གཞིས་རྩེ་རུ་ཞི་བདེ་གནམ་ཐང་ཞེས་པ་ཞིག་གསར་བསྐྲུན་བྱེད་བཞིན་འདུག
ཟླ་འདིའི་ཕྱི་ཚེས་ ༢༦ ཉིན་ཤིན་ཧྭ་གསར་ཁང་ནས་གནས་ཚུལ་སྤེལ་བ་ལྟར་ན། གཞིས་ཀ་རྩེར་རྒྱ་གཞུང་གིས་”ཞི་བདེ་གནམ་ཐང་”ཞེས་པ་ཞིག་གསར་འཛུགས་ཀྱིས་འཆར་ལོའི་ལོ་མཇུག་སུ་ལས་མཇུག་བསྒྲིལ་རྒྱུ་ཡིན་ཚོད་འདུག གཞིས་ཀ་རྩེའི་ས་གནས་ཀྱི་འགོ་འཛིན་སྐལ་བཟང་ཚེ་རིང་གིས་བཤད་ཚུལ་ལྟར་ན། ཞི་བདེའི་གནམ་ཐང་དེ་ནི་གཞིས་རྩེ་ནས་ཀི་ལོ་མི་ཊར་ ༤༨ ཙམ་སར་ཡོད་པ་དང། འཆར་ལོའི་ཟླ་བ་ ༡༠ པའི་ནང་གནམ་ཐང་དངོས་སུ་བེད་སྤྱད་རྒྱུ་ཡིན་ཚུལ་བཤད་ཡོད་འདུག ཐེངས་འདིའི་གནམ་ཐང་བཟོ་སྐྲུན་ལ་རྒྱ་སྒོར་ས་ཡ་ ༤༨༠ ཙམ་འགྲོ་གྲོན་བཏང་ཡོད་ཅིང། ཕྱི་ལོ་ ༢༠༢༠ ནང་ལོ་རེར་འགྲུལ་བཞུད་པ་ ༢༣༠།༠༠༠ ཙམ་ཕར་འགྲོ་ཚུར་འོང་ཐུབ་པ་དང། དོ་ཟོག་ ༡།༡༥༠ ཙམ་འོར་འདྲེན། དེ་བཞིན་གནམ་གྲུ་འཕུར་འབབ་ཐེངས་ ༢༥༨༠ ཙམ་བྱེད་ཐུབ་རྒྱུའི་སྔོན་དཔག་བྱས་ཡོད་འདུག ཐེངས་འདིའི་གནམ་ཐང་གསར་རྒྱག་དེས་གཞིས་ཀ་རྩེའི་ཡུལ་སྐོར་ཚོགས་པ་དང། གནས་ཡུལ་ཡར་རྒྱས་གང་མང་ཡོང་རྒྱུར་དམིགས་པ་ཞིག་ཡིན་འདུག གང་ལྟར་ཡང་བོད་རང་སྐྱོང་ལྗོངས་སུ་ད་ཐེངས་ཀྱི་གཙོས་པའི་གནམ་ཐང་ལྔ་ཡོད་ཅིང། དང་པོ་ནི། ལྷ་སའི་གོང་དཀར་གནམ་ཐང། གཉིས་པ་ཉིང་ཁྲིའི་སྨན་ལིང་གནམ་ཐང། གསུམ་པ་ཆབ་མདོའི་པན་ཌ་གནམ་ཐང། བཞི་པ་མངའ་རིས་སུ་ད་ལྟ་བསྐྲུན་བཞིན་པའི་གནམ་ཐང་། ལྔ་པ་གཞིས་ཀ་རྩེའི་ཞི་བདེ་གནམ་ཐང་བཅས་ཡིན་འདུག
རྩོམ་སྒྲིག་པ་ལགས། ལྷ་སའི་ཁོང་དཀར་གནམ་ཐང་ཟེར་མ་རེད། ལྷ་ོཁའི་གོང་དཀར་གནམ་ཐང་ཟེར་གྱི་ཡོད་རེད།