གནས་ཚུལ་འབྱོར་གསལ་ལྟར་ན། ཕྱི་ཚེས་ ༢༨ ཉིན་གྱི་སྔ་དྲོའི་བོད་ནང་གི་ཆུ་ཚོད་ ༩ ཡས་མས་སུ་རྒྱ་གཞུང་གི་ཉེན་རྟོག་པས་རང་ལོ་ ༢༨ ཡིན་པའི་རྔ་པ་ཀིརྟི་དགོན་པའི་གྲྭ་བློ་བཟང་དཀོན་མཆོག་དང་། གཞན་གྲྭ་པ་བཞི་འཛིན་བཟུང་བྱས་ཡོད་འདུག་ཀྱང་། ད་སྔ་གྲྭ་བ་གཞན་དག་གི་མིང་དང་ལོ་ཚོས་སོགས་གསལ་བོ་ཤེས་རྟོགས་ཐུབ་མི་འདུག གང་དུ་ཁྱེར་ཡོད་མེད་སོགས་ཀྱང་ཤེས་མི་འདུག དེ་མིན་ཉིན་ཤས་སྔོན་ལ་རྔ་པ་རྫོང་གཅའ་ཞང་ནག་ཚང་མ་སྡེ་བའི་རྣམ་མཁྱེན་ཚང་གི་ཚེ་རིང་དགྲ་འདུལ་དེ་སྔོན་དཔའ་བོ་ཕུན་ཚོགས་ཀྱི་མེ་ཡིས་ཚིག་པའི་སྐུ་ཕུང་དགོན་པའི་ནང་འཁྱེར་མཁན་གྱི་དོགས་གཞིའི་འོག་འཛིན་བཟུང་བཀག་ཉར་བྱས་ཡོད་འདུག
ཕྱི་ཚེས་ ༢༡ གི་མཚན་མོ་དགེ་འདུན་པ་ ༣༠༠ ལྷག་བཙན་ཁྲིད་བྱེད་སྐབས་དགོན་པའི་འདུ་ཁང་ནང་ལ་གྲྭ་པ་སྦས་སྐུང་བྱས་ཡོད་ཚུལ་བརྗོད་དེ་སྒོ་ཆེན་གཏོར་ཡོད་འདུག་ལ། སྒོ་ལ་ཟ་བརྒྱབ་ཡོད་པའི་གྲྭ་ཤག་ཚང་མའི་སྒོ་ཟ་ཡང་གཏོར་ཡོད་འདུག
ཕྱི་ཚེས་ ༢༢ ཉིན་ནས་དགེ་འདུན་པ་རྣམས་རྒྱལ་གཅེས་ཆོས་གཅེས་སློབ་གསོ་ཟེར་བའི་ལས་འགུལ་ནང་མཉམ་ཞུགས་གནང་གི་མེད་པ་དང་། རྒྱ་གཞུང་གིས་ཕྱི་ལ་ཁྱབ་བསྒྲགས་བྱེད་རྒྱུར་ཆེད་དུ་དམིགས་ཏེ། དགེ་འདུན་པ་རྣམས་དམ་དྲག་བཀག་སྡོམ་ཡོད་མུས་ལ་མི་གྲོངས་པ་ཁག་དགོན་པའི་ནང་དུ་སླེབས་ན་སྨོན་ལམ་གསུང་དགོས་པའི་བཀའ་བཏང་ཡོད་ཀྱང་། དགེ་འདུན་པ་རྣམས་ཚོགས་ལ་ཡོང་གི་མེད་པ་དང་། ཕྱི་ཚེས་ ༢༧ ཉིན་ནས་རྒྱ་གཞུང་གིས་བཤད་དོན་དགོན་པའི་ནང་མི་ཤི་བའི་ཕུང་པོ་སླེབས་སྐབས་ཚོགས་མ་འཚོགས་ན་དགོན་པ་རྩ་མེད་བཟོ་རྒྱུ་ཡིན་ཟེར་ནས་སྡུག་ར་སྐུལ་འདུག་ལ། གནད་དོན་དེར་དཀའ་རམས་པ་འཛིན་གྲྭ་རྣམས་ཀྱིས་གྲོས་བསྡུར་བྱས་ཏེ་དེ་ལྟར་འཚོགས་རྒྱུ་བྱས་མོད། གྲྭ་གཞོན་རྣམས་ཀྱིས་དེ་ལ་ངོས་ལེན་བྱེད་ཀྱིན་མེད་འདུག དེ་ནི་རྒྱ་གཞུང་གིས་ཕྱི་ལ་རྣམ་འགྱུར་ཡག་པོ་སྟོན་པའི་ཆབ་སྲིད་ཀྱི་ལག་ཆ་ཁོ་ནར་བེད་སྤྱོད་བྱེད་ཀྱིན་ཡོད་པ་ཞིག་ཡིན་འདུག
དེ་སྔོན་ཕྱི་ཚེས་ ༢༡ ཉིན་འཛིན་བཟུང་བྱས་པའི་གྲྭ་པ་རྫོང་ཁག་གཞན་ནས་ཡིན་པ་རྣམས་ཀྱི་ནང་མི་ཉེ་འབྲེལ་སོགས་རྔ་པ་རྫོང་ལ་ཁ་མཆུ་རྒྱག་ཏུ་ཡོང་ཡོད་འདུག་ལ། ཕྱི་ཚེས་ ༢༩ ཉིན་གཅིག་སྒྲིལ་རྫོང་ཁང་སར་མའི་སྡེ་མི་རླངས་འཁོར་ཆུང་བ་ཉི་ཤུ་ཡས་མས་རྔ་པ་རྫོང་ལ་ཡོང་ཡོད་མོད། རྔ་པའི་དམག་མི་རླངས་འཁོར་ཆེ་བ་ ༡༠ མདུན་དུ་སོང་སྟེ་བཀག་པ་དང་། གཅིག་སྒྲིལ་རྫོང་གི་ཉེན་རྟོག་པར་རྩིས་སྤྲད་དེ་རྔ་པ་རྫོང་སྲིད་གཞུང་དང་བར་ཐག་སྤྱི་ལེ་ ༥ ཙམ་གྱི་ས་ནས་ཁ་ཕྱིར་བསྐོར་ཡོད་འདུག་པས་རྔ་པ་རྫོང་ལ་ཁ་མཆུ་རྒྱག་ཐུབ་ཡོད་མི་འདུག སྐབས་དེར་ཁོང་ཚོས་ཉེས་མེད་མང་པོ་ཞིག་འདི་ལྟར་འཛིན་དགོས་པའི་རྒྱུ་མཚན་གསལ་བཤད་དགོས་ལ། དེ་ལྟར་མེད་པ་ཡིན་ན། ད་ལྟ་རང་ཀློད་གྲོལ་གཏོང་དགོས་ལུགས་བརྗོད་ཡོད་འདུག
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་བཏང་འབྱོར་བྱུང་།
བཙན་བྱོལ་བོད་མི་རྡོག་རྩ་གཅིག་ཏུ་སྒྲིལ་ནས་རྒྱ་དམར་ལ་ཁ་གཏད་གཅོག་དགོས།
ང་ནི། ཐབས་ལམ་གཉིས་སྨན་ལམ་ལ་འགྲོ་མཁན་ཅིག་ཡིན་ན་ཡང་། རྒྱ་རིགས་དང་བོད་རིགས་ལས་བྱེད་འགས། ངའི་དབུས་ལམ་གྱི་བཟོད་བསྲན་དེ་ཡང་རྩ་གཏོར་གཏོང་ཉན་འདུག་གོ །
ནག་ཕྱོགས་མུན་པའི་གཡུལ་ལས་རྒྱལ་འགྱུར་ཅིག །
རྒྱ་རྒན་ཚང་གི་འཆི་ཁའི་འཕག་འཚག་ལྟ་བུར་མཐོང་མོད།
ང་ཚོ་ལ་ལས་འགན་ཞིག་ཡོད་པ་ནི་བོད་ཕྱི་ནང་གཉིས་ཀྱི་ཆིག་སྒྲིལ་དང་།བོད་ཕྱི་ནང་གཉིས་ཀྱི་འགུལ་བསྐྱོད་དགོས་པ་དེ་རེད།
སྤུན་ཟླ་ཚོ།ཆིག་བསྒྲིལ་བྱོས།དཔའ་རྟགས་ངོམ་པའི་དུས་ཚོད་ལ་སླེབས་ཡོད།འདི་ནི་ངེད་ཀྱིས་དམར་འཛིངས་བྱེད་དགོས་པའི་སྐུལ་མ་མིན་མོད།བོད་མི་མི་རེ་ངོ་རེ་ནས་རང་འགན་གྱིས་ཁྱོག་པས་མི་རིགས་ཀྱི་འགན་འཁྲི་དེ་བསྒྲུབ་དགོས་ཀྱིན་འདུག་་
ལྟོ་རྒྱབ་འགྲིག་ཐབས་ཙམ་ནི་རྣམ་དཔྱོད་ཅན་གྱི་འགྲོ་བ་མི་ཙམ་མ་ཟད་རིགས་དྲུག་སེམས་ཅན་ཐུན་མོང་གིས་བསྒྲུབ་བྱ་ཞིག་ཡིན་པས་དེ་ནི་ཡ་མཚར་བ་གང་ཡང་མ་རེེད།
འགྲོ་བ་མི་ཞིག་ཡིན་ན་རང་དབང་གི་ལ་རྒྱ་དང་།བདེན་སྟོབས་ཀྱི་ལ་རྒྱ།འགྲོ་བ་མི་ཡིན་པས་ལ་རྒྱ་ཞིག་ངེས་པར་དགོས་པས།
ལོ་ངོ་ལྔ་བཅུའི་རིང་གི་ཁྲག་དང་མིག་ཆུའི་གཉའ་གནོན་ནི་དེ་རིང་གི་འུ་ཚོར་བཞག་པའི་ལོ་རྒྱུས་ཀྱི་ཁ་ཆེམས་ཡིན།
རྒྱ་ནག་དམར་པོའི་གཞུང་གིས་བོད་མི་རིགས་ལ་འཛིན་པའི་སྲིད་ཇུས་དང་།བྱེད་སྟངས་འདི་ལས་མེད་པ་ཞིག་ཡིན་ན།ང་ཚོའི་བོད་གཞུང་མང་གཉིས་ཀྱི་ངེས་པར་དུ་ད་ལྟའི་ལམ་དབུལ་མ་འདིར་འགྱུར་བ་ཞིག་གཏང་གནང་ནས་མིང་དོན་མཚུངས་པའི་རང་བཙན་རྩོད་ལེན་བྱ་དགོས་པ་ཞིག་མཐོང་ཡོང་གིན་འདུག