ཡུན་ནན་ལ་ས་འགུལ།

རྒྱ་དམར་ནི་བོད་མི་དང་རྒྱ་མི་གཉིས་ཀའི་དགྲ་ངན་རེད།
རྒྱ་དམར་གྱི་སྲིད་དབང་ལ་ཉེན་ཁ་ཡོད་ན་བོད་མི་དང་རྒྱ་མི་ཁྱད་མེད་ཀྱི་བཙན་གནོན་བྱེད་པ་ངེས་ཡིན།དེ་ཡིན་པའི་རྐྱེན་གྱིས་ངེད་ཅག་བོད་པ་ཚོ་ས་ཡོམ་དུ་ཚེ་ལས་འདས་པའི་རྒྱ་མི་དང་མི་རིགས་གཞན་པ་ཚང་མ་ལ་སྙིང་རྗེ་ཤ་ཚའི་བསམ་བ་ཡོད་དགོས།

ལོ་ངོ་ཉིས་སྟོང་གི་ཡར་སྔོན་ལ་སངས་རྒྱས་ཀྱིས་འདུས་བྱས་ཐམས་ཅད་མི་རྟག་པ་ཞེས་གསུངས་པ་ལྟར་ནང་པའི་རྗེས་འཇུག་ཚོས་ཀྱང་ལུང་ཚད་མ་ལ་བརྒྱབ་བརྟེན་བཅོལ་ནས་ཡིད་ཆེས་བྱས་ཡོད།
ནུབ་ཕྱོགས་ཀྱི་གྲགས་ཅན་ཚནརིག་པ་ཨཡིན་སེ་ཏིན་གྱིས་ཁོན་ཊོན་དངོས་ཁམས་རིག་པའི་ནང་ཆོས་ཅམས་ཅད་སྐད་ཅིག་ཀྱང་རྒྱུན་མི་བརྟན་པའི་རང་བཞིན་དུ་བརྟོགས་ནས་ཚན་རིག་པ་ཚོས་མྱོང་བ་ཚད་མ་ལ་གཞི་བཅོལ་ཏེ་ཡིད་ཆེས་བྱེད།

དུས་རབས་ཉེར་གཅིག་པ་འདིར་༸ གོང་ས་མཆོག་གིས་སངས་རྒྱས་ཀྱི་གསུང་གི་སྙིང་པོ་ཟབ་མོ་སྟོང་ཉིད་རིག་པ་འདི་དང་། དེང་རབས་ཚན་རིག་ཁྲོད་ངོ་མཚར་ཆེ་བའི་ཁོན་ཊོན་དངོས་ཁམས་རིག་པའི་ཤེས་རིག་འདི་གཉིས་ཐད་ལ་མཐུན་ཆ་ཞིག་ཡོད་པ་དེ་མངོན་སུམ་གྱི་མྱོང་བ་ཚད་མ་དང་། རྒྱུ་མཚན་ཚད་མ། ལུང་ཚད་མ་དག་ལས་དག་ཐེར་ཆེས་ཆེར་མཛད་བཞིན་ཡོད།
རྒྱ་ནག་ཙམ་མ་ཟད་འཇིག་རྟེན་འདིར་དར་རྒུད་སྣ་ཚོགས་ཅིག་བྱུང་དང་འབྱུང་བཞིན་པ་འདིས་རང་བྱུང་གི་ཁམས་ཆེན་པོས་ང་ཚོར་ངེས་མེད་ཆོས་ཉིད་ཀྱི་གོ་རྟོགས་ཡང་དག་ཞིག་མངོན་སུམ་དུ་ར་སྤྲོད་བྱེད་བཞིན་པ་ཞིག་མ་ཡིན་ནམ།།

མི་རིགས་མང་པོས་ཞི་རྒོལ་དང་། རང་བྱུང་ཁམས་ཀྱིས་དྲག་རྒོལ་གཉིས་ཀྱིས་རྒྱ་དམར་གྱི་ལས་དབང་ལ་ཉེན་བརྡ་ཞིག་སྤྲོད་ཀྱིན་འདུག ཁེ་མཚར་བ་ཞིག་ལ་ན་ལོ་བོད་པའི་ཞི་རྒོལ་གྱི་མཇུག་དང་ད་ལོ་ཤིན་ཅང་ཞི་རྒོལ་གྱི་མཇུག་ཐོག་དེ་ག་རང་དུ་ས་ཡོམ་འདི་རྒྱུ་མཚན་ཞིག་མེད་དམ

མ་རྒན་སེམས་ཅན་འདི་ཚོ་སྙིང་རེ་རྗེ།

ས་འགུལ་གྱིས་ཀྱང་ཉེས་མེད་མི་མང་ལ་ཐུབ་ཚོད་གཏོང་གི་འདུག སྙིང་རེ་རྗེ།