གཞིས་རྩེ་ས་ཁུལ་གཏིང་སྐྱེས་རྫོང་སློབ་འབྲིང་གི་གསལ་བརྡ།
འོད་ཟེར་པོད་ཁུག་ལས་བསྒྱུར། ནགས་ཤོད་སད་མི།
དགེ་སློབ་ཡོངས་ལ་ཞུ་རྒྱུར།
ས་ཁུལ་སློབ་གསོ་ཅུས་བཀའ་མངགས་ལྟར། ཁ་བྲལ་བའི་འཐབ་རྩོད་ཀྱི་རྙོག་འཛིང་རང་བཞིན་དང་ཟུང་དུ་འབྲེལ་བའི་གཤམ་འཁོད་གླུ་གཞས་འདི་རྣམས་བདེ་ཐང་གི་རྣམ་པ་མེད་པས། སློབ་གྲྭའི་དགེ་སློབ་ཡོངས་ཀྱིས་གླུ་གཞས་འདི་དག་གཏོང་ཉན་བྱ་རྒྱུ་མེད། དེ་དག་ནི ༼ བདེ་སྐྱིེད་ཀྱི་ཤམ་བྷ་ལ ༽ དང་། ༼ རེ་སྒུག ༽ ༼ རེ་སྒུག—བླ་སློབ་ཆེད་སྒྲིག ༽ ༼ གངས་ཕྲུག་གི་རེ་སྨོན ༽ ༼ བཀའ་དྲིན ༽ ( བོད་གཞས་སྤྱིན་ཤོག ) ༼ ཚོན་མདངས་སྣ་ལྔའི་ཀླུང་རྟ ༽ ( བོད་གཞས་སྤྱིན་ཤོག ) ༼ གངས་རིའི་བུ ༽ ( བོད་གཞས་སྤྱིན་ཤོག ) ༼ མེ་ཏོག་པད་མའི་བརྩེ་བ ༽ ( བོད་གཞས་སྤྱིན་ཤོག ) ༼ ཕྱེ་ལེབ་ཀྱི་གཤོག་པ ༽ ༼ ཞི་བདེའི་མཚམས་སྤྲིན ༽ ༼ བུ་མོ–ང་ཁྱོད་ལ་དགའ ༽༼ བུ་མོ–རེ་སྒུག ༽ ༼ བཙན་པོའི་ཕོ་ཉ ༽ ༼ འབྱོར་ཕྱུག་གི་གནམ་མཚོ་ཕྱུག་མོ ༽ ༼ རེ་བ ༽ ༼ རྒྱང་རིང་གི་གཅེན་པོ ༽ ༼ ངོ་མཚར་གྱི་གངས་ལྗོངས ༽ ༼ དགའ་རོགས ༽ ༼ རེ་སྒུག་གི་སྨོན་པ ༽ ༼ དུས་འཁོར་དབྱངས་ཅན ༽ ༼ ཞི་བདེའི་ཉི་ཟེར ༽ ༼ སྒྲ་དབྱངས་ལྷང་ལྷང ༽ ༼ མི་ཚེའི་མདུན་ལམ ༽ སོགས་ཀྱི་འཁོར་ལེབ་འདི་ཚོ་རེད། དེ་དང་མཉམ་དུ་དགེ་སློབ་ཡོངས་ནས་ལག་ཐོགས་ཁ་པར་ནང་དུའང་གླུ་གཞས་འདི་དག་ཡོད་མི་ཆོག ཅི་སྟེ་ལག་འཁྱེར་ཁ་པར་ནང་གླུ་གཞས་འདི་ཚོ་ཡོད་ཚེ། རང་འགུལ་ངང་སོ་སོ་ནས་གསུབ་དགོས་ལ་ཁྲིམས་འགལ་གྱི་
སྤྱིན་ཤོག་དང་འཁོར་ཐག་ཡོད་ན་རང་འགུལ་ངང་མེད་པར་བཟོ་དགོས།
སློབ་གྲྭའི་ཨུ་ལྷན་ཁང་དང་སློབ་སྟོན་ཁྲུའུ། ཐང་ཀྲི་པུའུ་རྩ་་འཛུགས་སྡེ་ཁག་སོགས་ཀྱིས་གཙང་བཤེར་བྱས་ཏེ་གོང་བརྗོད་ཀྱི་ཁྲིམས་འགལ་གླུ་གཞས་གཏོང་ཉན་བྱ་མཁན་ཚོ་ཁྲིམས་ཆད་ནན་པོ་གཅོད་རྒྱུ། གལ་ཏེ་སློབ་ཕྲུག་ཚོས་གོང་གི་གླུ་གཞས་འདི་དག་བཏང་བ་ཡིན་ཚེ་འཛིན་གྲྭའི་འགན་འཛིན་གྱིས་འགན་འཁུར་གྱི་འོས་འགན་ལ་རྩད་གཅོད་བྱ་རྒྱུ།
ཆེད་དུ་སྤེལ་བའི་བརྡ་སྦྱོར།
གཏིང་སྐྱེས་རྫོང་སློབ་འབྲིང།
༢༠༡༠ ལོའི་ཟླ་བ ༤ པའི་ཚེས་ ༢༡།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
འདི་ཚོའི་ནང་ནས་ཀྱང་༼བཙན་པོའི་ཕོ་ཉ་༽ཞེས་པའི་གཞས་དེ་དངོས་ཉིད་སྐད་སྒྲགས་ཆེན་པོ་རེད། གཞན་པ་དེ་ཚོ་ཀྱང་ཉན་མྱོང་།
གཞས་འདི་ཚོ་གཏང་མཁན་སུ་ཡིན་ནམ་
རྒྱ་མིས་ག་ཚོད་ཀྱི་དམ་བསྒྲགས་བྱས་པ་དང་། ག་ཚོད་ཀྱིས་སྡུག་རྩུབ་དཔྱད་པ་དེ་ཚོད་ཀྱི་བོད་པ་ཚང་གི་རྡོ་རྩ་ཅིག་སྒྲིལ་དང་མི་རིགས་ཀྱི་ལ་རྒྱ་ཇི་བརྟན་གྱི་རྒྱུ་ཉག་གཅིག་ཡིན། དར་དམར་འོག་ནས་འཚར་ལོངས་བྱུང་བའི་གངས་ཕྲུག་གཞོན་ནུ་དག་གིས་ཡང་ཁོ་བ་ཚོར་བློ་གཏད་མེད་པར་ཁོ་བ་ཚོས་ད་དུང་མ་ཤེས་པ་སྙིང་རྗེ། ཉིན་ཞིག་རྒྱ་ནག་མི་མང་ནས་ཁོ་བ་ཚོས་གདོང་སྤགས་ངོ་མ་དེ་ཤུ་ངོས།་ ནོར་གཅོས་ཞུས།
རྒྱ་མི་ག་ཚོད་ཀྱི་དམ་བསྒྲགས་བྱས་པ་དང་། ག་ཚོད་ཀྱི་སྡུག་རྩུབ་དཔྱད་པ་དེ་ཚོད་ཀྱི་བོད་པ་ཚང་གི་རྡོ་རྩ་ཅིག་སྒྲིལ་དང་མི་རིགས་ཀྱི་ལ་རྒྱ་ཇི་བརྟན་གྱི་རྒྱུ་ཉག་གཅིག་ཡིན། དར་དམར་འོག་ནས་འཚར་ལོངས་བྱུང་བའི་གངས་ཕྲུག་གཞོན་ནུ་དག་གིས་ཡང་ཁོ་བ་ཚོར་བློ་གཏད་མེད་པ་ཁོ་བ་ཚོས་ད་དུང་ཤེས་པ་སྙིང་རྗེ། ཉིན་ཞིག་རྒྱ་ནག་མི་མང་ནས་ཁོ་བ་ཚོས་གདོང་སྤགས་ངོ་མ་དེ་ཤུ་ངོས།
༄༅།། གཞས་འདི་དག་ལ་ཉན་མི་ཆོག་ན གཞས་པ་ཚོ་ལ་ཅི་བྱུང་ཡོད་ན
མགོ་ནག་རྩམ་ཟན་ཚོའི་རྩམ་པ་ཟ་མི་ཉན་པའི་དུས་ཞིག་སླེབས་རྒྱུ་རེད
སྐྱོན་ཡོད་ནི་མ་རེད། ཁོ་ཚོས་ག་ཚོད་བཀག་རྒྱ་བྱས་ན་བོད་མི་ཚོ་དེ་ཙམ་གྱིས་བཙན་དུ་འགྲོ་ནི་རེད། རྒྱས་གནམ་ས་གཉིས་ནས་བཀག་རུང་ད་ནི་བོད་པ་ཚང་མི་ཁོག་ཁོ་ཐག་རེད། རྒྱ་གཞུང་ཡང་འཛམ་གླིང་འདི་ཐོག་ཏུ་ལངས་དགོས་སྟབས་མགོ་བོ་སྒུར་གྲབས་ཡོད་པ་རེད། ཆུ་རག་ཤོར་བ་ལྟར་དེང་སང་རྒྱ་ནག་གི་ཁྲིམས་གཞི་ཡང་གཏད་སོ་མེད་པར་ཕྱོགས་གང་ས་ནས་བླུད་བཞིན་པའི་སྒང་རེད།
ངའི་གྲོགས་པོ་ཞིག་གིས་སྔོན་མ་ནས་ཁམས་སོག་རྫོང་ཁུལ་དུ་བོད་ནང་གི་གཞས་པ་ཀུན་དགའ་དང་། ཤེར་བསྟན་སོགས་ཀྱི་གཞས་ཉན་ཆོག་གི་མ་རེད་ཟེར་བའི་སྐད་ཆ་ཞིག་བཤད་སོང་། འོན་ཀྱང་དེ་སྐབས་ངས་དམིགས་བསལ་དོ་སྣང་ཞིག་གང་ཡང་མ་བྱུང་ལ། གནས་ཚུལ་ཞིབ་ཕྲ་ག་འདྲ་ཡིན་མིན་འདྲི་རྒྱུ་མ་བྱུང་། ཕལ་ཆེར་འདི་ལྟ་བུའི་གནས་ཚུལ་ཡོད་པ་ཡིན་གྱི་རེད།
སྤྱིན་ཤོག་འགའ་ཞིག་གི་མིང་སྒྱུར་བོད་སྐད་དུ་ཏག་ཏག་འབྱོར་ཡོད་མེད་བཤད་ཚོད་དཀའ་ཡོད་པས་ཀློག་པོ་རྣམས་ཀྱིས་འོད་ཟེར་དྲ་ཚིགས་རང་ལ་རྩ་འཛིན་བྱ་རོགས།
ད་དངོས་གནས་རྒྱ་ནག་གི་བོད་མི་ན་གཞོན་ཡང་ལ་སྙིང་ལ་ཚ་གཟེར་རྒྱག་ཅུག་གི་འདུག ད་ཡིན་ན་བྱ་བ་ཅིག་རང་།
སྨྲ་དབང་དང་རྡོད་དབང་མེད་པ་བོད་པ་ཚང་གི་ལས་ཅི་ཧ་དཀོན་མཆོག་མཁྱེན།
ད་ངོ་མ་དགོད་སྤྱད་རེད།ཧ་ཧ་ཧ་ཧ
འདི་ནི་བོད་ཁུལ་དུ་ཡོད་པའི་ས་གནས་དཔོན་ངན་ཚོས་ཁོ་ཚོའི་གོ་ས་དང་མིང་ཆས་ལ་གནོད་པར་དོགས་ནས་ཚོད་ཚོད་དུ་འདྲོག་ལོང་བ་ཙམ་རེད།འདི་ནི་ཆབ་སྲིད་པའི་ལམ་གྲོགས་རྩ་བ་ཉིད་ནས་མིན་པས།འདི་ནི་བོད་པ་ཚོའི་སྤོབས་པ་དང་ང་རྒྱལ་སློང་བྱེད་ཀྱི་རྐྱེན་དུ་འགྲོ་ངེས།ཐུགས་རྗེ་ཆེ།དཔོན་ངན་སྐྱག་པ་ཟ་རྒྱུ་ཚོ།་
ཨོ་ཨོ་་་དགོངས་དག་་་ཡང་སྐྱག་པ་ཞེས་པའི་ཚིག་ཅིག་ཤོར་སོང་་།
ཉི་མ་གཅིག་ལ་རྒྱ་ནག་གཞུང་གིས་བོད་པ་ཚོར་ཁྱེད་ཚོས་རྩམ་པ་ཡང་ཟ་མི་ཆོག གང་ཡིན་ཟེར་ན་ཏཱ་ལའི་བླ་མས་རྩམ་པ་ཟ་གི་ཡོད་པ་རེད། འདི་ཁ་བྲལ་གྱི་ཟ་མ་རེད་ཅེས་ཟེར་རམ།
བཀག་སྡོམ་འོག་གི་གཞས་རེ་ཤེས་ན་འདིར་ངོ་སྤྲོད་གནང་རོགས།
ཨ་ཁུ་པདྨ་ཡང་དབུས་ཕྱོགས་སུ་བཀག་སྡོམ་ཅན་གྱི་གཞས་ཤིག་ཡིན།