གསར་སྙིང་།

བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་དྲུང་འཕར་ཟུར་པ་ཤོ་ཟུར་ཚེ་དབང་སྒྲོལ་མ་ལགས་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་དུ་བསྐོས་བཞག་གནང་སྟེ། དེ་རིང་སྔ་དྲོར་འགན་འཛིན་གསར་རྙིང་གཉིས་བར་རྩིས་སྤྲོད་རྩིས་ལེན་གནང་འདུག་་་

ཉི་ཧོང་གོང་མ་ཁྲི་འདོན་གནང་བར་༧གོང་ས་རྒྱལ་བ་རིན་པོ་ཆེ་མཆོག་ནས་འཚམས་འདྲིའི་གསུང་འཕྲིན་བསྩལ་ཏེ་ཡབ་ཆེན་གོང་མའི་མཛད་པ་རྒྱུན་སྐྱོང་གནང་བའི་སྙིང་སྟོབས་ལ་བསྔགས་བརྗོད་ཡོད་ཅེས་གསུངས་འདུག་་་

རྒྱ་ནག་གཞུང་གིས་ཡང་བསྐྱར་ཁ་ན་ཌའི་མི་སེར་ཞིག་དང་རྒྱ་མི་ཞིག་ལ་མྱོས་རྫས་ནག་ཚོང་བྱས་པའི་ཉེས་མིང་འོག་སྲོག་ཁྲིམས་བཅད་ཡོད་པ་དེར་ཁ་ན་ཌ་གཞུང་ནས་བློ་འཚབ་ཆེན་པོས་སྐྱོན་བརྗོད་གནང་འདུག་་་

༧གོང་ས་མཆོག་གིས་ཡུན་རིང་ནས་བོད་དོན་ལ་རྒྱབ་སྐྱོར་ཤུགས་ཆེན་གནང་མཁན་ཨ་རིའི་གྲོས་ཚོགས་འཐུས་མི་སྐུ་ཞབས་རི་ཆར་ཌི་ལུ་གྷར་མཆོག་སྐུ་གྲོངས་པར་བརྟེན་ཁོང་གི་ཤུལ་ལུས་ནང་མི་རྣམས་ལ་ཐུགས་གསོའི་གསུང་འཕྲིན་བསྩལ་འདུག་་་

རྒྱ་ནག་གཞུང་གིས་བོད་ཀྱི་རྒྱལ་ས་ལྷ་ས་ནས་ཉིང་ཁྲི་བར་གྱི་མོན་ལ་རུ་མྱུར་སྐྱོད་ཕུག་ལམ་བཟོས་ཏེ་ལམ་ཐག་སྤྱི་ལེ་ ༡༢ ལྷག་ཐུང་དུ་ཕྱིན་ཡོད་སྐོར་བརྗོད་འདུག་་་

བསང་གསོལ་སྐབས་༧པཎ་ཆེན་ཡང་སྲིད་རིན་པོ་ཆེ་མཆོག་ཀློད་གྲོལ་དགོས་པ་དང་༧རྒྱལ་བ་པཎ་ཆེན་རྣམ་གཉིས་བོད་ནང་ཞལ་འཛོམས་དགོས་སྐོར་སྐད་འབོད་བྱས་ཡོད་པའི་ཉེས་མིང་འོག་ནས་བོད་རིགས་གཞོན་སྐྱེས་གསུམ་འཛིན་བཟུང་བྱས་འདུག་་་

རྒྱ་གར་གཞུང་གིས་བོད་མིའི་སྐྱབས་བཅོལ་ལག་དེབ་དུས་འགྱངས་རྗེས་ལུས་ཐེབས་ན་ཉེས་ཆད་ཨ་སྒོར་གཅོད་རྒྱུ་ཡིན་པའི་ཐག་གཅོད་དེར་འགྱུར་བ་ཆེན་པོ་བཏང་འདུག་་་

བོད་ཀྱི་བུད་མེད་ལྷན་ཚོགས་ཀྱི་ཞི་བའི་གོམ་བགྲོད་པ་རྣམས་ཀྱི་རྐང་པར་ཆུ་ལྒང་ཐོན་ནས་སྐྲང་པ་དང་ཚ་བ་ཆེ་དྲག་པ་མ་གཏོགས་དཀའ་ངལ་གཞན་འཕྲད་ཀྱི་མི་འདུག་ཅེས་བརྗོད་བྱུང་།་་་