ཁ་སང་མགོ་ལོག་པདྨ་རྫོང་དབང་རུས་ཡུལ་ཚོ་བོད་རིགས་མི་མང་གིས་རྒྱ་གཞུང་ལ་ངོ་རྒོལ་བྱས་ཤིང་། རྒྱ་ནག་གི་རྒྱལ་དར་མར་ཕབ་སྟེ་མེར་བསྲེགས་བཏང་ཡོད་འདུག
ངྷ་སར་གནས་བཞུགས་ཚངས་དབྱངས་རྒྱ་མཚོ་ལགས་ཀྱིས་གནས་ཚུལ་བཏང་འབྱོར་ལ། ཕྱི་ཚེས་ ༢༦ ཉིན་མགོ་ལོག་པདྨ་རྫོང་དབང་རུས་ཡུལ་ཚོའི་བོད་མི་ཚོས་རྒྱ་གཞུང་ལ་ཞི་རྒོལ་བྱས་ཤིང་། དབང་རུས་ཡུལ་ཚོའི་རྒྱ་ནག་གི་རྒྱལ་དར་མར་ཕབ་སྟེ་མེར་བསྲེགས་བཏང་བ་དང་། དེའི་ཤུལ་དུ་ནང་པའི་ཆོས་དར་དང་༧གོང་ས་མཆོག་གི་སྐུ་པར་ཞིག་ཡར་ཕྱར་ཏེ་ངོ་རྒོལ་སྐད་འབོད་བྱས་ཡོད་འདུག
གནས་ཚུལ་ཡོང་ཁུངས་ནས་བརྗོད་པ་ལྟར་ན། སྐབས་དེར་རྫོང་ཉེན་རྟོག་པ་དང་དམག་མི་རླངས་འཁོར་ཆེ་ཆུང་ ༡༦ ཙམ་འབྱོར་ནས་བོད་མི་ཞི་རྒོལ་བ་ཚོར་གཅར་རྡུང་འཛིན་བཟུང་ཚབས་ཆེན་བྱས་ཡོད་ཀྱང་། མི་སུ་དག་འཛན་བཟུང་བྱས་ཡོད་མེད་ཀྱི་ཞིབ་ཕྲའི་གནས་ཚུལ་ཤེས་རྟོགས་ཐུབ་མ་སོང་ཟེར།
དེ་བཞིན་ཕྱི་ཚེས་ ༢༤ ཉིན་དབང་རུས་ཡུལ་ཚོའི་མི་སྐྱ་ ༦ གིས་པདྨ་རྫོང་ཐོག་ཏུ་ངོ་རྒོལ་སྐད་འབོད་སྐབས་འཛིན་བཟུང་བྱས་པ་དག་ལས་གཅིག་གི་མིང་ལ་ཚེ་བརྟན་དང་། གཅིག་གི་མིང་ལ་དམ་ཆོས་རྡོ་རྗེ་ཟེར་ཞིང་། ཚེ་བརྟན་ལགས་ཀྱི་ཕ་དང་སྤུན་མཆེད་གཉིས་ཀྱང་ཚུད་ཡོད་འདུག གནས་ཚུལ་ཡོང་ཁུངས་ཀྱིས་བརྗོད་ན། ཁོང་ཚོར་མནར་གཅོད་ཚད་ལས་བརྒལ་བ་བཏང་སྟེ་ད་ཆར་སྲོག་ཉེན་ལ་ཐུག་ཡོད་པ་དང་། ལྷག་པར་དུ་ཚེ་བརྟན་གྱིས་ཁ་གྲགས་མི་ཐུབ་པའི་གནས་སྟངས་ཆགས་ཡོད་འདུག
ཡང་ཕྱི་ཚེས་ ༢༦ ཉིན་པདྨ་རྫོང་སྡེ་ནང་ཡུལ་ཚོའི་གྲྭ་བ་ཞིག་གིས་རང་ལུས་ལ་རྡོ་སྣུམ་བླུགས་ཏེ། རྫོང་གི་སྲང་དཀྱིལ་དུ་སོང་སྟེ་རང་ལུས་མེར་བསྲེགས་གཏོང་རྩིས་བྱས་སྐབས། ཉེན་རྟོག་པ་དང་དམག་མིས་ཤེས་ཏེ་དེ་མ་ཐག་ཁོང་འཛིན་བཟུང་བཙན་འཁྲིད་བྱས་ཡོད་འདུག
དངོས་གནས་བྱས་ན་དེ་རེད།
དར་དམར་པོའི་འོག་ན་བདེ་སྐྱིད་ཅིག་མེད།
འོན་ཀྱང་ད་ཅི་བྱེད། མིག་གིས་བལྟས་བལྟས་ལ། རྣ་བས་ཉན་ཉན་ན་ལ།
མྱང་གིན་འདུག་གཱ
ཀཱི་ཀཱི་བསྭོ་བསྭོ་ལྷ་རྒྱལ་ལོ། །
སངས་རྒྱས་བསྟན་པའི་དགྲ་བོ་རྣམས། །
རྡུལ་ཕྲན་ཙམ་ཡང་མ་ལུས་པ། །
སྐད་ཉིད་དུ་རྡུལ་དུ་རློགས། །
ཀཱི་ཀཱི་བསྭོ་བསྭོ་ལྷ་རྒྱལ་ལོ། །
གཞིས་ལུས་སྤུན་ཟླ་ཡོངས་རྒྱལ་ལོ། །
བཟློག་གཅིག་བཟློག་གཅིག་ནག་ཕྱོགས་བཟློག །
ནག་ཕྱོགས་བསྟན་དགྲ་རྒྱ་དམར་བཟློག །
ཀཱི་ཀཱི་བསྭོ་བསྭོ་ལྷ་རྒྱལ་ལོ། །
རླབས་ཆེན་གྱི་ལས་འགན་དང་བྱ་བཞག་ཤིག་རེད། བོད་པ་ཚོ་སྙིང་རྗེ།
བུ་རྒོད་ཚོ་རང་དབང་རང་བཙན་རྩོད་སྟངས་ངོ་མ་འདི་འདྲ་ཞིག་ཡིན་ནི་རེད། ཉེན་ཁ་མ་བརྒྱུད་ནས་རང་དབང་རྩོད་པ་ནི་རང་དབང་རྩོད་ཁུལ་ཙམ་རེད། གཅིག་རྗེས་གཉིས་མཐུད་དུ་་་་
་་་་ དབང་རུས་ཡུལ་ཚོའི་རྒྱ་ནག་གི་རྒྱལ་དར་མར་ཕབ་སྟེ་མེར་བསྲེགས་བཏང་བ་དང་། དེའི་ཤུལ་དུ་ནང་པའི་ཆོས་དར་དང་༧གོང་ས་མཆོག་གི་སྐུ་པར་ཞིག་ཡར་ཕྱར་ཏེ་ངོ་རྒོལ་སྐད་འབོད་བྱས་ཡོད་འདུག ་་་་་
གནང་པ་འདི་ཤིན་ཏུ་ནས་ལེགས་པ་བྱུང་བ་རེད། རྒྱ་ནག་གི་རྒྱལ་དར་མར་ཕབ་སྟེ་མེར་བསྲེགས་བཏང་བ་དང་། དེའི་ཤུལ་དུ་བོད་ཀྱི་རྒྱལ་དར་མ་འཕྱར་བར།
ནང་པའི་ཆོས་དར་དང་༧གོང་ས་མཆོག་གི་སྐུ་པར་ཞིག་ཡར་ཕྱར་ཏེ་ངོ་རྒོལ་སྐད་འབོད་བྱས་པ་འདི་དབུ་ལམ་དང་མཐུན་པའི་ཞི་བའི་ངོ་རྒོལ་ཚད་མཐོ་པོར་སླེབས་པའི་རྟགས་རེད་ལགས། དགེའོ། དགེའོོ། དགེ་བར་འགྱར་ཅིག །ཧ་ཧ། ཀྭི་ཀྭི་བསྭོ་བསྭོ། ལྷ་རྒྱལ་ལོ། །
གོང་གསལ་གནས་ཚུལ་ཁོ་སྤྲོད་པ་ཚངས་དབྱངས་རྒྱ་མཚོ་ལགས་ཀྱི་ཁ་པར་ཨང་། 9882603991 / 8679044405