད་ཡུའུ་ཧྲུའུ་ས་ཁུལ་ན་བོད་རིགས་སྤུན་ཟླ་མང་པོ་ཞིག་གི་སེམས་ཁམས་སྡུག་གི་རྒྱ་མཚོར་ལྷུང་ཡོད་པ་ཀུན་གྱིས་ཤེས་གསལ་རེད། འདི་ལྟ་བུའི་དུས་སྐབས་སུ་ང་ཚོས་ཁོང་ཚོར་སེམས་གསོ་དང་འཚོ་བ་བསྐྱར་གསོའི་ལས་འགུལ་རིགས་ལ་རྒྱབ་སྐྱོར་བྱས་ཏེ་མུ་མཐུད་སོང་ན་མཇུག་འབྲས་ཡག་སྡུག་དེ་ག་ལེར་གསལ་བོར་མཐོང་ཐུབ་པ་དང་། སྤྱིར་དོན་རྐྱེན་འདིའི་རིགས་སུ་འདོད་པས་མི་ཁེངས་པའི་གནད་དོན་གང་མང་མང་གཅིག་ཡོང་སྲིད་པ་ངོས་དོན་རེད། སྙིང་རྗེ་མེད་པའི་ས་ཡོམ་གྱིས་ཞོ་དཀྲིགས་དཀྲིགས་བྱས་ཟིན་པའི་ཡུལ་གྲུ་དེ་དུས་ཚོད་ཐུང་ཐུང་འདི་ལྟ་བུའི་ནང་དུ་བསྐྱར་གསོ་ཐུབ་རྒྱུ་ལས་སླ་བོ་ཞིག་གཏན་ནས་མ་རེད། ལྷག་པར་དུ་འདས་སོང་པའི་ནང་མི་སྤུན་ཟླའི་ཉེ་རིང་དང་སྤུན་གྲོགས་གང་མང་འཚོ་ཡོད་པ་དེ་ཚོའི་སེམས་ཁམས་བདེ་ལ་འབབ་ཐུབ་རྒྱུ་དེ་བས་དཀའ་མོ་གཅིག་རེད། རྨང་གཞི་ནས་འཇིག་རྟེན་འདི་ཡག་བཙོག་གཉིས་ཀྱིས་འཚོ་བཞིན་པའི་རླུང་ཁམས་གཙང་མ་ཞིག་གཏན་ནས་ཡོང་ཐབས་མེད་པ་དང་། འདི་ལྟར་མི་འཚོ་ཐབས་མེད་རེད། ང་ཚོའི་བྱང་སེམས་དེའི་སྙིང་བོ་ནི་འགྲོ་བ་སེམས་ཅན་ལ་ཕོག་ཐུག་མི་གཏོང་བ་གལ་ཆེན་པོ་རེད། དེའི་ནང་ནས་ད་དུང་མིའི་རིགས་ལ་ལྷག་པར་དུ་ཕོག་ཐུག་མི་གཏོང་བ་ཤིན་ཏུ་གལ་ཆེན་ནང་གི་དོན་ཆེན་རེད། ངས་འདི་ནས་མགོ་བདེ་ཡིས་བཤད་པ་ཙམ་རྩ་བ་ནས་མིན། ངོ་མ་གཡོ་ཐལ་ཆེ་བའི་སྤྱི་ཚོགས་ཤིག་ནང་འཚོ་རྒྱུ་དེ་ཧ་ཅང་དཀའ་མོ་རེད། སྔོན་ཆད་བོད་ནས་མ་འབྱོར་གོང་དུ་རྒྱ་ནག་གི་ཡག་བཙོག་དེ་གང་འདྲ་ཞིག་ཡིན་མིན་གསལ་བོ་མ་ཤེས། ད་སྐབས་རྒྱ་ནག་ཕྱོགས་ལ་མིག་འབུར་རེ་བལྟས་ཏེ་ཁ་ནས་ཁ་ལུ་འཕེན་རྐྱང་བྱས་པ་ཙམ་གྱིས་སེམས་ཁུང་གི་ན་ཟུག་དེ་སྣོན་ཐབས་ཡེ་ནས་མི་འདུག གནས་ལུགས་འདིས་ང་རང་ཉིད་འབྱོན་ཐང་མེད་པ་གཞི་ནས་ཤེས་སོང་། གང་ཡིན་ཞེས་ན་སྔོན་ཆད་བོད་ནས་སློབ་གྲྭར་འགྲོ་མྱོང་ཡོད། འོན་ཀྱང་ཕ་མ་དང་སྤུན་ཉེ་ཚོའི་ཁ་ལ་མ་ཉན་པར་སློབ་གྲྭ་མཐར་ཕྱིན་པ་ཞིག་གཏན་ནས་འགྲོ་ཐུབ་མ་སོང་། ཚོང་ལས་གཉེར་ནས་འཚོ་བ་ཡག་པོ་གཅིག་གི་རེ་བ་བཅིངས་ཏེ་དེ་ཡང་ལམ་འགྲོ་མེད་པར་དཀའ་ངལ་ལ་གདོང་ལེན་བྱ་ཐུབ་མ་སོང་། འདི་དག་ཐམས་ཅད་སོ་སོས་སོ་སོ་མུན་ནག་ལ་ལག་བརྡ་བྱས་པ་མ་གཏོགས་མི་ཡིས་སྤྲད་པའི་ལས་སྨིན་ཞིག་གཏན་ནས་མཐོང་གི་མི་འདུག གནས་ལུགས་འདི་ལྟ་བུའི་འོག་ནས་རྒྱུ་འབྲས་ཀྱི་ལམ་ཁ་དེ་མི་རང་ཉིད་ནས་འགོ་བརྩམས་དགོས་པ་ཆོས་ཉིད་ལྟ་བུ་མཐོང་གི་འདུག
ད་གང་ཤེས། འཇིག་རྟེན་འདིའི་སྟེང་ཆོས་བྱས་པ་མང་ཤོས་བོད་པ་ཚང་ཡིན་གྱི་རེད་དེ། གྱོང་གུད་ཆེ་ཤོས་དང་དཀའ་ལས་ཁག་ཤོས་བོད་པ་ཚང་རེད་འདུག སྤྱིར་བཏང་བོད་པ་ཟེར་ངེས་དེ། སྡུག་གཏོགས་ཙམ་རིག་དགོས་ངེས་ཤིག་ཀྱང་མཐོང་གི་ཡོད། བོད་པ་ཚང་སྡུག་ས་ནས་དཀའ་ལས་རྒྱག་ཐུབ་མཁན་དང་སྐྱིད་ས་ནས་ནམས་ཉིན་མཚན་གཉིད་ཁུག་དགོས་མཁན་ཞིག་རེད། ཡིན་ནའང་རྨ་ཆུའི་དཔའ་བོ་ཚོ་སྙིང་ནས་རྗེས་དྲན་བྱེད་ཀྱི་ཡོད།
མདོ་སྨད་རྨོ་ཆུའི་དཔའ་བོ་ཚོ་་་
མདོ་སྨད་རྨ་ཆའི་དཔའ་བོ་ཚོ། ཁྱེད་ཚོའི་བྱས་རྗེས་དེ་དུས་ནམ་ཡང་ང་ཚོས་བརྗེད་མི་སྲིད། ཁྱེད་ཚོས་སྙིང་སྟོབས་དང་ལ་རྒྱ། ཤེས་ཡོན་དང་བསམ་བློ་ལ་དངོས་གནངས་བསྔགས་བརྗོད་ཡོད།