ཁྱོད་ཀྱིས་ད་ལོའི་ལོ་གསར་གཏོང་རྒྱུ་ཡིན་ནམ།

ཁྱོད་ཀྱི་མིང་ལ་བསྟན་འཛིན་དཀོན་མཆོག་ཅེས་བཏགས་པ་ནི་མིང་དོན་མ་ཚང་བའི་དོན་སྟོང་སླད་སྐྱོན་ཆེ་བའི་ཕྱི་རོལ་གྱི་གཟུགས་བརྙན་ཙམ་ཞིག་རེད། ཁྱེད་ཀྱིས་དྲ་ལམ་བརྒྱུད་རྣ་ཐོག་ཚད་ཀྱི་སྙན་པར་འདི་ལྟ་བུའི་སྐད་ཆ་བཤད་ཐུབ་པ་འདིས་ཅི་ཞིག་མཚོན་གྱི་འདུག་ཅེས་ན། ཁྱེད་ནི་རང་གི་ཕ་མ་གྲོངས་ཡང་མྱ་ངན་གྱི་ཚབ་ཏུ་དགོད་སྒྲ་དང་བཞད་གད་མ་གཏོགས་ཅི་ཡང་མི་སེམས་མཁན་གྱི་བུད་མེད་ཀླད་སྟོང་ཁྱི་མོ་བཞིན་དུ་སྤྱི་ལ་དབང་བའི་མཚན་མའི་ནང་དགོས་རྒྱུ་འཇེ་མགོ་ལས་མི་དྲན་མཁན་ཞིག་དང་། ཕྱི་ནང་རྒྱལ་ཁབ་ཁག་ཏུ་རང་བྱུང་གི་གོད་ཆག་འཚབ་ཆེ་ཆུང་ཅི་ཞིག་བྱུང་ཡང་མྱ་ངན་མི་བྱེད་པ་ནི་ཁོ་ཅག་གི་རིག་གཞུང་ལས་གྲུབ་པའི་མི་རིགས་ཀྱི་འདུ་ཤེས་སམ་བསམ་བློ་དེ་ལས་བྱུང་བའི་ལུགས་སྲོལ་ཞིག་ཏུ་བརྩི་རུང་ཡང་། ངེད་ཅག་མགོ་ནག་རྩམ་གཟན་དག་པའི་ཞིང་ཁམས་ཀྱི་བོད་མི་རིགས་ལ་མཚོན་ན་མི་ལོ་སྟོང་ཕྲག་གི་ཡར་སྔོན་ནས་མིའི་ཤ་ཁྲག་རུས་གསུམ་གྱི་ནང་ཏུ་དབྱེ་མེད་པར་སིམ་པའི་ནང་པའི་བསྟན་པ་རིན་པོ་འདི་ལས་མི་རྣམས་ལས་ལ་བརྩོན་ཞིང་དཔའ་ངར་ལྡན་པ། སྙིང་རྗེ་དང་བྱམས་པས་བརླན་པའི་རིགས་གཞུང་རླབས་ཆེན་འདི་བརྒྱུད་གངས་ཅན་པ་ཡོད་དོ་ཅོག་སྐྱིད་ཀྱི་འཛུམ་མདངས་མཉམ་བཞད་དང་སྡུག་གི་ཁུར་བོ་མཉམ་ཁུར་གྱི་གོང་བུ་གཅིག་ཏུ་གྲུབ་པ་ལས། བསྟན་དང་འགྲོ་བའི་དོན་དུ་རང་གི་ཚེ་སྲོག་ཀྱང་ཕང་མེད་སྦྱིན་དུས་འདིར་མྱ་ངན་ཞུ་རྒྱུའི་ཚབ་ཏུ་ལོ་གསར་གཏོང་རྒྱུ་ཟེར་བ་འདིས་ཅི་ཞིག་མཚོན་ན་ཁྱེད་ནི་ར་མིན་ལུག་མིན་རྒྱ་མིན་བོད་མིན་གྱི་རང་ཉིན་བོར་བརླག་བྱུང་བའི་གར་འགྲོ་འདིར་འགྲོ་མི་ཤེས་མཁན་གྱི་བུད་མེད་བསམ་མེད་གླེན་པ་ཞིག་ཡིན་པ་མ་ཟད་། ད་ལྟའི་དུས་འདིར་ཁྱོད་ལྟ་བུ་ང་ཚོ་བོད་མིའི་ནང་གཅིག་ཡོད་ཀྱང་མང་དྲགས་སོང་བས་ཁྱེད་ཀྱི་ཁ་གཡང་ཀྱི་རླུང་རྟ་འདིས་མྱུར་དུ་དག་པའི་ཞིང་ཏུ་གེགས་མེད་བདེ་ལེགས་ངང་སྐྱེས་བར་སྨོན།།

ངས་ཁེ་ལས་པ་བསྟན་འཛིན་དཀོན་མཆོག་ལ་སྐད་ཞིག་བསྐུར་དགོས། མོས་བརྗོད་ན་ད་ལོར་ལོ་གསར་གཏོང་གི་ཡིན་ཟེར། རེད་་་་་་་ཁྱོད་ཀྱིས་ལོ་གསར་ཐོངས་དང་། ང་ཚོ་གཞིས་ལུས་མི་མང་གི་ཁྲོད་དུ་དཔའ་བོ་དཔའ་མོ་མང་དག་ཅིག་གིས་མི་རིགས་བདེན་དོན་ཆེད་དུ་རང་ཉིད་ཀྱི་ཆེས་རྩ་ཆེ་བའི་ཚེ་སྲོག་མཆོད་མེ་ཕུལ་བ་རེད། དཔའ་བོ་དཔའ་མོ་དེ་དག་གི་སྣང་བརྙན་དྲན་བཞིན་ལོ་གསར་ཐོངས་དང་ཡིད་སེམས་སྤྲོ་ཀི་རེད། ཕྱོགས་གཞན་ཞིག་ནས་བརྗོད་ན། ང་ཚོ་བོད་མི་རིགས་ལ་མི་ཤི་ཆག་སྒོ་བྱུང་དུས་ལོ་ཟླ་མཐུད་ནས་མྱ་ངན་བྱེད་སྟངས་ཤིག་ཀྱང་ཡོད་པ་རེད། མྱ་ངན་བྱེད་སྟངས་དེས་སུ་ཞིག་གི་སེམས་ལའང་ལོ་གསར་དང་སྤྲོ་སྐྱིད་གཏོང་རྒྱུ་དྲན་ཀི་མ་རེད། དེ་མ་ཤེས་པར་ཁག་མེད། འགྲོ་ཞོར་དུ་གསལ་འདེབས་ཤིག་བྱས་པ་ཡིན།

ཤ་ཀླན་ལགས་་་ཁམས་བཟང་།
ངས་ཀྱས་དུས་རྟག་ཏུ་གཞོན་ནུ་ལ་རྒྱབ་སྐྱོར་བྱེད་ཀྱི་ཡོད་ཏེ་་ད་ལན་རྒྱབ་སྐྱོར་མེད།

ངའི་སྐྱེས་ཡུལ་ཏྲེ་ཧོར་ཤིང་ཁོག་ལུང་པའི་ལོ་གསར་ལ་ཆ་བཞག་ན་དགེ་མཚན་མང་པོ་ཡོད། ལོ་གསར་ཚེས་གཅིག་ཉིན་ཚང་མས་མཉམ་འཛོམ་ཐོག་དང་པོ་ལྷ་བསང་དང་དེ་ནས་རིམ་བཞིན་ལུང་པའི་གནད་ཡོད་མི་སྣ་རྣམས་ཀྱིས་ཏྲེ་ཧོར་ཤིང་ཁོག་ལུང་པའི་ནང་གི་ལོ་གཅིག་གི་གནད་དོན་གླེང་གི་རེད།

ཡག་ཉེས་ག་རེ་བྱུང་ཡོད་མེད་དང་མ་འོང་ག་རེ་བྱེད་དགོས་མིན་སོགས་གྲོས་བསྡུ་བྱེད་ཀྱི་རེད། གནད་ཡོད་མི་སྣས་བསླབ་བྱ་རྒྱབ་ཀྱི་རེད། ལོ་གཅིག་ལ་ཚར་གཅིག་མ་གཏོགས་མེད། གོ་སྐབས་འདིས་རྒྱུད་ནས་རྒྱལ་གཅེས་དཔའ་བོ་དང་དཔའ་མོ་རྣམས་ཀྱི་རྗེས་དྲན་དང་ནང་མི་གཉེན་འབྲེལ་རྣམས་སུ་ཐུགས་གསོ་ཞུས་ན་ཡག་པོ་ག་འདྲ་རེད།

མདོ་དོན་ང་ཚོས་ལོ་གསར་གཏོང་ནས་རང་ལུས་མེ་བསྲེགས་བཏང་མཁན་གྱི་ནང་མི་གཉེན་འབྲེལ་རྣམས་སུ་ཐུགས་གསོ་ཞུས་ན་་་་་ལ་རྒྱ་སྦེལ་ན་་་་རྒྱལ་ཞེན་གྱི་འདུ་ཤེས་ཡོང་ཐབས་སུ་བརྩོན་ན་་་དཔའ་བོ་དཔའ་མོ་ཚོའི་ལྷག་བསམ་གྱི་ནུས་པས་ཡར་རྒྱས་འགྲོ་གི་རེད། མི་ཚང་མ་ལ་སེམས་ཚོར་ཡོད་དུས་སུ་གོ་སྐབས་ཟིན་གྱི་གལ་ཆེ་རེད་འདོད།

གཞོན་ནུ་ལྷན་ཚོགས་ཀྱིས་ཐུགས་ཁུར་ཆེར་བཞེས་ཀྱིས་ད་ལོར་ལོ་གསར་མ་གཏོང་རོགས་ཞེས་པའི་འབད་སྐུལ་དེ་ལ་ཡོངས་སུ་རྒྱབ་སྐྱོར་བྱ་རྒྱུར་མ་ཟད། མི་མང་ལས་སྒོར་མོ་བསླངས་ཏེ་དབུས་བོད་མིའི་སྒྲིག་འཛུགས་ལ་ཕུལ་རྒྱུ་ཡིན་གསུངས་པར་ཡང་ཡོངས་སུ་རྒྱབ་སྐྱོར་ཞུ་རྒྱུ་ཡིན། སྒོར་མོ་དེ་དག་གཞོན་ནུ་ཚོགས་པར་ཉར་ཡང་ཡོངས་སུ་རྒྱབ་སྐྱོར་ཞུ་རྒྱུ་ཡིན།
གོང་གི་དྲི་བར་ལན་འདེབས་གནང་མཁན་བཀའ་དྲུང་མི་འགྱུར་རྡོ་རྗེ་ཟེར་བ་དེར་ཞུ་རྒྱུར་གཞོན་ནུ་ཚོགས་པས་སོ་སོའི་ལངས་ཕྱོགས་མ་དོར་བ་དབུས་བོད་མིའི་སྒྲིག་འཛུགས་ལ་ཞལ་འདེབས་ཕུལ་བ་དེ་ཏག་ཏག་སྡོད་ཀྱི་མེད་ན། གཞོན་ནུ་ཚོགས་པས་སོ་སོའི་ལངས་ཕྱོགས་མ་དོར་བར་དུས་འཁོར་དབང་ཆེན་ལ་ཞབས་ཞུ་ཞུ་བ་དེ་ཡང་ཏག་ཏག་སྡོད་ཀྱི་མེད་པར་ཐལ། དུས་དབང་ནི་ཆོས་ཀྱི་བྱེད་སྒོ་ཞིག་དང་། གཞོན་ནུ་ནི་སྲིད་ཀྱི་ཚོགས་པ་ཞིག་ཡིན་པའི་ཕྱིར།
གང་ལྟར་ད་ལོའི་ལོ་གསར་སྐབས་སུ་རྟེན་འབྲེལ་ཙམ་ཞིག་དང་མི་མང་འདུ་འཛོམས་སོགས་བྱེད་ཀྱང་གནད་འགག་ཡོད་རྒྱུ་མ་རེད། གླུ་ལེན་གར་འཁྲབ་དང་ཆང་འཐུང་ཤོ་རྩེད་སོགས་སྨྱོན་པའི་བྱེད་སྟངས་དེ་ཚོ་མ་བྱེད་རོགས་ཟེར་གྱི་ཡོད་པ་རེད། མ་གཞི་ནས་རང་ཡུལ་རང་ལག་ཏུ་མ་རག་བར་དུ་ང་ཚོ་ལ་ལོ་སར་མེད།

བོད་ཀྱི་ལོ་སར་ལ་འགྲེལ་བཤད་རྒྱག་པ་ནི་བྱིས་པའི་གཏམ་དུ་གྱུར་རོ།བོད་རྒྱལ་ཁབ་ཀྱི་དོན་དུ་རང་སྲོག་བསྟིམས་པ་རྣམ་པར་མྱ་ངན་མཚོན་ཆེད་དུ་ལོ་སར་མི་གཏོང་རྒྱུ་གལ་ཆེན་ཆགས་ཡོད་པས་ཕྱི་སྡོད་བོད་མི་རེ་རེ་ངོས་ནས་བོད་ནང་གི་ནང་མི་སྤུན་ཡོངས་དང་བོད་གཞུང་ངོས་ནས་ལོ་སར་མི་གཏོང་རྒྱུ་འབོད་སྐུལ་ཞུ་འདོད་བྱུང་སོང་།

ངས་བསམས་ན་ན་ནིང་ལོ་གསར་མ་རོལ་བ་དེས་རྒྱབ་མདུན་ལ་བལྟ་དགོས།
དངོས་གནས་དྲང་གནས་ཀྱིས་ལོ་གསར་ལ་མི་རོལ་མཁན་ག་ཚོད་ཅིག་ཡོད་མེད་ལའང་བལྟ་དགོས་འདུག ཁ་ནས་རྒྱབ་སྐྱོར་ཡོད་མདོག་གིས་སྙན་པོ་བཤད་ནས།
དུས་ལ་བབས་ནས་ཧཧ་ཧོ་ཧོ་ཟེར་མཁན་དེ་རིགས་མང་པོ་ཡོད་པ་ཤེས་ན་རེད།
རང་ཉིད་ཀྱི་ངོས་ནས་བཤད་ན་ལོ་གསར་ལ་རོལ་མ་རོལ་གཅིག་པ་ཡིན།

ཨོ་ཧོ་ཧོ་་་་ད་ཡང་གྲུབ་འབྲས་མེད་པའི་ཆབ་སྲིད་རྫུན་མ་དེ་འཁྲབ་སོང་་་་་་་་ཁོང་ཚོའི་སེམས་ལ་སྡུག་བསྔལ་གང་ཡང་མེད་པ་གསལ་པོ་རེད་་་་་ཁ་གཡང་འདིས་ཡང་མི་མང་བསམ་མེད་ཚོ་མགོ་སྐོར་བཏང་གི་ཡོད་པ་རེད་་་་་་ཁྱེད་ཚོས་གང་བཤད་ཀྱང་ངས་ལོ་གསར་བཏང་གི་ཡིན་་་་གྲ་རྒྱས་པ་བཏང་གི་ཡིན་་་་

ལོ་གསར་གྱི་ངོ་བོ་ནི་དགའ་སྐྱིད་རྟེན་འབྲེལ་གྱི་རང་བཞིན་ཅན་ཞིག་ཡིན་པ་ཚང་མས་ལོས་ཤེས། ལྷག་པར་དུ་བྱིས་པ་ཚོ་ཆེས་དགའ་སའི་དུས་སྟོན་ཞིག་རེད། གལ་ཏེ་མི་རྒན་ཚོར་ལོ་སར་མི་མཁོ་ཡང་བྱིས་པ་ཚོར་དམིགས་བསལ་གཏོང་དགོས། དེ་བས་ལོ་གསར་རྒྱུ་ཡིན་ན་སྐྱིད་པོ་བྱས་ནས་སར་དགོས་པར་འདོད། སྡུག་པོ་བྱས་ནས་ལོ་སར་ས་མི་འགྲོ གལ་ཏེ་སྡུག་གླུ་དང་སྐྱོ་གཞས་བཏང་ནས་མྱ་ངན་གྱི་ཆོ་ག་སྤེལ་ན་དེ་ལོ་གསར་བཏང་བ་མ་རེད། ལོ་མ་སར་བ་མ་ཟད་མྱ་ངན་བྱ་འགུལ་སྤེལ་བ་ཞིག་རེད། འདི་ཡག་པོ་མ་རེད་ཟེར་གྱིན་མེད། འོན་ཀྱང་དབུས་གཙང་ཕྱོགས་ལ་ཚེས་གསུམ་ཆོས་སྐྱོང་ལོ་གསར་ཟེར་ནས་བསང་གསོལ་གྱི་ཆོ་ག་ཞིག་ཡོད་པས། དེ་ཉིན་བོད་དོན་ཆེད་རྒྱ་ཆེ་བའི་བསང་གསོལ་ཞིག་དང་གསོལ་བ་སྨོན་ལམ་ཞིག་ཀྱང་ཚོགས་ཐུབ་ན་དེས་འཐུས་སྙམ།
༼བོད་རང་བཙན་སླར་གསོའི་ཆེད་མ་དངུལ་བསྡུས་ཏེ་དབུས་བོད་མིའི་སྒྲིག་འཛུགས་ལ་སྤྲོད་ཀྱི་ཡིན་༽ཟེར་བའི་སྐོར་སྔ་ས་ནས་གཞུང་ལ་ཡར་ཞུས་ན་ལེགས་ཚུལ་གྱི་བསམ་འཆར་སྔོན་ནས་བཏོན་ཟིན་མོད་གལ་བོ་ཆེ་ལ་ནན་ཏན་གྱི་ཚུལ་དུ་སླར་ཡང་དྲན་སྐུལ་འདི་ཞུས་པ་ཡིན།

བོད་མི་མང་ལ་དགོངས་དག་ཞུ་ཡ་ཡིན། ངས་ནི་མདང་དགོང་ཆང་ཁང་ཞིག་ནས་ལོ་གསར་བཏང་ཚར་ཡིན། ད་ནི་ལོ་རེ་ལ་མི་འགའ་རེ་འདས་པར་རྩིས་བརྒྱབ་ཏེ་ལོ་ལྔ་བཅུར་ལོ་གསར་མི་གཏོང་བར་རྒྱབ་སྐྱོར་ཡོད། མ་གཞི་ནས་བོད་ཟླ་བཅུ་གཉིས་པ་དང་དང་པོའི་ནང་མི་མང་ཆེ་བ་འཚོ་བའི་དོན་དག་ལ་བྲེལ་བས་ལོ་གསར་འདུ་འཛོམས་ཀྱི་བརྡ་འདྲ་སླེབས་ན་འགྲོ་ཁོམ་ཡང་མི་འདུག

རྐང་གསུམ་ལགས་་་་ཡག་པོ་འདུག
བཙན་བྱོལ་བའི་གླུ་བ་དང་གླུ་མ་ཚོས་རྒྱལ་གཅེས་དཔའ་པོ་དཔའ་མོ་རྣམས་སུ་བསྟོད་གླུ་ལེན་དགོས་ལ་་་ནང་མི་གཉེན་འབྲེལ་རྣམས་སུ་ཐུགས་གསོ་ཞུ་པའི་སྡུག་གླུ་ལེན་དགོས།

ང་ཚོ་བོད་མི་ས་ཡ་དྲུག་གི་ཆེད་དུ་རང་སྲོག་བཏང་མཁན་རྣམས་ནི་ཁ་མ་ཡིན་དོན་གྱི་བོད་མི་རིགས་སྐྱོབ་པའི་སྐྱབས་གནས་ཡིན། ཁོང་རྣམས་པའི་ནང་མི་ཕ་མ་རྣམས་ཀྱི་སེམས་ཀྱི་སྡུག་བསྔལ་ཁ་ནས་བཤད་མི་ཤེས་པ་ཞིག་དང་ལག་པའི་འབྲི་མི་ཤེས་པའི་སྡུག་བསྔལ་རེད། ཁོང་རྣམས་པའི་བཀའ་དྲིན་གསོལ་དགོས།

སྐྱིད་ན་སྐྱིད་ཀྱི་རྟ་ཕོ་བཞོན་རོགས་བོད་རིགས་སྤུན་ཟླ་རེད།
སྡུག་ན་སྡུག་གི་ལོ་གསར་གཏོང་རོགས་བོད་རིགས་སྤུན་ཟླ་རེད།
ས་ཡ་དྲུག་གི་སྐྱིད་སྡུག་མཉམ་མྱོང་དཔའ་བོའི་འབོད་སྒྲ་རེད།
ཁ་བ་རི་པའི་རང་དབང་རང་བཙན་ཤི་བོའི་རེ་བཞག་རེད།

ལོ་སར་མ་བཏང་ན་ཡག་པོ་རེད་ལ། ཞལ་འདེབས་ཀྱང་བསྡུ་ན་ཡག་པོ་རེད།
ཡིན་ན་ཡང་། གཞོན་ནུ་མགོ་མཇུག་མེད་པའི་སྐད་ཆ་འདིར་ཆ་འཇོག་ས་མིན་འདུག
༼བོད་རང་བཙན་སླར་གསོའི་ཆེད་མ་དངུལ་བསྡུས་ཏེ་དབུས་བོད་མིའི་སྒྲིག་འཛུགས་ལ་སྤྲོད་ཀྱི་ཡིན་༽ཟེར་བ་དེ་ག་རེ་ཟེར་གི་ཡོད་པ་རེད།

བོད་ཀྱི་ལོ་གསར་འདི་བོད་མི་གོམས་གཤིས་སམ་སྲོལ་རྒྱུན་རེད་ལ་ལོ་གསར་མ་བཏང་བར་མྱ་ངན་བྱེད་པ་དེ་ཡང་གོམས་གཤིས་དང་སྲོལ་རྒྱུན་རེད། ལོ་གསར་བཏང་དང་མི་བཏང་སྒེར་སོ་སོའི་བསམ་བློ་གཏོང་དགོས་པ་ཞིག་ལས་གཞན་གྱིས་བཙན་དབང་གཏོང་མཁན་ཡོད་པ་མ་རེད། གཞོན་ནུ་ཚོགས་པས་འབོད་སྐུལ་གནང་བ་ཙམ་རེད། དེ་འགྲིག་གི་ཡོད་པ་རེད། ཞལ་འདེབས་སློང་བ་ཡང་འགྲིག་པ་ཞིག་རེད། དངུལ་མེད་ན་ལས་འགུལ་ག་འདྲ་སེ་སྤེལ་དགོས་རེད། ང་ནི་དེ་ལ་རྒྱབ་སྐྱོར་ཡོད། ལོ་གསར་ཡང་གཏོང་གི་མིན། རེ་སྐུལ་ཞུ་ཡ་ཞིག་ལ། བོད་ཀྱི་དཔའ་བོ་ཁོང་ཚོའི་སྐུ་པར་ཕྱོགས་གཅིག་ཏུ་སྒྲིག་ནས་མིང་དང་ལོ་བཅས་ཡོད་པ་ཤོག་ངོས་གཅིག་ནང་ཚང་མ་ཡོད་པ་ཞིག་སྒྲིག་ནས་འགྲེམ་སྤེལ་གནང་ཐུབ་ན་ཡག་པོ་ཞེ་དྲག་འདུག། ཅོ་རི་ཉི་མས་བཤད་པ་དེར་འདོད་པ་ཞེ་དྲག་ཡོད།
ང་ནི་ཐབས་སུ་རང་བཙན་རྩོད་ནས་མཐར་ཐུག་གི་དམིགས་ཡུལ་ནི་རང་སྲིད་རང་སྐྱོང་གཙང་མ་ཞིག་འཐོབ་རྒྱུ་རེ་བ་རྒྱག་མཁན་ཞིག་ཡིན།

ལོ་གསར་གཏོང་དགོས་་་་་ལྷག་པ་ཏུ་བོད་ནང་དུ་ལོ་གསར་གཏོང་དགོས། ལོ་གསར་གྱི་སྐབས་སུ་དར་ལྕོག་བཙུགས་པ་དང་ལྷ་གསོལ་ཀླུ་གསོལ་བྱས་བསྡད་པའི་ཚབ་ཏུ་སྐུ་ལུས་ཞུགས་འབུལ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་སུ་གསོལ།

བོད་ཕྱི་ནང་གཉིས་ཀྱིས་སྡུག་གི་ལོ་གསར་ཞིག་གཏོང་དགོས། རྒྱལ་གཅེས་དཔའ་བོ་དཔའ་མོ་རྣམས་དྲན་དགོས། ཁོང་རྣམས་པའི་སྐུ་དཔར་གཤམ་དགོས། གསོལ་བ་བཏབ་དགོས། ལུས་ནས་ཁྲག་བཙུར་མ་ཐུབ་ཀྱང་མིག་ནས་ཆུ་གཏོང་དགོས།

ལྷག་པ་ཏུ་རྒྱལ་གཅེས་དཔའ་བོ་དཔའ་མོ་ཚོའི་ནང་མི་གཉེན་འབྲེལ་རྣམས་སུ་ཐུགས་གསོ་ཞུ་དགོས། བཀའ་དྲིན་གསོལ་དགོས།

ལོ་གསར་ནི་གཏོང་གིས་ཡིན།གང་ལ་ཟེར་ན་ལོ་རྒྱུས་ཡུན་རིང་ལྡན་པའི་བོད་རིགས་རང་ཉིད་ཀྱི་ཐུན་མིན་ལམ་སྲོལ་ཞིག་ཡིན་པས་ལོ་གསར་གཏོར་འཆར་ཡོད།
རྒྱ་གཞུང་ལ་ངོ་རྒོལ་བྱེད་རྒྱུ་ཡིན།གང་ཡིན་ཟེར་ན་བོད་མི་གཞི་རྩའི་གནད་དོན་ལ་རྩིས་མེད་རྡོག་རོལ་བཏང་བཞིན་པ་དེ་ལ་ལོ་རྒོལ་མུ་མཐུད་བྱེད་རྒྱུ་ཡིན།