ད་ལྟ་རང་གནས་ཚུལ་འབྱོར་བ་ལྟར་ན། མདོ་སྨད་རེབ་གོང་མདོ་བ་འབྲོག་ནས་ཡིན་པའི་གྲྭ་བཤད་སྒྲུབ་ལོ་ ༤༠ ཡས་མས་ལགས་ཀྱིས་ཉིན་ཤས་སྔོན་རང་སྲོག་བཅད་པའི་གནས་ཚུལ་བྱུང་འདུག
གྲྭ་བཤད་སྒྲུབ་ཀྱིས་རང་སྲོག་གཅོད་དོན་ལ་འབྲེལ་ཡོད་གནས་ཚུལ་མཁོ་གཏོང་བས་འགྲེལ་བཤད་བརྒྱབ་པ་ལྟར་ན། ཕྱི་ལོ་ ༢༠༠༨ ལོར་རེབ་གོང་ནས་ཞི་བའི་ངོ་རྒོལ་སྔ་རྗེས་སྤེལ་བའི་ནང་མཉམ་ཞུགས་ཞུས་པར་བརྟེན། ས་གནས་རྒྱ་གཞུང་གི་ཉེན་རྟོག་པས་འཛིན་བཟུང་བཀག་ཉར་གྱིས་གཅར་རྡུང་ཚད་མེད་བཏང་སྟེ་གློད་འདུག་ནའང༌། ད་ལོའི་གསུམ་བཅུའི་དུས་དྲན་སྔོན་ཙམ་ནས་ཡང་བསྐྱར་འཛིན་བཟུང་བྱ་རྒྱུའི་མིང་གཞུང་ནང་ཚུད་དེ་འཛིན་བཟུང་བྱེད་གཏན་འཁེལ་བར་གཡོལ་བྱོལ་བྱས་འབྲེལ། རི་གསེང་རྫ་གསེང་སོགས་མི་མེད་ལུང་སྟོང་ནས་གབ་ཡིབ་ཀྱིས་བསྡད་ཅིང༌། བར་ལམ་ནས་རི་གསེང་རྫ་གསེང་ནས་ཀྱང་སྡོད་བཟོ་མ་བདེ་བ་བྱུང་སྟབས། ཉིན་བཅུའི་སྔོན་མདོ་བ་འབྲོག་གི་དགོན་པ་ནས་རང་སྲོག་རང་གིས་བཅད་ཡོད་འདུག
འདི་ནས་གནས་ཚུལ་རྒྱུས་ལོན་བྱུང་བར། གྲྭ་བཤད་སྒྲུབ་ལགས་ནི་རྒྱ་གར་ལྷོ་ཕྱོགས་དགའ་ལྡན་ཀླུ་འབུམ་ཁང་ཚན་ནས་ལོ་ངོ་བཅུའི་རིང་སློབ་གཉེར་གྱིས་དབུ་མ་འཛིན་གྲྭའི་མཚམས་ཏེ། ཕྱི་ལོ་ ༢༠༠༦ ལོར་ཕྱིར་ཕ་ཡུལ་དུ་ལོག་ཡོད་པ་དང༌། ཕ་མིང་ལ་སྒྲོལ་མ་སྐྱབས་ཞུ་ཡི་ཡོད་འདུག
གནས་ཚུལ་མཁོ་འདོན་པ། རྡོ་རྗེ་དབང་ཕྱུག
བོད་ལ་ཤ་ཞེན་ཡོད་པ་བདེན་ནི་རེད།་་འོན་ཀྱང་ཐབས་སྐྱོ་བོ་དེ་འདྲ་བྱས་ཏེ་ཕན་པ་མེད་པ་མ་ཤེས་པ་ཅིན་ཡིན།་།
མཁྱེན་སྤྱན་མཆོག་ཏུ་ཡངས་པའི་དྲ་གྲོགས་ལྷན་རྒྱས་མཆོག་ལ།
་་་་་་་་་་་་་་་་་་་་་གུས་པས་ཞུ་གསོལ།་་་་་ང་རང་གི་ངོས་ནས་དྲ་གྲོགས་ཚོའི་སྤྱན་ལམ་དུ་བསམ་ཚུའ་འགའ་འབྲི་བར་འདོད་ཀྱང་རང་ཉིད་ཀྱི་ཟིན་བྲིས་ནང་བསམ་ཚུལ་འབྲི་མ་ཐུབ་པ་དང་།་ཇི་ལྟར་བྱས་ཏེ་འབྲི་དགོས་པ་སོགས་ཀྱི་ཆེད་ང་ལ་ལམ་སྟོན་གནང་རོགས།་་་བློ་བཟང་རབ་དགས།
བདེ་ལྡན་ཞིང་དུ་སྐྱེ་བའི་སྨོན་ལམ་འདེབས།
སྐྱབས་སུ་མཆི་ད་ལོ་གྲྭ་བས་རང་སྲོག་གཅོད་པའི་ལོ་ཞིག་ཡིན་ས་རེད། འདི་ཡང་གུང་ཁྲན་ཞེ་ནག་ལན་པ་རེད། ད་ང་ཚོས་ཅི་བྱེད་རྩིས་ཡིན ། བོད་མགོ་ནག་ཐོག་ལ་ལོ་ནག་མཛད་མཐའ་མེད་པ་ཞིག་གང་ནས་སླེབས་པ་ཡིན་ན །
ཉིན་གཉིས་གསུམ་ཞིག་གི་རིང་ལ་མི་བཞི་ལྔ་ཞིག་གི་ཚེ་སྲོག་འཕྲོག་གི་འདུག བོད་ནང་གི་ཛ་དྲག་གི་གནས་སྟངས་ངོ་མ་དེ་འདི་འདྲ་ཞིག་རེད།
ཕྱི་ལོ་ ༢༠༠༨ ཕྱི་ཟླ་ ༣ ནས་བོད་ཡུལ་སྟོད་སྨད་བར་གསུམ་དུ་བོད་མི་འུ་ཐུག་ཐབས་ཟད་ཀྱིས་རང་ཤི་རྒྱག་དགོས་ཐུག་པ་ང་ཚོས་ཤེས་རྟོགས་བྱུང་བ་ཁོ་ན་བརྩིས་ནའང་བཅུ་ཉི་ཤུ་ཞིག་ལོངས་ས་ཡོད།
ཁོང་ཅག་གི་ཁྲག་ཐིགས་པ་གཅིག་ཀྱང་ཆུད་ཟོས་སུ་མ་འགྲོ་བ་ཞིག་ང་ཚོས་ངེས་པར་བྱེད་དགོས།