ཉེ་ལམ་རྒྱ་གཞུང་ཉེན་རྟོག་པས་ཞིན་ཅང་ཡུ་གུར་བའི་ཁྱིམ་ཚང་ཞིག་གི་མཐའ་བསྐོར་ནས་མེ་མདའ་བརྒྱབ་སྟེ་བུད་མེད་གཅིག་ཚུད་པའི་ཡུ་གུར་བ་དྲུག་དམར་གསོད་བཏང་ཡོད་འདུག
གཟའ་པ་སངས་ཉིན་ཨེ་ཤ་ཡའི་རྒྱ་སྐད་སྡེ་ཚན་གྱིས་གནས་ཚུལ་སྤེལ་པ་ལྟར་ན། ཟླ་སྔོན་མའི་ཕྱི་ཚེས་ ༡༩ ཉིན་ཞིན་ཅང་ཡུ་གུར་རིགས་རང་སྐྱོང་ལྗོངས་ཟེར་བའི་ཧི་ཐན་ཉེན་རྟོག་པས་སུ་ཁུ་གྲོང་ཚོའི་ཁྱིམ་ཚང་ཞིག་ག་མཐའ་བསྐོར་ཏེ། གང་བྱུང་མེ་མདའ་བརྒྱབ་སྟེ། ཡུ་གར་བུད་མེད་གཅིག་ཚུད་པའི་ན་གཞོན་ ༦ བསད་ཡོད་པ་དང་། མི་ ༢ གྲོས་བྱོལ་བྱས་ཡོད་ཀྱང་གྲོང་པ་གཞན་ཞིག་ཏུ་འཛིན་བཟུང་ཐེབས་ཡོད་འདུག
གནས་ཚུལ་དེའི་སྐོར་ལ་རྒྱ་ནག་གཞུང་ཕྱོགས་ནས་ཁང་པ་དེའི་ནང་གི་ཡུ་གུར་བ་དེ་དག་ནི་འཇིགས་སྐུལ་དྲག་སྤྱོད་པ་ཡིན་པ་དང་། ཁོ་ཚོའི་ལག་ཏུ་འགད་རྫས་བཟུང་སྟེ་ཞིང་སྲིད་གཞུང་ལ་ཕར་རྒོལ་བྱེད་འཆར་ཡོད་སྐོར་འདུག
འདས་པོ་དེ་དག་ནི་རང་ལོ་ ༡༧ ནས་ ༢༥ བར་ཡིན་པ་དང་རྒྱ་གཞུང་གིས་ཁོ་ཚོའི་ཕུང་པོ་རྣམས་འགྱིག་ཤོག་ནག་པོའི་ནང་དུ་བླུགས་པ་དང་། འདས་པོའི་ནང་མི་ཚོས་ཕུང་པོ་རྣམས་ཕྱིར་ཁོ་ཚོར་རྩིས་སྤྲོད་དགོས་པ་དང་། ཁོ་ཚོས་སྲོལ་རྒྱུན་འདས་མཆོད་བྱ་རྒྱུའི་ས་གནས་སྲིད་གཞུང་ལ་རེ་འབོད་ཞུས་ཡོད་ཀྱང་། ས་གནས་དཔོན་རིགས་ཚོས་ཕུང་པོ་དགོས་ན་རྫོང་སྤྱི་བདེ་ལས་ཁང་ལ་སོང་ཞེས་བརྗོད་ཡོད་སྟབས། ནང་མི་ཚོས་དེ་ལས་ལྷག་པའི་ཆག་སྒོ་ཡོང་སྲིད་པར་ཞེད་སྣང་བྱས་ཏེ་ཕུང་པོ་རྩིས་ལེན་བྱེད་ཐུབ་མི་འདུག
འཇར་མན་དུ་གནས་སྡོད་འཛམ་གླིང་ཡུ་གར་ལྷན་ཚོགས་ཀྱི་ཚོགས་མགྲིན་ཚབ་པ་ཏཱེ་ལི་ཞཱ་ཐེ་ཡིས། “རྒྱ་ནག་གཞུང་གིས་བཀག་སྡོམ་བྱས་ཏེ་ད་ལྟ་དོན་རྐྱེན་དེའི་བྱུང་རྐྱེན་ལ་རྒྱུས་ལོན་བྱེད་ཐུབ་ཀྱི་མི་འདུག་ཀྱང་། ས་གནས་ཀྱི་གནས་ཚུལ་ཕྱིར་ཐོན་པ་ལྟར་ན། ཉེན་རྟོག་པས་སྡོད་ཁང་ཞིག་གི་མཐའ་སྐོར་སྐབས་ཡུ་གུར་བས་ཉེན་རྟོག་པར་མཉམ་འབྲེལ་མ་བྱས་སྟབས། ཉེན་རྟོག་པས་མེ་མདའ་བརྒྱབ་སྟེ་ཡུ་གར་བ་ཚོ་བསད་ཡོད་ཚུལ་བརྗོད་ཡོད་ཀྱང་། རྒྱ་གཞུང་གིས་ད་དུང་གནས་ཚུལ་དེའི་སྐོར་ཁྱབ་བསྒྲགས་བྱས་མི་འདུག” ཅེས་དང་། ཁོང་གིས་མུ་མཐུད་དུ། “རྒྱ་ནག་ ༥ ། ༡ དུས་ཆེན་སྔོན་ལ། ཞིན་ཅང་གི་ལྷོ་རྒྱུད་ཧི་ཐན་དང་ཁཱ་ཤི་གྷར་བྱང་རྒྱུད་ཝོ་ལོ་མུ་ཆིསོགས་ཀྱི་ཡུ་གར་མི་མང་རྣམས་གཙང་བཤེར་ཆེན་པོ་བྱེད་བཞིན་ཡོད་པ་དང་། ཝོ་ལོ་མུ་ཆི་ཡིས་འགག་སྒོ་ཇེ་བཙན་དུ་བཏང་སྟེ། ཡུ་གར་མི་རིགས་ཀྱི་ཅ་དངོས་ལ་ཞིབ་བཤེར་བྱེད་བཞིན་ཡོད་འདུག ས་གནས་ཡུ་གར་མི་རིགས་དང་རྒྱ་ནག་སྲིད་གཞུང་བར་འགལ་བ་གཏིང་ཟབ་ཏུ་འགྲོ་བཞིན་པའི་སྟེང་། ཉེ་ཆར་རྒྱ་གཞུང་གིས་འདི་ལྟར་དྲག་གནོད་བྱེད་པ་ནི་བློ་ཚབ་སྐྱེས་དགོས་པ་ཞིག་རེད།” ཅེས་སོགས་བརྗོད་འདུག
ད་ལོའི་ཕྱི་ཟླ་ ༣ ཚེས་ ༤ ཉིན། ཨ་རིའི་ཝ་ཤིན་ཌོན་དུ་ཡོད་པའི་ཡུ་གར་འགྲོ་བ་མིའི་ཐོབ་ཐང་ལས་འཆར་ (Uyghur Human Rights Project) ཚོགས་པས། ༢༠༡༤ ལོའི་ཞི་ཅང་ས་ཁུལ་དུ་མི་ ༤༥༠ རྒྱ་གཞུང་གིས་དྲག་གནོན་ཁྲོད་དམར་གསོད་བཏང་ཡོད་པ་ཡོད་པ་དང་། ཡུ་གར་མི་རིགས་ལ་གནོད་སྐྱོན་ཐེབས་པའི་གྲངས་འབོར་རྒྱ་མི་རིགས་དང་བསྡུར་ན་ལྡབ་ ༣ ཡིན་ཚུལ་བརྗོད་འདུག
གསར་འགོད་པ། འཇིགས་མེད་རྒྱ་མཚོ།
ཞིང་(ཤིང་)ཅང་། སྤེལ་པ(བ)། ཁྱིམ་ཚང་ཞིག་ག(གི) ཡུ་གར་(གུར་) གྲོས་(བྲོས་)བྱོལ། ཞིང་(ཤང་)སྲིད་གཞུང་། ཡོད་སྐོར་(བརྗོད་)འདུག ཝོ་ལོ་མུ་ཆིསོགས་(ཨུ་རུ་མུ་ཆིངས་) ཝ་ཤིན་ཌོན་(ཊོན་) ཡོད་པ་ཡོད་པ་དང་། (ཡུ་གར། ཡུ་གར། ཡུ་གར)
གནས་ཚུལ་བཀླགས་པ་ཡིན། གནས་ཚུལ་དུས་ཐོག་ཏུ་སྤེལ་བར་ཐུགས་རྗེ་ཆེ། འོན་ཀྱང་དག་ཆ་ལ་ཅུང་གཟབ་དགོས་པ་འདྲ།